មហាសន្និបាតតំណាងនារីថ្នាក់មូលដ្ឋាន អាណត្តិកាល ២០២១-២០២៦

*ដល់ឆ្នាំ ២០២៦ សមាគមសហព័ន្ធនារីឃុំភឿងថាញ់ខិតខំមានប្រធានសាខាសមាគមនារីភូមិ ១០០%​ ជាបក្ខជន

គណៈប្រតិបត្តិការសមាគមនារីឃុំភឿងថាញ់ចេញបង្ហាញមុខ។ រូបថត៖ កីមឡង

         មហាសន្និបាតតំណាងសមាគមសហព័ន្ធនារីឃុំភឿងថាញ់ ស្រុកកាងឡុងលើកទី ១៣ អាណត្តិកាល ២០២១-២០២៦ បានប្រព្រឹត្តទៅកាលពីថ្ងៃទី ១៩ មីនា មហាសន្និបាតឯក ភាពអនុម័តិឆ្លង ១១ កម្រិតផែនការសេចក្តីសម្រេចចិត្តអាណត្តិកាល បោះ ឆ្នោតជ្រើសគណៈប្រតិបត្តិការថ្មី ១៥ នាក់ និងបោះឆ្នោតជ្រើសតំណាងចូលរួមមហាសន្និបាតថ្នាក់លើ ១៣ នាក់ រួមមានតំណាងពេញសិទ្ធិ​ ១៣ នាក់។ លោកស្រីង្វៀងធីកេវជិនបានបោះឆ្នោតតែងតាំងជាប្រធានសមាគមសហព័ន្ធនារីឃុំភឿងថាញ់ អាណត្តិកាល ២០២១-២០២៦។

         អាណត្តិកាល ២០២១-២០២៦ សមាគមសហព័ន្ធនារីឃុំភឿងថាញ់បន្តអនុវត្តផ្សព្វផ្សាយចលនាប្រឡងប្រណាំង “នារីសកម្មរៀនសូត្រ ច្នៃប្រតិដ្ឋ កសាងគ្រួសារសុភមង្គល ” ចលនា “ កសាងគ្រួសារគ្មាន ៥ យ៉ាង ស្អាត ៣ យ៉ាង” និងចលនា “នារីលត់ដំអត្តចរិតសីលធម៌ ជំនឿលើខ្លួនឯង គោរពខ្លួនឯង ស្មោះត្រង់ រ៉ាប់រងការងារផ្ទះ”។ បន្តអនុវត្តល្អចលនា “រៀនសូត្រនិងធ្វើតាមសតិអារម្មណ៍សីលធម៌ ឥរិយាបថហូជីមិញ”​ ជារៀងរាល់ឆ្នាំជំនួយគ្រួសារនារីក្រីក្រ ០២ គ្រួបានរួចផុតពីភាពក្រីក្រ អាទិភាពឲ្យបណ្តាគ្រួសារស្ថិតនៅបណ្តាសាខាសមាគមនារី តំបន់ជនរួមជាតិខ្មែរមានលក្ខណៈសេដ្ឋកិច្ច-សង្គមលំបាក បំផុសចលនាឧបត្ថម្ភ ១០ គ្រួសារសម្រេច លក្ខឋាន “គ្រួសារគ្មាន ៥ យ៉ាង ស្អាត ៣ យ៉ាង”  ចីរភាព សាខាសមាគមនារីនីមួយៗចុះឈ្មោះ និងអនុវត្តសំណង់ កិច្ចការ ០១ រួមចំណែកកសាងទិដ្ឋភាព ភ្លឺ-ខៀវ-ជ្រះ-ស្អាត បំប៉នឧទ្ទេសនាមពង្រីកបក្ខជននារីឆ្នើមតិចបំផុតម្នាក់​ ខិតខំដល់ឆ្នាំ​ ២០២៦ មានប្រធានសាខាសមាគម នារីភូមិ ១០០%​ ជាបក្ខជន។

        ក្នុងថ្ងៃនេះដែរ សមាគមសហព័ន្ធនារីឃុំឌឹកម៉ី ស្រុកកាងឡុងចាត់តាំងមហាសន្និបាតតំណាងលើកទី ១៤ អាណត្តិកាល ២០២១-២០២៦។ មហាសន្និបាតឯកភាពអនុម័តិឆ្លង ០៩ កម្រិតផែនការសេចក្តីសម្រេចចិត្តអាណត្តិកាលបោះឆ្នោតជ្រើសគណៈប្រតិបត្តិការថ្មី ១៣ នាក់ និងបោះឆ្នោតជ្រើសតំណាងពេញសិទ្ធិ​ចូលរួមមហាសន្និបាតថ្នាក់លើ ១១ នាក់។ លោកស្រីត្រឹងធីបែសីវបានបោះឆ្នោតតែងតាំងជាប្រធានសមាគមសហព័ន្ធនារីឃុំឌឹកម៉ី អាណត្តិកាល ២០២១-២០២៦៕                   

