សាខាបក្សភូមិកំពង់លាវ៖ ពង្រីកស្មារតីទទួលបន្ទុក គិតគូរជីវភាពជនរួមជាតិខ្មែរ

            ក្នុងបណ្តាឆ្នាំកន្លង សាខាបក្សភូមិកំពង់លាវ ឃុំភូកឹង ស្រុកទីវកឹង តែងយកចិត្តទុកដាក់ដល់ការងារដឹកនាំ ផ្សព្វផ្សាយការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ ដោយទង្វើជាក់ស្តែង មានប្រសិទ្ធភាព និងបង្កបានភាពស្រុះស្រួលក្នុងជនរួមជាតិខ្មែរ។

            នៅបណ្តាថ្ងៃចុងឆ្នាំ ពេលដែលកម្មករកំពុងមមាញឹកនឹងការងារបង្កើនកម្រិត បើកទូលាយកំណាត់ផ្លូវ D៥ នៅភូមិកញ្ចោងកំពង់លាវ លោកត្រឹងវ៉ាំងសៅ ប្រធានគណៈការងាររណសិរ្សភូមិបានឲ្យដឹងថា៖​ កាលពីមុននោះ ផ្លូវនេះចង្អៀត ប៉ុន្តែចំនួនម៉ូតូចេញចូលច្រើន។ ពេលមានគោលការណ៍បើកផ្លូវ យើងខ្ញុំបានចាត់តាំងប្រជុំប្រជាជន ពិភាក្សាយោបល់ដើម្បីរំសាយទីធ្លា មានគ្រួសារ ០៩ គ្រួស្ម័គ្រចិត្តរុះរើ និងមានគ្រួសារមួយចំនួនបានទទួលសំណងយ៉ាងសមស្រប។​ ទន្ទឹមជាមួយនោះ យើងខ្ញុំបានប្រជុំប្រជាជន​ដើម្បី​បង្កើនកម្រិតបំពង់ទឹកជ្រះ នៅតាមសងខាងផ្លូវជាតិលេខ ៦០ មានគ្រួសារ ២៥ គ្រួ ភាគច្រើនបានស្ម័គ្រចិត្តឲ្យអង្គភាពដំណើរការកសាង។

លោកង្វៀងយ្វីល្វឹង (ខាងស្តាំ) លេខាសាបក្សភូមិកំពង់លាវមកសួរសុខទុក្ខគ្រួសារលោកយាយ ថាច់ធីញ៉ាង។ រុបថត៖ ស៊ើងត្វៀង

            ដើម្បីជំរុញមាំការរៀនសូត្រ និងធ្វើតាមសតិអារម្មណ៍សីលធម៌ ឥរិយាបថហូជីមិញ សាខាបក្សភូមិកំពង់លាវបានបំផុសចលនា កម្មាភិបាល បក្ខជនឲ្យជ្រោងខ្ពស់ស្មារតី ទទួលបន្ទុក គិតគូរជីវភាពប្រជាជន។ លោកង្វៀងយ្វីល្វឹង លេខាសាខាបក្សភូមិ កំពង់លាវឲ្យដឹង៖​ សាខាបក្សភូមិមានបក្ខជន ៣៣ នាក់។ រៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ សាខាបក្សភូមិតែងយកចិត្តទុកដាក់ដល់ការងារគិតគូរ លើកកម្ពស់ជីវភាពជនរួមជាតិខ្មែរ លើកកម្ពស់លក្ខឋាន ភូមិជនបទថ្មីខ្នាតគំរូ (ភូមិបានទទួលស្គាល់ជាភូមិជនបទថ្មីខ្នាតគំរូនៅឆ្នាំ ២០២០)។ ក្នុងអាណត្តិកាលកន្លង សាខាបក្សភូមិបានបំផុសចលនាបក្ខជន និងប្រជាជន អនុវត្ត កិច្ចការជាក់ស្តែងជាច្រើនដូចជា៖ បង្កើនកម្រិតបណ្តាដងផ្លូវ  បំផុសចលនាសាងសង់ផ្ទះជូនគ្រួសារក្រីក្រ ឧបត្ថម្ភឲ្យបុលទុនសម្រាប់ពង្រីកការផលិត។ បច្ចុប្បន្នទូទាំងភូមិមានគ្រួសារក្រីក្រចំនួន ៤១៣ គ្រួ ក្នុងនោះនៅមាន គ្រួសារក្រីក្រ ០២​ គ្រួ ស្ថិតក្នុងក្របខ័ណ្ឌឧបត្ថម្ភពីសង្គម មានគ្រួសារជិតក្រ ២១ គ្រួ។

