លោកវរសេនីយ៍ឯកត្រឹងស្វឹងអាញ់ទទួលតំណែងជានាយកនគរបាលខេត្តត្រាវិញ

អញ្ជើញចូលរួមក្នុងពិធីនេះ មានលោក គឹមង៉ុកថាយ អនុលេខាអចិន្ត្រៃយ៍នៃគណៈកម្មាធិការបក្សខេត្ត ថ្នាក់ដឹកនាំអង្គភាពជំនាញការមួយចំនួនរបស់ក្រសួងនគរបាល ថ្នាក់ដឹកនាំនគរបាលបណ្តាអង្គភាព នគរបាលបណ្តាស្រុក ទីផ្សាររួមខេត្ត ទីក្រុងស្ថិតក្រោមឱវាទនគរបាលខេត្តត្រាវិញ។

សមមិត្តគឹមង៉ុកថាយជូនបាច់ថ្កាដល់វរសេនីយ៍ឯកវ៉ូវហ្វាយបាក់ និងវរសេនីយ៍ឯកត្រឹងស្វឹងអាញ់។ រូបថត៖ ហូយ៉ាង

ក្នុងពិធីប្រកាសសេចក្តីសម្រេចចិត្តរបស់រដ្ឋមន្ត្រីក្រសួងនគរបាលស្តីពីការងារកម្មាភិបាល លោកអនុរដ្ឋមន្ត្រី ឡេក្វឹកហ៊ុង បានកត់សម្គាល់បណ្តាការរួមចំណែករបស់លោកវរសេនីយ៍ឯកវ៉ូវហ្វាយបាក់ក្នុងរយៈពេលជិត ០២ ឆ្នាំកន្លងដែលអនុវត្តភារកិច្ចនគរបាលខេត្តត្រាវិញ។

លោកអនុរដ្ឋមន្ត្រី ឡេក្វឹកហ៊ុង វាយតម្លៃខ្ពស់ស្មារតីទទួលបន្ទុក ភាពម៉ឹងម៉ាត់ក្នុងកិច្ច ចង្អុលការ បញ្ជាការ ភាពរវៀសរវៃ រហ័សរហួនក្នុងការចាត់ការបណ្តាការងាររបស់លោកវរសេនីយ៍ឯកវ៉ូវហ្វាយបាក់។ អាស្រ័យសំណូមពរការងារកម្មាភិបាល លោកវរសេនីយ៍ឯកវ៉ូវហ្វាយបាក់ បានក្រសួងនគរបាលបញ្ជូនឱ្យទៅទទួលតំណែងជានាយកនាយកដ្ឋានសន្តិសុខត្រួតពិនិត្យក្រសួងនគរបាល។

លោកអនុរដ្ឋមន្ត្រី ឡេក្វឹកហ៊ុង សំណូមពរឲ្យលោកវរសេនីយ៍ឯក ត្រឹងស្វឹងអាញ់ ឆាប់ទទួលការប្រគល់ជូនការងារ ខិតជិតទៅរកភូមិសាស្រ្ត ពង្រីកលទ្ធភាព បទពិសោធន៍ក្នុងរយៈពេលបំពេញការងារ បន្តខិតខំពុះពារជាងទៀត ប្រតិបត្តិការដឹកនាំ ចង្អុលការរបស់គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន និងការដឹកនាំរបស់ក្រសួងនគរបាល។ សហការស្អិតល្មួតជាមួយមន្ទីរ គណៈ ផ្នែក និងមូលដ្ឋានក្នុងខេត្ត រក្សាសាមគ្គីភាព ឯកភាពក្នុងគណៈកម្មាធិការបក្ស កិច្ចចង្អុលការរបស់នគរបាលខេត្ត ពង្រីកកម្លាំងរឹងមាំរបស់សមូហភាពដើម្បីចង្អុលការគ្រប់វិស័យការងាររបស់នគរបាលខេត្ត អនុវត្តល្អភារកិច្ចការពារសន្តិសុខជាតិ ធានាសណ្តាប់ធ្នាប់សុវត្ថិភាពសង្គម និងកសាងកងកម្លាំងនគរបាលខេត្ត ស្អាតស្អំ រឹងមាំ រួមចំណែកទៅក្នុងបុព្វហេតុអភិវឌ្ឍន៍សេដ្ឋកិច្ច-សង្គមរបស់មូលដ្ឋាន។

លោកគឹមង៉ុកថាយ អនុលេខាអចិន្ត្រៃយ៍នៃគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្តថ្លែងយោបល់កត់សម្គាល់ និងស្ងើចសរសើរលោកវរសេនីយ៍ឯកវ៉ូវហ្វាយបាក់ បានសម្រេចឆ្នើមភារកិច្ចនាយកនគរបាលខេត្តត្រាវិញក្នុងរយៈពេលជិត ២​ ឆ្នាំ។ ជាពិសេសគឺ ភាពហ្មត់ចត់ក្នុងការងារ ដោះស្រាយការងារ តែងរក្សាខ្ជាប់សាមគ្គីភាព ឯកភាពផ្ទៃក្នុង។ ទន្ទឹមនឹងនោះមានបំណងឱ្យសមមិត្តនាយកនគរបាលថ្មីខេត្តបន្តពង្រីកប្រពៃណីល្អល្អះរបស់កងកម្លាំងនគរបាលប្រជាជន។ គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តត្រាវិញយកចិត្តទុកដាក់ និងបង្កលក្ខណៈដើម្បីឱ្យលោកវរសេនីយ៍ឯកត្រឹងស្វឹងអាញ់សម្រេចល្អភារកិច្ចដែលបានប្រគល់ជូន៕​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​                  

ប្រែសម្រួល៖ ​​សុខា