សិក្ខាសាលា “ចែករំលែកចំណេះដឹងពីបទពិសោធន៍ផ្តើមអាជីពច្នៃប្រតិដ្ឋជោគជ័យ ចងសម្ព័ន្ធអាជីវកម្មរកច្រកចេញសម្រាប់ផលិតផល”

ពិធីបំផុសចលនាទិវានារីផ្តើមអាជីព ។​  រូបថត៖ ង៉ុកស្វង
    លោកស្រី គាងធីមិញង្វៀក សមាជិកាគណៈប្រតិបត្តិការបក្សខេត្ត ប្រធានសមាគមសហព័ន្ធនារីខេត្ត បានឲ្យដឹង៖ ការឧបត្ថម្ភនារីផ្តើមអាជីពធ្វើអាជីវកម្មជាភារកិច្ចស្នូលមួយ ជានិច្ចកាលរបស់សមាគមសហព័ន្ធនារីគ្រប់លំដាបថ្នាក់ក្នុងអាណត្តិ កាល ២០១៦-២០២១។ ឆ្នាំ ២០២១ ជាឆ្នាំទី ៤ សមាគមសហព័ន្ធនារីគ្រប់លំដាបថ្នាក់បន្តផ្សព្វផ្សាយអនុវត្តគម្រោងផែនការ “ឧបត្ថម្ភនារីផ្តើមអាជីពដំណាក់កាល ២០១៧-២០២៥”។ តាមគោលដៅខិតខំដល់ឆ្នាំ ២០២៥ មាន ៩០% កម្មាភិបាលសមាគមជំនាញពីខេត្តដល់មូលដ្ឋានបាន លើកកម្ពស់ចំណេះដឹងវិធីសាស្ត្រឧប្ថម្ភនារីផ្តើម អាជីពពង្រីកធ្វើអាជីវកម្ម មាន ៧០% សមាជិកា បានផ្សព្វផ្សាយបង្កើនចំណេះដឹងអំពីការងារធ្វើការផ្តើមអាជីព។ ឆ្នាំនេះ សមាគមបំផុសចលនា “ទិវារីផ្តើមអាជីព” ដោយមានបធានបទ “នារីច្នៃ ប្រតិដ្ឋ ផ្តើមអាជីពក្នុងបដិវត្តន៍បច្ចេកវិទ្យា ៤.០”។ ឆ្លងតាមនោះ, សង្ឈឹមថាសមាជិកានារីពង្រីកស្មារតីម្ចាស់ការ ជំនឿលើខ្លួនឯង រវៀសរវៃច្នៃប្រតិដ្ឋ ក្នុងការផ្តើមអាជីព ធ្វើអាជីវកម្ម ស្តែងបានភារៈកិច្ច តួនាទីទទួលបន្ទុករបស់នារីក្នុងការពង្រីកសេដ្ឋកិច្ច-សង្គម នាំមកផលប្រយោជន៍រួមដល់សហគមន៍។
    ក្នុងពិធីបំផុសចលនា ថ្នាក់ដឹកនាំសមាគមសហព័ន្ធនារីខេត្ត មន្ទីរផែនការ និងវិនិយោគរួមជាមួយបណ្តាអាជីវកម្ម អាជីវករដែលទទួលបានជោគជ័យ បានចែករំលែកដំណាក់កាលផ្តើមអាជីព ឧទ្ទេសនាមបណ្តាទម្រង់ផ្តើមអាជីពច្នៃប្រតិដ្ឋទទួលបានលទ្ធផល។ ផ្តើមពីនោះ បង្កប្រភពកម្លាំងជំនួយដល់នារីនៅលើភូមិសាស្ត្រខេត្ត អនុវត្តការផ្តើមអាជីពនៅលើបណ្តាវិស័យ៖ ធ្វើអាជីវកម្ម ផ្គត់ផ្គង់ទំនិញ សេវាកសិកម្មទេសចរណ៍។ល។
    ដើម្បីឧបត្ថម្ភសមាជិកាបន្តជម្រុញសកម្មភាព ផ្តើមអាជីពផ្លាស់ថ្មី ច្នៃប្រតិដ្ឋ ក្នុងពិធីបំផុសចលនានេះ ថ្នាក់ដឹកនាំបណ្តាគម្រោងការអភិវឌ្ឍន៍អាជីវកម្មតូច និងល្មមខេត្តបានជូនប្រភពទុន ១,៧ ពាន់លានដុងឧបត្ថម្ភនារីផ្តើមអាជីព។ ឆ្លងតាមនោះសមាគមសហព័ន្ធនារីខេត្តបានជូនទឹកប្រាក់ ៦២០ លានដុងដល់បណ្តាគ្រួសារធ្វើអាជីវកម្ម អាជីវករ សហករណ៍កំពុងតម្រូវការប្រាក់ទុនធ្វើសកម្មភាព ដើម្បីពង្រីកស្មារតីច្នៃប្រតិដ្ឋ ហានគិត ហានធ្វើ ដើម្បីចលនានារីផ្តើមអាជីពមួយថ្ងៃ កាន់តែបានរីកចម្រើន។
    ជាពិសេសក្នុងកម្មវិធី “ទិវានារីផ្តើមអាជីពឆ្នាំ ២០២១” សមាជិកានារីបណ្តាស្រុកបានតាំងបង្ហាញបណ្តាផលិតផលវិសេសផលរបស់ភូមិឋាន​នីមួយៗ ដូចជា៖ ផលិតផលសិប្បកម្មតូច កាត់ដេរ បណ្តាផលិតផលតម្បាញ ផលិតផលកសិកម្មជ្រះស្អាត ផ្លែឈើ ដំណាំ ដូងខ្ទិះ។ល។ ទាក់ទាញការចូលរួមរបស់​បណ្តាតំណាង និងសមាជិកានារីដែលចូលរួម។ ផ្តើមពីនោះ ដើម្បីចង សម្ព័ន្ធ ឧទ្ទេសនាមផលិត​ផលរបស់បណ្តាអាជីវករ នារីផ្តើមអាជីពដល់អតិថិ​ជននៅបណ្តាមូលដ្ឋានសមាគម៕​​​​​​​​​​​​​​​​​​​​​​​​​                     

ប្រែសម្រួល៖ សុខា