យកចិត្តទុកដាក់ពង្រីកបក្ខជនខ្មែរ៖

      សារាចរលេខ ០៤ - CT/TW ចុះថ្ងៃទី ០៨ តុលាឆ្នាំ ២០០២ របស់គណៈអចិន្ត្រៃយ៍នៃគណៈកម្មាធិការបក្សខេត្ត ស្តីពី “បង្កើនការងារពង្រីកបក្ខជនខ្មែរ និងបក្ខជនចិន” បក្ខភាគស្រុកកូវង៉ាងតែងយកចិត្តទុកដាក់ការងារពង្រីកបក្ខជនខ្មែរ ក្នុងតំបន់ដែលមានជនរួមជាតិខ្មែររស់នៅច្រើនកុះករ។

ជ្រួតជ្រាបសារាចរលេខ ០៤ ក្នុងរយៈកាល ១០ ឆ្នាំកន្លង បក្ខភាគស្រុកកូវង៉ាងបានបំប៉នរួចពង្រីកបក្ខជនខ្មែរបាន ៤១៤ នាក់។ ជាពិសេស បក្ខភាគស្រុក នៅទាំងយកចិត្តទុកដាក់បំប៉នរួចពង្រីកបក្ខជនជាសមណស័ក្ដិ អ្នកមុខអ្នកការគណៈកម្មការនៃបណ្តាវត្តខ្មែរ។ បង្កើនចំនួនលេខមកដល់បច្ចុប្បន្ន ទូទាំងស្រុក មានបក្ខជន ៤.៧៦៤​ នាក់ ក្នុងនោះមានបក្ខជនខ្មែរ ៩៧៣​ នាក់ (ស្រូបយកអត្រា ២០,៤២%) និងបក្ខជន ២២ អង្គ​និងរូបជាសមណស័ក្ដិ អ្នកមុខអ្នកការ សមាជិកគណៈអារាមាភិបាលវត្តខ្មែរ ។

សមមិត្ត ថាច់ភឿង (ខាងស្តាំ) រួមជាមួយមាមីងក្នុងភូមិដំណើរការកសាងផ្លូវជនបទ។

        គីមហ្វា​ជាឃុំមួយដែលមានជនរួមជាតិខ្មែររស់នៅច្រើនកុះករ ដោយមានគ្រួសារ ២.៦៨៤​ គ្រួ ក្នុងនោះជនជាតិខ្មែរស្រូបយកអត្រាជាង ៧០%។ ដើម្បីញ៉ាំងឱ្យតំបន់ដែលមានជនជាតិខ្មែររស់នៅច្រើនកាន់តែមានភាពវិវឌ្ឍន៍ជាងទៀតនោះ បក្ខភាគឃុំតែងកំណត់ការងារពង្រីកបក្ខជនខ្មែរ ជាភារកិច្ចសំខាន់ និងជាប្រចាំ។

        សមមិត្តង្វៀងធីង៉ុកយ៉ីម លេខាគណៈកម្មាធិការបក្សឃុំគីមហ្វាឱ្យដឹងថា៖ បក្ខភាគឃុំគីមហ្វាមានសាខាបក្សស្ថិតក្រោមឱវាទចំនួន​​ ១១ កន្លែង ដោយមានបក្ខជន ២០៣ នាក់ ក្នុងនោះបក្ខជនខ្មែរ ៨៦ នាក់ (ស្រូបយកអត្រា ៤២%)។ ដើម្បីលើកកម្ពស់គុណភាព និងពង្រីកបក្ខជនខ្មែរ ជារៀងរាល់ឆ្នាំ បក្ខភាគឃុំគីមហ្វាបានចេញសេចក្តីសម្រេចចិត្តពង្រីកបក្ខជនខ្មែរពី ០២ ‑ ០៣ រូប។ ផ្តើមពីនោះប្រគល់កម្រិតផែនការឲ្យសាខាបក្សបណ្តាភូមិស្វែងរកបណ្តាមុខសញ្ញាដែលសកម្ម ដើម្បីបំប៉ន​និងពង្រីកជាបក្ខជន។ ក្នុងឆ្នាំ ២០២២ បក្ខភាគឃុំគីមហ្វាពង្រីកបក្ខជនបាន ០៥ នាក់ ក្នុងនោះមានបក្ខជនខ្មែរ ០២ នាក់ (សម្រេច ១០០%​ នៃសេចក្តីសម្រេចចិត្ត)។

