សមមិត្តគឹមង៉ុកថាយ អនុលេខាអចិន្ត្រៃយ៍នៃគណៈកម្មាធិការបក្សខេត្ត៖ ជីវភាពជនរួមជាតិខ្មែរអភិវឌ្ឍន៍លើគ្រប់វិស័យ ចីរភាព

      គិតដល់ចុងឆ្នាំ ២០២២ ក្នុងទូទាំងខេត្តនៅមានគ្រួសារក្រីក្រចំនួន ៥.៤០៤ គ្រួ ស្រូបយកអត្រា ១,៨៨% ប្រៀបជាមួយនឹងចំនួនគ្រួសាររួមរបស់ខេត្ត (បើប្រៀបជាមួយនឹងឆ្នាំ ២០២១ បន្ថយគ្រួសារក្រីក្របាន ៤.៨០៣ គ្រួ ប្រហាក់ប្រហែលនឹង ១,៦៨%)។  ក្នុងនោះ គ្រួសារជនរួមជាតិខ្មែរក្រីក្រនៅ ៣.២២៣ គ្រួ ស្រូបយកអត្រា ៣,៦% ប្រៀបជាមួយនឹងគ្រួសារជនរួមជាតិខ្មែររួម (បើប្រៀបជាមួយនឹងឆ្នាំ ២០២១ បន្ថយបាន ៣.២៣៨ គ្រួ)។ គ្រួសារជិតក្រនៅ ១០. ៩០៥ គ្រួ ស្រូបយកអត្រា ៣,៨% ប្រៀបជាមួយនឹងចំនួនគ្រួសាររួមក្នុងទូទាំងខេត្ត (បន្ថយបាន ៦.៣១០ គ្រួសារ) អត្រាបន្ថយ ២,២% សម្រេចតាមសេចក្តីសម្រេចចិត្តលេខ ០៥-NQ/TU ចុះថ្ងៃទី ០៨ ខែតុលា ឆ្នាំ ២០២១ របស់គណៈកម្មាធិការបក្សខេត្តប្រគល់ជូន (កាត់បន្ថយអត្រាគ្រួសារជិតក្រគិតជាមធ្យមក្នុងមួយឆ្នាំ ០១%)។ នេះគឺជាសមិទ្ធផលរបស់ទូទាំងប្រព័ន្ធនយោបាយ ការខិតខំឈានឡើងរបស់មាមីងជនរួមជាតិខ្មែរក្នុងខេត្ត។ ផ្តើមពីនោះ ជីវភាពរបស់ជនរួមជាតិខ្មែរក្នុងខេត្តបានពង្រីកលើគ្រប់វិស័យ ចីរភាព។ បញ្ហាទាំងនេះ ដោយបានសមមិត្តគឹមង៉ុកថាយ អនុលេខាអចិន្ត្រៃយ៍នៃគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្តឆ្លើយតបនឹងសម្ភាសន៍របស់អ្នកយកសារព័ត៌មានត្រាវិញ សូមឧទ្ទេសនាមជាមួយនឹងមិត្តអ្នកអានដូចជា៖

សមមិត្តគឹមង៉ុកថាយ ជូនបណ្ណសរសើរដល់បណ្តាសមូហភាព និងបុគ្គល។ រូបថត៖  ហ្វិញណូយ

     អ្នកយកសារព័ត៌មាន៖ សូមជម្រាបសមមិត្ត ឆ្នាំ ២០២២ ជីវភាពរបស់មាមីងជនរួមជាតិខ្មែរក្នុងខេត្តបន្តនឹងបានបង្កើនឡើង។ ស្នាមសញ្ញាបញ្ជាក់សំខាន់បំផុតរបស់ឆ្នាំ ២០២២ ដែលសម្រេចបាននោះគឺអ្វីខ្លះ? សូមជម្រាប សមមិត្ត។