            នាំយើងខ្ញុំមកសួរសុខទុក្ខគ្រួសារលោកយាយថាច់ធីញ៉ាង (អាយុ ៨៥​ ឆ្នាំ) ជាគ្រួសារក្រីក្រ ទើបតែបានសាខាបក្សភូមិបំផុសចលនាសប្បុរសជនឧបតក្ថម្ភថវិកា ៥០ លានដុង សម្រាប់សាងសង់ផ្ទះមហាសាមគ្គី។ ក្នុងបណ្តាថ្ងៃចុងឆ្នាំនេះ គ្រួសារគាត់កំពុងរុះរើដើម្បីចូលនៅផ្ទះថ្មី។ ផ្ទះបានសាងសង់លើផ្ទៃដីជាង ១០០ ម៉ែត្រក្រឡា។ រួមជាមួយថវិកាឧបត្ថម្ភ កូនៗ របស់គាត់បានទៅប្រកបការងារស៊ីឈ្នួល ប្រិតសំចៃបំពេញបន្ថែម ដើម្បីសាងសង់ផ្ទះឲ្យបានរឹងមាំ។ លោកយាយ ថាច់ធីញ៉ាងឲ្យដឹង៖ វ័យចាស់ដូចគាត់នេះ បានរស់នៅក្នុងផ្ទះរឹងមាំដូចច្នោះ គាត់សប្បាយចិត្តណាស់។ លោកយាយមានកូន ០៣ នាក់ មានគ្រួសារនៅដោយឡែក។ សព្វថ្ងៃគាត់រស់នៅជាមួយកូនពៅ។

            គ្រួសារលោកយាយថាច់ធីញ៉ាង​ ជាគ្រួសារមួយក្នុងចំណោម ០៣ គ្រួសារ ទើបតែរួចផុតពីគ្រួសារជិតក្រ។ ក្នុងនោះមាន ០២ គ្រួសារបានឧបត្ថម្ភផ្ទះមហាសាមគ្គី។ បច្ចុប្បន្ន ភូមិមាន ៣៥៥/៣៦៥ គ្រួសារ មានផ្ទះរឹងមាំ។ រួមជាមួយនោះ ដើម្បីបង្កល្ខណៈឲ្យគ្រួសារឈានឡើងក្នុងការពង្រីកសេដកិច្ច ឆ្នាំ ​២០២២ បណ្តាសាខាសមាគម អង្គការចាត់តាំងមហាជនភូមិបានបង្កលក្ខណៈឲ្យគ្រួសារ ១៨២ គ្រួ ជាសមាជិកសមាគម សមាជិកសម្ព័ន្ធយុវជន បានបុលទុនជាង ៥,២ ពាន់លានដុង។ ផ្តើមពីប្រាក់ទុននោះ មានគ្រួសារជាច្រើនពង្រីកការផលិត ចិញ្ចឹមសត្វទទួលបានលទ្ធផលខ្ពស់​។

            បណ្តាសកម្មភាពគិតគូរដល់ជនរួមជាតិខ្មែរ​ តែងបានកម្មាភិបាលភូមិយកចិត្តទុកដាក់អនុវត្ត ​ដូចជា៖​ ចលនាអំណោយសម្រាប់ជូនដល់គ្រួសារគោលនយោបាយ គ្រួសារក្រីក្រ គ្រួសារជិតក្រ គ្រួសារមានស្ថានភាពលំបាកក្នុងឱកាសបុណ្យតេត។ល។ សរុបថវិកាជាង ១០៤ លានដុង។

