18/07/2023 09:26
ជាគំរូក្នុងការពង្រីកសេដ្ឋកិច្ចគ្រួសារ បំពេញការងារសមាគមដោយសុទ្ធចិត្ត នោះគឺជាសំដីពណ៌នាពីសមាជិកអតីតយុទ្ធជនឃុំភូកឹង ស្រុកទីវកឹង ពេលរំលឹកដល់លោក គឹមថាញ់កឹង ប្រធានសមាគមអតីតយុទ្ធជនឃុំ គំរូដ៏ភ្លឺស្វាងក្នុងចលនាអតីតយុទ្ធជនរៀនសូត្រ និងធ្វើតាមគំរូសីលធម៌ហូជីមិញនៅមូលដ្ឋាន។
លោក គឹមថាញ់កឹង (ឆ្វេង) កំពុងពិភាក្សាជាមួយសមាជិកអំពីទម្រង់នៃការពង្រីកសេដ្ឋកិច្ចគ្រួសារ។
លោកគឹមថាញ់កឹង បានសមាជិកផ្ដល់ទំនុកចិត្តបោះឆ្នោតធ្វើជាប្រធានសមាគមអតីតយុទ្ធជនឃុំភូកឹងកាលពីឆ្នាំ ២០២១។ មិនថាតួនាទី ឬកិច្ចការអ្វីនោះទេ ងាយមើលឃើញបំផុតគឺលោកតែងឧស្សាហ៍ព្យាយាម មានចិត្តស្រឡាញ់ការងារ។ លោកមានប្រសាសន៍ថា៖ នៅពេលដែលឃុំភូកឹងចាប់ផ្តើមកសាងឃុំជនបទថ្មីកម្រិតខ្ពស់ ខ្ញុំមានកង្វល់ពីរបៀបរួមចំណែកមួយផ្នែកនៃការខិតខំប្រឹងប្រែងរបស់ខ្ញុំក្នុងការកសាងឃុំរបស់ខ្លួន។ អាស្រ័យហេតុនេះ នៅដើមឆ្នាំ ខ្ញុំបានកសាងផែនការការងារជាក់ស្ដែងមួយ ដើម្បីដឹកនាំសាខាសមាគម ជំរុញការផ្សព្វផ្សាយ និងកៀរគរសមាជិកឱ្យអនុវត្តយ៉ាងសកម្ម។ សកម្មភាពមួយដែលទាក់ទាញការចូលរួមច្រើនបំផុតរបស់សមាជិកគឺការកសាងបរិស្ថានបៃតង ជ្រះស្អាត។ បច្ចុប្បន្ននេះ ក្លឹបបរិស្ថានអតីតយុទ្ធជននៅ ៨/៨ សាខាសមាគមភូមិ តែបន្តដំណើរការ ដោយមានសមាជិកចូលរួមចំនួន ១១៤ នាក់។ ក្នុងរយៈពេល ៦ ខែដើមឆ្នាំ ២០២៣ តាមការណែនាំរបស់គណៈកម្មាធិការបក្ស ក្លឹបបានដាក់ចេញផែនការ ៤៨លើក ដើម្បីអនុវត្តសារាចរលេខ ២៧ នៅភូមិ អូរតាអែក សុកត្រែ កំពង់លាវ ចាកអាគ្រោង សមវ៉ ដោយដាំផ្កាលម្អគ្រប់ប្រភេទបន្ថែមទៀតបានចំនួន ៥០០ដើម ដោយមានប្រវែង ៨.៥០០ម៉ែត្រ សម្អាត និងកាត់ផ្កាកណ្ដឹងប្របតាមផ្លូវជាតិលេខ៥៤ មានប្រវែង ៤.៨០០ម៉ែត្រ ប្រមូលសំរាមបាន ៥៥ តោន មានសមាជិកក្លឹបចំនួន ៥៩ នាក់ចូលរួម។ ក្រៅពីនោះ ក្លឹបក៏បណ្ដុះដើមឈើលម្អដើម្បីដាំនៅតាមផ្លូវជនបទថ្មីជាង ១.០០០ ដើម។ បច្ចុប្បន្ននេះ គ្រួសារសមាជិកអតីតយុទ្ធជន ១០០%បានទទួលស្គាល់ជាគ្រួសារវប្បធម៌ ជនបទថ្មី ហើយស្ថាប័នអតីតយុទ្ធជនបានទទួលស្គាល់ថាជាស្ថាប័នអារ្យធម៌។ ជាពិសេស មានគ្រួសារសមាជិកចំនួន ១៤៧/១៤៧ គ្រួសម្រេចជាគ្រួសារសមាជិកគំរូ។
មិនត្រឹមតែជាអ្នកឈានមុខក្នុងការកសាងបរិស្ថានជ្រះស្អាតប៉ុណ្ណោះទេ លោក គឹមថាញ់កឹង ក៏សកម្មក្នុងការកៀរគរប្រជាជនជួសជុល និងកែលម្អផ្លូវបេតុងនៅភូមិចាកអាគ្រោង មានប្រវែង ៥០ម៉ែត្រ ដោយចំណាយថវិកាសរុបចំនួន ៥លានដុង និងកៀរគរសាងសង់ចង្កៀងផ្លូវនៅភូមិ ចាកអាគ្រោង ដោយថវិកាចំនួន ៤៤ លានដុង។
