យុទ្ធជនពិការថាច់ឃីមជាគំរូក្នុងពលកម្មផលិត

យុទ្ធជនពិការ ថាច់ឃីម។

     ដោយបានការអប់រំស្មារតីបដិវត្តន៍ពីលោកឪពុក អ្នកម្តាយ រួមជាមួយស្មារតីមានបំណងចង់រួមចំណែកកម្លាំងកាយរបស់ខ្លួនសម្រាប់បុព្វហេតុការពារមាតុប្រទេស ឆ្នាំ ១៩៦៧ យុវជនថាច់ឃីមបានចូលរួមធ្វើបដិវត្តន៍ ធ្វើសកម្មភាពក្នុងផ្នែក នគរបាលពេលនោះ យុវជនថាច់ឃីមទើបតែ អាយុ ១៦ ឆ្នាំ។ ក្នុងសកម្មភាព យុវជនរូបនេះតែង ជ្រោងខ្ពស់ស្មារតីទទួលបន្ទុករបស់ខ្លួន សម្រេចល្អបណ្តាភារកិច្ចដែលបានប្រគល់ជូន។ ក្នុងលើក ជួបប្រទះសំណាងមិនល្អមួយ ខណៈដែលចូល រួមយាមល្បាត លោកត្រូវពួកខ្មាំងវាយសម្រុកធ្វើឲ្យរូបលោកមាត្រូវរបួសចំក្បាល។
     ក្រោយពេលប្រទេសជាតិបានរំដោះ លោកមានៅតែបន្ត បំពេញការងារក្នុងក្រុមសន្តិសុខនគរ បាលខេត្តគឺវឡុង។ ដល់ឆ្នាំ ១៩៩៦ ពេលចូលនិវត្តន៍ លោកមាមករួមរស់ជាមួយគ្រួសារផ្តុំពេល ឲ្យការពង្រីកទម្រង់សេដ្ឋកិច្ចគ្រួសារ ជាមួយទម្រង់ចិញ្ចឹមត្រីគ្រប់ប្រភេទ។ បច្ចុប្បន្ន គិតដោយឡែក តែស្រះចំនួន ០២ ដោយមានផ្ទៃប្រមាណជាង ២.០០០ ម៉ែត្រក្រឡា បានលោកមាចិញ្ចឹមត្រី គ្រប់ប្រភេទនាំមកលទ្ធផលសេដ្ឋកិច្ចខ្ពស់។
     លោកមាថាច់ឃីម បានឱ្យដឹងថា៖ កាលពីមុន គ្រួសារខ្ញុំចិញ្ចឹមត្រីសម្រាប់តែហូបនិងលក់រាយប៉ុណ្ណោះ មិនបានគិតដល់តម្លៃសេដ្ឋកិច្ចឡើយ។ ខ្ញុំចិញ្ចឹមត្រឹមតែរាប់ពាន់ក្បាល លក់បានតម្លៃមួយ លើកៗជាង ១០ លានដុង។ ដល់ឆ្នាំ ២០១៧ ក្រោយពេលបានស្រាវជ្រាវរបៀបចិញ្ចឹមត្រីបានជួយឲ្យខ្ញុំចិញ្ចឹមកាន់តែរីកចម្រើនជាលំដាប់។ រដូវចិញ្ចឹមឆ្នាំ ២០២០-២០២១ ខ្ញុំចិញ្ចឹមត្រីប្រាជាង៣៥.០០០ក្បាល មកទល់ពេលនេះ ឈានដល់ដំណាក់កាលត្រៀមបម្រុងប្រមូលផល  បើ សិនរក្សាបានតម្លៃ ៣០.០០០ ដុងក្នុងមួយគីឡូក្រាម  គ្រួសារខ្ញុំនឹងទទួលបានប្រាក់ចំណូលជាង ១០០ លានដុង។ ក្រោយពេលទូទាត់បណ្តាខ្ទង់ចំណាយ រួចរាល់នៅចំណេញបានជាង ៦០ លានដុង។ 
