សន្និបាតអ្នករបាយការណ៍មជ្ឈិមខែមករា ឆ្នាំ២០២៥

     សន្និបាតបានចាត់តាំងដោយផ្ទាល់ និងផ្សាយបន្តផ្ទាល់នៅហាណូយ ២.៤០០មណ្ឌលទូទាំងប្រទេសដោយមានតំណាងជាង ៤៥.០០០ នាក់ចូលរួម។ សមមិត្ត ផាងស្វឹងធ្វី អនុប្រធានគណៈឃោសនាអប់រំមជ្ឈិមបក្សធ្វើជាអធិបតីសន្និបាត។

ទិដ្ឋភាពអង្គសន្និបាតផ្សាយបន្តផ្ទាល់ត្រាវិញ។ ហុងញុង

     នៅនឹងមណ្ឌលផ្សាយបន្តផ្ទាល់ខេត្តត្រាវិញមានសមមិត្ត យឿងម៉ីផា អនុប្រធានគណៈឃោសនាអប់រំនៃគណៈកម្មាធិការបក្សខេត្ត អ្នករបាយការណ៍ថ្នាក់មជ្ឈិមអង្គភាពខេត្តត្រាវិញ អ្នករបាយការណ៍ថ្នាក់ខេត្ត។

     ស្ថិតក្នុងសន្និបាតនេះ តំណាងបានផ្តល់ព័ត៌មានឯកទេសបទ“ទិដ្ឋភាពទូទៅនៃសេដ្ឋកិច្ច-សង្គមឆ្នាំ២០២៤ព្យាករណ៍សភាពការណ៍ពង្រីកសេដ្ឋកិច្ច-សង្គមឆ្នាំ២០២៥”ផ្តល់ព័ត៌មានជាទិដ្ឋភាពទូទៅពីសភាពការណ៍ពិភពលោក សកម្មភាពកិច្ចការបរទេស និងភាពទំនាក់ទំនងការទូតរបស់បក្សនិងរដ្ឋឆ្នាំ២០២៤សេចក្តីព្រាងស្ថានភាពពិភពលោកនិងកិច្ចការបរទេសនិងភារកិច្ចការទូតឆ្នាំ២០២៥” លទ្ធផលលេចធ្លោមួយចំនួននៃការងារផ្សព្វផ្សាយផ្ទាល់មាត់ក្នុងឆ្នាំ២០២៤។

     អំពីការងារផ្សព្វផ្សាយក្នុងខែមករា ឆ្នាំ​២០២៥សមមិត្ត ផាងស្វឹងធ្វី បានស្នើដល់គណៈឃោសនាអប់រំនៃគណៈកម្មាធិការបក្ស និងអ្នករបាយការណ៍គ្រប់លំដាប់ថ្នាក់ធ្វើការផ្សព្វផ្សាយតាមសេចក្តីណែនាំលេខ ១៨៣-HD/BTGTW ចុះថ្ងៃទី ៣១ ខែធ្នូ ឆ្នាំ២០២៤របស់គណៈឃោសនាអប់រំមជ្ឈិមបក្ស។ទន្ទឹមនឹងនោះផ្សព្វផ្សាយអនុស្សាវរីយ៍ឆ្នាំទី៩៥ទិវាបង្កើតបក្សកុម្មុយនិស្ត​វៀត​ណាម (ថ្ងៃទី ៣ ខែកុម្ភៈ ឆ្នាំ ១៩៣០ - ថ្ងៃទី ៣ ខែកុម្ភៈ ឆ្នាំ ២០២៥) ជំរុញការផ្សព្វផ្សាយបូកសរុបលទ្ធផលអនុវត្តសេចក្តីសម្រេចចិត្តលេខ ១៨-NQ/TW របស់គណៈប្រតិបត្តិការមជ្ឈិមបក្សលើកទី ១២។

     ផ្សព្វផ្សាយបណ្តាសកម្មភាពរបស់ថ្នាក់ដឹកនាំបក្ស រដ្ឋ គណៈកម្មាធិការបក្ស និងរដ្ឋអំណាចគ្រប់លំដាប់ថ្នាក់ចុះសួរសុខទុក្ខ លើកទឹកចិត្ត និងប្រសិទ្ធពរឆ្នាំថ្មីដល់ប្រជាជន កម្មាភិបាលបដិវត្តន៍ចាស់ព្រឹទ្ធាចារ្យ អ្នកម្តាយវៀតណាមវីរភាព និងអ្នកមានប្រជាប្រិយភាព បណ្តាអង្គភាពកងកម្លាំងប្រដាប់អាវុធ កងកម្លាំងប្រចាំការក្នុងបណ្តាថ្ងៃបុណ្យតេត ព្រំដែន កោះសមុទ្រ។ល។

     ជំរុញការចលនាផ្សព្វផ្សាយសេចក្តីសម្រេចចិត្តលេខ ៥៧-NQ/TW ចុះថ្ងៃទី ២២ ខែធ្នូ ឆ្នាំ ២០២៤ របស់ការិយាល័យនយោបាយស្តីពីទម្លុះទម្លាយពង្រីកវិទ្យាសាស្ត្រ-បច្ចេកវិទ្យា ការច្នៃប្រឌិត និងការផ្លាស់ប្តូរឌីជីថលជាតិ។ បន្តជំរុញការផ្សព្វផ្សយសកម្មភាពត្រៀមបម្រុងនិងដំណើការចាត់តាំងមហាសន្និបាតបក្សគ្រប់លំដាប់ថ្នាក់ ឈានដល់មហាសន្និបាតលើកទី ១៤ របស់បក្ស។

     ក្នុងឱកាសនេះដែរ  គណៈឃោសនាអប់រំមជ្ឈិមបក្សជូនបណ្ណសរសើរដល់សមូហភាព ០៩ កន្លែង និងបុគ្គល ១១ រូបដែលមានស្នាដៃឆ្នើមក្នុងការងារផ្សព្វផ្សាយផ្ទាល់មាត់ សកម្មភាពអ្នករបាយការណ៍ក្នុងឆ្នាំ ២០២៤។​  សុខា