ឧទ្ទេសនាមនាដបទល្ខោនយូរកេរ្តិ៍ “ចំណងស្នេហា​បុប្ផា-រង្សី” របស់អ្នកនិពន្ធសិល្បករឆ្នើមថាច់ចឹង

អ្នកកាសែត សើុងហុង (ទី ១ ខាងឆ្វេង) អគ្គនិពន្ធនាយករងកាសែតត្រាវិញជូនបាច់ផ្កាប្រសិទ្ធពរដល់សិល្បករឆ្នើមថាច់ចឹង។

ព្រះឧបជ្ឈាយ៍ ថាច់វ៉ាយ​ អនុប្រធានអចិន្ត្រៃយ៍​សមាគមព្រះសង្ឃសាមគ្គីស្នេហាជាតិខេត្ត អ្នកកាសែត ស៊ើងហុង អគ្គនិពន្ធនាយករង កាសែតត្រាវិញ និងសមាជិក សមាជិកានៃសាខាសមាគមអក្សរសិល្ប៍ខ្មែរនិមន្ត និង អញ្ជើញចូលរួមយ៉ាងកុះករ។
នាពិធីនេះ សិល្បករឆ្នើមសាងសេដ្ឋបានអាន ប្រវត្តិរូបសង្ខេប ក៏ដូចប្រវត្តនៃការនិពន្ធនាដបទល្ខោនយូរកេរ្តិ៍ “ចំណងស្នេហាបុប្ផា-រង្សី” របស់សិល្បករឆ្នើមថាច់ចឹង។ តាមអំណានរបស់សិល្បករឆ្នើមសាងសេដ្ឋ៖ សិល្បករឆ្នើម ថាច់ចឹង កើតឆ្នាំ ១៩៤១ នៅភូមិសំពោងសាក់ធំ ឃុំង៉ូវឡាក ស្រុកយ្វៀងហាយ។  សិល្បករឆ្នើម ថាច់ចឹងជាអតីតប្រធានក្រុមសិល្បៈរស្មីប្រទីប ខេត្តត្រាវិញ អតីតនាយករងមន្ទីរ វប្បធម៌ កីឡា និងទេសចរណ៍ខេត្ត។ នាដបទ “ចំណងស្នេហាបុប្ផា-រង្សី” បានសិល្បករឆ្នើមថាច់ចឹង និពន្ធជាភាសាខ្មែរកាលពីឆ្នាំ ១៩៧៩ និងបានសម្រេច ជោគជ័យនៅឆ្នាំ ១៩៨៥ ហើយបានក្រុមសិល្បៈរស្មីប្រទីបយកទៅសម្តែង និងទទួលបានមេដាយមាសក្នុងសមោសរនាដសាស្ត្រជំនាញទូទាំងប្រទេសកាលពីឆ្នាំ ១៩៨៥ បាន ចាត់តាំងនៅនឹងទីក្រុងក្វីញុើង ខេត្តបិញឌិញ។ 
ខ្លឹមសារនៃនាដបទនេះ គឺស្ងើចសរសើរអំពីចំណងមិត្តភាពរវាងប្រទេសវៀតណាម និងកម្ពុជាកាលពីសម័យតស៊ូប្រឆាំងនឹងរបប ប្រល័យពូជសាសន៍ខ្មែរក្រហម ។ សើ្ងចសរសើរ អំពីភាពអង់អាចក្លាហានរបស់តួអង្គ រង្សី ជាយុទ្ធខ្មែរនៅប្រទេសវៀតណាមដែលបានស្ម័គ្រ ចិត្តចូលរួមធ្វើបដិវត្តន៍នៅប្រទេសកម្ពុជាដើម្បីដណ្តើមយកឯករាជ្យ សេរីភាពជូនប្រជាជន កម្ពុជា។ ស្ងើចសរសើរអំពីចំណងស្នេហាស្មោះស្ម័គ្ររបស់តួអង្គបុប្ផា និងរង្សី ។ល។
នាដបទ "ចំណងស្នេហាបុប្ផា-រង្សី" បានសិល្ប ករឆ្នើមសាងសេដ្ឋប្រែសម្រួលជាភាសាវៀតណាម រួចបានសមាគមអក្សសិល្បិ៍ខេត្តសហការជាមួយអាគារបោះពុម្ពវប្បធម៌ជាតិបោះ ពុម្ពផ្សាយជាឧភ័យភាសា (ខ្មែរ-វៀត) ក្នុងត្រី មាសទី ៤ ឆ្នាំ ២០២២។ ការបោះពុម្ពផ្សាយ នាដបទ "ចំណងស្នេហាបុប្ផា-រង្សី"  ដើម្បី ចូលរួមក្នុងការអភិរក្ស និងអភិវឌ្ឍន៍សិល្បៈ ល្ខោនយូរកេរ្តិ៍ ជាទម្រង់សិល្បៈឆ្នើមរបស់ខ្មែរ រួមចំណែកក្នុងការកសាងប្រព័ន្ធសិល្បៈនៅ ប្រទេសវៀតណាមឲ្យបានសម្បូរបែប។ 
នៅពិធីនេះដែរ បណ្តាតំណាង បានចូលរួមថ្លែង សុន្ទរកថាស្ងើចសរសើរយ៉ាងក្រៃលែងចំពោះ នាដបទ "ចំណងស្នេហាបុប្ផា-រង្សី"ដែលជាស្នាដៃរបស់អ្នកនិពន្ធសិល្បករឆ្នើមថាច់ចឹង៕    ដំណឹង រូបថត៖ សុជា