អគ្គិសនីចូវថាញ់អនុវត្តល្អការងារសហការជាមួយបណ្ដាអង្គការចាត់ តាំងមហាជនផ្សព្វផ្សាយរបៀបប្រើអគ្គិសនីសុវត្ថិភាព និងប្រិតសំចៃ

ស្ងើចសរសើរអតិថិជនអនុវត្តល្អការប្រិតសំចៃអគ្គិសនី។​ រូបថត៖ ហ្វីហ្វាង

ឆ្នាំ ២០២២ អគ្គិសនីចូវថាញ់បានសហការជាមួយបណ្ដាអង្គការចាត់តាំងមហាជនទាំង ០៥ (សមាគមអតីតយុទ្ធជន សមាគមសហព័ន្ធន៍នារីសម្ព័ន្ធពលករ និងសម្ព័ន្ធយុវជនខេត្ត) នៅលើភូមិសាស្រ្តស្រុកផ្សព្វផ្សាយល្អការងារផ្សព្វផ្សាយ ចលនាគ្រួសារប្រជាជន អនុវត្តល្អការប្រើប្រាស់អគ្គិសនី សុវត្ថិភាព និងប្រិតសំចៃ។
ជាក់ស្ដែង គឺសហការផ្សព្វផ្សាយអំពីព្រឹត្តិការណ៍ ម៉ោងផែនដីឆ្នាំ ២០២២ ផ្សព្វផ្សាយអំពីរបៀបប្រើប្រាស់អគ្គិសនីសុវត្ថិភាព ប្រិតសំចៃ មានប្រសិទ្ធភាព សង្កេតពិនិត្យការប្រើប្រាស់អគ្គីសនី ផ្គត់ផ្គង់ អគ្គិសនី។ល។ តាមសារាចរលេខ ២០/CT-TTg ចុះថ្ងៃទី ០៧ កក្កដា ឆ្នាំ ២០២០ របស់នាយករដ្ឋ មន្រ្តីនៃរដ្ឋាភិបាលស្ដីពីបង្កើនការប្រិតសំចៃអគ្គិសនី ដំណាក់កាល ២០២០-២០២៥ និងផែនការលេខ ៦០/KH-UBND ចុះថ្ងៃទី ៣០ តុលា ឆ្នាំ ២០២០ របស់គណៈកម្មាធិការប្រជាជនខេត្តត្រាវិញស្ដីពីការផ្សព្វផ្សាយអនុវត្តសារាចរលេខ ២០ របស់នាយករដ្ឋមន្រ្តីនៃរដ្ឋាភិបាល។
សហការជាមួយបណ្ដាស្ថាប័ន សាលារៀន មូលដ្ឋាន ស្ថានីយផ្សាយសំឡេងស្រុក ការិយាល័យសេដ្ឋកិច្ច-ហេដ្ឋារចនាសម្ព័ន្ធស្រុក គណៈកម្មាធិការប្រជាជនបណ្ដាឃុំ ទីប្រជុំជនផ្សព្វផ្សាយអំពីការងារការពាររបៀងសុវត្ថិភាពបណ្ដាញអគ្គិសនី ប្រិតសំចៃអគ្គិសនី។ ល។
ឆ្លងតាមរយៈការងារសហការនោះ បានរួមចំណែកលើកកម្ពស់ប្រសិទ្ធភាពការប្រើប្រាស់អគ្គិសនីសុវត្ថិភាព ប្រិតសំចៃ និងមានប្រសិទ្ធភាពនៅលើភូមិសាស្រ្ត។ បើកទូលាយមុខសញ្ញាបរិវេណ ផ្សព្វផ្សាយ។ បណ្ដាគ្រោះថ្នាក់អគ្គិសនីបានកាត់បន្ថយដល់កម្រិតទាបបំផុត រួមចំណែកធ្វើឲ្យលំនឹងស្ថានភាពសេដ្ឋកិច្ចសង្គមនៅលើភូមិសាស្រ្ត ស្រុក។ បណ្ដាបញ្ហាសង្ស័យ លាតត្រដាង សំណើរបស់អតិថិជនជុំវិញបញ្ហាប្រើប្រាស់អគ្គិសនីមាន និន្នាការថយចុះបន្តិចម្ដងៗ គ្មានករណីតប់ប្រមល់ ក្នុងសង្គម។ ការយល់ដឹងក្នុងការប្រើប្រាស់ អគ្គិសនីសុវត្ថិភាព មានប្រសិទ្ធភាព និងប្រិតសំចៃរបស់ប្រជាជនកាន់តែបានលើកកម្ពស់។ ជាលទ្ធផល រយៈពេល ១១ ខែក្នុងឆ្នាំ ២០២២ អគ្គិសនីចូវថាញ់ ប្រិតសំចៃអគ្គិសនីបាន ២.៩៨៤.៧៣៧ គីឡូវ៉ាតសម្រេច ១១២,៩៣% នៃផែនការដេលបានដាក់ចេញ និងសម្រេច ១០៣,៧៤% ប្រៀបជាមួយ ផែនការឆ្នាំ ២០២២៕ 

ហ្វីហ្វាង-ថាច់ហ្វាង