ឃុំម៉ីហ្វាអនុវត្តសម្រេចគោលដៅកសាងជនបទថ្មី

     ដើម្បីធានាផែនការដែលបានដាក់ចេញ មូលដ្ឋានបានកៀរគរប្រភពកម្លាំងជាច្រើនអនុវត្តបណ្តាលក្ខឋានខាងលើគិតមកទល់ត្រៃមាសទី ៤ ឆ្នាំ ២០២០ ឃុំម៉ីហ្វាសម្រេច ១៩/១៩ លក្ខឋានកសាង ជនបទថ្មី។ មូលដ្ឋាននេះបានសហការជាមួយអង្គភាពពិគ្រោះយោបល់ធ្វើសម្រេចការឡើងគ្រោងផែនការជម្រាបជូនគណៈកម្មាធិការប្រជាជនស្រុកផ្តល់សច្ចាប័ន បិទប្រកាសជាចហប្លង់ឡើងគ្រោងផែនការកសាងជនបទថ្មី។ ទន្ទឹមនឹងនោះ ឃុំក៏បានកៀរគរប្រភពកម្លាំងជំរុញមាំការអនុវត្តន៍លក្ខឋានអំពីផ្លូវគមនាគមន៍ជនបទ ជាក់ស្តែងគឺផ្លូវស្នូលរបស់ឃុំតភ្ជាប់ឃុំជាមួយប្រវែង ៧,៥ គីឡូម៉ែត្របានកសាងជាផ្លូវកៅស៊ូ ស្រូបយកអត្រា១០០% ផ្លូវស្នូលក្នុងភូមិតភ្ជាប់ភូមិជាមួយប្រវែងចំនួន ៨,៧ គីឡូម៉ែត្រ បានកសាងរឹងមាំ សម្រេច ១០០% ផ្លូវច្រកភូមិ សរុបប្រវែង ១៦,២ គីឡូម៉ែត្របានកសាងរឹងមាំសម្រេចជាង ៦០% ផ្លូវស្នូលចម្បងក្នុងវាលស្រែជាមួយប្រវែងចំនួន ២០,១ គីឡូម៉ែត្រ ធានារឹងមាំសម្រេចជាង ៥០%។ បច្ចុប្បន្ន ឃុំកំពុងកសាងផ្លូវគមនាគមន៍ចំនួន 0៦ ខ្សែទៀតជាមួយប្រវែង ៣.៨៣៧ ម៉ែត្រ សរុបថវិកាជិត ៤ ពាន់លានដុង ក្នុងនោះផ្លូវកៅស៊ូពីលូឡុងហ្វា-ផ្លូវជនបទលេខ ១៩ (ខ្ទឹង-ហ្វាហ៊ឹង-ទៀវថ្មី) មានប្រវែង ២.០០០ ម៉ែត្រ ជាមួយថវិកាកសាង ២ ពាន់លានដុង ចលនាអាជីវកម្ម និងបណ្តាសប្បុរសជនឧបត្ថម្ភបង្កើនកម្រិតបណ្តាសំណង់ដែលទ្រុឌទ្រោម ។

ដងផ្លូវភ្លឺ-បៃតង-ជ្រះ-ស្អាតនៅភូមិទៀវថ្មី។

   ជ្រោមជ្រែងជាមួយចលនាកសាងជនបទថ្មី គ្រួសារបងថាច់សុង នៅភូមិទៀវថ្មីបានបរិច្ចាគ ដី ៤០០ ម៉ែត្រក្រឡាសម្រាប់កសាងផ្លូវគមនាគមន៍។ បងថាច់សុងសំណេះសំណាល៖បើគិតតែផលប្រយោជន៍ផ្ទាល់ខ្លួនមិនដឹងតើពេលណាទើបមូលដ្ឋានមានផ្លូវគមនាគមន៍សម្រាប់បម្រើការដឹកជញ្ជូនកសិផលរបស់ប្រជាជន។ រដ្ឋគិតគូរផលប្រយោជន៍ជូនប្រជាជននោះប្រជាជនក៏មានការបដិភាគតាមសមត្ថភាព ដើម្បីរួមចំណែកដល់ការកសាងមាតុភូមិឱ្យកាន់តែស្រស់បំព្រងជាង។

    ចំពោះលក្ខឋានសាលារៀនដើមឆ្នាំ ២០២០  ឃុំមិនទាន់មានមូលដ្ឋានសម្ភារសម្រេចលក្ខឋានជាតិតាមការកំណត់។ អាស្រ័យហេតុនោះ ឃុំស្នើទៅថ្នាក់លើឲ្យឧបត្ថម្ភថវិកាជាង ១២ ពាន់លានដុងដំណើរការកសាងបន្ទប់រៀន ៤ បន្ទប់នៅសាលាអនុវិទ្យាល័យម៉ីហ្វា ជាមួយទ្រង់ទ្រាយមួយជាន់ក្រោម មួយជាន់លើ និងកែប្រែផែនបន្ទប់រៀនដែលមាននាពេលបច្ចុប្បន្ន(មួយជាន់ក្រោម មួយជាន់លើ) ដំណើរការជួសជុលសាលាបឋមសិក្សាម៉ីហ្វា(អា) សម្រេចក្នុងត្រៃមាសទី ៤ ឆ្នាំ ២០២០។ ចំពោះសាលាមត្តេយ្យ សហការជាមួយការិយាល័យអប់រំ និងបណ្តុះបណ្តាលស្រុកពិនិត្យឡើងវិញបណ្តាខ្លឹមសារស្ដីពីសាលាសម្រេចសម្បទាជាតិ និងសម្រេចបណ្តាសំណុំលិខិតទទួលស្គាល់។