សមាគមអតីតយុទ្ធជនឃុំ ភូកឹង មានសមាជិកចំនួន ១៤៧ នាក់ (ក្នុងនោះសមាជិកជិត ៥០% ជាជនជាតិខ្មែរ)។ បណ្ដាសកម្មភាពមនោសញ្ចេតនា និងការជួយឧបត្ថម្ភដល់សមាជិកដែលខ្វះខាត តែងបានលោក គឹមថាញ់កឹង ចាត់ទុកជាសកម្មភាពមនុស្សធម៌យ៉ាងជ្រាលជ្រៅ។ អាស្រ័យហេតុនោះ ចាប់ពីដើមឆ្នាំ២០២៣ រហូតមកដល់បច្ចុប្បន្ន សមាគមបានកៀរគរសប្បុរសជនសាងសង់និងប្រគល់ជូនផ្ទះបានចំនួន ០២ខ្នង ឱ្យគ្រួសារសមាជិក ដែលជួបលំបាកអំពីលំនៅឋាននៅភូមិកញ្ចោងផ្សារ និងភូមិអូរតាអែក ដោយមានទឹកប្រាក់សរុបចំនួន ១៨០ លានដុង។ ក្នុងនោះសប្បុរសជនឧបត្ថម្ភ ១០០លានដុង ចំនួនក្រៅពីនោះអាស្រ័យសារគ្រួសាររួមចំណែក។ ក្រៅពីការបង្កលក្ខណៈឱ្យសមាជិកបានបុលប្រាក់ទុនសម្រាប់ពង្រីកសេដ្ឋកិច្ចពីធនាគារគោលនយោបាយសង្គមស្រុក លោក គឹមថាញ់កឹង ក៏បានជំរុញទឹកចិត្តដល់សាខាសមាគមនានាក្នុងការថែរក្សា និងអភិវឌ្ឍន៍មូលនិធិបង្វិលជុំផ្ទៃក្នុង ដោយឱ្យខ្ចីមិនគិតការប្រាក់ ចំនួន ៩ក្រុម ហើយដើមទុនសរុបរហូតមកដល់ពេលនេះមានជាង ២០០លានដុង។ បន្តរក្សាទម្រង់ទិញគោឲ្យសមាជិកខ្ចីដើម្បីពង្រីកសេដ្ឋកិច្ច គិតមកដល់ពេលនេះ មានចំនួនគោ ០៨ ក្បាល និងសមាជិក ០៦ នាក់បានខ្ចីគោចិញ្ចឹមគិតជាទឹកប្រាក់ជាង ១២៥ លានដុង។ ជាមួយនឹងការខិតខំក្នុងការជួយឧបត្ថម្ភសមាជិកសម្រាប់ពង្រីកសេដ្ឋកិច្ច រហូតមកដល់ពេលនេះ សមាគមមិនមានសមាជិកអតីតយុទ្ធជនក្រីក្រទៀតឡើយ ក៏ដូចគ្មានសមាជិកក្រសាឡើងវិញ។
លោក ង្វៀងវ៉ាំងខាញ់ អនុប្រធានសមាគមអតីតយុទ្ធជនឃុំ ភូកឹង បានឲ្យដឹងថា៖ ក្នុងតួនាទីជាប្រធានសមាគមអតីតយុទ្ធជន លោក គឹមថាញ់កឹង តែងតែជាសមាជិកសមាគមប្រកបដោយសុទ្ធចិត្ត និងសកម្មអនុវត្តល្អការងារសង្គម ជម្នះរាល់ការលំបាក ដើម្បីពង្រីកសេដ្ឋកិច្ចគ្រួសារ ជាពិសេសជាអ្នកឈានមុខក្នុងការបង្វែរដីស្រែគ្មានប្រសិទ្ធភាពចំនួន ០,៥ហិកតា មកដាំដូងខ្ទិះដើម្បីឱ្យសមាជិកដទៃធ្វើតាម។ ក្នុងរយៈពេលបីឆ្នាំកន្លងចម្ការដូងរបស់លោកបានប្រមូលផលប្រកបដោយស្ថិរភាព និងជាគំរូសម្រាប់សមាជិកជាច្រើនរូបទៀតបានទស្សនានិងរៀនសូត្រតាម។ លោកក៏បានធ្វើការកៀរគរប្រជាជនផ្លាស់ប្តូររចនាសម្ព័ន្ធពូជដំណាំ និងសត្វចិញ្ចឹម ជួយឱ្យគ្រួសារអតីតយុទ្ធជនដែលមានស្ថានភាពលំបាក និងជួយគ្នាទៅវិញទៅមកក្នុងការពង្រីកសេដ្ឋកិច្ចបន្តិចម្តងៗ និងលំនឹងជីវភាព។ លោកគឺជាគំរូដ៏ភ្លឺស្វាងក្នុងចលនារៀនសូត្រនិងធ្វើតាមគំរូសីលធម៌ហូជីមិញសម្រាប់សមាជិកដទៃទៀតយកតម្រាប់តាម៕
អត្ថបទ-រូបថត៖ សុខា
.gif)
.jpg)
