លេខាសាខាបក្សស្វែងរកទិសដៅថ្មីមានផលប្រយោជន៍ជូនប្រជាជន

        បច្ចុប្បន្ន ភូមិដូងជ្រំអា មានគ្រួសារប្រជាជន ៣០១ គ្រួ មានអត្រាជនរួមជាតិខ្មែរជាង ៩០%។ រយៈពេលជាង ២៣ ឆ្នាំរក្សាតំណែងជាលេខាសាខាបក្សភូមិ លោកគឹមសំណាង ខិតខំអស់ពីចិត្តដើម្បីការរីកចម្រើនរបស់មូលដ្ឋាន និងជីវភាពប្រជាជន។ លោកបានអនុវត្តមានប្រសិទ្ធភាពការងារបំផុសចលនាប្រជាជន រួមជាមួយសាខាបក្ស គណៈកម្មការប្រជាជនភូមិអនុវត្តសំណង់ កិច្ចការជាច្រើនក្នុងការងារបន្ថយភាពក្រីក្រ កសាងជីវភាពវប្បធម៌ជនបទថ្មីនៅមូលដ្ឋាន។

ចាប់តាំងពីពេលមានប្រឡាយបេតុងអណ្តែតទិន្នផលស្រូវរបស់គ្រួសារលោកមា គឹមសំណាង កាន់តែខ្ពស់។

        លោកគឹមសំណាង មានប្រសាសន៍ឱ្យដឹងថា៖ ពេលចាប់ផ្ដើមកសាងភូមិជនបទថ្មី ពិនិត្យឃើញដងផ្លូវគមនាគមន៍ ដងប្រឡាយវាលស្រែជាច្រើននៅក្នុងភូមិនៅតែមិនទាន់រីក​ចម្រើនដល់កម្រិត។ ដើម្បីរៀនសូត្រ និងធ្វើតាមគំរូសីលធម៌ហូជីមិញ ជាមួយតួនាទីជាលេខាសាខាបក្ស បើសិនចង់បំផុសចលនាប្រជាជនអនុវត្តបណ្ដាចលនា​នៅមូលដ្ឋាន ខ្លួនយើងត្រូវជាអ្នកធ្វើជាគំរូ អនុវត្តមុន។ ជាមួយគោលលំនាំ “រដ្ឋនិងប្រជាជនរួមគ្នាធ្វើ” ខ្ញុំបំផុសចលនាបក្ខជន និងមាមីងបរិច្ចាគដី។ គ្រួសារខ្ញុំធ្វើជាគំរូ​បរិច្ចាគដីជាង ២០០ ម៉ែត្រក្រឡាគិតជាតម្លៃជាង ១០០ លានដុងដើម្បីរដ្ឋបើកទូលាយផ្លូវ។ ក្រៅពីនោះ ខ្ញុំនៅទាំងបរិច្ចាគដីស្រែចំនួន ១៥០ ម៉ែត្រក្រឡាដើម្បីរដ្ឋកសាងប្រឡាយបេតុងបម្រើមាមីងក្នុងភូមិមានទឹកគ្រប់គ្រាន់បម្រើឱ្យការស្រោចស្រពដំណាំ ផលិតស្រូវ។

        ពិនិត្យឃើញទង្វើប្រកបដោយភាពជាក់ស្ដែងរបស់លេខាសាខាបក្សភូមិ បក្ខជន​ គឹមអៀង នៅភូមិដូងជ្រំអាជាមួយគ្នាក៏បានបរិច្ចាគដីជាង ១២០ ម៉ែត្រក្រឡាដើម្បី កសាងប្រឡាយបេតុងនៅក្នុងភូមិ។ ចំពោះលោកអៀង នេះជាទង្វើមានលក្ខណមនុស្សសាស្រ្តយ៉ាងជ្រាលជ្រៅ និងទទួលបានការគាំទ្រខ្ពស់ពេល​បានលេខាសាខាបក្សភូមិបំផុសចលនា។