     សមមិត្តគឹមង៉ុកថាយ៖ នោះគឺជាលទ្ធផលដែលបានផ្សព្វផ្សាយអនុវត្តមានប្រសិទ្ធភាពសេចក្តីសម្រេចចិត្ត គោល នយោបាយជាច្រើន។ ក្នុងនោះ មានសេចក្តីសម្រេចចិត្តលេខ ០៤/២០២១/NQ-HĐND ចុះថ្ងៃទី ១៩ ខែមីនា ឆ្នាំ ២០២១ របស់ក្រុមប្រឹក្សាប្រជាជនខេត្ត “ស្តីពីគោលនយោបាយឧបត្ថម្ភកែលម្អលំនៅឋានជូនគ្រួសារក្រីក្រ គ្រួសារជិតក្រនៅលើភូមិសាស្ត្រខេត្តដំណាក់កាល ២០២១-២០២៥”។ ឆ្នាំ ២០២២ ក្នុងទូទាំងខេត្តឧបត្ថម្ភលំនៅឋានដល់គ្រួសារក្រីក្រ គ្រួសារជិតក្របាន ២.៤១៨ គ្រួ។ ក្នុងនោះ ថវិកាប្រគល់សិទ្ធិឆ្លងតាមធនាគារគោលនយោបាយសង្គមខេត្ត ឧបត្ថម្ភគ្រួសារក្រីក្រ គ្រួសារជិតក្រចំនួន ១.០៥២ គ្រួបានបុលកែលម្អលំនៅឋាន មូលនិធិសុខុមាលភាពសង្គមខេត្តឧបត្ថម្ភបាន ៩១០ ខ្នង ក្រៅពីនោះអាស្រ័យដោយ “មូលនិធិដើម្បីអ្នកក្រ” ថ្នាក់ខេត្ត ថ្នាក់ស្រុកឧបត្ថម្ភ។

      អាចបញ្ជាក់បានថា សេចក្តីសម្រេចចិត្តលេខ ០៤ របស់ក្រុមប្រឹក្សាប្រជាជនខេត្តកំពុងនឹងបង្កជាថាមពលវាយោថ្មី សម្ទុះជីវិតថ្មីសម្រាប់បណ្តាគ្រួសារក្រីក្រ គ្រួសារជិតក្រនៅលើភូមិសាស្ត្រខេត្ត ផ្តើមពីប្រភពថវិកាដែលបានឧបត្ថម្ភ មាន គ្រួសារក្រីក្រ គ្រួសារជិតក្រភាគច្រើនជម្នះបានការទុក្ខលំបាក ហើយមានលក្ខណៈកសាងបានផ្ទះរឹងមាំ បង្កជាក្តីជំ នឿទុកចិត្ត កម្លាំងពង្រីកសេដ្ឋកិច្ចរួចផុតពីភាពក្រីក្រចីរភាព។

       អ្នកយកសារព័ត៌មាន៖ សូមជម្រាបសមមិត្តលើកឡើងត្រួសៗអំពីគម្រោងការធំៗមួយចំនួនដែលឥទ្ធិពលយ៉ាងសកម្មក្នុងការពង្រីកសេដ្ឋកិច្ច-សង្គមក៏ដូចជាជីវភាពរបស់ជនរួមជាតិខ្មែរក្មុងខេត្ត?

      សមមិត្តគឹមង៉ុកថាយ៖ ឆ្នាំ ២០២២ ក៏ដូចជាដំណាក់កាល ២០២០-២០២៥ ដែរ ខេត្តបានផ្សព្វផ្សាយគម្រោងការសំខាន់ៗដោយព្រមៗជាក់ស្តែងដូចជា៖ (០១) ដោះស្រាយស្ថានភាពខ្វះដីនៅ ដីសាងសង់លំនៅឋាន ដីផលិត ទឹកស្អាតប្រជុំជីវភាព (០២) ពង្រីកការផលិតកសិកម្ម រុក្ខកម្មស្ថិរភាព ពង្រីកសក្តានុពល ភាពមានព្រៀបរបស់បណ្តា តំបន់ដើម្បីផលិតមុខទំនិញតាមកន្សោមតម្លៃ (០៣)  វិនិយោគហេដ្ឋារចនាសម្ព័ន្ធសំខាន់ៗ បម្រើការផលិត ជីវភាព ក្នុងតំបន់ជនរួមជាតិភាគតិច និងបណ្តាអង្គភាពបុព្វហេតុរដ្ឋក្នុងតំបន់ជនរួមជាតិ (០៤) ពង្រីកវិស័យអប់រំ-បណ្តុះបណ្តាល លើកកម្ពស់គុណភាពប្រភពធនធាន (០៥) អភិរក្ស អភិវឌ្ឍន៍តម្លៃវប្បធម៌ប្រពៃណីល្អល្អះរបស់ជនរួមជាតិដោយភ្ជាប់ជា មួយនឹងពង្រីកទេសចរណ៍ (០៦)  ថែទាំសុខភាពជូនប្រជាជន លើកកម្ពស់កាយសុខភាព មាឌរបស់ជនរួមជាតិភាគ តិច បង្ការប្រឆាំងនឹងកង្វះអាហារូបត្ថម្ភនៅនឹងកុមារ (០៧) អនុវត្តសមភាពភេទ និងដោះស្រាយបញ្ហាជាបន្ទាន់ចំពោះនារី និងកុមារ (០៨) វិនិយោគពង្រីកក្រុមជនជាតិភាគតិចដែលមានចំនួនមនុស្សតិច និងក្រុមជនជាតិដែលនៅជួបការលំបាកច្រើន (០៩)  ព័ត៌មានផ្សព្វផ្សាយចលនាក្នុងតំបន់ជនរួមជាតិភាគតិច។ ត្រួតពិនិត្យ ឃ្លាំមើល វាយតម្លៃការចាត់តាំងអនុវត្តបណ្តាកម្មវិធី។ល។

