អចិន្ត្រៃយ៍ក្រុមប្រឹក្សាប្រជាជនខេត្តវាយតម្លៃការងារចាត់តាំងសម័យប្រជុំលើកទី ៧ ក្រុមប្រឹក្សាប្រជាជនខេត្ត នីតិកាលទី ១០

     កាលពីថ្ងៃទី ០៩ ខែមករា ឆ្នាំ ២០២៣ អចិន្ត្រៃយ៍ក្រុមប្រឹក្សាប្រជាជនខេត្តវាយតម្លៃការ​ងារ​ចាត់តាំងសម័យប្រជុំលើកទី ៧ ក្រុមប្រឹក្សាប្រជាជនខេត្ត នីតិកាលទី ១០។ សមមិត្ត​យឿងធីង៉ុកធើ សមាជិកាអចិន្ត្រៃយ៍បក្សខេត្ត អនុប្រធានក្រុម​ប្រឹក្សា​ប្រជាជនខេត្ត សមមិត្ត​គាងក្វឹងសមាជិកគណៈប្រតិបត្តិការបក្សខេត្ត អនុប្រធានក្រុមប្រឹក្សាប្រជាជន​ខេត្ត​ធ្វើជាអធិបតី​អង្គប្រជុំ។ អញ្ជើញចូលរួមអង្គប្រជុំមានសមមិត្ត ឡេថាញ់បិញ​ សមាជិក​អចិន្ត្រៃយ៍បក្សខេត្ត អនុប្រធានគណៈកម្មាធិការ​ប្រជាជនខេត្ត សមមិត្តង្វៀងវ៉ាំងត្រៀក សមាជិកអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាម​ខេត្តរួម​ជាមួយនឹងបណ្តាមន្ទីរ ផ្នែកខេត្ត និងបណ្តាគណៈកម្មការក្រុមប្រឹក្សាប្រជាជនខេត្ត។

