អនុលេខាគណៈកម្មាធិការបក្សខេត្ត ឡឹមមិញដាំង អញ្ជើញទៅសួរសុខទុក្ខ និងប្រសិទ្ធពរទិវាគ្រូពេទ្យវៀតណាម

សមមិត្ត ឡឹមមិញដាំង អនុលេខាគណៈកម្មាធិការបក្សខេត្តត្រាវិញសួរសុខទុក្ខ និងប្រសិទ្ធពរទិវាគ្រូពេទ្យវៀតណាមនៅមន្ទីរ ពេទ្យសាកលវិទ្យាល័យត្រាវិញ និងមន្ទីរពេទ្យពហុព្យាបាលត្រាវិញ ។ រូបថត៖ បាធី

កាលពីថ្ងៃទី ២៤ ខែកុម្ភៈ សមមិត្ត ឡឹមមិញដាំង អនុលេខាគណៈកម្មាធិការបក្សខេត្តត្រាវិញ បានធ្វើជាប្រធានគណៈប្រតិភូអញ្ជើញទៅសួរសុខទុក្ខ និងប្រសិទ្ធពរទិវាគ្រូពេទ្យវៀតណាមនៅមន្ទីរពេទ្យសាកលវិទ្យាល័យត្រាវិញ និងមន្ទីរពេទ្យពហុព្យាបាល ត្រាវិញ ។
អញ្ជើញចូលរួមជាមួយគណៈប្រតិភូមានសមមិត្ត៖ ត្រឹងក្វឹកត្វឹង សមាជិកគណៈអចិន្ត្រៃយ៍នៃគណៈកម្មាធិការបក្សខេត្ត ប្រធានគណៈឃោសនាអប់រំនៃគណៈកម្មាធិការបក្សខេត្ត ង្វៀងហ៊ឺវភឿក នាយករងមន្ទីរសុខាភិបាលខេត្តត្រាវិញ វ៉មិញញ៉ឹក អនុប្រធានការិយាល័យនៃគណៈកម្មាធិការបក្សខេត្ត។
យោងតាមនោះ នៅមន្ទីរពេទ្យទាំង ២ គណៈប្រតិភូបានសួរសុខទុក្ខ ប្រសិទ្ធពរ និងបានស្តាប់របាយការណ៍របស់ថ្នាក់ដឹកនាំអង្គភាពទាំង ២ ស្តីពីលទ្ធផលសម្រេចបានក្នុងឆ្នាំ ២០២៤ និងបណ្តាខែដើមឆ្នាំ ២០២៥។
អនុលេខាគណៈកម្មាធិការបក្សខេត្តត្រាវិញ  ឡឹមមិញដាំង បានទទួលស្គាល់ និងវាយតម្លៃខ្ពស់ចំពោះបណ្តាលទ្ធផលដែលសម្រេចបានរបស់អង្គភាពទាំង ២ នាពេលកន្លង។ សមមិត្ត ឡឹមមិញដាំង មានប្រសាសន៍ថា គុណភាពនៃការពិនិត្យ និងព្យាបាលជំងឺនៅមន្ទីរពេទ្យសាកលវិទ្យាល័យត្រាវិញ និងមន្ទីរពេទ្យពហុព្យាបាលខេត្តត្រាវិញក្នុងរយៈកាលជិតៗនេះ បន្តបានលើកកម្ពស់។ សន្សឹមៗបង្កបានទំនុកចិត្តសម្រាប់អ្នកជំងឺនៅក្នុងនិងក្រៅខេត្ត។ សមមិត្តបានទទួលស្គាល់សំណើ និងយោ បល់របស់ថ្នាក់ដឹកនាំអង្គភាពទាំង ២។ សមមិត្ត  សង្ឃឹមថា អង្គភាពនឹងបន្តលើកកម្ពស់លទ្ធផលដែលសម្រេចបានបន្តអនុវត្តតាមដំបូន្មានរបស់អ៊ំហូ សម្រាប់កងជួរកម្មាភិបាលសុខាភិបាល "សីល ធម៌គ្រូពេទ្យដូចម្តាយនិងកូន"។ បន្តរៀបចំយន្តការលើកកម្ពស់គុណភាពនៃការពិនិត្យ និងព្យាបាលជំងឺ វិនិយោគទុនលើឧបករណ៍បរិក្ខារពេទ្យអនុវត្ត និងម្ចាស់ការលើបច្ចេកវិទ្យាព័ត៌មាន ក្នុងការងារពិនិត្យ ព្យាបាលជំងឺក៏ដូចជាក្នុងការងារគ្រប់គ្រង។

សមមតិ្ត ឡឹមមិញដាំង អនុលេខាគណៈកម្មាធិការបក្សខេត្ត (ឈរទី ២ រាប់ពីឆ្វេង) ជូនបាច់ផ្កាដល់គណៈនាយកមន្ទីរពេទ្យសាលាសកលវិទ្យាល័យខត្តត្រាវិញ៕ 
ទន្ទឹមនឹងនោះ គប្បីបន្តយកចិត្តទុកដាក់លើការបណ្តុះបណ្តាលស៊ីជម្រៅកងជួរកម្មាភិបាល និងកងកម្លាំងជំនាញ។ ពង្រីកការអនុវត្តន៍ល្អការងារសុខុមាលភាពសង្គម។ ក្នុងនោះ មន្ទីរពេទ្យពហុព្យាបាលខេត្តត្រាវិញ ខិតខំក្លាយជាមន្ទីរពេទ្យប្រចាំតំបន់នាពេលខាងមុខ។
ក្នុងឱកាសទិវាគ្រូពេទ្យវៀតណាម សមមិត្ត ឡឹមមិញដាំង បានប្រសិទ្ធពរជូនចំពោះថ្នាក់ដឹកនាំអង្គភាពទាំងពីរកម្មាភិបាល និងនិយោជិតគ្រប់រូបមានសុខភាពល្អ សុភមង្គល និងទទួលបានការ ជោគជ័យក្នុងភារកិច្ចដែលបានប្រគល់ឲ្យ៕  

  បាធី-សុខា