ឆ្នាំ ២០២២ គណៈកម្មាធិការបក្សខេត្តចង្អុលការទូទាំងប្រព័ន្ធនយោបាយប្រមូលផ្តុំប្រភពកម្លាំងស្តារឡើង និងពង្រីក សេដ្ឋកិច្ច-សង្គមក្រោយពីអាសន្នរោគជំងឺកូវីដ-១៩ ពិសេសគឺអនុវត្តសេចក្តីសម្រេចចិត្តលេខ ០១/NQ-CP ចុះថ្ងៃទី ០៨ ខែមករា ឆ្នាំ ២០២២ របស់រដ្ឋាភិបាលស្តីពីអនុវត្តផែនការពង្រីកសេដ្ឋកិច្ច-សង្គម និងគ្រោងថវិការដ្ឋឆ្នាំ ២០២២។ អនុវត្តកម្មវិធីគោលដៅជាតិពង្រីកសេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំដំណាក់កាល ២០២១-២០៣០ ដំណាក់កាលទី ១ គឺចាប់ពីឆ្នាំ ២០២១-២០២៥ នៅលើភូមិសាស្ត្រខេត្ត។ ខេត្តបានកសាងសេចក្តីសម្រេចចិត្តលេខ ០៥/២០២២/NQ-HĐND ចុះថ្ងៃទី ០៧ ខែកក្តដា ឆ្នាំ ២០២២ របស់ក្រុមប្រឹក្សាប្រជាជនខេត្តស្តីពីកំណត់គោលការណ៍ សម្បទាកំណត់ការបែងចែកថវិកាអនុវត្តកម្មវិធីគោលដៅជាតិពង្រីកសេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំដំណាក់កាល  ២០២១-២០៣០។ ផ្តើមពីនោះ ខេត្តបានផ្សព្វផ្សាយកម្មវិធីជាច្រើន និងសម្រេចបានលទ្ធផល ខ្ពស់ជាច្រើន។

សមមិត្តគឹមង៉ុកថាយអនុលេខាអចិន្រ្តៃយ៍គណៈកម្មាធិការបក្សខេត្តជូនអាហារូបករណ៍ដល់សិស្ស។ រូបថត៖ សុជា

បណ្តាគោលនយោបាយអាទិភាព ថែទាំ វិនិយោគក្នុងតំបន់ជនរួមជាតិខ្មែររួមជាមួយនឹងបណ្តាគោលនយោបាយឧបត្ថម្ភពង្រីកការផលិត បង្កការងារធ្វើ នីហរ័ណពលករ ។ល។ រួមចំណែកជួយឱ្យជនរួមជាតិរួចផុតពីភាពក្រីក្រ ជីវ ភាពសម្ភារ ស្មារតីពីមួយថ្ងៃទៅមួយថ្ងៃកាន់តែបានកើនឡើង។ អស់រយៈកាល ១៣ ឆ្នាំកន្លងហើយ ដែលបានផ្សព្វផ្សាយអនុវត្តចលនាកសាងជនបទថ្មី ទិដ្ឋភាពភូមិស្រុកមានការវិវឌ្ឍន៍យ៉ាងច្បាស់លាស់ ជនរួមជាតិ ពុទ្ធបរិស័ទខ្មែររីករាយរំភើបជាមួយនឹងការខិតខំបញ្ចេញកម្លាំងរបស់គណៈកម្មាធិការបក្ស រដ្ឋអំណាច និងប្រជាជន។ គិតមកដល់ បច្ចុប្បន្ននេះ ក្នុងទូទាំងខេត្តមាន ៨៥ ឃុំសម្រេចលក្ខឋានជនបទថ្មី (សម្រេច ១០០%) ក្នុងនោះ មាន ៣៥ ឃុំសម្រេចលក្ខឋានជនបទថ្មីលើកកម្ពស់ ០៦/០៩ អង្គភាពថ្នាក់ស្រុកបានទទួលស្គាល់សម្រេចលក្ខឋានជនបទថ្មី។ល។ ដោយ ឡែកស្រុកកូវង៉ាង និងស្រុកយ្វៀងហាយសារវន្តសម្រេចបាន ៩/៩ លក្ខឋាន កំពុងស្នើមជ្ឈិមពិនិត្យទទួលស្គាល់។

