សម័យប្រជុំលើកទី ៥- ក្រុមប្រឹក្សាប្រជាជនទីក្រុងត្រាវិញ បោះឆ្នោត តែងតាំងអនុប្រធានគណៈកម្មាធិការប្រជាជទីក្រុងត្រាវិញ ០២ រូប

លោក ង្វៀងវុាំងលាវ និងលោកឡឹមក្វឹកថុង ទទួលនាទីជាអនុប្រធានគណៈកម្មាធិការប្រជាជនទីក្រុងត្រាវិញ។
      អញ្ជើញចូលរួមមានលោកង្វៀងថាញ់តឹម សមាជិកអចិន្ត្រៃយ៍នៃគណៈកម្មាធិការបក្សខេត្ត លេខាបក្សទីក្រុងត្រាវិញ លោកឡេវុាំងម៉ាញ់ អនុលេខាអចិន្ត្រៃយ៍បក្ស ប្រធានក្រុមប្រឹក្សាប្រជាជនទីក្រុង ត្រាវិញ
លោកស្រីសើុងធីយ៉ាង អនុប្រធានក្រុមប្រឹក្សា ប្រជាជនទីក្រុងត្រាវិញរួមជាមួយនឹងតំណាងក្រុមប្រឹក្សាប្រជាជនទីក្រុងត្រាវិញ។
      ស្ថិតក្នុងសម័យប្រជុំលើកនេះ លោកង្វៀងវុាំងតឹម ប្រធានគណៈកម្មាធិការប្រជាជនទីក្រុងត្រាវិញឆ្លងសេចក្តីជម្រាបឧទ្ទេសនាមបេក្ខភាពបោះឆ្នោតបណ្តាអនុប្រធានគណៈកម្មាធិការប្រជាជនទីក្រុងនីតិកាលទី ១២ អាណត្តិកាល ២០២១ -២០២៦ រួមមានលោកង្វៀងវុាំងលាវ ប្រធានការិយាល័យសេដ្ឋកិច្ចទីក្រុង លោកឡឹមក្វឹកថុង  ប្រធានការិយាល័យតាមដានកិច្ចការស្ថាប័នកិច្ច ការផ្ទៃក្នុងកែទម្រង់យុត្តិធម៌ និងវិនិច្ឆ័យខិត្តប័ណ្ណ របស់គណៈកិច្ចការផ្ទៃក្នុងនៃគណៈកម្មាធិការបក្សខេត្ត។
       លទ្ធផល លោកង្វៀងវុាំងលាវ និងលោកឡឹមក្វឹកថុង បានតំណាងក្រុមប្រឹក្សាប្រជាជនទំនុកចិត្តបោះឆ្នោតរក្សានាទីជាអនុប្រធានគណៈកម្មាធិការប្រជាជនទីក្រុងត្រាវិញអាណត្តិកាល ២០២១ -២០២៦៕          ប្រែសម្រួល៖ រតនា