មហាសន្និបាតបក្ខភាគខេត្តត្រាវិញអាណត្តិកាល២០២០-២០២៥ សម្រេចជោគជ័យល្អប្រសើរ

ជាមួយគោលលំនាំ(ប្រជាធិបតេយ្យ សាមគ្គី ផ្លាស់ថ្មី ប្តូរផ្តាច់ អភិវឌ្ឍ) ខេត្តត្រាវិញនឹងឆ្លៀតយកសមទ្ធិផលរបស់បដិវត្តន៍​ឧស្សាហកម្មលើកទី៤ កេណ្ឌប្រមូលអស់ពីបណ្តាប្រភពកម្លាំង វិនិយោគកសាងហេដ្ឋារចនាសម្ព័ន្ធ ភ្ជាប់ជាមួយការចងសម្ព័ន្ធតំបន់ ​ជំរុញការអភិវឌ្ឍន៍រហ័សនិងស្ថិររភាពតាមទិសដៅកសាងខេត្តត្រាវិញឲ្យក្លាយជាខេត្តមួយក្នុងបណ្តាខេត្តសំខាន់ក្នុងការពង្រីកវិស័យសេដ្ឋកិច្ចសមុទ្ររបស់តំបន់វាលទំនាបទន្លេគឺវឡុង ភ្ជាប់ជាមួយនឹងការពង្រីកសេដ្ឋកិច្ចនិងការអភិរក្សនិងអភិវឌ្ឍន៍អត្តសញ្ញាណវប្បធម៍បណ្តាជនជាតិហើយ ដាក់ចេញគោលដៅដើម្បីខេត្តត្រាវិញសម្រេចលក្ខឋានជនបទថ្មីមុនឆ្នាំ២០២៥ ល្បឿនកំណើនប្រភពចំណូលរួមជាមធ្យមជារៀងរាល់ឆ្នាំសម្រេចពី១០%ឡើងទៅ ប្រភពចំណូលរបស់មនុស្សម្នាក់សម្រេច ១០០ លានដុងក្នុងមួយឆ្នាំ អត្រាគ្រួសារក្រីក្រតាមពហុសណ្ឋានរក្សាកម្រិតថយចុះជាមធ្យមពី១,៥-២% ក្នុងមួយឆ្នាំ និងជាខេត្តអភិវឌ្ឍន៍ក្នុងក្រុមចម្បងរបស់តំបន់វាលទំនាបទន្លេគឺវឡុងមុនឆ្នាំ២០៣០។

ពង្រីកប្រជាធិបតេយ្យ ផ្តុំបញ្ញា មហាសន្និបាតបានពិភាក្សាចូលរួមបំពេញយោបល់ជាក់ស្តែងជាច្រើន នឹងឯកភាព និងអនុម័តិឆ្លងបណ្តាឯកសារសំខាន់ៗ។ មហាសន្និបាតបានជ្រើសរើសនិងបោះឆ្នោតបណ្តាសមមិត្តដែលមានសម្បាទាគ្រប់គ្រាន់ សក្តិសមចូលក្នុងគណ:ប្រតិបត្តិការបក្ខភាគខេត្តរួមមានតំណាងឆ្នើម៤៩ រូបជំនួសមុខឲ្យបក្ខជនជាង៤៥.០០០ រូបក្នុងទូទាំងបក្ខភាគនិងបោះឆ្នោតជ្រើសរើសសមជិកគណៈអចិន្រ្តៃយ៍នៃគណៈកម្មាធិការបក្សខេត្តរួមមានសមមិត្ត ១៥ រូប។បោះឆ្នោតជ្រើសតំណាងអញ្ជើញទៅចូលរួមមហាសន្និបាតតំណាងទូទាំងប្រទេសលើកទី ១៣ របស់បក្សរួមមានសមមិត្តពេញសិទ្ធិ ១៧ រូប និងសមមិត្តបម្រុង ០១ រូប។

​មហាសន្និបាតបានសម្រេចអនុម័តិឆ្លងសេចក្តីសម្រេចចិត្តអំពីទិសដៅ ភារកិច្ច គោលដៅ វិធីសាស្រ្ត របស់បក្ខភាគខេត្តត្រាវិញដល់ឆ្នាំ២០២៥ រួមមាន៥​កម្រិតផែនការណ៍សំខាន់ៗ ស្តីពីការពង្រីកសេដ្ឋកិច្ច-សង្គម និង​ភារកិច្ច ទម្លុះទម្លាយ០៣ យ៉ាង និងភារកិច្ចវិធីសាស្រ្តអនុវត្តក្នុងពេលខាងមុខ ០៦ យ៉ាង។ ជាមួយនឹងស្មារតីទទួលបន្ទុកនិងការឯកភាពខ្ពស់តំណាងទាំង១០០% បានសម្រេចឆ្លងសេចក្តីសម្រេចចិត្តមហាសន្និបាតបក្ខភាគខេត្តលើកទី១១។