        ជាមូលដ្ឋានមួយដែលមានបក្ខជនខ្មែរច្រើន បានជួយ ឲ្យសាខាបក្សភូមិផ្នោរព្រាមងាយស្រួលក្នុងការចលនា ធ្វើសកម្មភាព។ សមមិត្ត ថាច់តូ លេខាសាខាបក្សភូមិផ្នោរព្រាមឱ្យដឹងថា៖​សាខាបក្សភូមិមានបក្ខជន ២៥ នាក់ ក្នុងនោះ មានបក្ខជនខ្មែរ ១៨ នាក់។ បក្ខជនខ្មែរទាំងនោះបានពង្រីកល្អតួនាទី “ជាស្នូល” នៅមូលដ្ឋាន តួយ៉ាងដូចជាបក្ខជនថាច់ភឿន​ មានតួនាទីប្រធានគណៈការងាររណសិរ្សភូមិ ទោះបីឆ្នាំនេះមានអាយុ ៧០ ឆ្នាំ និងអាយុបក្ស ២៧ ឆ្នាំហើយក៏ដោយ ប៉ុន្តែសមមិត្ត តែងអស់ពីចិត្តជាមួយកិច្ចការការពារបរិស្ថានរបស់ភូមិ។

        យើងខ្ញុំបានរួមដំណើរជាមួយលេខាសាខាបក្សភូមិផ្នោរព្រាម ទៅទស្សនាទិដ្ឋភាពក្នុងភូមិ បានឃើញបក្ខជនថាច់ភឿន កំពុងរួម ជាមួយមាមីងនៅក្នុងភូមិជួសជុលផ្លូវបេតុងដែលទ្រុឌទ្រោម។

        បក្ខជនថាច់ភឿនឱ្យដឹង៖ ពង្រីកតួនាទីជាបក្ខជនឈានមុខ ខ្ញុំរួមជាមួយបក្ខជនក្នុងសាខាបក្សភូមិបានធ្វើដំណើរទៅកាន់គ្រួសារប្រជាជននៅក្នុងភូមិ​ ដើម្បីបំផុសចលនាឱ្យមាមីងចូលរួមបំពេញទាំងកម្លាំងកាយ និងស៊ីម៉ងដ៍ ដើមឈើ ដើម្បីកសាង ជួសជុលបណ្តាដងផ្លូវជនបទថ្មី កសាងបង្គោលភ្លើងជាង ១០០ ដើម សម្រាប់បំភ្លឺដងផ្លូវនៅពេលយប់។ ក្រៅពីនោះពង្រីកតួនាទី ជាប្រធានក្លឹបការពារបរិស្ថានរបស់ភូមិ ក្នុងថ្ងៃសៅរ៍រាល់សប្ដាហ៍​ខ្ញុំសហការជាមួយបក្ខជនក្នុងសាខាបក្សបានបំផុសចលនាប្រជាជនក្នុងភូមិឲ្យ ចូលរួមការពារបរិស្ថាន ដាំដើមឈើ ដាំផ្កាតាមផ្លូវក្នុងភូមិ​ ដើម្បីបង្កបរិស្ថានឲ្យបានជ្រះស្អាត។

        មីងគឹមធីសួរ ប្រជាជននៅភូមិផ្នោរព្រាមឱ្យដឹង៖​ ដោយឃើញលោកមាថាច់ភឿន និងកម្មាភិបាលនៅក្នុងភូមិបោះសម្អាត ចាក់ស៊ីម៉ងដ៍កសាងផ្លូវបេតុង ខ្ញុំក៏ឱ្យកូនចៅចេញមកជួយធ្វើផងដែរ។  ក្រៅពីនោះ គ្រួសារខ្ញុំនៅទាំងគិតគូរអំពីទឹកផឹកឱ្យបងប្អូនដែលជួយធ្វើផ្លូវទៀតផង។

        ការយកចិត្តទុកដាក់ ពង្រីកបក្ខជនខ្មែរ មិនត្រឹមតែរួមចំណែកកសាង ពង្រឹង និងពង្រីក​ លើកកម្ពស់លទ្ធភាពដឹកនាំរបស់បក្ស នៅមូលដ្ឋាន ហើយនៅទាំង ងាយស្រួលក្នុងការផ្សព្វផ្សាយគោលការណ៍ គោលនយោបាយ ច្បាប់របស់បក្ស និងរដ្ឋ ដល់ប្រជាជនទៀតផង៕

អត្ថបទ‑រូបថត៖ សុខា