អតិថិជនជាច្រើនស្វែងរកទិញកសិផលសុវត្ថិភាពរបស់ខេត្តត្រាវិញ

សប្តាហ៍ «កសិផលសុវត្ថិភាពត្រាវិញ»ក្នុង សកម្មភាព «ផ្សារណាត់ជំរុញពាណិជ្ជកម្មនាឱកាសអំណរបុណ្យអកអំបុកឆ្នាំ ២០២០» អាស្រ័យមន្ទីរឧស្សាហពាណិជ្ជកម្មចាត់តាំងចាប់ពីថ្ងៃទី ២៧-៣១ ខែតុលាបានដាក់តាំងបណ្តាផលិតផលកសិផលសម្រេចសម្បទា សុវត្ថិភាពជាង ២០ ល្វែងបម្រើតម្រូវការភ្ញៀវមកទស្សនា។

OCOPនំអន្សមត្រាកួនកាន់តែបើកទូលាយទីផ្សារ។

ជាមួយបណ្តាតួគំរូយ៉ាងស្រស់ស្អាត បណ្តា កសិផលសុវត្ថិភាព​ ផលិតផល OCOP តែងទាក់ទាញបានមនុស្សជាច្រើនមកទស្សនា ស្វែង យល់។ ផលិតផលចូលរួមដាក់តាំង មិនត្រឹមតែមានការកែប្រែអំពីគុណភាពប៉ុណ្ណោះទេ នៅទាំងយកចិត្តទុកដាក់ដល់ការតុបតែងសម្រាប់បណ្តាផលិតផលដូចជា៖ ផលិតផលបានខ្ចប់ដោយស្រោមប្លាស្ទិច រក្សាទុកនៅកន្លែងមានកម្រិតអង្សាសមស្របរក្សាបានកម្រិតស្រស់។ល។

បងស្រីង្វៀងធីហៀង អ្នកបម្រើការដាក់តាំងល្វែងទំនិញកសិផលសុវត្ថិភាពបានឱ្យដឹង៖ ចាប់ពីពេលបើកវារៈ នៅតំបន់ដាក់តាំងបណ្តាកសិផលសុវត្ថិភាពមានភ្ញៀវជាច្រើនមកទស្សនាស្វែងយល់អំពីទម្រង់ការសុវត្ថិភាពបង្កចេញផលិតផល។ មានភ្ញៀវទស្សនាខ្លះមានតម្រូវដោយចំនួនតិចតួចសម្រាប់ប្រើប្រាស់យើងខ្ញុំលក់នៅនឹងកន្លែងតាមសំណូមពរ​ដោយតម្លៃសមរម្យ។ ភ្ញៀវដែលមានតម្រូវការដោយចំនួនច្រើននោះ យើងខ្ញុំឧទ្ទេសនាមទៅបណ្តាមូលដ្ឋានមានកិត្តិយសជំនាញខាងបម្រើកសិផលសុវត្ថិភាពដើម្បីអតិថិជនអញ្ជើញទៅស្វែងយល់ជ្រើសរើស រួចអាចបើកទូលាយទីផ្សារចែកចាយនៅតាមបណ្តាខេត្ត​ ក្រុងដទៃទៀត ។ ចាប់ពីពេលបើកវារៈ«សប្តាហ៍កសិផលសុវត្ថិភាពត្រាវិញ» គិតមកទល់ពេលនេះ យើងខ្ញុំទទួល និងឧទ្ទេសនាមជូនអតិថិជនជាង១០នាក់ដែលមានតម្រូវការជាមួយចំនួនពី ១០០ គីឡូក្រាមឡើងទៅទៅស្វែងយល់នៅមូលដ្ឋានផលិតមួយចំនួនលើភូមិសាស្រ្តបណ្តាឃុំដូចជា៖ ឡុងឌឹក(ទីក្រុងត្រាវិញ) ហ្វាឡើយ(ស្រុកចូវថាញ់) ភូកឹង(ស្រុកទីវកឹង)។ សង្ឃឹមថា ឆ្លងតាមរយៈ «សប្តាហ៍កសិផលសុវត្ថិភាពត្រាវិញ» បណ្តាមុខទំនិញរបស់កសិករសម្រេចសម្បទាសុវត្ថិភាពនឹងមានអតិថិជន អ្នកប្រើប្រាស់ជាច្រើនទៀតបានដឹង ជួយឱ្យកសិផលសុវត្ថិភាពក្នុងខេត្តបើកទូលាយទីផ្សារលក់ដូរជាងទៀត។

