សមាគមសហព័ន្ធនារីស្រុកយ្វៀងហាយ៖ សកម្មត្រៀមបម្រុងចាត់តាំងមហាសន្និបាតតំណាងនារីអាណត្តិកាល ២០២១ - ២០២៦

អ្នកស្រីង្វៀងធីម៉ីចូវ ប្រធានសមាគមសហព័ន្ធនារីស្រុកយ្វៀងហាយ។

             អ្នកស្រីង្វៀងធីម៉ីចូវ ប្រធានសមាគមសហព័ន្ធនារីស្រុកយ្វៀងហាយមានប្រសាសន៍ថា៖ ការរៀបចំបេក្ខភាពសម្រាប់អាណត្តិកាលថ្មី គណៈអចិន្រ្តៃយ៍នៃសមាគមបន្តអនុវត្តតាមដំណើរការ ០៥ ជំហាន​ ឆ្លើយតបតាមសំណូមពរអំពីសម្បទារចនាសម្ព័ន្ធ ស្នងបន្តនិងអភិវឌ្ឍ។ចំពោះឯកសារមហាសន្និបាត  គណៈអចិន្ត្រៃយ៍នៃសមាគមសហព័ន្ធនារីស្រុកកំពុងផ្តុំកម្លាំងកសាងសេចក្តីព្រាងរបាយការណ៍នយោបាយជម្រាបមហាសន្និបាត ជាពិសេសគឺការកសាងទិសដៅ វិធានការសម្រាប់អាណត្តិកាលថ្មី ដោយយោងតាមមូលដ្ឋាននៃការណែនាំរបស់សមាគមថ្នាក់លើ បណ្តា កម្មវិធី ទិសដៅ ភារកិច្ចធ្វើសកម្មភាពរបស់សមាគមសម្រាប់ដំណាក់កាលថ្មី និងបណ្តាកម្មវិធី ផែនការពង្រីកសេដ្ឋកិច្ច‑សង្គមរបស់មូលដ្ឋាន។ជាពិសេសច្បាមតាមសេចក្តីសម្រេច ចិត្តមហាសន្និបាតបក្ខភាគគ្រប់លំដាប់ថ្នាក់អាណត្តិកាល ២០២០-២០២៥ ព្រមទាំងធ្វើឲ្យជាក់ស្តែងបណ្តាភារកិច្ច វិធានការ  កម្រិតផែនការរបស់សមាគមក្នុងអាណត្តិកាលថ្មី។ តាមការគ្រោងទុក សមាគមនឹងចាត់តាំងសន្និបាតពិភាក្សាបំពេញយោបល់ចំពោះសេចក្តីព្រាងឯកសារមហាសន្និបាតនៅដើមខែមិថុនាឆ្នាំ ២០២១។ សមាគមសហព័ន្ធនារីស្រុកនៅទាំងយកចិត្តទុកដាក់ ចង្អុលការបណ្តា សមាគមមូលដ្ឋានឲ្យបង្កើនការផ្សព្វផ្សាយតាមមធ្យោបាយសារពត៌មានមហាជន តាមរយៈបណ្តាញសង្គមហ្វេស្សប៊ុក យ៉ាឡូ របស់ក្រុម ផ្សព្វផ្សាយភ្ជាប់ជាមួយនឹងកិច្ចប្រជុំសកម្មភាពរបស់សាខាសមាគម។ល។ ដើម្បីបង្កើនការយល់ដឹងនិងជំរុញស្មារតីកម្មាភិបាល សមាជិកា បងប្អូននារីឱ្យមានមោទនភាពអំពីតួនាទី ភារកិច្ចរបស់អង្គការចាត់តាំងសមាគម ទាក់ទាញការយកចិត្តទុកដាក់ពីសំណាក់ថ្នាក់ដឹកនាំបណ្តាផ្នែកអង្គការមហាជនចំពោះការងាររបស់នារីដើម្បីមហាសន្និបាតតំណាងនារីស្រុកសម្រេចជោគជ័យ ។