     ជាអ្នកធ្លាប់បំពេញការងារក្នុងបរិស្ថានមានការហ្វឹកហាត់បានល្អអំពីសីលធម៌ របៀបរស់នៅលើក កម្ពស់ស្មារតីស្នេហាមាតុប្រទេស ផ្សារភ្ជាប់ស្អិត ល្មួតជាមួយប្រជាជន លោកមាថាច់ឃីម  ជាអ្នក ឈានមុខក្នុងការអនុវត្តន៍ចលនានៅមូលដ្ឋាន។ លោកមាបានរួមជាមួយរដ្ឋអំណាចមូលដ្ឋានបំផុស ចលនាគ្រួសារប្រជាជនលើភូមិសាស្រ្តអនុវត្តសម្រេចបណ្តាលក្ខឋានអំពីគ្រួសារវប្បធម៌ ជន បទថ្មី។ លោកមាថាច់ឃីមបានចែករំលែកបន្ថែម ថា៖ ក្នុងការពលកម្ម រៀនសូត្រយើងតែងមានលោកអ៊ំហូជាមគ្គុទ្ទេសក៍សម្រាប់ខ្លួនរៀនសូត្រនិងធ្វើតាម ក្នុងនោះមានមេរៀនជិតស្និទ្ធជាមួយ ប្រជាជននោះការងារអ្វីក៏សម្រេចជោគជ័យ។ ផ្តើម ពីគំនិតយល់ដឹងនោះ ខ្ញុំតែងជិតស្និទ្ធជាមួយអ្នក ភូមិផងរបងជាមួយ អ្វីដែលពួកគាត់ត្រូវការយើង នឹងជួយ អ្វីដែលជាផលប្រយោជន៍រួមសម្រាប់ភូមិ ស្រុកនោះ បំផុសចលនាកម្លាំងប្រជាជនចូលរួម។ ផ្តើមពីនោះ ខ្ញុំបានបំផុសចលនាអនុវត្តសម្រេចចលនាជាច្រើនអាស្រ័យមូលដ្ឋានផ្សព្វផ្សាយ។
     អាស្រ័យមានចរិតរស់នៅធ្វើជាគំរូសម្រាប់ជន គ្រប់គ្នាត្រាប់តាម ម៉្លោះហើយកូនទាំង ០៧ នាក់ របស់លោកមាថាច់ឃីម បច្ចុប្បន្នមានវឌ្ឍនាការ និងមានមុខរបរលំនឹងរៀងៗខ្លួន។ លោក ឡឹមថាញ់ទ្វឹង ប្រធានគណៈកម្មាធិការប្រជាជនឃុំផុង ថាញ់បានឱ្យដឹង៖ ជាមួយបទពិសោធន៍ក្នុងការ រស់នៅរបស់យុទ្ធជនពិការថាច់ឃីម គាត់តែងមានការចែករំលែកដល់មនុស្សជំនាន់ក្រោយ។ លោកមាមិនត្រឹមតែធ្វើជាគំរូសម្រាប់កូនៗ នៅទាំងជាគំរូក្នុងជនរួមជាតិខ្មែរអំពីការពង្រីកធ្លុងមហាសាមគ្គីក្នុងការកសាងមាតុភូមិឱ្យកាន់តែ ស្រស់បំព្រង ក្សេមក្សាន្តជាង។
     ទោះបីវ័យចាស់ហើយក៏ដោយ ប៉ុន្តែលោកមាថាច់ឃីមនៅតែមិនបោះបង់គោលគំនិតខិតខំ ដោយ មានបំណង នៅពេលខាងមុខ បើសិនមានឱកាស លោកមានឹងបន្តពង្រីកផ្ទៃដីចិញ្ចឹមជលផលបន្ថែម ទៀតដើម្បីលើកស្ទួយសេដ្ឋកិច្ចគ្រួសារ៕                                                                                                                               អត្ថបទ-រូបថត៖ ថាច់សម្បត្តិ