     អ្នកយកសារព័ត៌មាន៖ ជាមួយនឹងបណ្តាលទ្ធផលសម្រេចបានរបស់ឆ្នាំ ២០២២ ដើម្បីបន្តធ្វើឱ្យវិវឌ្ឍន៍ជីវភាពរបស់ជនរួមជាតិខ្មែរក្នុងខេត្ត តាមប្រសាសន៍របស់សមមិត្ត តើគណៈកម្មាធិការបក្សខេត្តអាចនឹងមានបណ្តាកំណត់ទិសដៅចង្អុលការអ្វីសម្រាប់ឆ្នាំ ២០២៣?

     សមមិត្តគឹមង៉ុកថាយ៖ យោងលើមូលដ្ឋាននៃលទ្ធផលសម្រេចបានក្នុងឆ្នាំ ២០២២ នោះ ក្នុងឆ្នាំ ២០២៣ នេះគណៈកម្មាធិការបក្សខេត្តចង្អុលការគណៈកម្មាធិការបក្សគ្រប់លំដាប់ថ្នាក់ រដ្ឋអំណាច អង្គការចាត់តាំងមហាជន ជាស្នឹងនោះគឺគណៈជនជាតិខេត្តគប្បីយកចិត្តទុកដាក់អនុវត្តភារកិច្ចសំខាន់ៗមួយចំនួនដូចជា៖

ធ្វើសេនាធិការជូនគណៈកម្មាធិការប្រជាជនខេត្តចង្អុលការបណ្តាមន្ទីរ គណៈ ផ្នែក មូលដ្ឋានកសាងផែនការអនុវត្តបណ្តាគម្រោងការ អនុគម្រោងការ បណ្តាកម្មវិធីតាមការកំណត់នៅនឹងសេចក្តីកំណត់លេខ ២៧/២០២២/NĐ-CP និងកសាងគ្រោងថវិកាអនុវត្តកម្មវិធីឆ្នាំ ២០២៣ និងដំណាក់កាល ២០២៣-២០២៥ ត្រឹមត្រូវតាមការកំណត់។ ឡើងផែនការឃ្លាំមើលលទ្ធផលអនុវត្តកម្មវិធីគោលដៅជាតិពង្រីកសេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំឆ្នាំ ២០២៣ បានត្រឹមត្រូវតាមសេចក្តីណែនាំលេខ ០១/២០២២ /TT-UBDT ចុះថ្ងៃទី ២៦ ខែឧសភា ឆ្នាំ ២០២២ របស់ រដ្ឋមន្ត្រី ប្រធានគណៈកម្មាធិការជនជាតិ។

 ទន្ទឹមជាមួយនឹងនោះ កសាងស្រុកថ្កូវសម្រេចលក្ខឋានជនបទថ្មីឆ្នាំ ២០២៣។ បន្តការផ្សព្វផ្សាយគម្រោងការវិនិយោគកសាងសំណង់ហេដ្ឋារចនាសម្ព័ន្ធពីប្រភពទុនជំនួយ ODA ដោយមិនសងមកវិញរបស់រដ្ឋាភិបាលអៀរឡង់។ ជំរុញមាំការផ្សព្វផ្សាយដើម្បីអនុវត្តមានប្រសិទ្ធភាពបណ្តាកម្មវិធី គម្រោងការ គោលនយោបាយទាក់ទិនដល់ជនរួមជាតិភាគតិច។  ចាត់តាំងសួរសុខទុក្ខ ជូនអំណោយដល់អ្នកមានប្រជាប្រិយភាពនាឱកាសពិធីបុណ្យទានរបស់ជនរួមជាតិភាគតិច។ ធ្វើសេនាធិការជូនគណៈកម្មាធិការបក្សខេត្ត គណៈកម្មាធិការប្រជាជនខេត្តចង្អុលការអនុវត្តល្អការងារផ្សព្វផ្សាយសាយភាយ អប់រំច្បាប់ក្នុងតំបន់ជនរួមជាតិភាគតិចឆ្នាំ ២០២៣ និងបណ្តាឆ្នាំបន្តបន្ទាប់។