            ក្នុងពិធីបិទមហាសន្និបាតនេះ គណ:ប្រត្តិបត្តិការបក្ខភាគខេត្តត្រាវិញ នីតិកាលទី១១ អាណត្តិកាល២០២០-២០២៥ បានចេញបង្ហាញមុខជាផ្លូវការ។ សមមិត្ត ង៉ូជីកឿង បានជាប់ឆ្នោតធ្វើជាលេខាបក្សខេត្តអាណត្តិកាល២០២០-២០២៥ បណ្តាសមមិត្តអនុលេខាបក្សខេត្ត៖​គឹមង៉ុកថាយ ឡឹមមិញដាំងនិងឡេវ៉ាំងហាំង បោះឆ្នោតសមាជិកគណ:កម្មាធិការត្រួតពិនិត្យនៃគណ:កម្មាធិការបក្សខេត្ត ០៨រូប សមមិត្តង្វៀងធីមិញតឹម បានបោះឆ្នោតធ្វើជាប្រធានគណ:កម្មាធិការត្រួតពិនិត្យបក្សខេត្តអាណត្តិកាល២០២០-២០២៥ ។

*បណ្តាកម្រិតផែនការសំខាន់ៗសម្រាប់អាណត្តិកាល២០២០-២០២៥

១-កម្រិតផែនការអំពីកសាងបក្សនិងប្រពន្ធនយោបាយ៖

- រៀងរាល់ឆ្នាំមានអង្គការចាត់តាំងមូលដ្ឋានបក្ស ១០០% សម្រេចភារកិច្ចនិងមានអង្គការចាត់តាំងមូលដ្ឋានបក្សពី៨០% ឡើងទៅសម្រេចល្អភារកិច្ច​។ បក្ខជន៨០% ឡើងទៅសម្រេចល្អភារកិច្ច។

- ពង្រីកបក្ខជនពី៥.៥០០-៦.០០០រូប។

- ប្រមូលចំនួនប្រជាជនស្ថិតក្នុងវ័យ៨៥% ចូលក្នុងបណ្តាអង្គការចាត់តាំងនយោបាយ-សង្គម , សង្គម-មុខរបរ។

២- កម្រិតផែនការអំពីសេដ្ឋកិច្ច៖

ល្បឿនកំណើនប្រភពចំណូលរួម(GRDP)សម្រេចជាមធ្យមរៀងរាល់ឆ្នាំពី១០% ឡើងទៅ។ ក្នុងនោះតំបន់ទីមួយកើន២,៣៥% តំបន់ទី ២ កើន១៤,៤៨% តំបន់ទី៣កើន៧,៦៩%។

-ដល់ឆ្នាំ២០២៥ ប្រភពចំណូល(GRDP) របស់មនុស្សម្នាក់សម្រេច ១០០លានដុង(ស្មើ៤.៣០០ដុល្លា)​។

-បរិមាណកសិកម្មស្មើ ២៣,៧៥% ឧស្សាហកម្ម-ស្ថាបនាស្មើ៤៦,១៦% ពាណិជ្ជកម្ម-សេវាកម្មស្មើ ៣០,០៩% នៃប្រភពចំណូលរួម។

-សរុបទុនវិនិយោគទូទាំងសង្គម ០៥ ឆ្នាំសម្រេច ១៦០.០០០ពាន់លានដុង។

-ចំនួនអាជីវកម្មបង្កើតថ្មីក្នុង ០៥ ឆ្នាំ ២.៥០០ អាជីវកម្ម។

-អត្រាទីក្រុងភាវូបនីយកម្មដល់ឆ្នាំ២០២៥សម្រេច៣៣%។

-ប្រមូលថវិការដ្ឋជាមធ្យមរៀងរាល់ឆ្នាំកើន១២%។

៣-កម្រិតផែនការអំពីសង្គម៖

-មានចំមនួនឃុំ១០០%សម្រេចលក្ខឋានជនបទថ្មី ៥១% សម្រេចលក្ខឋានជនបទថ្មីលើកកម្ពស់(ក្នុងនោះមានឃុំ២០% សម្រេចលក្ខឋានជនបទថ្មីគំរូ)ស្រុកទាំង៧/៧សម្រេចលក្ខឋានជនបទថ្មី ទីក្រុងត្រាវិញនិងទីផ្សាររួមខេត្តយ្វៀងហាយសម្រេចភារកិច្ចកសាងជនបទថ្មី។ ខេត្តសម្រេចលក្ខឋានជនបទថ្មីមុនឆ្នាំ២០២៥។

