យុវជនខ្មែរស្រុកកូវកែ រៀនសូត្រតាមអ៊ំអំពីប៉ិនប្រសប់ ការងារប្រជាចលនា

បងស្រីស៊ើងធីញី (ឈរ)លេខាសម្ព័ន្ធយុវជនឃុំចូវដៀងកំពុងមានយោបល់អំពីចលនាប្រជាជនទិញគាំពារសុខាភិបាល។

     ទម្រង់ "ប៉ិនប្រសប់ ការងារប្រជាចលនាក្នុងការចលនាទិញប័ណ្ណគាំពារសុខាភិបាល" បានសម្ព័ន្ធយុវជនស្រុកកូវកែ បង្កើតឡើងកាលពីដើមឆ្នាំ ២០២៣។ សម្ព័ន្ធយុវជនក្នុងស្រុកតែងសកម្មក្នុងការផ្សព្វផ្សាយជូនសម្ព័ន្ធយុវជននៅមូលដ្ឋានអនុវត្តមានប្រសិទ្ធភាពជាក់ស្តែង បានរដ្ឋអំណាចគ្រប់លំដាប់ថ្នាក់វាយតម្លៃខ្ពស់ រួមចំណែកជាមួយរដ្ឋអំណាចមូលដ្ឋានអនុវត្តល្អពីកម្រិតគ្របដណ្តប់ប័ណ្ណគាំពារសុខាភិបាលក្នុងទូទាំងប្រជាជន ។

     ឃុំចូវដៀង ជាអង្គភាពមួយដែលអនុវត្តល្អការងារចលនាប្រជាជនចូលរួមទិញប័ណ្ណគាំពារសុខាភិបាលសម្រេចអត្រាខ្ពស់ ដោយមានប្រជាជនជាង ៩.៥៤០ នាក់ សម្រេចលើសកម្រិតផែនការ ០,៨៩%  ។ សម្រេចបាន​​លទ្ធផល​នោះ មានការ​រួម​ចំណែក​យ៉ាង​សកម្ម​របស់សម្ព័ន្ធ​យុវជនឃុំ ក្នុងនោះមានសម្ព័ន្ធ​យុវជន​ខ្មែរ​ជាង ៨០%។

     សម្រេចបានលទ្ធផលខាងលើអាស្រ័យដោយសម្ព័ន្ធយុវជនឃុំសកម្មក្នុងការផ្សព្វផ្សាយទម្រង់ "ប៉ិនប្រសប់ ការងារប្រជាចលនាក្នុងការចលនាទិញប័ណ្ណគាំពារសុខាភិបាល" សម្រាប់យុវជនគ្រប់រូប។ ក្រៅពីនោះ សម្ព័ន្ធយុវជនឃុំបានចង្អុលការឲ្យយុវជន យោងតាមការត្រួតពិនិត្យប្រចាំខែរបស់ផ្នែកគាំពារសង្គមស្រុក ដើម្បីក្តាប់ស្ថានភាព និងម្ចាស់ការរៀបចំផែនការចលនាដោយយោងទៅលើ ការពិនិត្យតាមបញ្ជីគ្រួសារនីមួយៗដែលមិនទាន់ទិញគាំពារសុខាភិបាល បន្ទាប់មកវាយតម្លៃកម្រិតប្រាក់ចំណូល ស្ថានភាពគ្រួសារ ដើម្បីផ្សព្វផ្សាយ ចលនាឱ្យចូលរួម គាំពារសុខាភិបាលសមស្របនឹងស្ថានភាពរបស់គ្រួសារ។

     បងស្រី ស៊ើងធីញី លេខាសម្ព័ន្ធយុវជនឃុំចូវដៀងបានឲ្យដឹងថា៖ ដើម្បីផ្សព្វផ្សាយមានប្រសិទ្ធភាពទម្រង់"ប៉ិនប្រសប់ ការងារប្រជាចលនាក្នុងការចលនាទិញប័ណ្ណគាំពារសុខាភិបាល" សម្ព័ន្ធយុវជនឃុំកសាងផែនការច្បាស់លាស់ និងណែនាំយុវជនផ្សព្វផ្សាយដើម្បីប្រជាជនបង្កើនការយល់ដឹងអំពីគោលដៅ អត្ថន័យនិងគោលនយោបាយនៃច្បាប់គាំពារសុខាភិបាលក្នុងទូទាំងប្រព័ន្ធនយោបាយសុខុមាលភាពសង្គម នាពេលបច្ចុប្បន្ន។ អាស្រ័យហេតុនោះ ប្រជាជនក្នុងឃុំចូលរួមទិញគាំពារសុខាភិបាលដោយស្ម័គ្រចិត្តមានការកើនឡើងជានិច្ច។