ផលិតផលនំអន្សមជ្រុក។

កំពុងជ្រើសយកម្រះត្រៀមបម្រុងឱ្យពិធីជប់លៀងរបស់គ្រួសារបងស្រីត្រឹងធីទ្វៀង នៅសង្កាត់លេខ ៨ ទីក្រុងត្រាវិញបានចែករំលែក៖ ខ្ញុំមានការជឿជាក់ទៅលើផលិតផលកសិផលសុវត្ថិភាពនៅទីនេះ ពីព្រោះនេះជាឱកាសបង្កកេរ្តិ៍ឈ្មោះផលិតផលកសិផលរបស់កសិករដល់អ្នកប្រើប្រាស់។ បណ្តាផលិតផលយកមកដាក់តាំងនៅទីនេះនឹងមិនបោកកុហកអតិថិជន ជាក់ស្តែងគឺមានស្ថាប័នជាច្រើនមានការត្រួតពិនិត្យទើបចូលមកបានដាក់តាំងនៅទីនេះ។           បណ្តាបណីតផលរបស់ខេត្តត្រាវិញបានទទួលស្គាល់ជាផលិតផល OCOP (onecommune one product-ឃុំមួយផលិតផលមួយមុខ) ដូចជា៖ នំអន្សមត្រាកួន ជីវជាតិដូងខ្ទិះ ទឹកក្លុកដូងខ្ទិះ មើមស្ពៃប្រៃ ។ល។ក៏ទាក់ទាញបានអតិថិជនជាច្រើនមកទស្សនាស្វែងយល់។ លោកត្រឹងយ្វីលិញ នាយកក្រុមហ៊ុនចំកាតច្នៃដូងខ្ទិះកូវកែ (VICOSAP) បានឱ្យដឹង៖ បច្ចុប្បន្ន ក្រុមហ៊ុនផលិតបានផលិតផលជាច្រើនភ្ជាប់ដោយឈ្មោះបណីតផលរបស់តំបន់ ក្នុងនោះមាននំបុ័ងដូងខ្ទិះក៏កំពុងបើកទូលាយទីផ្សារនៅក្នុងនិងក្រៅខេត្តជាបណ្តើរៗ។ ព្រមជាមួយនោះ គឺបណ្តាការផ្សព្វផ្សាយអំពីពាណិជ្ជសញ្ញា សម្បទាផលិត និងគុណភាពរបស់ផលិតផលដើម្បីឱ្យអ្នកប្រើប្រាស់ជ្រើសរើសជាផលិតផលសុវត្ថិភាព គ្មានជាតិល័ខ គ្មានជាតិជម្រះឱ្យស គ្មានជាតិរក្សា។ ផ្តើមពីនោះ ផលិតផលរបស់ក្រុមហ៊ុនយើងខ្ញុំ ក៏ វត្តមាននៅតាមផ្សារទំនើបមួយចំនួនក្នុងនិងក្រៅខេត្ត។

មានកសិផលសុវត្ថិភាព​ និងបណ្តាផលិតផល OCOP ដទៃទៀត មិនត្រឹមតែសម្រេចសម្បទាកំណត់របស់ផ្នែកពាក់ព័ន្ធប៉ុណ្ណោះឡើយ នៅទាំងជាការវាយតម្លៃ ការជ្រើសរើសរបស់អ្នកប្រើប្រាស់ទៀតផង។ នោះជាបណ្តាមុខទំនិញរបស់កសិករខេត្តត្រាវិញ មានលក្ខណៈជ្រាបចូលកាន់តែជ្រៅជាងទៅក្នុងបណ្តាទីផ្សារបណ្តាខេត្ត ក្រុងនៅពេលខាងមុខ៕    

           អត្ថបទ-រូបថត៖ ថាច់សម្បត្តិ