លោកត្រឹងកែវ “និយាយអ្វីប្រជាជនជឿ ធ្វើការអ្វីប្រជាជនតាម”

លោកមា ត្រឹងកែវជាមួយនឹងបណ្ណសរសើរ។ រូបថត៖ ទ្រឿងអង

   កើតក្នុងគ្រួសារកសិករក្រីក្រ មានបងប្អូន ៧ នាក់ លោកត្រឹងកែវជាកូនទីបីក្នុងគ្រួសារ។ កាលពីនៅតូច លោកឃ្វាលក្របីបណ្ដើរ ទៅរៀននៅសាលាក្នុងភូមិបណ្ដើរ ម៉្លោះហើយ​លោកយល់បានពីទុក្ខលំបាកក្នុងជីវភាព។ ឆ្នាំ ១៩៧៥ លោកកសាងគ្រួសារ និងកសាងសេដ្ឋកិច្ចរហូតមកទល់បច្ចុប្បន្ន។ ផ្ដើមពីដីមួយចំនួនកុងតាំងពីដំបូង បច្ចុប្បន្ន គ្រួសារលោកមានដីជាង ១២ ហិកតា ជីវភាពបានលំនឹង ម៉្លោះហើយលោកមានលក្ខណៈដើម្បីជួយដល់ប្រជាជនមូលដ្ឋាន ពង្រីកតួនាទីជាអ្នកមានប្រជាប្រិយភាព។

   ក្រោយថ្ងៃភាគខាងត្បូងបានរំដោះទាំងស្រុង លោកត្រឹងកែវ ចាប់ផ្ដើមចូលរួមជាមួយសកម្មភាពរបស់មូលដ្ឋាន ចាប់ពីភារកិច្ចបានប្រគល់ជូនគឺជាហេរញ្ញិកភូមិ រហូតដល់កម្មាភិបាលស្ថិតិឃុំ រួចកម្មាភិបាលមូលនិធិឥណទានប្រជាជនដាយអាង។ល។ ទោះជាភារកិច្ចណាក៏ដោយ លោកក៏សម្រេចឆ្នើមទាំងអស់។ មានអាយុបក្ស ២៣ ឆ្នាំ លោកតែងរក្សាគុណសម្បត្តិរបស់បក្ខជន។ បច្ចុប្បន្ន លោកជាលេខាសាខាបក្សមូលនិធិ​ឥណទានប្រជាជនដាយអាង។ សាខាបក្សមានបក្ខជនចំនួន ៦ រូប ធ្វើសកម្មភាពមានប្រសិទ្ធភាព មូលនិធិឥណទានប្រជាជនដាយអាងពិតជា “អ្នកជួយស្ទួយ” របស់ប្រជាជនមូលដ្ឋាន។​ កសាងសេចក្ដីសម្រេចចិត្តអនុវត្តការកៀរគរទុនដើម្បីបើកទូលាយទម្រង់ឥណទាន ធានាឱ្យបណ្ដាសមាជិកបុលទុន ច្បាមជាប់ជាមួយផែនការពង្រីកសេដ្ឋកិច្ច បំផុតគឺក្នុងការអនុវត្តន៍កសាងជនបទថ្មីដើម្បីវិនិយោគទុនពង្រីកបណ្ដាទម្រង់ផលិត។ ជារៀងរាល់ឆ្នាំ លោកចូលរួមពិនិត្យផ្ដល់សច្ចាប័នឱ្យកសិករជាង ៣០០ រូបបុលទុន ដោយមានចំនួនទុនរាប់ពាន់លានដុងសម្រាប់ផលិត ធ្វើអាជីវកម្ម។ ផ្ដើមពីបណ្ដាចំណែកទុនបុលប្រើប្រាស់មានប្រសិទ្ធភាព ត្រូវតាមទិសដៅ មានគ្រួសារជាច្រើនបានចាកផុតភាពក្រីក្រ ឈានឡើងធ្វើមាន។