     បងស្រី ស៊ើងធីធូត្រាង នៅភូមិត្បូងនាយ ឃុំចូវដៀង សំណេះសំណាល៖ គ្រោះអាសន្ន ​ជំងឺតម្កាត់ គ្មាន​នរណា​ម្នាក់​ចង់​បានឡើយ ប៉ុន្តែក៏​គ្មាន​នរណា​អាច​គេចផុត ដែរ។ ការទិញគាំពារសុខាភិបាល​ចាត់ទុកថាសម្រាប់ការពារសុខភាព បង្ការក្រែងមានជំងឺដោយចៃដន្យក៏មានគាំពារសុខាភិបាលជួយចំណាយបានខ្លះ។ ប្រសិនបើគ្មានជំងឺអីទេ ចំណែកនោះក៏បានផ្នែកគាំពារសុខាភិបាលជួយចំណាយឲ្យអ្នកដទៃ នោះក៏ជាទង្វើល្អមួយក្នុងការជួយគ្នាទៅវិញទៅមកគ្រាមានអាសន្នអន្ធក្រ។

     អ្នកស្រី ត្រឹងធីបិតឡង អនុប្រធានគណៈកម្មាធិការប្រជាជនឃុំចូវដៀង បានឲ្យដឹងថា៖ សម្ព័ន្ធយុវជនឃុំបានផ្សព្វផ្សាយមានប្រសិទ្ធភាពទម្រង់ "ប៉ិនប្រសប់ ការងារប្រជាចលនាក្នុងការចលនាទិញប័ណ្ណគាំពារសុខាភិបាល"។  នេះជាទម្រង់មួយបានរួមចំណែកយ៉ាងសកម្មជាមួយឃុំអនុវត្តកិច្ចចលនាទិញប័ណ្ណគាំពារសុខាភិបាលសម្រេចលើសផែនការដែលបានកំណត់។ សម្រេចបានលទ្ធផលនោះ មានការរួមចំណែកយ៉ាងសកម្មរបស់សម្ព័ន្ធយុវជនឃុំក្នុងកិច្ចសហការជាមួយបណ្តាអង្គការចាត់តាំងមហាជនឃុំ ដើម្បីអនុវត្តការផ្សព្វផ្សាយ ចលនាប្រជាជនចូលរួម គាំពារសុខាភិបាលដោយស្ម័គ្រចិត្ត រួមចំណែកជួយឲ្យប្រជាជនបង្កើនការយល់អំពីគោលនយោបាយគាំពារសុខាភិបាលរបស់បក្ស និងរដ្ឋ។

     បងស្រី ង្វៀងធីធ្វីវិញ អនុលេខាសម្ព័ន្ធយុវជនស្រុកកូវកែ បានឲ្យដឹងថា៖ គាំពារសុខាភិបាលគឺជាគោលនយោបាយសង្គមមួយប្រកបដោយមនុស្សធម៌ និងលក្ខណៈជួយចែករំលែកទុក្ខធុរៈគ្នាក្នុងសហគមន៍។ ដើម្បីរួមចំណែកអនុវត្តគោលនយោបាយនេះ សម្ព័ន្ធយុវជនស្រុកកូវកែ សកម្មក្នុងការផ្សព្វផ្សាយចលនាភ្ជាប់ជាមួយនឹងការរៀនសូត្រ និងធ្វើតាមអ៊ំ អំពីទម្រង់ "ប៉ិនប្រសប់ ការងារប្រជាចលនា "។ តាមរយៈនោះ សម្ព័ន្ធយុវជនស្រុកបានចង្អុលការបណ្តាសម័្ពន្ធយុវជនស្ថិតក្រោមឱវាទសហការផ្សព្វផ្សាយដើម្បីប្រជាជនស្ម័គ្រចិត្តទិញគាំពារសុខាភិបាល ដែលនាំមកនូវផលប្រយោជន៍ជាក់ស្តែងជាច្រើន ជាពិសេសចំពោះគ្រួសារដែលមានប្រាក់ចំណូលមធ្យម ទាប ប្រសិនបើមានជំងឺអ្វីមួយ នឹងកាត់បន្ថយបានការចំណាយក្នុងការពិនិត្យ ព្យាបាលជំងឺ ធានាអំពីសិទ្ធិនិងផលប្រយោជន៍ក្នុងការថែទាំសុខភាព៕

អត្ថបទ‑រូបថត៖ សុជា