អ្នកកាសែត ថាច់ធីសុខា៖ ជាប់ឆ្នោតជាប្រធានគណៈលេខាធិការសាខាសមាគមអ្នកកាសែតនៃកាសែតត្រាវិញ

គណៈលេខាសាខាសមាគមអ្នកកាសែតអាណត្តិកាលថ្មីចេញបង្ហាញមុខមហាសន្និបាត។

សាខាសមាគមអ្នកកាសែតនៃកាសែតត្រាវិញ មានសមាជិក ២៥ នាក់ ក្នុងនោះ សមាជិកខ្មែរ ០៨ នាក់។ ដោយបានការយកចិត្តទុកដាក់ចង្អុលការ ដឹកនាំរបស់អចិន្ត្រៃយ៍សមាគមអ្នកកាសែតខេត្តត្រាវិញ កិច្ចចង្អុលការផ្ទាល់របស់សាខាបក្សកាសែតត្រាវិញ សាខាសមាគមអ្នកកាសែតនៃកាសែតត្រាវិញអាណត្តិកាល ២០២០-២០២៣ បាន ផ្សព្វផ្សាយ អនុវត្តសម្រេចជោគជ័យសេចក្តីសម្រេចចិត្តមហាសន្និបាតលើកទី ៩ អាណត្តិកាល ២០២០-  ២០២៣ បានដាក់ចេញ។ ក្នុងអាណត្តិកាលកន្លង សាខាសមាគមតែងច្បាមជាប់តាមសេចក្តីសម្រេចចិត្តសាខាបក្ស កម្មវិធីធ្វើសកម្មភាពរបស់អចិន្ត្រៃយ៍ សមាគមអ្នកកាសែតត្រាវិញ អនុវត្តបានល្អសកម្មភាពមុខជំនាញរបស់អង្គភាព រួមចំណែកបង្កើន គុណភាពខ្លឹមសារ រូបភាពកាសែតបោះពុម្ពទាំង ពីរភាសា និងកាសែត online ។ ទន្ទឹមនឹងនោះ  សមាជិកសាខាសមាគមនៅទាំងចូលរួមក្នុងកម្មវិធីពានរង្វាន់សារព័ត៌មាន និងបណ្តាកម្មវិធីប្រឡង ដែលសមាគមអ្នកកាសែតខេត្តត្រាវិញ គណៈឃោសនាអប់រំនៃគណៈកម្មាធិការបក្សខេត្ត សមាគម អ្នកកាសែតវៀតណាម និងបណ្តាផ្នែកមជ្ឈិមបំផុសចលនាទៀតផង។ ជាពិសេស ក្នុងអាណត្តិកាលកន្លង សាខាសមាគមបានអនុវត្តល្អភារកិច្ច ឆ្នើមដូចជា៖ស្នើជូនគ្រឿងអនុស្សារិយយស “ព្រោះបុព្វហេតុសារពត៌មានវៀតណាម” ជូនសមាជិក ០៧ នាក់ កើនតួលេខមកទល់ពេលនេះសាខាសមាគមមានសមាជិក ១៧ នាក់ ទទួលបានគ្រឿង ឥស្សរិយយស អនុស្សារិយយស "ព្រោះបុព្វហេតុសារព័ត៌មានវៀតណាម"។ សហការជាមួយសមាគមអ្នកកាសែតខេត្តអនុវត្តដំណើរការឧទ្ទេសនាមសមាជិក សើុងហុង អនុប្រធាន សមាគមអ្នកកាសែតខេត្តត្រាវិញ អគ្គនិពន្ធនាយករងកាសែតត្រាវិញចេញឈរឆ្នោត និងបានជាប់ឆ្នោតជាតំណាងក្រុមប្រឹក្សាប្រជាជនខេត្តអាណត្តិកាល ២០២១-២០២៦ ។ល។
ដោយមានស្មារតីទទួលបន្ទុកខ្ពស់ បណ្តាតំណាងបានផ្តុំប្រាជ្ញាពិភាក្សា និងអនុម័តកម្រិតផែនការសំខាន់ៗសម្រាប់អនុវត្តក្នុងអាណត្តិកាលថ្មី។ បោះ ឆ្នោតតែងតាំងលេខាធិការសាខាសមាគមអ្នកកាសែតនៃកាសែតត្រាវិញអាណត្តិកាល ២០២៣ - ២០២៥ រួមមាន ០៣ នាក់។ អ្នកកាសែតថាច់ធីសុខា ប្រធានការិយាល័យរៀបរៀងកាសែតខេមរភាសាកាសែតត្រាវិញ បានមហាសន្និបាតបោះឆ្នោតតែងតាំងជាប្រធានលេខាធិការសាខាសមាគមអ្នកកាសែតនៃកាសែតត្រាវិញអាណត្តិកាលថ្មី ២០២៣ - ២០២៥។

សមូហភាពអ្នកកាសែតខេត្តត្រាវិញថតរូបអនុស្សាវរីយ៍។
ថ្លែងសុន្ទរកថាចង្អុលការមហាសន្និបាត អ្នកកាសែត ស៊ើងហុង អនុប្រធាន សមាគមអ្នកកាសែតខេត្តត្រាវិញ អគ្គនិពន្ធនាយករងកាសែតត្រាវិញ  បានទទួលស្គាល់ និងស្ងើចសរសើរចំពោះគណៈលេខាធិការសាខាសមាគមអ្នកកាសែតនៃកាសែត ត្រាវិញ និងបណ្តាសមាជិកដែលបានខិតខំជម្នះការលំបាកអនុវត្តល្អភារកិច្ចដែលបានប្រគល់ជូន រួមចំណែកយ៉ាងសំខាន់ក្នុងការអភិវឌ្ឍន៍រួមរបស់ កាសែតត្រាវិញ សមាគមអ្នកកាសែតខេត្តត្រាវិញ និយាយដោយឡែក និងសកម្មភាពសារព័ត៌មាន របស់ខេត្តនិយាយរួម។
អ្នកកាសែត ស៊ើងហុងចង្អុលការ ៖ ក្នុងអាណត្តិកាលថ្មី គណៈលេខាធិការសមាគមគប្បីបន្តការចលនាសមាជិកអនុវត្តល្អភារកិច្ចនយោបាយរបស់ស្ថាប័ន និងបណ្តាចលនាប្រឡងប្រណាំងរបស់សមាគមអ្នកកាសែតខេត្ត។ ផ្សព្វផ្សាយអនុវត្តល្អ គម្រោងអភិវឌ្ឍន៍កាសែតត្រាវិញតាមទិសដៅផ្លាស់ប្តូរឌីជីថលឆ្នាំ ២0២៥ ចក្ខុវិស័យដល់ឆ្នាំ ២0៣0។ អ្នកកាសែតស៊ើងហុង បានបញ្ជាក់ថា៖ សមាជិក សាខាសមាគមអ្នកកាសែតនៃកាសែតត្រាវិញទាំង អស់គប្បីបន្តការពង្រីកស្មារតីម្ចាស់ការច្នៃប្រតិដ្ឋ សាមគ្គីទាំងកម្លាំងកាយកម្លាំងបញ្ញា សកម្មក្នុងការរៀនសូត្របង្កើនចំណេះដឹងមុខជំនាញ បំពាក់បំប៉នសតិអារម្មណ៍នយោបាយ សីលធម៌អ្នកកាសែត ដើម្បីអនុវត្តសម្រេចជោគជ័យភារកិច្ចដែលបានប្រគល់ជូន។ល។    ដំណឹង- រូបថត៖ សុជា