   លោកត្រឹងកែវមានការជក់ចិត្តបំផុតគឺរឿងរ៉ាវនៃយុវជនមូលដ្ឋានម្នាក់។ យុវជននោះក្រោយបញ្ចប់ពេលជាប់ពន្ធនាគារ វិលត្រឡប់មកមូលដ្ឋាន លោក បានទៅស្វែងយល់ពីបំណងប្រាថ្នា ផ្សព្វផ្សាយឱ្យមានការរស់នៅល្អ រួមរស់ជាមួយសហគមន៍ រួចជូនជាទឹកប្រាក់ ៣​ លានដុងដើម្បីធ្វើទុនផលិត ចិញ្ចឹមសត្វ។ យល់បានពីការខុសឆ្គងរបស់ខ្លួន រួមជាមួយការទាក់ទាញរបស់លោកត្រឹងកែវ បច្ចុប្បន្ន យុវជនរូបនោះបានខិតខំរកស៊ី សេដ្ឋកិច្ចបានលំនឹង ក្លាយជាអ្នកសកម្មរបស់មូលដ្ឋាន។

   លោកត្រឹងកែវ ជាប្រធានគណៈអារាមាភិបាលវត្តផ្នោរដូង ( ឃុំដាយអាង)។ វត្តផ្នោរដូងមានគ្រួសារពុទ្ធបរិស័ទជិត ១.០០០ គ្រួដោយមានពុទ្ធបរិស័ទជិត ៦.០០០ រូបចូលរួមប្រជុំជីវភាពសហគមន៍។ ផ្ដើមពីនោះ លោកត្រឹងកែវ មានលក្ខណៈបានជិតស្និទ្ធជាមួយសហគមន៍ និងព្រះសង្ឃ ជួយឱ្យពុទ្ធបរិស័ទរស់នៅបវរសាសនា ថ្លៃថ្លាសង្គម សាមគ្គី ជិតដិត រួមដំណើរជាមួយរដ្ឋអំណាចមូលដ្ឋានកសាងជនបទថ្មី។

   លោកត្រឹងកែវរំលឹកមកវិញ កាលពីឆ្នាំ ២០២១ ឃុំផ្សព្វផ្សាយអនុវត្តការងារធារាសាស្រ្តវាលស្រែ។ ក្នុងរយៈពេលដំណើរការ គ្រួសារមួយចំ​នួនមិនយល់ព្រម ធ្វើឱ្យសម្ទុះសំណង់ត្រូវយឺត ស្មានថាត្រូវផ្អាកមកវិញ​។ ជាមួយតួនាទីអ្នកមានប្រជាប្រិយភាព លោកបានអនុវត្តគោលលំនាំ “ព្យាយាមយូរលង់គង់បានសម្រេច” មិនត្រឹមតែបណ្ដាគ្រួសារយល់ព្រម នៅទាំងកំណត់ឃើញថា ធារាសាស្រ្ត បម្រើការផលិតរបស់ប្រជាជននៅនឹងកន្លែងតែម្ដង។ ម៉្លោះហើយ “សំណង់បានរលូន” គ្រួសារទាំងនោះនៅទាំងសកម្មចូលរួមបណ្ដាចលនាដទៃទៀត។

    ឬក៏ការអនុវត្តន៍សំណង់អុជបំភ្លឺផ្លូវជនបទលើភូមិសាស្រ្តភូមិ លោកត្រឹងកែវ និងមូលដ្ឋានបំផុសចលនាបានទឹកប្រាក់ជិត ១០០ លានដុង ផែនការ ផ្គុំដាក់អំពូលភ្លើងថាមពលព្រះអាទិត្យចំនួន ១០០ បង្គោល។ ទោះជាដូច្នោះក៏ដោយ ពេលផ្សព្វផ្សាយអនុវត្ត គ្រួសារជាច្រើនមិនឱ្យរៀបចំ កាត់រំលស់មែកឈើសាខាប្របតាមដង​ផ្លូវដើម្បីផ្គុំដាក់អំពូលភ្លើង បង្កឱ្យមានពន្លឺធំទូលាយ។ “ទទួលបន្ទុក” របស់គណៈកម្មាធិការបក្សឃុំដាយអាង លោកត្រឹងកែវបានទៅកាន់លំនៅឋាននីមួយៗ ពិភាគឱ្យ​ “បណ្ដាគ្រួសារដែលពិបាក” មានស្មារតីយល់ដឹងថា៖ ផ្លូវបានភ្លឺ អ្នកទទួលផលដំបូងបង្អស់គឺប្រជាជនមូលដ្ឋាន ធ្វើដំណើរទៅមកបានសុវត្ថិភាព សន្តិសុខសណ្ដាប់ធ្នាប់បានរក្សាខ្ជាប់ ទិដ្ឋភាពជនបទកាន់តែស្រស់បំព្រង។ល។ ហេតុនោះហើយ សំណង់បានដំណើរការ​​ ធានាតាមសម្ទុះ ប្រជាជន រដ្ឋអំណាចនរណាក៏​ត្រេកអរ។