            លោក គាងភឿង ប្រធានគណៈកម្មការប្រជាជនភូមិឲ្យដឹង៖ រៀនសូត្រ និងធ្វើតាមអ៊ំហូ យើងខ្ញុំ អនុវត្តសំណង់ កិច្ចការជាច្រើន ប៉ុន្តែភូមិយកចិត្តទុកដាក់ពិសេសដល់ការគិតគូរជីវភាពមាមីងខ្មែរ។ ពេលដែលប្រជាជនគ្រប់គ្រាន់ មានសុភមង្គល ទើបការងារចលនាចូលរួមក្នុងបណ្តាចលនារបស់មូលដ្ឋានមានការងាយស្រួល។

            ឆ្នាំ ២០២២ គណៈការងាររណសិរ្សមាតុភូមិ បំផុសចលនាគ្រួសារ ៣៦៥ គ្រួចុះឈ្មោះ កសាងគ្រួសារវប្បធម៌ ជនបទថ្មី។ លទ្ធផលត្រួតពិនិត្យមាន ៣៨៥​គ្រួសារអនុវត្តសម្រេច ០៨/០៨ លក្ខឋាន បំផុសចលនាប្រជាជនប្រមូលសំរាម យកទៅចាក់ត្រូវកន្លែងកំណត់ បន្តការពង្រឹង និងបង្កើនគុណភាពទម្រង់ “ទូទាំងប្រជាជនចូលរួមការពារបរិស្ថាន” ។ គិតមកដល់បច្ចុប្បន្នមាន ៣៣៤/៣៦៥ គ្រួសារកសាងបានរបងបៃតង និងច្រកចូលផ្ទះភ្លឺ។ មាន ៣៥៦/៣៦៥​ គ្រួសារកសាងបានបង្គន់ស្របអនាម័យ មានគ្រួសារ​ ១០០% បានប្រើប្រាស់ទឹកស្របអនាម័យ។

            ពេលដែលជីវភាពបានគ្រប់គ្រាន់​សមភាពជនរួមជាតិខ្មែរនៅក្នុងភូមិកាន់តែសាមគ្គី ប្រតិបត្តិតាមច្បាប់ ធានាសន្តិសុខសុវត្ថិភាពសង្គម បណ្តាករណី វិវាទអំពីដីធ្លីក៏បានដោះស្រាយទាន់ពេល។ ឆ្នាំ ២០២២ គណៈការងាររណៈសិរ្សភូមិសហការដោះស្រាយ បាន ១៤ ករណីវិវាទអំពីដីធ្លី ផ្លូវដើរ កំណត់បង្គោលដី ដោះស្រាយសម្រេចបាន ១០​ ករណី និងមាន ០៤ ករណីបញ្ជូនទៅថ្នាក់លើ។

            ទន្ទឹមជាមួយនោះ បណ្តាសាខាសមាគម អង្គការចាត់តាំងមហាជនភូមិ បង្កើនការងារផ្សព្វផ្សាយ បំផុសចលនារក្សាល្អបណ្តាទម្រង់ដូចជា៖ ក្រុមហ៊ុនទុនទិញគាំពារសុខាភិបាល ក្រុមប្រិតសំចៃតាមភូមិស្រុក ទម្រង់ ៧+ ១ ទម្រង់ច្នៃសំរាមឲ្យក្លាយជាប្រាក់។ល។ ដើម្បីពង្រីកស្មារតីសាមគ្គី ឧបត្ថម្ភគ្នា រក្សាល្អ វប្បធម៌ សីលធម៌ នៅក្នុងភូមិ។

            តាមប្រសាសន៍របស់លោកង្វៀងយ្វីល្វឹង នៅពេលខាងមុខនេះ សាខាបក្សបន្តរក្សា អនុវត្តការរៀនសូត្រ និងធ្វើតាមគំរូអ៊ំហូ ដោយការងារជាក់ស្តែង ភ្ជាប់ជាមួយកិច្ចការកសាង រៀបចំបក្ស។ បក្ខជនម្នាក់ៗ ត្រូវធ្វើជាគំរូឆ្នើម និយាយទន្ទឹមនឹងធ្វើ និងធ្វើការងារណាដែលមានផលប្រយោជន៍សម្រាប់ប្រជាជន ដើម្បីគិតគូរជីវភាពជូនប្រជាជន ឲ្យកាន់តែបានល្អជាងទៀត និងកសាងភូមិកំពង់លាវ ឲ្យកាន់តែរីកចម្រើនតទៅទៀត៕

ប្រែសម្រួល៖ សុខា