ទិដ្ឋភាពអង្គប្រជុំ។

     ស្ថិតក្នុងអង្គប្រជុំ បណ្តាតំណាងបានស្តាប់សេចក្តីរបាយការណ៍វាយតម្លៃការងារចាត់​តាំង​សម័យ​ប្រជុំលើកទី ៧ -ក្រុមប្រឹក្សា​ប្រ​ជាជនខេត្ត នីតិកាលទី ១០។ យោងតាមនោះ ការងារ​ត្រៀម​បម្រុងបានត្រឹមត្រូវ ធានាតាមលំដាប់លំដោយ តាមខ្លឹម​សារដែលបាន​កំណត់។ សម័យប្រជុំបានប្រព្រឹត្តឡើង និងសម្រេចជោគជ័យលើគ្រប់ខ្លឹមសារសំខាន់ៗ​របស់​ផែនការ។ តំណាង​ក្រុមប្រឹក្សាប្រជាជនខេត្តធ្វើការជាមួយនឹងស្មារតីម៉ឺងម៉ាត់​ហ្មត់​ចត់ ប្រជាធិបតេយ្យ មមាញឹក សកម្ម សម្រេចគុណ​ភាព​ត្រឹមត្រូវតាមការកំណត់។ ការ​ងារ​ចាត់តាំង និងរៀបចំពេលវេលា ខ្លឹមសារកម្មវិធី ពេលវេលាធ្វើបាឋកថា ពិភាក្សា និងចោទសួរសមស្រប។ ការងារបញ្ជាកម្មវិធីសម័យប្រជុំរវៀសរវៃ វិទ្យាសាស្ត្រ ម៉ឺងម៉ាត់ ហ្មត់ចត់ ការប្រគល់ភារកិច្ច​ឱ្យសមាជិកគ្រប់រូបបានច្បាស់លាស់ ណែនាំកម្មវិធីត្រឹមត្រូវ​តាមពេលវេលា និងមានការណែនាំ​មតិសារសំខាន់​ដើម្បីទុកឱ្យតំណាងពិភាក្សា ចោទសួរ។ បណ្តាអង្គភាពភាគច្រើនដែលបានប្រគល់ភារកិច្ចរបាយការណ៍ និងធ្វើបាឋកថា​​សេចក្តីព្រាងសេចក្តីសម្រេចចិត្តបានច្បាស់លាស់ បំព្រួញខ្លីប៉ុន្តែច្បាម​ខ្ជាប់​តាមខ្លឹមសារសំខាន់ៗ ធានាខ្លឹមសារឯកសារ។ វេនពិភាក្សារបស់តំណាងក្រុម​ប្រឹក្សា​ប្រ​ជាជន និងការបកស្រាយរបស់ថ្នាក់ដឹកនាំគណៈកម្មធិការប្រជាជនខេត្តជាមួយ​នឹងបណ្តាបញ្ហាពិភាក្សា តំណាងក្រុមប្រឹក្សាប្រជាជនខេត្តបានលើកយកសំណួរចោទ​សួរ​ត្រឹមត្រូវច្បាស់លាស់ សម្រួលខ្លី ឆ្លុះបញ្ចាំងទៀងត្រង់ចំពោះបណ្តាសេចក្តីតប់ប្រ​មល់​របស់​មាមីងម្ចាស់ឆ្នោត។ បណ្តាយោបល់ពិភាក្សាបាន​ឯកភាពជា​មួយនឹងបណ្តាសេចក្តីរបាយការណ៍ និងសេចក្តីព្រាងសេចក្តីសម្រេចចិត្ត  មានយោបល់មួយចំនួនរួមបំពេញ សំណើស្នើបណ្តា​បញ្ហាដែលមានការទាក់ទិនល្អ។ បណ្តាយោបល់សំណើស្នើតែងបានអនុប្រធានក្រុមប្រឹក្សាប្រជាជនខេត្ត ប្រធានគណៈកម្មាធិ​ការ​ប្រ​ជាជនខេត្តកត់ត្រា និងបកស្រាយច្បាស់លាស់។ វេនចោទសួរដេញដោលក៏បានអនុវត្តប្រជាធិបតេយ្យ ភារកិច្ចខ្ពស់។ អំពីការងារបម្រើសម័យប្រជុំ ការិយាល័យក្រុមប្រតិភូតំណាងរដ្ឋសភា និងក្រុមប្រឹក្សាប្រជាជនខេត្ត​បានអនុវត្តល្អការងារ​ធ្វើសេនាធិការបម្រើឱ្យសម័យប្រជុំ។ ក្រោយពីសម័យប្រជុំបានបញ្ចប់ តែងមានសហការល្អជាមួយនឹង​បណ្តាគណៈកម្មការ​ក្រុមក្រឹក្សាប្រជាជនខេត្ត ស្ថាប័នដែលបានប្រគល់ភារកិច្ចព្រាងឯកសារដើម្បីធ្វើសម្រេចបណ្តាសេចក្តីសម្រេចចិត្ត ជម្រាបជូន​ប្រ​ធានក្រុមប្រឹក្សាប្រជាជនខេត្តចុះហត្ថលេខា និងផ្ញើដល់បណ្តាស្ថាប័នមជ្ឈិម តំណាងក្រុមប្រឹក្សាប្រជាជនខេត្ត គណៈកម្មាធិ​ការប្រជាជនខេត្ត បណ្តាស្ថាប័នមានការទាក់ទិនដើម្បីចាត់តាំងផ្សព្វផ្សាយ អនុវត្តត្រឹមត្រូវតាមសេចក្តីកំណត់។