*សមាគមសហព័ន្ធនារីឃុំញ៉ីឡុង៖​ ក្នុងអាណត្តិកាលឧបត្ថម្ភបង្កើតថ្មីអាជីវកម្មនារី ០១

គណៈប្រតិបត្តិការសមាគមនារីឃុំញីឡុងចេញបង្ហាញមុខ។ រូបថត៖ កីមឡង

        កាលពីថ្ងៃទី ២២ មីនា សមាគមសហព័ន្ធនារីឃុំញ៉ីឡុង​ ស្រុកកាងឡុងចាត់តាំងមហាសន្និបាតតំណាងលើកទី ១៣ អាណត្តិកាល ២០២១-២០២៦។ មហាសន្និបាតបោះឆ្នោតជ្រើសគណៈប្រតិបត្តិការថ្មី ១៣ នាក់ និងបោះឆ្នោតជ្រើសតំណាងពេញសិទ្ធិ​ចូលរួមមហាសន្និបាត ថ្នាក់លើ ១០ នាក់។ លោកស្រីត្រឹងធីបែសៅបានបោះឆ្នោតតែងតាំងជាប្រធានសមាគមសហព័ន្ធនារីឃុំញ៉ីឡុង អាណត្តិកាល ២០២១-២០២៦។

        អាណត្តិកាល ២០២១-២០២៦សមាគមសហព័ន្ធនារីឃុំញ៉ីឡុងជំនួយនារីក្រីក្របាន ៣១៥ លើកនាក់ គ្រួសារនារីក្រីក្រអាស្រ័យនារីធ្វើជាម្ចាស់គ្រួសារ ១៨០ គ្រួនិងមានគ្រួសារនារី ៣១ គ្រួរួចផុតពីភាពក្រីក្រ។ រៀងរាល់ឆ្នាំសមាគមសហព័ន្ធនារីឃុំញ៉ីឡុង និងបណ្តាសាខាសមាគមនារីទទួលឧបត្ថម្ភសមាជិកាក្រីក្រនិងនារីក្រីក្រធ្វើជាម្ចាស់គ្រួសារ ២៤ នាក់ដោយរូបភាពជាច្រើនដូចជា៖ ឧបត្ថម្ភឲ្យបុលទុនពីធនាគារ ទុនប្រិតសំចៃ ទុនបង្វិលជុំ កសាងផ្ទះសុខដុមមេត្តាធម៌ ជូនអាហារូបករណ៍ដល់សិស្សក្រីក្រ ហ្វឹកហាត់ផ្ទេរជូនវិទ្យាសាស្រ្ដបច្ចេកទេស ថ្ងៃពលកម្ម។ល។ ទម្រង់ឧបត្ថម្ភគ្នាក្នុងការពង្រីកសេដ្ឋកិច្ចជួយឲ្យបងប្អូននារីមានជីវភាពលំនឹង រួមចំណែកកាត់បន្ថយភាពក្រីក្រ។ ទូទាំងសមាគមរក្សាក្រុមហ៊ុនទុនឲ្យខ្ចីបង្វិលជុំបាន ១៧ ក្រុម មានសមាជិកា ៣០១ នាក់ ដោយមានប្រាក់ទុន ៥៤២ លានដុងដោះស្រាយឲ្យបងប្អូននារី ១០៨ នាក់ខ្ចី រក្សាក្រុមប្រិតសំចៃឥណទានបាន ១៦ ក្រុម ដោយមានសមាជិកា ៣៣៥ នាក់ហ៊ុន ទឹកប្រាក់ ៣៤៦,៧ លានដុង ដោះស្រាយឲ្យនារី ១៩១ នាក់បុល សកម្មភាពរបស់ក្រុមសេដ្ឋកិច្ច ទាំង ០៩ ក្រុមពីមួយថ្ងៃទៅមួយថ្ងៃកាន់តែពង្រីកប្រសិទ្ធភាពរួមចំណែកជំនួយឲ្យបងប្អូននារីបង្កើនប្រភពចំណូល។ អាណត្តិកាល ២០២១-២០២៦ ឃុំញ៉ីឡុងដាក់ចេញកម្រិតផែនការ ក្នុងមួយឆ្នាំជំនួយឲ្យនារី ២​ នាក់រួចផុតពីភាពក្រីក្រ ក្នុងនោះអាទិភាពបណ្តាគ្រួសារស្ថិតនៅបណ្តាសាខាសមាគមនារីតំបន់ជនរួមជាតិខ្មែរដែលមានលក្ខណៈសេដ្ឋកិច្ច-សង្គមលំបាក ដល់ចុងអាណត្តិកាល បំផុសចលនាឧបត្ថម្ភបង្កើតថ្មីក្រុមសហការ ១ ក្រុមដោយមាននារីចូលរួមគ្រប់គ្រង បញ្ជាការនិងឧបត្ថម្ភបង្កើតថ្មីអាជីវកម្មនារី ០១។

