23/11/2021 08:26
នាឱកាសអនុស្សាវរីយ៍ឆ្នាំទី ៩១ ទិវាប្រវេណីរណសិរ្សមាតុភូមិវៀតណាម (១៨ វិច្ឆិកា ឆ្នាំ ១៩៣០ -១៨ វិច្ឆិកាឆ្នាំ ២០២១) កាលពីថ្ងៃទី ១៦ វិច្ឆិកា សមមិត្ត ឡេថាញ់បិញ អនុប្រធានគណៈកម្មាធិការប្រជាជនខេត្តបានអញ្ជើញទៅសួរសុខទុក្ខជូនអំណោយ និងប្រគល់ជូនផ្ទះមហាសាមគ្គីដល់គ្រួសារក្រីក្រនៅឃុំញ៉ីទ្រឿង ស្រុកកូវង៉ាង។
លោកឡេថាញ់បិញប្រគល់ជូនស្លាកសញ្ញានិមិត្តរូបផ្ទះមហាសាមគ្គី។
ស្ថិតក្នុងពិធីនេះ សមមិត្ត ឡេថាញ់បិញ អនុប្រធានគណៈកម្មាធិការប្រជាជនខេត្តសង្ឃឹមថា រណសិរ្ស មាតុភូមិវៀតណាមរួមជាមួយគណៈកម្មាធិការបក្សគ្រប់លំដាប់ថ្នាក់អនុវត្តល្អការងារផ្សព្វផ្សាយ ចលនា ពង្រឹង និងពង្រីកទូលាយផែនមហាសាមគ្គីទូទាំងប្រជាជាតិជានិច្ចកាល បន្តមានបណ្តាការងារធ្វើជាក់ស្តែងរួមចំណែកគិតគូរដល់ជីវភាព សម្ភារ និងស្មារតីជូនប្រជាជន ពិសេសគឺជនរួមជាតិខ្មែរ ប្រជាជនជួបលំបាកអាស្រ័យដោយជះឥទ្ធិពលអាសន្នរោគកូវីដ-១៩។ ជំរុញទឹកចិត្តប្រជាជនគ្រប់ជាន់ថ្នាក់ និងគ្រួសារខិតខំក្នុងការពលកម្មផលិត ឈានឡើងធ្វើមានធ្វើបានស្របច្បាប់ដោយខ្លួនឯង រក្សាខ្ជាប់ខ្ជួនក្តីជំនឿទៅលើការដឹកនាំរបស់បក្ស រដ្ឋ មិនទុកឲ្យបណ្តាអានុភាពជាអមិត្តឆ្លៀតឱកាសញុះញង់ អូសទាញ ប្រឆាំងបក្ស រដ្ឋ និងរបប បង្កឱ្យបាត់សន្តិសុខនយោបាយ សណ្តាប់ធ្នាប់សុវត្ថិភាពសង្គម។
អនុប្រធានគណៈកម្មាធិការប្រជាជនខេត្តសំណូមពរដល់ប្រជាជនឃុំញ៉ីទ្រឿង សកម្មក្នុងពលកម្មផលិត ខិតខំឈានឡើងរួចផុតពីភាពក្រីក្ររួមចំណែកអនុវត្តមានប្រសិទ្ធភាពគោលដៅកាត់បន្ថយភាពក្រីក្រចីរភាព កសាងជនបទថ្មី បន្តលើកកំពស់ការយល់ដឹងប្រុងប្រយ័ត្នការពារខ្លួនឯង គ្រួសារ សាច់ញាតិនិងសហគមន៍ចំពោះការប្រែប្រួលស្មុគស្មាញនៃអាសន្នរោគជំងឺកូវីដ-១៩ មិនត្រូវធ្វេសប្រហែស បាត់ស្មារតីប្រុងប្រយ័ត្ន ជានិច្ចកាលអនុវត្តល្អអនុសាសន៍ ៥K របស់ក្រសួងសុខាភិបាល ដើម្បីរួមចំណែកឆាប់រុញច្រានអាសន្នរោគជំងឺកូវីដ-១៩។
ក្នុងឱកាសនេះដែរ លោកឡេថាញ់បិញ បានប្រគល់ជូនស្លាកសញ្ញាជានិមិត្តរូបផ្ទះ «មហាសាមគ្គី» ចំនួន ០២ ខ្នងដល់គ្រួសារក្រីក្រ និងជូនអំណោយ ១០ ចំណែកដល់បណ្តាកម្មាភិបាលរណសិរ្សដែលឆ្លងកាត់បណ្តាដំណាក់កាល និងគ្រួសារគោលនយោបាយនៅលើភូមិសាស្រ្តឃុំ ញ៉ីទ្រឿង៕
រតនា
.gif)
.jpg)
