14/07/2023 08:10
កាលពីថ្ងៃទី ១០ ខែកក្កដា គណៈកម្មាធិការត្រួតពិនិត្យមជ្ឈិមបក្សចាត់តាំងសន្និបាតទូទាំងប្រទេសបូកសរុបលទ្ធផលការងារត្រួតពិនិត្យ ឃ្លាំមើលរបស់បក្ស ៦ ខែដើមឆ្នាំ និងផ្សព្វផ្សាយភារកិច្ចការងារ ៦ ខែចុងឆ្នាំ ២០២៣។ សមមិត្ត ត្រឹងកឹមតូ សមាជិកការិយាល័យនយោបាយ លេខាមជ្ឈិមបក្ស ប្រធានគណៈកម្មាធិការត្រួតពិនិត្យមជ្ឈិមបក្សធ្វើជាអធិបតីសន្និបាតផ្សាយបន្តផ្ទាល់ជាមួយ ៦៩ មណ្ឌលក្នុងទូទាំងប្រទេស។
អញ្ជើញចូលរួមនៅមណ្ឌលផ្សាយបន្តផ្ទាល់ខេត្តត្រាវិញមានសមមិត្ត ឡឹមមិញដាំង អនុលេខាបក្សខេត្ត និងថ្នាក់ដឹកនាំគណៈកម្មាធិការបក្សគ្រប់លំដាប់ថ្នាក់ គណៈកម្មាធិការត្រួតពិនិត្យ ឃ្លាំមើលបណ្តាស្រុក ទីផ្សាររួមខេត្ត ទីក្រុងក្នុងខេត្ត។
បណ្តាតំណាងចូលរួមសន្និបាតផ្សាយបន្តផ្ទាល់។ ហ្វិញណូយ
គិតតាំងពីដើមឆ្នាំមកដល់ពេលនេះ គណៈកម្មាធិការបក្សគ្រប់លំដាប់ថ្នាក់ដំណើរការត្រួតពិនិត្យអង្គការចាត់តាំងបក្សបានជិត ១៩.៥០០ កន្លែង និងបក្ខជនជាង ១០០.០០០ រូប ឆ្លងតាមនោះសន្និដ្ឋានអង្គការចាត់តាំងបក្ស ៥០៥ កន្លែង និងបក្ខជនជាង ១.៧០០ រូបមានការបំពាន មានគុណវិបត្តិត្រូវអនុវត្តពិន័យអង្គការចាត់តាំងបក្ស ០៣ កន្លែង និងបក្ខជន ១៧ រូប។ ទន្ទឹមនឹងនោះ គណៈកម្មាធិការត្រួតពិនិត្យគ្រប់លំដាប់ថ្នាក់ត្រួតពិនិត្យនៅពេលមានសញ្ញាបំពានចំពោះអង្គការចាត់តាំងបក្សជាង ៩០០ កន្លែង និងបក្ខជនជាង ៣.០០០ រូប សន្និដ្ឋានមានអង្គការចាត់តាំងបក្សជាង ៦៤៨ កន្លែង និងបក្ខជនជិត ២.៥០០ រូបមានការបំពាន មានគុណវិបត្តិ។
អំពីការអនុវត្តន៍ពិន័យ គណៈកម្មាធិការបក្សគ្រប់លំដាប់ថ្នាក់ និងសាខាបក្សអនុវត្តការពិន័យអង្គការចាត់តាំងបក្ស ១៨២ កន្លែង និងបក្ខជនជាង ៧.០០០ រូប គណៈកម្មាធិការត្រួតពិនិត្យគ្រប់លំដាប់ថ្នាក់អនុវត្តពិន័យអង្គការចាត់តាំងបក្ស ៩២ កន្លែង និងបក្ខជនជិត ២.៩០០ រូប។ ខ្លឹមសារនៃការបំពានភាគច្រើនគឺចាត់តាំងអនុវត្តលក្ខការណ៍ ប្រជាធិបតេយ្យប្រមូលផ្តុំ និងបែបបទធ្វើការ អំពីការងារកម្មាភិបាល ខ្វះការទទួលខុសត្រូវ បន្ធូរបន្ថយមិនយកចិត្តទុកដាក់ការដឹកនាំ ចង្អុលការ ខ្វះការត្រួតពិនិត្យ ស៊ើបអង្កេតទុកឲ្យមានកើតឡើងការបំពានក្នុងការគ្រប់គ្រង ប្រើប្រាស់ដីធ្លី ធនធាន រ៉ែ ហិរញ្ញវត្ថុ ទ្រព្យសម្បត្តិ។ល។ ក្នុងការងារឃ្លាំមើល គណៈកម្មាធិការបក្សគ្រប់លំដាប់ថ្នាក់ឃ្លាំមើលអង្គការចាត់តាំងបក្សជាង ១២.៤០០ កន្លែង និងបក្ខជនជាង ៤៤.៧០០ រូប គណៈកម្មាធិការបក្សត្រួតពិនិត្យគ្រប់លំដាប់ថ្នាក់ឃ្លាំមើលអង្គការចាត់តាំងបក្សជាង ៨.៩០០ កន្លែង និងបក្ខជនជាង ១២.០០០ រូប។
