ស្រុកថ្កូវ៖ សមាគមជំរុញការសិក្សាជ្រើសឃុំភឿកហ៊ឹង ចាត់តាំងមហាសន្និបាតកន្លែងចង្អុលការ

គណៈប្រតិបត្តិការអាណត្តិកាលថ្មី សមាគមជំរុញការសិក្សាឃុំភឿកហ៊ឹងចេញបង្ហាញមុខមហាសន្និបាត។ រូបថត៖ ខាក់លឿង

        ក្នុងអាណត្តិកាល (២០២១-២០២៦) សមាគមជំរុញការសិក្សាឃុំភឿកហ៊ឹងតែងយកចិត្តទុកដាក់ កសាង និងពង្រឹងពង្រីកអង្គការចាត់តាំងសមាគម ដោយចាត់ទុកនេះជាបញ្ហាយុទ្ធសាស្រ្ត សម្រេចជោគជ័យក្នុងការអនុវត្តន៍ភារកិច្ច។ ឃុំមានសាខាសមាគមជំរុញការសិក្សា ១៣ កន្លែង ក្រុមជំរុញការសិក្សា ១៤៦ ក្រុម និង គណៈជំរុញ ការសិក្សាស្ថាប័ន និងមូលដ្ឋានសាសនា ០៩ កន្លែង។ អាណត្តិកាលកន្លង សមាគមពង្រីកគ្រួសារសមាជិកថ្មីបាន ១.០៩៣ គ្រួ គិតមកទល់ពេលនេះទូទាំងឃុំមានគ្រួសារសមាជិក ៣.៥១១ គ្រួស្រូបយកអត្រា ២២,៨% នៃចំនួនប្រជាជន។ អនុវត្តគោលការណ៍របស់បក្សនិងរដ្ឋក្នុងការងារ សង្គមូបនីយកម្មអប់រំការចលនាកសាងមូល​និ​ធិជំរុញការសិក្សាកើនឡើងជារៀងរាល់ឆ្នាំ ក្នុងអាណត្តិកាល បានចលនាបណ្តាអង្គការចាត់តាំងបុគ្គល ចូលរួមវិភាគទានមូលនិធិបាន ៥,០៥២ ពាន់ លានដុង។ ក្នុងនោះទឹកប្រាក់ ៥៤៥,៨ លានដុង ជូនអាហារូបករណ៍ ៧៨៤ ចំណែកដល់សិស្សក្រី ក្រសង្វាតរៀនសូត្រ ទទួលឧបត្ថម្ភ ១+១ ដល់សិស្ស ១៦៣ រូប។ អនុវត្តសារាចរលេខ ០៥ ស្តីពីជំរុញ មាំការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ ជាមួយទម្រង់ “ប្រិតសំចៃចិញ្ចឹមជ្រូកដីជំរុញការសិក្សា” សមូហភាពបាន ៥១៩ ក្បាលនិងជ្រូកដីឯកជន ៨.២៩១ ក្បាល ជាមួយចំនួនប្រាក់ប្រិតសំចៃបាន ៣,៣៨២ ពាន់​ លានដុង សម្រេច ១១៤% បើប្រៀបនឹងសេចក្តីសម្រេចចិត្ត។ ក្នុងអាណត្តិកាលមាន ៣.១៩០ គ្រួសារសម្រេចកិត្តិនាមគ្រួសាររៀនសូត្រ។ មជ្ឈមណ្ឌលសហគមន៍រៀនសូត្រ ក៏សហការចាត់តាំង​ថ្នាក់ហ្វឹកហាត់ផ្ទេរជូនវិទ្យាសាស្រ្ត-បច្ចេកទេស​ បាន ៦៥ ថ្នាក់ មានសិក្ខាកាម ១.៣០២ រូប ចូល​រួម។
      មហាសន្និបាតបានបោះឆ្នោតជ្រើសគណៈប្រតិបត្តិការថ្មី ២៥ រូប លោកស្រី ហ្វិញធីអៀងជី បន្តបានបោះឆ្នោតរក្សាតួនាទីជាប្រធានសមាគមជំរុញការសិក្សាឃុំ ភឿកហ៊ឹង នីតិកាលទី ៥ អាណត្តិកាល ២០២១-២០២៦។ បោះឆ្នោតជ្រើសតំណាងចូលរួមមហាសន្និបាតសមាគមជំរុញការសិក្សាស្រុកថ្កូវលើកទី ៥ អាណត្តិកាល ២០២១ -២០២៦ ចំនួន ០៦ រូប ។ នាឱកាសនេះ មាន បុគ្គល ០២ រូប បានសមាគមជំរុញការសិក្សាខេត្ត ជូនលិខិតសរសើរដោយមានស្នាដៃឆ្នើមក្នុងការងារជំរុញការសិក្សាជំរុញ ទេពកោសល្យ អាណត្តិកាល ២០១៦-២០២១។ សមាគមជំរុញការសិក្សា ឃុំបានប្រគល់ជូនអាហារូបករណ៍ ០៦ ចំណែកដល់សិស្សក្រីក្រសង្វាតរៀនសូត្ររបស់ឃុំ៕                      

    ខាក់លឿង-តឹងង៉ុក