ឃុំញីទ្រឿងអនុវត្តសារាចរលេខ ១៥ ភ្ជាប់ជាមួយការកសាងជីវភាពវប្បធម៌

ដងផ្លូវជាច្រើនលើភូមិសាស្រ្តឃុំញីទ្រឿង កសាងសម្រេចបៃតង-ជ្រះ-ស្អាត។

          ក្រោយពេលសារាចរលេខ ១៥ ស្តីពី “បង្កើនការគ្រប់គ្រងសណ្តាប់ធ្នាប់សាងសង់ អនាម័យបរិស្ថាននៅតាមបណ្តាទីក្រុង តំបន់អាសយជន ក្នុងសកម្មភាពផលិត-ធ្វើអាជីវកម្ម សេវាកម្មលើភូមិសាស្រ្តខេត្តត្រាវិញ” និងផែនការលេខ ០១/KH-UBND ចុះថ្ងៃទី ១១ មករាឆ្នាំ ២០១៧ របស់គណៈកម្មាធិការប្រជាជនខេត្តស្តីពី “បណ្តាសកម្មភាពកែលម្អទិដ្ឋភាពបរិស្ថាន កែលម្អទីក្រុង អនាម័យសុវត្ថិភាពគ្រឿងបរិភោគ រៀបចំសណ្តាប់ធ្នាប់សុវត្ថិភាពចរាចរណ៍ឡើងវិញ” គណៈកម្មាធិការបក្ស គណៈកម្មាធិការប្រជាជនឃុំញីទ្រឿងបានធ្វើឱ្យជាក់ច្បាស់ជាបណ្តាសកម្មភាពជាក់ ស្តែង​សមស្របជាមួយស្ថានភាពរបស់មូលដ្ឋាន រួចផ្សព្វផ្សាយអនុវត្តយ៉ាងទូលំទូលាយក្នុងកម្មាភិ​បាល បក្ខជន បុគ្គលិក និយោជិត សមាជិកសម្ព័ន្ធយុវជន សមាជិកសមាគមអង្គការមហា​ជន និងប្រជាជន។ ទន្ទឹមនឹងនោះ តម្រូវឱ្យបណ្តាសមាជិកជួយឧបត្ថម្ភ តាមដាន ដាស់តឿន​ចូលរួមជ្រោមជ្រែងជាមួយនឹងប្រជាជន បច្ចុប្បន្ន បណ្តាភូមិលើភូមិសាស្រ្តមានភាពវិវឌ្ឍន៍យ៉ាងសកម្ម។

          គិតដោយឡែកតាំងពីដើមឆ្នាំ​ ២០២១ មកទល់ពេលនេះ ឃុំញីទ្រឿង ចាត់តាំងផ្សព្វផ្សាយអំពីសារាចរលេខ ១៥-CT/TU ពេលប្រជុំប្រជាជនបានជាង ៧០ លើក ដោយមានប្រជាជនជាង ៤០០ លើកនាក់ចូលរួម។ បណ្តាអង្គការមហាជនឃុំ ចង្អុលការសហការជាមួយបណ្តាសាខា ក្រុមសមាគមអង្គការមហាជនកសាងទម្រង់ជ្រោមជ្រែងបាន ០៦ កន្លែងអនុវត្តនៅតាមបណ្តាភូមិ សាលារៀន ដូចជា៖ ទម្រង់បង្វែរសំរាមឲ្យទៅជាប្រាក់ ដងផ្លូវគ្មានសំរាម ចិញ្ចឹមសត្វធានាអនាម័យ។ល។ មានសមាជិក សមាគមអង្គការមហាជនជាង ១.២០០ នាក់ចូលរួម និងផ្សព្វផ្សាយចលនា កសាងដងផ្លូវបៃតង-ជ្រះ-ស្អាត។ ទន្ទឹមនឹងនោះ​បណ្តាអង្គការមហាជនដូចជា៖  សមាគមអតីតយុទ្ធជន សមាគមកសិករ សមាគមសហព័ន្ធនារី​ សហការបង្កើតក្លឹបបរិស្ថាន​និង រក្សាបណ្តាសកម្មភាព អនុវត្តការធ្វើអនាម័យតាមការកំណត់ ញ៉ាំងឱ្យទិដ្ឋភាពបរិស្ថានជនបទមានភាពស្រស់ស្អាត​ជាង។

