សមមិត្តគឹមង៉ុកថាយ អនុលេខាប្រចាំការបក្សខេត្តត្រួតពិនិត្យ ការងារបង្ការ ទប់ស្កាត់អាសន្នរោគកូវីដ-១៩ នៅស្រុកថ្កូវ

       ក្នុងពិធីធ្វើការត្រួតពិនិត្យ សមមិត្ត យឿងវុាំង​ទ្រាវ សមាជិកគណៈប្រតិបត្តិការបក្សខេត្ត លេខាបក្សស្រុកថ្កូវ និងថ្នាក់ដឹកនាំបណ្តាឃុំ ទីប្រជុំជន បានរបាយការណ៍អំពីការងារបង្ការទប់ស្កាត់អាសន្នរោគកូវីដ-១៩ ការងារសុខុមាលភាពសង្គម ថែទាំជីវភាពដល់បណ្តាមុខសញ្ញាត្រូវរងជះឥទ្ធិពលអាស្រ័យដោយរោគជំងឺ អនុវត្តគោលនយោបាយអាទិភាពរបស់បក្ស រដ្ឋដល់បណ្តាមុខសញ្ញា ការងារចាក់វ៉ាក់សាំងជូនបណ្តាមុខសញ្ញាអាទិភាព និងប្រជាជន។
     មានយោបល់ចង្អុលការ សមមិត្ត គឹមង៉ុកថាយ អនុលេខាប្រចាំការបក្សខេត្ត បានវាយតម្លៃខ្ពស់ ការងារបង្ការ ទប់ស្កាត់រោគជំងឺរបស់ស្រុកថ្កូវ ពិសេសគឺចំនួនករណី F០ បានកាត់បន្ថយ។ អនុលេខាប្រចាំការបក្សខេត្តសំណូមពរថ្នាក់ដឹកនាំស្រុក និងបណ្តាឃុំ ទីប្រជុំជនគប្បីចង្អុលការយ៉ាង ប្តូរផ្តាច់ជាងទៀត គប្បីបន្តអនុវត្តល្អការងារធ្វើតេស្តជម្រះមនុស្សក្នុងទូទាំងស្រុកដើម្បីជម្រើស F០ ចេញផុតពីសហគមន៍។ ចំពោះកងកម្លាំងប្រចាំការនៅប៉ុស្តិ៍ គប្បីអនុវត្តល្អបណ្តាវិធានការបង្ការ ទប់ស្កាត់ជំងឺ អនុវត្តម៉ឹងម៉ាត់ចត្តាឡីស័កក្នុងតំបន់ចត្តាឡីស័ក តំបន់គម្លាតតាមល័ក្ខការណ៍ “បន្ទប់នរណា អ្នកនោះនៅ” ដើម្បីការពារមិនទុកឱ្យឆ្លង ឆ្វេងគ្នា។ គប្បីបង្កើនការងារត្រួតពិនិត្យការប្រតិបត្តិតាមការគម្លាតសង្គម វិនិច្ឆ័យម៉ឹហម៉ាត់ចំពោះករណីបំពាន។ អំពីសុខុមាលភាពសង្គម អនុលេខាប្រចាំការបក្សខេត្តសំណូមពរថ្នាក់ដឹក នាំ និងបណ្តាឃុំ ទីប្រជុំជនមិនទុកឱ្យប្រជាជនត្រូវ អត់ឃ្លាន ចាត់តាំងពិនិត្យឡើងវិញ ពលករសេរី ដើម្បីបន្តឧបត្ថម្ភ និងធានាសន្តិសុខនយោបាយ សណ្តាប់ធ្នាប់សុវត្ថិភាពសង្គម។ ទន្ទឹមនឹងនោះ កសាងសេចក្តីរបាយការណ៍បូកសរុបលទ្ធផលគម្លាតសង្គមលើកទី ០៣ សម្រាប់វាយតម្លៃ និងបញ្ជាក់បណ្តាតំបន់មានគ្រោះអាសន្ន ដើម្បីស្នើសុំគោលការណ៍របស់គណៈកម្មាធិការបក្សខេត្ត បែងតំបន់ដើម្បីអនុវត្តសារាចរលេខ ១៦ ឬសារាចរលេខ ១៥ របស់រដ្ឋាភិបាល។
     បន្ទាប់ពីនោះសមមិត្ត គឹមង៉ុកថាយ អនុលេខា ប្រចាំការបក្សខេត្តបានអញ្ជើញទៅពិនិត្យផ្ទាល់កំពង់ផែឌិញអាង។ នៅទីនេះសមមិត្តគឹមង៉ុកថាយបានសំណូមពរថ្នាក់ដឹកនាំទីប្រជុំជនឌិញអាងគប្បីត្រួតពិនិត្យហ្មត់ចត់ទុកកប៉ាល់នាវានាវិក-វិកាចេញចូលកំពង់ផែ ចាប់បង្ខំឱ្យតេស្តរហ័ស ដើម្បីក្តាប់ខ្ជាប់មុខសញ្ញានិងធានាការងារបង្ការទប់ស្កាត់អាសន្នរោគជំងឺ៕                                                                                                                                                      តឹងតាយ-រតនា