     ដើម្បីផ្លាស់ប្តូរថ្មី លើកកម្ពស់គុណភាព ប្រសិទ្ធភាពសម័យប្រជុំក្រុមប្រឹក្សាប្រជាជនខេត្ត ក្នុងពេលខាងមុខនេះ អចិន្ត្រៃយ៍ក្រុមប្រឹក្សាប្រជាជនខេត្តសំណូមពរអចិន្ត្រៃយ៍នៃគណៈកម្មាធិការបក្សខេត្តចង្អុលការគណៈកម្មាធិការការងារកម្មាធិការបក្សនៃគណៈកម្មាធិការប្រជាជនខេត្តមិនគប្បីបំពេញបន្ថែមខ្លឹមសារផ្សេងចូលក្នុងកម្មវិធីសម័យប្រជុំក្រុមប្រឹក្សាប្រជាជនខេត្តបន្ទាប់ពីគណៈអចិន្ត្រៃយ៍នៃគណៈកម្មាធិការបក្សបានចាត់តាំងអង្គប្រជុំផ្តល់យោបល់លើបណ្តាខ្លឹមសាររបស់សម័យប្រជុំរួចហើយ។ អចិន្ត្រៃយ៍ក្រុមប្រឹក្សាប្រជាជនខេត្ត ប្រមូលផ្តុំកម្លាំងស្រាវជ្រាវដើម្បីផ្លាស់ប្តូរថ្មី លើកកម្ពស់គុណភាពសម័យប្រជុំដើម្បីលើកស្ទួយសម័យប្រជុំពីមួយថ្ងៃកាន់តែសិ្នទ្ធស្នាលជាមួយនឹងមាមីងម្ចាស់ឆ្នោតជាង នេះគឺជាវិស័យព័ត៌មានផ្សព្វផ្សាយបណ្តាខ្លឹមសារអំពីសេដ្ឋកិច្ច-សង្គមរបស់ខេត្តដល់ប្រជាជន។ ទន្ទឹមនឹងនោះ បណ្តាតំណាងក្រុមប្រឹក្សាប្រជាជនខេត្តគប្បីបន្តពង្រីកតួនាទីភារកិច្ច ម្ចាស់ការស្រាវជ្រាវឯកសារ បង្កើនការធ្វើបច្ចុប្បន្នកម្មព័ត៌មាន តាមដានឃ្លាំមើលបណ្តាសកម្មភាពរបស់អចិន្ត្រៃយ៍ក្រុមប្រឹក្សាប្រជាជនខេត្ត បណ្តាគណៈកម្មការក្រុមប្រឹក្សាប្រជាជនខេត្ត គណៈកម្មាធិការប្រជាជនខេត្ត បណ្តាផ្នែកមានការទាក់ទិន។ សំណូមពរគណៈកម្មាធិការប្រជាជនខេត្ត ចង្អុលការបណ្តាមន្ទីរ ផ្នែកខេត្តឱ្យដកពិសោធ ពង្រីកឱ្យអស់ពីស្មារតីភារកិច្ច ម្ចាស់ការត្រៀមបម្រុងល្អបណ្តាខ្លឹមសារដើម្បីជម្រាបសម័យប្រជុំ ធានាគុណភាពហ្មត់ចត់ ត្រឹមត្រូវតាមសេចក្តីកំណត់របស់មជ្ឈិម ស្ថានភាពជាក់ស្តែងរបស់ខេត្ត និងផ្ញើមកអចិន្ត្រៃយ៍ក្រុមប្រឹក្សាប្រជាជនខេត្ត។

     មានយោបល់សន្និដ្ឋានអង្គប្រជុំ សមមិត្តយឿងធីង៉ុកធើ សំណូមពរការងារត្រៀមបម្រុងឱ្យសម័យប្រជុំត្រូវបានការឯកភាពរវាងគណៈកម្មាធិការប្រជាជនខេត្តជាមួយនឹងបណ្តាមន្ទីរ ផ្នែកខេត្ត និងជម្រាបខ្លឹមសារត្រួតពិនិត្យ។ ទន្ទឹមនឹងនោះ អនុប្រធានក្រុមប្រឹក្សាប្រជាជនខេត្ត សំណូមពរបណ្តាការត្រួតពិនិត្យគប្បីត្រូវមានការចូលរួមរបស់ថ្នាក់ដឹកនាំបណ្តាមន្ទីរ ផ្នែកខេត្ត។ បណ្តាមន្ទីរ ផ្នែកខេត្តពេលកសាងសេចក្តីសម្រេចចិត្តគប្បីត្រូវធ្វើឱ្យអស់ពីសមត្ថភាពរបស់ខ្លួនមុននឹងផ្ញើមកអចិន្ត្រៃយ៍ក្រុមប្រឹក្សាប្រជាជនខេត្ត ។ ពេលកំណត់ផ្ញើឯកសារគប្បីត្រូវបានអនុវត្តត្រឹមត្រូវតាមការកំណត់របស់ច្បាប់៕

ប្រែសម្រួល៖ រតនា