   ឆ្នាំ ២០២០, ២០២១ ពេលអាសន្នរោគកូវីដ-១៩ រាតត្បាតខ្លាំង លោកត្រឹងកែវជា “កម្លាំងជំនួយយ៉ាងសំខាន់” របស់មូលដ្ឋាន។ លោកបានសកម្មផ្សព្វផ្សាយ បំផុសចលនាជនរួមជាតិខ្មែរក្នុងឃុំឲ្យអនុវត្តល្អបណ្ដាវិធានការបង្ការ ទប់ទល់អាសន្នរោគកូវីដ-១៩ ឧបត្ថម្ភប្រជាជនធ្វើចត្តាឡីស័ក។ លោករួមជាមួយវត្តផ្នោរដូង និងសប្បុរសជនមួយចំនួនដទៃទៀតឧបត្ថម្ភ ៨០ ករណីធ្វើចត្តាឡីស័ក ជូនមុងចំនួន ១០០ ភួយចំនួន ១០០ និងខ្នើយ ១០០ ព្រមទាំង ប្រាក់ ១៥ លានដុងដើម្បីអ្នកធ្វើចត្តាឡីស័ក​ទិញរបស់ប្រើប្រាស់ចាំបាច់បម្រើការប្រជុំជីវភាពក្នុងលក្ខណៈជួបការលំបាក។

   ក្នុងការពង្រីកសេដ្ឋកិច្ចគ្រួសារ លោកត្រឹងកែវជាអ្នកដំបូងបង្អស់អនុវត្តវិទ្យាសាស្រ្ត-បច្ចេកទេស អនុវត្តទម្រង់ “ចិញ្ចឹមត្រីផ្ទក់ តាមបែបធម្មជាតិ” មានប្រសិទ្ធភាព។ ទម្រង់របស់លោកប្រិតសំចៃបានអគ្គិសនីផង ធានាបរិស្ថានទឹកក្នុងដំណាក់កាលចិញ្ចឹមផង។ ដោយមានផ្ទៃដីធំទូលាយ ម៉្លោះហើយលោកត្រឹងកែវ ឡើងគម្រោងផែនការស្រះចិញ្ចឹមចំនួន ១០ ស្រះនីមួយៗមានផ្ទៃដី ១.០០០ ម៉ែត្រក្រឡា ចិញ្ចឹមត្រីផ្ទក់ពូជចំនួន ៥០០.០០០ ក្បាលក្នុងមួយរដូវ បែងឱ្យស្មើគ្រប់ស្រះទាំង ១០។ លោកត្រឹងកែវ បានឱ្យដឹងថា លោកចាប់ផ្ដើមចិញ្ចឹមត្រីផ្ទក់ចាប់ពីឆ្នាំ ២០១៥ ក្នុងរយៈពេល ៨ ឆ្នាំកន្លង លោកមិនដែលរងបរាជ័យឡើយ គិតជាមធ្យមក្នុងមួយរដូវៗទទួលបានប្រាក់កម្រៃក្នុងស្រះទាំង ១០ពី ៣០០-៥០០ លានដុងក្នុងមួយឆ្នាំ។

   កត់សម្គាល់ពីការរួមវិភាគទានរបស់លោកត្រឹងកែវ នាយករដ្ឋមន្ត្រីនៃរដ្ឋាភិបាល ប្រធានគណៈកម្មាធិការប្រជាជនខេត្ត បណ្ដាមន្ទីរ ផ្នែកខេត្ត មូលដ្ឋាន។ល។ជូនបណ្ណសរសើរ លិខិតសរសើរជាច្រើនចំពោះរូបលោក ព្រមទាំងអនុស្សរិយយសជាមួយស្នាដៃជាច្រើនលើបណ្ដាវិស័យក្នុងរយៈពេលជាច្រើនឆ្នាំទទួលតួនាទីជាអ្នកមានប្រជាប្រិយភាព៕

ប្រែសម្រួល៖ សុខា