    អនុវត្តលក្ខឋានអំពីលំនៅឋានអាសយជន៖ ដើមឆ្នាំ ២០២០ ឃុំនៅមាន ២៥/២.៦១១ គ្រួសាររស់នៅក្នុងផ្ទះបណ្តោះអាសន្ន ស្រូបយកអត្រា ០,៩៥%។ ចំនួនគ្រួសារមានផ្ទះសម្រេចសម្បទារបស់ក្រសួងស្ថាបនាប្រមាណ២.១២៣ គ្រួ សម្រេច ៨១,៣% ចំនួនគ្រួសារមិនទាន់សម្រេចសម្បទាចំនួន ៤៦៣ គ្រួ ស្រូបយកអត្រា ១៧,៧%។ ផ្តើមពីភាពជាក់ស្តែងខាងលើ ឃុំសហការជាមួយផ្នែកពាក់ព័ន្ធ ក្នុងនោះ ស្នើថ្នាក់លើឧបត្ថម្ភថវិកាសាងសង់ផ្ទះ ១៤ ខ្នង ជូនគ្រួសារដែលកំពុងរស់នៅក្នុងផ្ទះបណ្តោះអាសន្ន គួបផ្សំជាមួយការ ចលនាបណ្តាសប្បុរសជន រួមចែករំលែកជាមួយបណ្តាស្ថានភាពគ្រួសារដែលរស់ក្នុងផ្ទះបណ្តោះអាសន្ន។

     ក្នុងការអនុវត្តន៍លក្ខឋានវប្បធម៌ ក្នុងត្រៃមាសទី ៤ ឆ្នាំ ២០២០ ឃុំបំផុសចលនាភូមិទៀវចាស់ ហ្វាទិញ ផ្នោរព្រហូត និងភ្លឺព្រែកទី ១ អនុវត្តសម្រេចលក្ខឋានវប្បធម៌ ជនបទថ្មី បង្កើនចំនួនគិតមកទល់ពេលនេះ ឃុំមាន ៨/៨ ភូមិសម្រេចលក្ខឋានវប្បធម៌ ជនបទថ្មី។ ទន្ទឹមនឹងនោះ មូលដ្ឋាននៅទាំងជំរុញការអនុវត្តន៍បណ្តាចលនាវប្បធម៌ អប់រំកាយ កីឡា អភិរក្ស និងពង្រីកតម្លៃវប្បធម៌ប្រពៃណី រក្សាល្អក្លឹបចម្រៀងតាយតឺនៅភូមិភ្លឺព្រែកទី ២។

   លោកស្រីវ៉ធីធូហា ប្រធានគណៈកម្មាធិការប្រជាជនឃុំម៉ីហ្វាបានឱ្យដឹង៖ អនុវត្តសម្រេចបណ្តាលក្ខឋានអំពីកសាងជនបទថ្មី រយៈពេលកន្លងមានការសកម្មចូលរួមរបស់បណ្តាផ្នែកជំនាញ ក្រុមជំនួយការបណ្តាអង្គការមហាជន និងការជ្រោមជ្រែងរបស់ប្រជាជន។ អ្វីដែលស្ថិតក្នុងសិទ្ធិអំណាចរបស់ថ្នាក់លើ មូលដ្ឋានធ្វើការស្នើឱ្យដោះស្រាយបានឆាប់រហ័ស បំផុតគឺប្រភពទុនទឹកស្អាត និងអនាម័យបរិស្ថានដើម្បីវិនិយោគទៅក្នុងការកសាងបង្គន់ បន្ទប់ទឹក អុងផ្ទុកទឹកប្រើប្រាស់ស្របអនាម័យ និងវិនិច្ឆ័យជាតិសំណល់ពីទ្រុង ក្រោលចិញ្ចឹមសត្វជូនប្រជាជននៅក្នុងឃុំ សំណង់មួយចំនួនដែលកំពុងកសាងក៏បានស្នើដល់អង្គភាពដំណើរការធានាអំពីពេលវេលាដើម្បីបានប្រគល់ដាក់ឱ្យប្រើប្រាស់ត្រូវតាមផែនការ។ ផ្តើមពី នោះ គិតមកទល់ពេលនេះ អាចនិយាយបានថា ការខិតខំរបស់បណ្តាផ្នែកគ្រប់លំដាប់ថ្នាក់ និងប្រជាជនក្នុងឃុំបានឈានដល់គោលដៅ។ ឃុំកំពុងបំពេញសំណុំលិខិត ដើម្បីស្នើទទួលស្គាល់ឃុំវប្បធម៌​ ជនបទថ្មី យ៉ាងយឺតបំផុតនៅដើមឆ្នាំ ២០២១៕​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ​​​​​​​​​​​​​​​​​​​​​​​​​​​​​​​​​​​​​​          

អត្ថបទ-រូបថត៖ ថាច់សម្បត្តិ