សន្និបាតផ្សាយបន្តផ្ទាល់ទូទាំងប្រទេសផ្សព្វផ្សាយការងារជនជាតិ

សន្និបាតផ្សាយបន្តផ្ទាល់ជាមួយនឹងមណ្ឌលរបស់ ៥៣ ខេត្ត ទីក្រុងក្នុងទូទាំងប្រទេស។ នៅមណ្ឌលផ្សាយបន្តផ្ទាល់ខេត្តត្រាវិញមានលោក គាងនិញ ប្រធានគណៈជនជាតិខេត្ត បណ្តាអនុប្រធានគណៈជនជាតិខេត្ត ហាថាញស៊ើង និងថាច់មុនី រួមជាមួយនឹងតំណាងការិយាល័យជនជាតិបណ្តាស្រុក ទីក្រុង គណៈកម្មាធិការរណសិរ្សមាតុភូមិវៀតណាមខេត្ត មន្ទីរហិរញ្ញវត្ថុ មន្ទីរអប់រំ-បណ្តុះបណ្តាល។

បណ្តាតំណាងចូលរួមសន្និបាតផ្សាយបន្តផ្ទាល់។ រូបថត៖ ហ៊ឺវហ្វេ

ក្នុង ០៦ ខែដើមឆ្នាំ ២០២២ ស្ថានភាពសេដ្ឋកិច្ច-សង្គមលើភូមិសាស្ត្រតំបន់ជនជាតិ​ភាគតិច និងតំបន់ភ្នំមានការវិវឌ្ឍន៍យ៉ាងសកម្ម សុខុមាលភាពសង្គមបានធានា។ ក្នុងទូទាំងប្រទេសមានឃុំតំបន់ជនជាតិភាគតិច និងតំបន់ភ្នំចំនួន ៣.៤៣៤ ឃុំ (តំបន់ទី ១ មានឃុំចំនួន ១.៦៧៣ ឃុំ តំបន់ទី ២ មានឃុំចំនួន ១.៥៥១ ឃុំ) គិតតាំងពីឆ្នាំ ២០២១ បណ្តាកម្មវិធីគោលនយោបាយជនជាតិតែងបានរួមបញ្ចូលទៅក្នុងកម្មវិធីគោលដៅជាតិពង្រីកសេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ ដំណាក់កាល ២០២១-២០៣០។ ឆ្លងតាមនោះ មាន ៥៥ គោលនយោបាយជនជាតិបានផ្សព្វផ្សាយ ក្នុងនោះមាន ១៩ ខេត្តមានគោលនយោបាយលក្ខណៈពិសេសដោយឡែក។ ឧបត្ថម្ភទូរស័ព្ទឈ្លាសវៃដល់អ្នកមានប្រជាប្រិយភាពក្នុងតំបន់ជនជាតិភាគតិចបាន ២.០០០ គ្រឿង ចាត់តាំងថ្នាក់បណ្តុះបណ្តាល បំពាក់បំប៉នចំណេះដឹងអំពីការងារជនជាតិបាន ៤០ ថ្នាក់។ ប្រើប្រាស់ខ្ទង់ជំនួយដោយមិនសងមកវិញពីមូលនិធិដៃគូអប់រំទូទាំងពីភពលោក GPE បាន ១៧,៥ លានដុល្លារ និងបុលអាទិភាពពី WB ឧបត្ថម្ភថវិកាកម្មវិធីគោលដៅជាតិពង្រីកសេដ្ឋកិច្ច-សង្គមក្នុងតំបន់ជនជាតិភាគតិច និងតំបន់ភ្នំ ដំណាក់កាល ២០២១-២០៣០ បាន ១៥០ លានដុល្លារ។

ដោយឡែកខេត្តត្រាវិញ មានគោលនយោបាយ ០៣ ដែលបានផ្សព្វផ្សាយ (សកម្មភាពរបស់សមាគមព្រះសង្ឃសាមគ្គីស្នេហាជាតិ សកម្មភាពរបស់សមាគមសង្គ្រោះចិនទីក្រុងត្រាវិញ គោលនយោបាយឧបត្ថម្ភអំណោយដល់បណ្តាមុខសញ្ញានាឱកាសបុណ្យចូលឆ្នាំថ្មីរបស់ជនរួមជាតិខ្មែរឆ្នាំ ២០២២)។ អំពីការអនុវត្តន៍សេចក្តីសម្រេចចិត្តលេខ ១២/២០១៨/QĐ-TTg​ ចុះថ្ងៃទី ០៦ ខែមីនា ឆ្នាំ ២០១៨ របស់នាយករដ្ឋមន្ត្រីនៃ​រដ្ឋាភិបាល​ស្តីពី​ការសួរសុខទុក្ខ និងជូនអំណោយដល់អ្នកមានប្រជាប្រិយភាពក្នុងតំបន់ជនជាតិ​ភាគតិចនាឱកាសបុណ្យតេតញ៉ឹមយ៉ឹង បុណ្យចូលឆ្នាំថ្មីរបស់ជនរួមជាតិខ្មែរចំនួន ៤៧០ លើកនាក់។ ចាត់តាំងសន្និបាតហ្វឹកហាត់ ផ្តល់ព័ត៌មានបាន ០៨ លើកដោយមានអ្នកមានប្រជាប្រិយភាពក្នុងតំបន់ជនជាតិភាគតិចចំនួន ៤០៩ នាក់ចូលរួម។ ផ្តើមពីប្រភពទុន ( ០៩ ពាន់លានដុង) ជំនួយពី ODA ដោយមិនសងមកវិញរបស់រដ្ឋាភិបាលអៀរឡង់បានផ្សព្វផ្សាយនៅ ០៤ ស្រុកគឺយ្វៀងហាយ ថ្កូវ កូវង៉ាង និងចូវថាញ់។ល។

ក្នុង ០៦ ខែចុងឆ្នាំ ២០២២ បន្តអនុវត្តល្អបណ្តាសារាចរ សេចក្តីសម្រេចចិត្ត សេចក្តីសន្និដ្ឋានរបស់បក្ស រដ្ឋសភា រដ្ឋាភិបាល បណ្តាឯកសារចង្អុលការ បញ្ជាការរបស់នាយករដ្ឋមន្ត្រីនៃរដ្ឋាភិបាលដែលមានការទាក់ទិនដល់ការងារជនជាតិ។ ចាត់តាំងអនុវត្តកម្មវិធីគោលដៅជាតិពង្រីកសេដ្ឋកិច្ច-សង្គមក្នុងតំបន់ជនជាតិភាគតិច និងតំបន់ភ្នំ ដំណាក់កាលទី ១ ឆ្នាំ ២០២១-២០២៥ ពិនិត្យឡើងវិញបណ្តាគោលនយោបាយជនជាតិដែលអនុវត្តក្នុងតំបន់ជនជាតិភាគតិច និងតំបន់ភ្នំ។ ចាត់តាំងស្ងើចសរសើរអ្នកមានប្រជាប្រិយភាព ឥស្សរជន និងអាជីវករឆ្នើមជាជនជាតិភាគតិចទូទាំងប្រទេសលើកទី ២។ ស្ងើចសរសើរដល់សិស្ស និស្សិត យុវជនជនជាតិភាគតិចឆ្នើមឆ្នាំ ២០២២ (លើកទី ៩)។ បង្កើនការងារផ្សព្វផ្សាយ អប់រំច្បាប់ក្នុងតំបន់ជនជាតិភាគតិច៕

ប្រែសម្រួល៖រតនា