សារព័ត៌មានជាភាសាខ្មែរ លាតត្រដាងស៊ីជម្រៅក្នុងតំបន់ជនរួមជាតិខ្មែរ

លោកឡឹមមិញដាំង អនុលេខាបក្សខេត្ត សួរសុខទុក្ខ និងប្រសិទ្ធពរបណ្តាអ្នកកាសែតត្រាវិញ។

កាសែតត្រាវិញជាខេមរភាសាតែងទទួលបានការយកចិត្តទុកដាក់របស់គណៈកម្មាធិការបក្សខេត្ត ក្នុងគោលបំណងធ្វើល្អ ពីការងារផ្សព្វផ្សាយ ឱ្យកាន់តែបានជ្រាលជ្រៅជាង។ បច្ចុប្បន្ន កាសែតត្រាវិញខេមរភាសាចេញផ្សាយក្នុងមួយសប្ដាហ៍ ០២ លេខ (ថ្ងៃចន្ទ និងថ្ងៃសុក្រ) ដោយមាន ៨ ទំ ព័រ។ ក្នុងមួយលើកផ្សព្វផ្សាយជាង ២.០០០ ក្រាំង ទៅដល់បណ្ដាវត្តអារាម សាខាបក្សដែមានបក្ខជន ជាជនជាតិខ្មែរ អ្នកមានប្រជាប្រិយភាពលើភូមិសាស្រ្តខេត្ត។  ទន្ទឹមនឹងនោះ កាសែតត្រាវិញជាខេមរភាសានៅទាំងចេញផ្សាយលេខពិសេស អំណរបុណ្យចូលឆ្នាំថ្មីប្រពៃណីជាតិខ្មែររៀងរាល់ ឆ្នាំដោយមានកម្រាស់ ៥២ ទំព័រ។ បណ្ដាខ្លឹមសារ ដែលបានចុះផ្សាយលើទំព័រកាសែតជាខេមរភាសាតែងច្បាមតាមរាល់ព្រឹត្តិការណ៍ដែលកើតមានឡើង នៅក្នុងខេត្តក៏ដូចជាជីវភាពរស់នៅពលកម្មក្នុងតំបន់ជនរួមជាតិខ្មែរ។
   លោកសើុងហុង អគ្គនិពន្ធនាយករង កាសែតត្រាវិញបានឱ្យដឹងថា៖ “ទោះបីក្រុមអ្នកធ្វើកាសែតជាខេមរភាសាមានចំនួនយ៉ាងតិចតួចក៏ពិតមែន ប៉ុន្តែអ្នកទាំងនេះ បានការបណ្ដុះបណ្ដាលពីទ្រឹស្តីនយោបាយ វិជ្ជាជីវៈកាសែតយ៉ាងច្បាស់លាស់មានចរិតរវៀសរវៃ ម៉្លោះហើយអ្នកធ្វើកាសែតនិយាយ រួម អ្នកយកព័ត៌មាននិយាយដោយឡែកតែងធានា រាល់កិច្ចការជំនាញរៀងៗខ្លួន។ អ្នកយកព័ត៌មានតែងចុះផ្ទាល់មូលដ្ឋានដើម្បីក្ដាប់យកព័ត៌មានរួចសរសេរសម្រិតសម្រាំងទៅជាដំណឹង អត្ថបទលាត ត្រដាងបានទាន់ពេលបណ្ដាព្រត្តិការណ៍ក្នុងជនរួមជាតិខ្មែរ ការផ្សព្វផ្សាយអនុវត្តបណ្ដាគោលនយោបាយទាក់ទងដល់ជនរួមជាតិខ្មែរ ធានាត្រឹមត្រូវតាមបាវចនារបស់កាសែតបក្ស រួមចំណែកធ្វើលំនឹងសន្តិសុខសណ្ដាប់ធ្នាប់ អភិរក្ស និងអភិវឌ្ឍតម្លៃអត្តសញ្ញាណវប្បធម៌ អក្សរសាស្រ្តជនជាតិ នាំយកគោលការណ៍ គោលនយោបាយ សារាចរ សេចក្ដីសម្រេចចិត្តរបស់បក្ស និងរដ្ឋទៅក្នុងជីវភាពជនរួមជាតិខ្មែរ។ កងជួរអ្នកយកព័ត៌មានជាខេមរភាសាកាសែតត្រាវិញតែងអនុវត្តជាឧភ័យភាសា ជ្រើស យកពាក្យពេចន៍ងាយយល់ ងាយក្រេបយក សមស្របជាមួយការទទួលយកព័ត៌មាន របស់លោកអ្នកអានក្នុងស្ថានភាពបច្ចុប្បន្ន”។