        បច្ចុប្បន្ន ទូទាំងភូមិដូងជ្រំអា មានដងផ្លូវកៅស៊ូប្រវែងជាង ១,៨ គីឡូម៉ែត្រ មានដងប្រឡាយវាលស្រែ ៣ ខ្សែបានស្ដារភក់ល្បាប់ជារៀងរាល់ឆ្នាំដោយមានប្រវែងជាង ១.៧៥០ ម៉ែត្រ ប្រឡាយបេតុងអណ្ដែត ១ ខ្សែនាំយកទឹកបម្រើឱ្យការស្រោចស្រពបានគ្រប់គ្រាន់សម្រាប់បណ្ដាគ្រួសារប្រជាជននៅក្នុងភូមិនៅក្នុងរដូវប្រាំង និងស្ពានបេតុងថ្មី ១ កន្លែងបានមកដោយការបំផុសចលនាសប្បុរសជន និងមាមីងក្នុងភូមិរួមវិភាគទានកសាង រួមចំណែកបង្កភាពងាយស្រួលសម្រាប់ការបើកបរមធ្យោបាយដឹកជញ្ជូនមុខទំនិញ។ ជាមួយការខិតខំកសាងជនបទថ្មី ឆ្នាំ ២០១៧ ភូមិដូងជ្រំអា បានទទួលស្គាល់ជាភូមិជនបទថ្មី សព្វថ្ងៃកំពុងផ្ដុំកម្លាំងកសាងភូមិជនបទថ្មីខ្នាតគំរូ។

លោកមា គឹមសំណាង បង្ហាញប្រឡាយបេតុងអណ្តែតឆ្លងកាត់លើចំណែកដីដែលគ្រួសារបរិច្ចាគកសាង។

        លោក ត្រឹងវ៉ាំងដុង ប្រធានគណៈកម្មាធិការប្រជាជនឃុំតឹងស៊ើង បានឱ្យដឹងថា៖ រយៈពេលកន្លង សមមិត្តលេខាសាខាបក្សភូមិដូងជ្រំអា បានពង្រីកល្អស្មារតីទទួលបន្ទុក ដឹកនាំ ចង្អុលការ បំផុសចលនា បក្ខជន ប្រជាជនអនុវត្តមានប្រសិទ្ធភាពបណ្ដាភារកិច្ច​ពង្រីកសេដ្ឋកិច្ច-សង្គម។ ជាពិសេសក្នុងការកសាងជនបទថ្មី លក្ខឋានអំពីផ្លូវគមនាគមន៍គឺ​ពិបាកអនុវត្តបំផុត ពីព្រោះអនុវត្តកសាងដងផ្លូវគមនាគមន៍ជនបទ ១ ខ្សែចាំបាច់ត្រូវមានប្រភពថវិកាវិនិយោគ និងទីធ្លា ។ បើសិនមានទុនវិនិយោគ ប៉ុន្តែ មិនរំសាយបានទីធ្លានោះ ពិបាកអនុវត្តណាស់។ ពង្រីកតួនាជាលេខាសាខាបក្សភូមិ លោក គឹមសំណាង តែងជាអ្នកគំរូក្នុងការបរិច្ចាគដី និងថ្ងៃពលកម្មដើម្បីបំផុសលនាប្រជាជនឲ្យអនុវត្តតាម។ អាស្រ័យហេតុនោះ ដងផ្លូវជនបទទាំងអស់ក្នុងភូមិដូងជ្រំអា សុទ្ធបានកសាងដោយបេតុង។

        ផ្លូវគមនាគមន៍មានភាពងាយស្រួល ប្រភពទឹកបម្រើឱ្យការផលិតបានឆ្លើយតប រួមចំណែកជំរុញសេដ្ឋកិច្ចនៅតំបន់ដែលមានជនរួមជាតិខ្មែររស់នៅច្រើនកាន់តែរីកចម្រើន។ នៅចុងឆ្នាំ ២០២៣ ភូមិដូងជ្រំអាបំបាត់គ្រួសារក្រីក្របានចំនួន ២២ គ្រួ គ្រួសារបន្ទាប់ក្រចំ​នួន ៤៤ គ្រួ។ បច្ចុប្បន្ន ភូមិនៅមានគ្រួសារក្រចំនួន ៦ គ្រួ និងគ្រួសារបន្ទាប់ក្រចំនួន ៤ គ្រួ ។គោលដៅដល់ចុងឆ្នាំ ២០២៤ ភូមិខិតខំបំបាត់គ្រួសារក្រីក្រ បន្ទាប់ក្រសម្រេច ១០០% ។ ក្នុងស្នាដៃរួមនោះ គួរ ពណ៌នាដល់តួនាទីរបស់លេខាសាខាបក្សភូមិ គឹមសំណាង ជាអ្នកឈានមុខក្នុងការរៀនសូត្រ និងធ្វើតាមគំរូសីលធម៌ហូជីមិញនៅមូលដ្ឋាន៕

 អត្ថបទ-រូបថត៖ សុខា