ដោយឡែកនៅនឹងខេត្តត្រាវិញ កន្លងហើយគណៈអចិន្ត្រៃយ៍នៃគណៈកម្មាធិការបក្សខេត្តតែងយកចិត្តទុកដាក់ដឹកនាំ ចង្អុលការគណៈកម្មាធិការបក្ស អង្គការចាត់តាំងបក្ស គណៈកម្មាធិការត្រួតពិនិត្យគ្រប់លំដាប់ថ្នាក់ផ្សព្វផ្សាយ ចាត់តាំងអនុវត្តល្អខ្លឹមសារកម្មវិធី ផែនការត្រួតពិនិត្យ ឃ្លាំមើលដែលបានដាក់ចេញ។ ម្ចាស់ការអនុវត្តភារកិច្ចត្រួតពិនិត្យ ឃ្លាំមើលជារឿយៗ និងឯកទេសបទចំពោះអង្គការចាត់តាំងបក្ស បក្ខជន។ ទន្ទឹមនឹងនោះចង្អុលការក្តាប់ស្ថានភាព ដោះស្រាយលិខិតប្តឹងតវ៉ា ថ្កោលទោស ទិតៀន ពិនិត្យវិនិច្ឆ័យពិន័យម៉ឺងម៉ាត់ចំពោះអង្គការចាត់តាំងបក្ស បក្ខជនដែលមានគុណវិបត្តិ បំពានយ៉ាងត្រឹមត្រូវតាមសេចក្តីកំណត់។
ចង្អុលការភារកិច្ចសំខាន់ៗសម្រាប់ ០៦ ខែចុងឆ្នាំ ២០២៣ ប្រធានគណៈកម្មាធិការត្រួតពិនិត្យមជ្ឈិមបក្ស ត្រឹងកឹមតូ សំណូមពរគណៈកម្មាធិការបក្ស អង្គការចាត់តាំងបក្ស គណៈកម្មាធិការត្រួតពិនិត្យគ្រប់លំដាប់ថ្នាក់គប្បីជ្រួតជ្រាបជ្រាលជ្រៅជាងទៀត ដើម្បីសាមគ្គីអនុវត្តភារកិច្ច បន្តលើកកម្ពស់ការយល់ដឹង ភារកិច្ចទទួលបន្ទុក និងចង្អុលការថ្នាក់ក្រោមអនុវត្តការងារត្រួតពិនិត្យ ឃ្លាំមើលដោយម្ចាស់ការជាប្រចាំ បន្តធ្វើសេនាធិការកសាង សុក្រឹតលទ្ធិគ្រប់គ្រងស្តីពីការងារត្រួតពិនិត្យ ឃ្លាំមើលធានាវិទ្យាសាស្រ្ត ជិតស្និទ្ធសមស្របជាមួយលក្ខណៈជាក់ស្តែង និងផ្សព្វផ្សាយរចនាបទត្រួតពិនិត្យសមត្ថកិច្ច ។ សកម្មធ្វើសេនាធិការ និងចាត់តាំងអនុវត្តលើគ្រប់វិស័យនៃបណ្តាភារកិច្ចត្រឹមត្រូវតាមសេចក្តីកំណត់របស់លក្ខន្តិកបក្ស និងភារកិច្ចដែលគណៈកម្មាធិការបក្សប្រគល់ជូន អនុវត្តម៉ឺងម៉ាត់សេចក្តីសន្និដ្ឋានរបស់គណៈកម្មាធិការមជ្ឈិមបក្សស្តីពីការបង្ការ ប្រឆាំងអំពើពុករលួយ អសកម្ម បន្តពង្រឹង និងលើកកម្ពស់គុណភាពកងជួរកម្មាភិបាលត្រួតពិនិត្យ ឃ្លាំមើលគ្រប់លំដាប់ថ្នាក់រឹងមាំ។ ទន្ទឹមនឹងនោះបង្កើនការចង្អុលការដើម្បីបង្កភាពវិវឌ្ឍន៍យ៉ាងសកម្ម ច្បាស់លាស់ជាងទៀតក្នុងទូទាំងផ្នែក ជម្នះស្ថានភាពជួយបិទបាំង យោគយល់ គេចវេះនៅតាមមូលដ្ឋាន ស្ថាប័ន អង្គភាព៕
ប្រែសម្រួល៖ រតនា
.gif)
ការងារអប់រំ និងបណ្ដុះបណ្ដាលក្នុងជនរួមជាតិខ្មែរ តែងបានគណៈ កម្មាធិការបក្ស រដ្ឋអំណាចលើភូមិសាស្រ្តស្រុកកូវង៉ាងយកចិត្តទុកដាក់ជានិច្ច។ ជាពិសេសគឺកម្មវិធីគោលដៅជាតិពង្រីកសេដ្ឋកិច្ច-សង្គម តំបន់ជនរួមជាតិភាគតិច និងតំបន់ភ្នំដំណាក់កាល ២០២១-២០២៥ បានផ្សព្វផ្សាយត្រូវតាមមុខសញ្ញាទទួលផល និងតំបន់ជនរួមជាតិខ្មែរ។
 copy.jpg)
