អគ្គិសនីកូវង៉ាង៖ ខិតខំធានាផ្គត់ផ្គង់អគ្គិសនីបម្រើការផលិតនិងប្រជុំជីវភាព

អគ្គិសនីបានអន្ទងចុះបម្រើក្នុងការចិញ្ចឹមបង្កងរបស់មាមីងកសិករនៅស្រុកកូវង៉ាង។ រូបថត៖  ថាច់ហ្វាង

     លោកង្វៀងទ្រុងហូវ នាយកអគ្គិសនីកូវង៉ាង ឲ្យដឹងថា៖ ចាប់តាំងពីឆ្នាំ ២០១៦ មកទល់ពេលនេះ ស្រុកកូវង៉ាងបានវិនិយោគគម្រោងការអគ្គិសនី ០៧ គម្រោងសម្រាប់បម្រើមាមីងកសិករចិញ្ចឹមបង្កង សរុបថវិកាជាង ៩៤,៦ ពាន់លានដុង។អាស្រ័យដោយបានពង្រីកបណ្ដាចរន្តអគ្គិសនីកម្រិតមធ្យមនិងកម្រិតទាប ម៉្លោះហើយមកទល់ពេលនេះ បច្ចុប្បន្នស្រុកកូវង៉ាងឆ្លើយតបតម្រូវការប្រើប្រាស់អគ្គិសនីរបស់មាមីងកសិករសម្រាប់បម្រើក្នុងការចិញ្ចឹមជលផលដែលស្រុក បានឡើងគម្រោងការ។
     គិតមកទល់ពេលនេះ ទូទាំងស្រុកមានចរន្តអគ្គិសនីកម្រិតមធ្យម ៣៨៨,៦៥ គីឡូម៉ែត្រ ចរន្តកម្រិតទាប ៧៦២,៨ គីឡូម៉ែត្រ ដំណាក់បំបែរថាមពល ៨៧៣ កន្លែង សរុបថាមពល ៧៨.៨៣០ kVA ។ អាស្រ័យហេតុនោះ គិតដល់ចុងខែកញ្ញា ឆ្នាំ ២០២១ ស្រុកកូវង៉ាងមាន ០៦/១៣ ឃុំ សម្រេចលក្ខឋាន ស្ដីពីអគ្គិសនីក្នុងការកសាងជនបទថ្មី។ តាមការគ្រោងទុក ដល់ចុងឆ្នាំ ២០២១ ស្រុកកូវង៉ាង នឹងមាន ០៣ ឃុំទៀតសម្រេចលក្ខឋានស្ដីពីអគ្គិសនីក្នុងការកសាងជន​បទថ្មី។
     លោកង្វៀងទ្រុងហូវឲ្យដឹងបន្ថែមទៀតថា ក្នុង ០៨ ខែដើមឆ្នាំ ២០២១ ទូទាំងស្រុកប្រិតសំចៃអគ្គិសនីបាន ២.៣៤៥.២៤៣ គីឡូវ៉ាត សម្រេច ១០៦,៨% ប្រៀបជាមួយផែនការដែលក្រុមហ៊ុន អគ្គិសនីប្រគល់ ០៨ ខែ ដើមឆ្នាំ ២០២១ (ផែនការប្រគល់ឲ្យក្នុង ០៨ ខែដើមឆ្នាំ ២០២១ ប្រមាណ ២.១៩៥.៩០១ គីឡូវ៉ាត)៕          ប្រែសម្រួល៖ ថាច់ហ្វាង