  *សមាគមសហព័ន្ធនារីឃុំឡុងត្វងខិតខំដល់ឆ្នាំ ២០២៦ មាន ១០០% សាខាសមាគមនារីភូមិមានបក្ខជន

គណៈប្រតិ បត្តិការសមា គមនារីឃុំឡុងត្វងចេញបង្ហាញមុខ។ រូបថត៖ មិញទ្រី

          អាណត្តិកាល ២០២១-២០២៦ សមាគមសហព័ន្ធនារីឃុំឡុងត្វង ទីផ្សាររួមខេត្តយ្វៀងហាយបានផ្សព្វផ្សាយជ្រួតជ្រាបបណ្តាចលនាប្រឡងប្រណាំង “នារីសកម្មរៀនសូត្រ ពលកម្ម ច្នៃប្រតិដ្ឋ កសាងគ្រួសារសុភមង្គល” និងចលនា “លត់ដំអត្តចរិតសីលធម៌ ជំនឿលើខ្លួនឯង គោរពខ្លួងឯង ស្មោះត្រង់ ធានារ៉ាប់រង” “កសាងគ្រួសារគ្មាន ០៥ ជយ៉ាង ស្អាត ០៣ យ៉ាង” រួមចំណែកកសាងជនបទថ្មី។ គិតមកទល់ពេលនេះមានគ្រួសារនារី ៨៧៧/៩១២ គ្រួសម្រេចលក្ខឋានគ្រួសារគ្មាន ០៥ យ៉ាង ស្អាត ០៣ យ៉ាង មានគ្រួសារសមាជិកា ៨៩៧/៩១២ គ្រួសម្រេចលក្ខឋាន គ្រួសារជនបទថ្មី សម្រេច ៩៨,៣%។ ក្នុង ០៥ ឆ្នាំកន្លង សមាគមបានចេញបង្ហាញមុខទម្រង់ជាច្រើនដូចជា៖ ហ៊ុនប្រាក់ទិញគាំពារសុខាភិបាលចលនាប្រជាជនបរិច្ចាគដី កសាងផ្លូវ កសាងប្រព័ន្ធអំពូលភ្លើងអុជបំភ្លឺតាមផ្លូវជនបទ កសាងផ្លូវបៃតង ជ្រះ ស្អាត ផ្លូវផ្កា ជួយគ្នាទៅវិញទៅមកក្នុងការពង្រីកសេដ្ឋកិច្ចគ្រួសារ ទម្រង់ដាំបន្លែសុវត្ថិភាព ទម្រង់ចិញ្ចឹមសត្វ ឧបត្ថម្ភប្អូនៗបន្តការរៀនសូត្រ។ល។ មានបុគ្គល ១៣ រូបនិងសមូហភាព ១០ បានស្ងើចសរសើរ។

         បណ្តាតំណាងផ្តុំពិភាក្សា និងលើកឡើងវិធីសាស្រ្តជាច្រើនសម្រាប់អាណត្តិកាល ២០២១ -២០២៦ នោះគឺអនុវត្តចលនាប្រឡងប្រណាំង “នារីសកម្មរៀនសូត្រ ពលកម្ម ច្នៃប្រតិដ្ឋ កសាងគ្រួសារសុភមង្គល” និងចលនា “កសាងគ្រួសារគ្មាន ០៥ យ៉ាង ស្អាត ០៣ យ៉ាង” ចលនា លត់ដំអត្តចរិតសីលធម៌៖ ជឿជាក់លើខ្លួនឯង គោរពខ្លួងឯង ស្មោះត្រង់ ធានារ៉ាប់រង ជារៀងរាល់ឆ្នាំជួយនារី ០២ រូបរួចផុតពីភាពក្រីក្រ មាននារីពិការ ៨០% បានឧបត្ថម្ភដោយបណ្តារូបភាពផ្សេងគ្នា ខិតខំដល់ឆ្នាំ ២០២៦ មានប្រធានសាខាសមាគមភូមិទាំង ១០០% ជាបក្ខជន។

         មហាសន្និបាតបានបោះឆ្នោតជ្រើសសមាជិកា ១១ រូបចូលក្នុងគណៈប្រតិបត្តិការសមាគម។ បងស្រី ង្វៀងធីយីវហៀង បានតែងតាំងជាប្រធានសមាគមអាណត្តិកាល ២០២១-២០២៦ និងបោះឆ្នោតជ្រើសរើសតំណាង ១៨ រូបទៅចូលរួមមហាសន្និបាតសមាគមនារីទីផ្សាររួមខេត្តនាពេលខាងមុខនេះ៕                                                          

ប្រែសម្រួល៖ សុខា-តឹងង៉ុក