សន្និបាតសំណេះសំណាលជាមួយនឹងអ្នកជាប្រមុខបណ្តាអង្គការចាត់តាំងសាសនាលើភូមិសាស្ត្រខេត្តត្រាវិញ

     ក្នុងទូទាំងខេត្តមាន ០៩ សាសនា ក្នុង ០៩ ខែដើមឆ្នាំ ២០២២ បណ្តាអង្គការចាត់តាំងសាសនា អ្នកមុខអ្នកការ និងបរិស័ទបណ្តាសាសនាក្នុងខេត្តធ្វើសកម្មភាពត្រឹមត្រូវតាមរដ្ឋធម្មនុញ្ញ លក្ខន្តិកៈរបស់សាសនា ប្រតិបត្តិល្អគោលការណ៍ គោលមាគ៌ា គោលនយោបាយ ក្រឹត្យច្បាប់របស់បក្ស រដ្ឋ។ បណ្តាសាសនា​សហការជាមួយនឹងគណៈកម្មាធិការរណសិរ្សមាតុភូមិវៀតណាមគ្រប់លំដាប់ថ្នាក់ និងបណ្តាមន្ទីរ គណៈ ផ្នែក បណ្តាអង្គការចាត់តាំងជា​សមាជិកចាត់តាំងពិធីមិទ្ទិញបាន ១០ លើកដូចជា៖ ទិវាបរិស្ថានពិភព​លោក ថ្ងៃទី ៥ ខែឧសភានៅនឹងបណ្តាមូលដ្ឋានភ្ជាប់ជាមួយនឹងតំបន់អាសយជនដែលមានមូលដ្ឋានសាសនាចូលរួមការពារបរិស្ថាន ទប់ទល់ជាមួយនឹងអាកាសធាតុប្រែប្រួល ចូលរួមដាំដើមឈើពង្រាយ បៃតង ផ្កាគ្រប់ប្រភេទដើម្បីកសាងបណ្តាកំណាត់ផ្លូវភ្លឺ-ជ្រះ-ស្អាត។ គណៈអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមខេត្តចាត់តាំងពិធីជួបជុំសំណេះសំណាលជាមួយនឹងបណ្តាអ្នកមុខអ្នកការបាន ០៤ លើក ដោយមានអ្នកមុខអ្នកការ ៧០ លើកនាក់ចូលរួម។ ចាត់តាំងទៅសួរសុខទុក្ខ ប្រសិទ្ធពរអ្នកមុខអ្នកការឆ្នើម អ្នកមានប្រជាប្រិយភាពក្នុងព្រះពុទ្ធសាសនាខ្មែរនាឱកាស បុណ្យចូលឆ្នាំថ្មី បុណ្យសែនដូនតា។

ទិដ្ឋភាពអង្គសន្និបាត។

      ស្ថិតនៅនឹងសន្និបាត មាន ០៧ យោបល់របស់តំណាងនៃបណ្តាអង្គការចាត់តាំងសាសនាពិភាក្សា ស្តីពីយុវជនជនជាតិចាមអនុវត្តកាតព្វកិច្ចយោធា បញ្ហាសន្និសុខ​បណ្តាញសង្គម បញ្ហាជនជាតិ សាសនានៅលើភូមិសាស្ត្រ ស្មារតីសាមគ្គី មនុស្សធម៌ស្ម័គ្រចិត្តរវាងបណ្តាសាសនា ការនាំចូល​វប្បធម៌ភណ្ឌ ព្រះពុទ្ធប្បដិមាពីក្រៅប្រទេសចូលមកវៀតណាម បណ្តា​សំណុំបែបបទទាក់ទិនដល់ដីធ្លីរបស់មូលដ្ឋានជំនឿសាសនា បង្កលក្ខណៈត្រៀមបម្រុងមហាសន្និបាតសមាគមព្រះសង្ឃសាមគ្គីស្នេហាជាតិបណ្តាស្រុក។ល។

      មានយោបល់សន្និដ្ឋានសន្និបាត លោកគាងបុណ្យសំណូមពរគណៈ​កម្មាធិការរណសិរ្សមាតុភូមិវៀតណាមគ្រប់លំដាប់ថ្នាក់ បណ្តា​អ្នក​មុខអ្នកការ និងបរិស័ទសាសនាគប្បីបន្តផ្សព្វផ្សាយល្អគោលការណ៍ គោលមាគ៌ា គោលនយោបាយ ក្រឹត្យច្បាប់របស់បក្ស រដ្ឋដល់ប្រជាជន បរិស័ទ សកម្មអនុវត្តល្អបណ្តាសកម្មភាពបង្ការទប់ស្កាត់អាសន្ន​រោគជំងឺកូវីដ-១៩។ ឧបត្ថម្ភ បង្កលក្ខណៈងាយស្រួលដើម្បីចាត់​តាំងមហាសន្និបាតតំណាងកាតូលិកសាសនាខេត្តត្រាវិញ កសាង និងការពារមាតុប្រទេស អាណត្តិកាល ២០២២-២០២៧។ ចាត់តាំង​ទៅសួរសុខទុក្ខប្រសិទ្ធពរដល់អ្នកមុខអ្នកការ អង្គការចាត់តាំងសាសនា​នា​ឱកាសពិធីបុណ្យសំខាន់ៗរបស់សាសនា និងបង្កើនការងារ និងឆ្លៀតឱកាសជួបសំណេះសំណាលជាមួយនឹងអ្នកមុខអ្នកការបណ្តាសាសនា ដើម្បីដោះស្រាយទាន់ពេលបណ្តាការងារទុក្ខលំបាក​ដើម្បីទុកឱ្យបណ្តាសកម្មភាពជំនឿសាសនាប្រតិបត្តិល្អតាមសេចក្តីកំណត់របស់ច្បាប់៕

ប្រែសម្រួល៖រតនា