          បច្ចុប្បន្ន ការងារត្រៀមបម្រុងឲ្យមហាសន្និបាតកំពុងបានគណៈអចិន្រ្តៃយ៍នៃសមាគមអនុវត្តយ៉ាងមមាញឹក។ សមាគមបានបង្កើតគណៈចង្អុលការមហាសន្និបាតដោយមានសមាជិកា១០ នាក់ អនុគណៈកម្មការទទួលបន្ទុកពិធីភស្តុភារ មានសមាជិកា ០៦ នាក់ អនុគណៈកម្មការទទួលបន្ទុកឯកសារមហាសន្និបាតមានសមាជិក ០៤ នាក់និងអនុគណៈកម្មការទទួលបន្ទុកខាងបេក្ខភាពមហាសន្និបាតមានសមាជិកា ០៣ នាក់ ត្រូវតាមផែនការលេខ ២៤៦/KH-BTV ។ តាមការគ្រោងទុក មហាសន្និបាតតំណាងនារីស្រុកនឹងចាត់តាំងមុនថ្ងៃទី ៣០ កក្កដាឆ្នាំ ២០២១។ មហាសន្និបាតបម្រុងបោះឆ្នោតជ្រើសតំណាង ១៣ នាក់ ក្នុងនោះមានតំណាង ០៤ នាក់ជាជនជាតិខ្មែរចូលរួមគណៈប្រតិបត្តិការសមាគមសហព័ន្ធនារីស្រុកអាណត្តិកាល ២០២១ - ២០២៦ និងបោះឆ្នោតជ្រើសតំណាង ០៣ នាក់ (ជនជាតិខ្មែរម្នាក់)ចូលរួមគណៈអចិន្ត្រៃយ៍សមាគម។

        ជាមួយបធានបទ “នារីយ្វៀងហាយពង្រីកប្រវេណីសាមគ្គី ច្នៃប្រតិដ្ឋ កសាងអង្គការចាត់តាំងសមាគមរឹងមាំដើម្បីសុភមង្គលរបស់នារីដើម្បីការអភិវឌ្ឍស្ថិរភាពរបស់ស្រុកយ្វៀងហាយ“ គណៈអចិន្ត្រៃយ៍សមាគមនារីស្រុកយ្វៀងហាយ បំផុសចលនាប្រឡងប្រណាំងបង្កើតស្នាដៃអំណរមហាសន្និបាតតំណាងនារីគ្រប់លំដាប់ថ្នាក់។ មកទល់ពេលនេះ សមាគមមូលដ្ឋានទាំង ០៧/០៧ បានចលនាបណ្តាអង្គការចាត់តាំង សប្បុរសជន និងប្រជាជនរួមវិភាគទានកសាងបណ្ដាសំណង់សរុបទឹកប្រាក់ជាង ៧០០ លានដុង។ ក្នុងនោះឧបត្ថម្ភសាងសង់ផ្ទះមេត្តាធម៌ ០៣ ខ្នងជូនសមាជិកាក្រីក្រ សរុបទឹកប្រាក់ ១៤០ លានដុង ដាំផ្កាតាមសងខាងផ្លូវជនបទ ០២ ខ្សែ ប្រវែង ៩០០ ម៉ែត្រ សរុបទឹកប្រាក់ ១៦ លានដុង កសាងប្រព័ន្ធអំពូលភ្លើងបំភ្លឺដងផ្លូវជនបទប្រវែង ១,២ គីឡូម៉ែត្រ សរុបទឹកប្រាក់ ៤៧ លានដុង  កសាងស្ពានជនបទ ០១ សរុបទឹកប្រាក់ ៥០០ លានដុង។

         មកទល់ពេលនេះ បណ្តាមូលដ្ឋានសមាគមឃុំ ទីប្រជុំជន បានចាត់តាំងសម្រេចមហាសន្និបាតតំណាងសមាគមសហព័ន្ធនារីថ្នាក់មូលដ្ឋានអាណត្តិកាល ២០២១-២០២៦។  គឺជាបុព្វហេតុសម្រាប់សមាគមសហព័ន្ធនារីស្រុកត្រៀមបម្រុងគ្រប់លក្ខណៈចាត់តាំងមហាសន្និបាតតំណាងនារីស្រុកយ្វៀងហាយលើកទី ១២ អាណត្តិកាល ២០២១-២០២៦ ៕

អត្ថបទ-រូបថត៖ សុជា