-ចំនួនពលករកសិកម្មនៅ៣៥%ក្នុងចំណោមពលករទូទាំងសង្គម ឧស្សាហកម្ម-ស្ថាបនាសម្រេច២៨% សេវាកម្មសម្រេច៣៧% ។

-អត្រាពលករបានបណ្តុះបណ្តាលសម្រេច៧០% ក្នុងនោះមានសញ្ញាប័ត្រ លិខិតបញ្ជាក់សម្រេច៣៥% ។ រៀងរាល់ឆ្នាំបង្កការងារធ្វើថ្មីជូនពលករ២៣.០០០នាក់។

-អត្រាពលករដាច់អាជីពនៅក្រោម​០២%។

-អត្រាសិស្សស្ថិតក្នុងអាយុទៅរៀន៖កម្រិតបឋមសិក្សាសម្រេច១០០% អនុវិទ្យាល័យសម្រេច៩៩%។

-អត្រាមនុស្សចូលរួមគាំពារសុខាភិបាលសម្រេចពី៩៥%ឡើងទៅ។

-អត្រាមនុស្សចូលរួមគាំពារសង្គមសម្រេច៤៥%នៃកងកម្លាំងពលករស្ថិតក្នុងអាយុពលកម្ម ក្នុងនោះចូលរួមគាំពារសង្គមស្ម័គ្រចិត្តសម្រេច ០៥%។

-អត្រាញគ្រួសារក្រីក្រតាមសម្បទាពហុសណ្ឋានរក្សាកម្រិតថយចុះជាមធ្យមពី១,៥-២%ក្នុងមួយឆ្នាំ។

-អត្រាគ្រួសារប្រជាជនបានប្រើប្រាស់អគ្គិសនីសម្រេច៩៩,៥%។

៤-កម្រិតផែនការអំពីបរិស្ថាន៖

-អត្រាគ្រួសារប្រើប្រាស់ទឹកស្អាត ទឹកស្របអនាម័យ៖ តំបន់ទីផ្សារសម្រេច៩៩,៥% តំបន់ជនបទសម្រេច៩៩%។

-អត្រាកាកសំណល់គ្រោះថ្នាក់នឹងកាកសំណល់សុខាភិបាលបានប្រមូលនិងវិនិច្ឆ័យសម្រេចពី៩៩,៥%-១០០%។ អត្រាសម្រាមក្នុងទីផ្សារបានប្រមូលនិងវិនិច្ឆ័យសម្រេចជាង៩៨,៥% តំបន់ជនបទសម្រេចពី ៧៨-៨០%។ អត្រាមូលដ្ឋានបង្ករកខ្វក់បរិស្ថានធ្ងន់ធ្ងរបានវិនិច្ឆ័យសម្រេច១០០%។

-អត្រាដាំព្រៃការពារសម្រេច៤,៥%នៃផ្ទៃដីធម្មជាតិ។

៥-កម្រិតផែនការអំពីការពារប្រទេស-សន្តិសុខ៖

រក្សារស្ថិរភាពនយោបាយ សណ្តាប់ធ្នាប់ សុវត្ថិភាពសង្គម។

-រៀងរាល់ឆ្នាំមានស្ថាប័ន អាជីវកម្មពី៩៥%ឡើងទៅ មានឃុំ សង្កាត់ ទីប្រជុំជនពី៩០%ឡើងទៅសម្រចសម្បទាសុវត្តិភាពអំពីសន្តិសុខសណ្តាប់ធ្នាប់។

-រៀងរាល់ឆ្នាំមានឃុំ សង្កាត់ ទីប្រជុំជន៩៥%ឡើងទៅរឹងមាំអំពីកិច្ចការពារប្រទេស-សន្តិសុខ៕

ដំណឹង-រូបថត៖សុខា-ថាច់ហ្វាង