សមណសិស្ស និងសិស្សអានកាសែតខេត្តត្រាវិញ។
    បច្ចុប្បន្ននេះ ការិយាល័យខេមរភាសាកាសែតត្រាវិញ មានគ្នាចំនួន ០៦ រូប ក្នុងនោះមានអ្នកយកព័ត៌មានចំ ០៣ រូប អ្នកបច្ចេកទេស ០២ រូប និងប្រធានការិយាល័យ ០១ រូប។ កាសែតត្រាវិញជាខេមរភាសាស្ថិតក្រោមការគ្រប់គ្រង ចង្អុលការផ្ទាល់ របស់គណៈកម្មាធិការបក្ស និងការកំណត់ទិសដៅផ្សព្វផ្សាយរបស់គណៈឃោសនាអប់រំបក្សខេត្ត។ អាស្រ័យកងកម្លាំងអ្នកធ្វើកាសែតមានចំនួនតិចតួច ប៉ុន្តែត្រូវរ៉ាប់រងសម្រេចរាល់ការងារ ម៉្លោះហើយទាំងអគ្គនិពន្ធនាយករង ប្រធានការិយាល័យ   រហូតដល់អ្នកយកព័ត៌មានត្រូវអនុវត្តកិច្ចការច្រើន យ៉ាងតាំងពីការរៀបរៀង បកប្រែចាក់ចូលប្លង់កា សែត។ល។រហូតដល់ចេញផ្សាយ (ម្នាក់ៗទទួល ពី ០២-០៣ ការងារធ្វើ)។
  ដោយមានការខិតខំបង្កើនគុណភាពផ្សព្វផ្សាយស្ថានីយវិទ្យុ-ទូរទស្សន៍ត្រាវិញ (ស្ថានីយ) ក៏កំពុងទទួលបានចំណាប់អារម្មណ៍យ៉ាងខ្ពស់ពីសំណាក់សវនិក-ទស្សនិកជនផងដែរ។
   បច្ចុប្បន្ន ស្ថានីយផ្សាយលើប្រព័ន្ធចំនួន ២ គឺ THTV  និង THTV2។ ចំពោះការផ្សាយជាខេមរភាសាក្នុងមួយលើក(លើTHTV)រយៈពេល ៦០ នាទី ចាប់ពីម៉ោង ១៧ ដល់ម៉ោង ១៨។ ក្នុងនោះ រយៈពេល ៣០ នាទីជាកម្មវិធីព័ត៌មាន ៣០ នាទីជាសិល្បៈរួមមានសិល្បៈកុមារ និងសិល្បៈចម្រុះ។ ចំពោះក្រុមការងារនៃការិយាល័យភាសាជនជាតិ(ខ្មែរ) មានចំនួន ១២ រូបដោយអនុវត្ត ភារកិច្ចរៀងៗខ្លួនទៅតាមតួនាទីដែលបានតម្រូវ ដើម្បីឈានដល់ការសម្រេចគោលដៅរួមគឺបង្កើនគុណភាពផ្សព្វផ្សាយ បម្រើការឱ្យកាន់តែបានល្អ ប្រសើរជូនទស្សនិកជន។
   លោកគីចន្ទដូរ៉ា(ចន្ទតារា) នាយករងស្ថានីយវិទ្យុ-ទូរទស្សន៍ត្រាវិញមានប្រសាសន៍ថា៖ “គណៈនាយកតែងចង្អុលការដល់អ្នកយកព័ត៌មាន អ្នករៀបរៀងច្បាមតាមរាល់ព្រឹត្តិការណ៍ដែលកើតមានឡើងនៅក្នុងខេត្ត។ អាស្រ័យហេតុនោះស្ថានីយ កាន់តែលាតត្រាដាងបានគ្រប់ជ្រុងជ្រោយនៃបណ្ដា វិស័យក្នុងខេត្ត ពិសេសគឺអនុវត្តសេចក្ដីសម្រេចចិត្តលេខ ០៦-NQ/TU ចុះថ្ងៃទី ៨/១០/២០២១  របស់គណៈកម្មាធិការបក្សខេត្តស្ដីពី “បន្តការអភិ វឌ្ឍន៍គ្រប់វិស័យក្នុងតំបន់ជនរួមជាតិខ្មែរ ដំណាក់ កាល ២០២១-២០២៥ ចក្ខុវិស័យដល់ឆ្នាំ ២០៣០”។ ក្នុងការរៀបរៀងកម្មវិធីផ្សព្វផ្សាយនាទីព័ត៌មានចំនួន ៣០ នាទី ក្នុងនោះមានចំនួន ១០ នាទីអាស្រ័យអ្នកយកព័ត៌មានរបស់ការិយាល័យភាសាជនជាតិអនុវត្ត ចំនួនក្រៅពីនោះបកប្រែមកពីព័ត៌ មានជាភាសាវៀត។ នៅប្រព័ន្ធ THTV2 វិញមាន ផ្សាយការបង្រៀនភាសាខ្មែររយៈពេល ២០ នាទី ចាប់ពីម៉ោង ១០ ថ្ងៃ រួចចាក់ផ្សាយឡើងវិញនៅពេលល្ងាចម្ដងទៀត ដើម្បីបម្រើដល់ការតាមដានរៀនសូត្រភាសាខ្មែររបស់ប្អូនៗ។ នេះជាកម្មវិធី បានកិច្ចសហការរវាងមន្ទីរអប់រំ និងបណ្ដុះបណ្ដាល ចាត់តាំងឡើងសំដៅរួមចំណែកដល់ការបណ្ដុះ បណ្ដាលភាសាជនជាតិ”។

ក្រុមអ្នកយកសារព័ត៌មានខេត្តត្រាវិញ ។ 
  រីឯកម្មវិធីវិទ្យុក៏បានចាក់ផ្សាយជាច្រើនលើកក្នុងមួយថ្ងៃ។ ប៉ុន្តែបង្កបានចំណាប់អារម្មណ៍បំផុតចំពោះសវនិកជនគឺនៅពេលព្រឹក និងពេលរសៀល។ ពេលព្រឹកផ្សាយចំនួន ៤៥ នាទី ចាប់បី ម៉ោង ៦ ដល់ម៉ោង ៦ និង ៤៥ នាទី ពេលល្ងាច ចាប់ពីម៉ោង ១៨ ដល់ម៉ោង ១៨ និង ៤៥ នាទី។ បងស្រី ថាច់ធីសេដ្ឋានៅភូមិស្លែងថ្មី ឃុំភឿកហ៊ឹង ស្រុកថ្កូវបានឱ្យដឹង៖ គ្រួសារខ្ញុំគ្មានពេលច្រើន ដើម្បីតាមដានកម្មវិធីទូរទស្សន៍ ម៉្លោះហើយច្រើនតែតាមដានកម្មវិធីផ្សាយសំឡេងដោយរបៀបធ្វើការងារបណ្ដើរស្ដាប់ព័ត៌មានបណ្ដើរ។ ខ្ញុំសម្គាល់ ឃើញថា ព័ត៌មានផ្សាយសំឡេងយ៉ាងសម្បូរបែប ជាការជួយឱ្យខ្ញុំដឹងបានពីគ្រប់តំបន់ គ្រប់ភូមិសាស្រ្តនៅក្នុងខេត្ត ជាពិសេសគឺដឹងពីសមិទ្ធផលនានា ដែលខេត្តយើងអនុវត្ត និងសម្រេចបាន។ ចំពោះ កូនៗរបស់ខ្ញុំ ពិនិត្យឃើញស្ថានីយមានកម្មវិធីបង្រៀនភាសាខ្មែរ ខ្ញុំក៏តែងបើកកម្មវិធីនោះឱ្យកូនៗតាមដានរៀនសូត្របំពេញបន្ថែមចំណេះដឹង។ ខ្ញុំយល់ឃើញថាកម្មវិធីមានរយៈពេលមិនវែងក៏ពិតមែន ប៉ុន្តែជាកម្មវិធីដែលមានប្រយោជន៍សម្រាប់សហ គមន៍ជនរួមជាតិខ្មែរនៅគ្រប់ទិសទី ជាកម្មវិធីបង្កបានភាពជក់ចិត្តចំពោះរូបខ្ញុំ។
        ក្នុងឆ្នាំ ២០២២ ស្ថានីផ្សាយកម្មវិធីផ្សាយសំ ឡេជាខេមរភាសាបានចំនួន ៤៤.១០០ នាទី ផ្សាយកម្មវិធីទូរទស្សន៍នៅលើប្រព័ន្ធស្ថានីយ THTV បានចំនួន ២២.៥០០ នាទី ។ លើប្រព័ន្ធស្ថានីយ THTV2 ផ្សាយកម្មវិធីបង្រៀនភាសាខ្មែរ ចំនួន  ១៤.៤០០ នាទី ផ្សាយឡើងវិញចំនួន ៧.២០០ នាទី ផ្សាយឡើងវិញកម្មវិធីខេមរភាសាពី THTV  ចំនួន ២១.៦០០ នាទី៕                អត្ថបទ-រូបថត៖ សម្បត្តិ