ទម្រង់ស្រោចស្រពទឹកដំណាំដោយចំពួយ។ រូបថត៖ ទ្រឿងអង

អនុវត្តម៉ឺងម៉ាត់សេចក្តីសម្រេចចិត្តលេខ ១៣៣៤/QĐ- UBND ចុះថ្ងៃទី ១៩ ខែកក្តដា ឆ្នាំ ២០២២ របស់គណៈកម្មាធិការប្រជាជនខេត្តស្តីពីការចេញផ្សាយផែនការអនុវត្តសេចក្តីសម្រេចចិត្តលេខ ១០/NQ-CP ចុះថ្ងៃទី ២៨ ខែមករា ឆ្នាំ ២០២២ របស់រដ្ឋាភិបាលចេញផ្សាយយុទ្ធសាស្ត្រការងារជនជាតិដំណាក់កាល ២០២១-២០៣០ ចក្ខុវិស័យដល់ ឆ្នាំ ២០៤៥ លើភូមិសាស្ត្រខេត្ត។ ទន្ទឹមនឹងនោះ អនុវត្តសេចក្តីសម្រេចចិត្តលេខ ០៦-NQ/TU ចុះថ្ងៃទី ០៨ ខែតុលា ឆ្នាំ ២០២១ របស់គណៈកម្មាធិការបក្សខេត្តស្តីពីបន្តពង្រីកលើគ្រប់វិស័យតំបន់ជនរួមជាតិខ្មែរដំណាក់កាល ២០២១ -២០២៥ កំណត់ទិសដៅដល់ឆ្នាំ ២០៣០។ល។

ការផ្សព្វផ្សាយអនុវត្តបណ្តាគ្រោងផែនការ គម្រោងការ កម្មវិធីគប្បីភ្ជាប់ជាមួយនឹងការថែទាំជីវភាពស្មារតីជូនជនរួមជាតិខ្មែរ។ អភិរក្ស និងអភិវឌ្ឍន៍បណ្តាពិធីបុណ្យទាន និងវប្បធម៌របស់ជនរួមជាតិខ្មែរ។ ថ្នាក់ដឹកនាំខេត្តមានក្តីសង្ឃឹម ថា ជនរួមជាតិខ្មែរត្រាវិញគប្បីបន្តពង្រីកប្រវេណីស្នេហាជាតិ សាមគ្គីជនជាតិ សាមគ្គីសាសនា ប្រតិបត្តិល្អគោលការណ៍ គោលមាគ៌ា គោលនយោបាយ ក្រឹត្យច្បាប់របស់បក្ស រដ្ឋ ជ្រោងខ្ពស់ស្មារតីឆន្ទៈខ្លួនទីពឹងខ្លួន ស្វាហាប់សស្រាក់សស្រាំ រូតរះប្រឡងប្រណាំងពលកម្មផលិត រៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ។

អនុវត្តកម្មវិធីគោលដៅជាតិពង្រីកសេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំដំណាក់កាល ២០២១-២០៣០ ដើម្បីជួយឱ្យប្រជាជនបង្កើនជីវភាពរស់នៅ ដំណាក់កាលទី ១ (២០២១-២០២៥) ខេត្តមានផែនការវិនិយោគបណ្តាគម្រោងការដើម្បីដោះស្រាយស្ថានភាពខ្វះដីសម្រាប់នៅ ដីសាងសង់លំនៅឋាន ដីផលិត ទឹកស្អាតប្រជុំជីវភាព គ្រោងផែនការ រៀបចំ បែងចែកលំនឹងតំបន់តាំងប្រជា និវេសន៍នៅនឹងបណ្តាកន្លែងដែលមានតម្រូវការ វិនិយោគហេដ្ឋារចនាសម្ព័ន្ធសំខាន់ដើម្បីបម្រើតម្រូវការផលិត ជីវភាពប្រជាជនតំបន់ជនរួមជាតិភាគតិច អភិរក្ស អភិវឌ្ឍន៍តម្លៃ វប្បធម៌ប្រពៃណីបណ្តាជនរួមជាតិភាគតិចដោយភ្ជាប់ជាមួយនឹងពង្រីកទេសចរណ៍។ល។ ជាមួយនឹងប្រភពទុនសរុបរួមជាង ២៧១ ពាន់លានដុង។

     អ្នកយកសារព័ត៌មាន៖ សូមអរគុណសមមិត្តអនុលេខាអចិន្ត្រៃយ៍នៃគណៈកម្មាធិការបក្សខេត្ត៕