        តាមការស្ថិតិរបស់គណៈកម្មាធិការប្រជាជនឃុំញីទ្រឿងអនុវត្តសារាចរលេខ ១៥ និងផែនការលេខ ០១ រួមជាមួយការផ្សព្វផ្សាយបណ្តាគោលនយោបាយដែលទាក់ទង​ដល់ជីវភាពរបស់ប្រជាជន ។ ជាក់ស្តែង បច្ចុប្បន្ន អត្រាគ្រួសារប្រើប្រាស់បន្ទប់ទឹក បង្គន់ស្របអនាម័យសម្រេចជាង ៨៦% ប្រៀបជាមួយចំនួនគ្រួសារប្រជាជនលើភូមិសាស្រ្ត គ្រួសារចិញ្ចឹមពាហនសត្វ បក្សីសត្វជាង ៦៥% បានចលនាអនុវត្តអនាម័យត្រូវតាមសេចក្តី​កំណត់ មិនធ្វើឱ្យប៉ះពាល់ដល់បរិស្ថាន។ សំរាមពីការប្រជុំជីវភាព ពីការផលិត ធ្វើអាជីវកម្ម​តែងបានប្រមូល។ល។

        ផ្សារញីទ្រឿងជាកន្លែងទាក់ទាញបណ្តាគ្រួសារជួញដូរ និងប្រជាជនពីកន្លែងនានាមកលក់ដូរនៅទីនេះ។ ម៉្លោះហើយសំរាមក៏មានច្រើន បង្កជាក្តីតប់ប្រមល់ចំពោះប្រជាជននារយៈពេលកន្លង បំផុតគឺនៅពេលមានភ្លៀងចោលចំហាយធុំក្លិនស្អុយ ជះឥទ្ធិពលដល់ការប្រជុំជីវភាព និងសុខភាពរបស់ប្រជា​ជននៅតំបន់ផ្សារ។ ពេលផ្សព្វផ្សាយអនុវត្តសារាចរលេខ ១៥ បណ្តាផ្នែកពាក់ព័ន្ធ បង្កើនការ​គ្រប់គ្រងតំបន់ផ្សារបានហ្មត់ចត់ ក្នុងនោះ មានការលៃលកធុងសំរាម​ជាង ១០ ធុងនៅតំបន់ផ្សារដើម្បីប្រមូលសំរាម រួចដឹកជញ្ជូនទៅកន្លែងវិនិច្ឆ័យ។ ផ្តើមពីនោះ នៅតំបន់ផ្សារញីទ្រឿងជ្រះស្អាតជាង  រាល់ការប្រជុំជីវភាព ជួញដូររបស់ប្រជាជនក៏មានរបៀបរៀបរយដែរ។

         លោកឡេថុងញ៉ឹក ប្រធានគណៈកម្មាធិការប្រជាជនឃុំញីទ្រឿងបានឱ្យដឹងថា៖ ជំរុញមាំការអនុវត្តន៍សារាចរលេខ ១៥-CT/TU របស់គណៈអចិន្ត្រៃយ៍នៃគណៈកម្មាធិការ​បក្សខេត្ត គឺសំដៅជម្នះបណ្តាភាពអន់ខ្សោយ ខ្វះចន្លោះក្នុងស្មារតីការពារបរិស្ថានរបស់ប្រ​ជាជន។ ដោយអាស្រ័យធ្វើល្អការងារផ្សព្វផ្សាយ រកឃើញ និងបំផុសចលនាជម្នះបន្ទាន់ ម៉្លោះហើយការប្រតិបត្តិសារាចរលេខ ១៥ មានរបៀបរៀបរយល្អប្រសើរជាង។ ជំរុញមាំការអនុវត្តសារាចរលេខ ១៥ និងផែនការលេខ​ ០១  មូលដ្ឋានតែងភ្ជាប់ជាមួយការជំ​រុញមាំ​អនុវត្តចលនា “ទូទាំងប្រជាជនសាមគ្គីកសាងជីវភាពវប្បធម៌” ទាក់ទាញកម្មាភិបាល បក្ខជន និងប្រជាជនចូលរួមអនុវត្តកិច្ចការអនាម័យបរិស្ថានជនបទ៕

អត្ថបទ-រូបថត៖ ថាច់សម្បត្តិ