មិនគប្បីធ្វេសប្រហែសអត្តនោម័តិក្នុងការងារបង្ការទប់ស្កាត់អាសន្នរោគជំងឺកូវីដ-១៩

អញ្ជើញចូលរួមអង្គប្រជុំនៅមណ្ឌលគណៈកម្មាធិការប្រជាជនខេត្តមានសមមិត្តង៉ូជីកឿង សមាជិកគណៈប្រតិបត្តិការមជ្ឈិមបក្ស លេខាបក្សខេត្ត សមមិត្តគឹមង៉ុកថាយ អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត សមមិត្តឡឹមមិញដាំង អនុលេខាបក្សខេត្ត និងបណ្តាសមាជិកគណៈចង្អុលការថា្នក់ខេត្ត។

គិតមកដល់រសៀលថ្ងៃទី ១៧ កញ្ញាឆ្នាំ ២០២១ ចំនួនករណីវិជ្ជមានកូវីដ-១៩ នៅលើភូមិសាស្ត្រខេត្តគឺ ១.៤៧៥ ករណី (ស្រូបយកអត្រា ០,២២% ប្រៀបជាមួយនឹងចំនួនករណីវិជ្ជមានរបស់ទូទាំងប្រទេស) ក្នុងនោះ អន្តោប្រវេសន៍ ៤២ ករណី ក្រៅខេត្ត ១១ ករណី ក្រៅពីនោះគឺបណ្តាករណីជ្រាបក្នុងសហគមន៍ បណ្តា តំបន់ចត្តាឡីស័កលើភូមិសាស្ត្រខេត្ត។ ខេត្តកំណត់ត្រាករណីស្លាប់អាស្រ័យដោយជំងឺកូវីដ-១៩ ចំនួន ២០ ករណី ស្រូបយកអត្រា ០,១២% ប្រៀបជាមួយនឹងចំនួនករណីស្លាប់របស់ទូទាំងប្រទេស និងស្រូបយកអត្រា ១,៣៥% ប្រៀបជាមួយនឹងករណីជ្រាបមេរោគនៅលើភូមិសាស្ត្រខេត្ត។ បច្ចុប្បន្ននេះបណ្តាមន្ទីរពេទ្យបណ្តោះអាសន្នក្នុងខេត្តកំពុងព្យាបាលជូនអ្នកជំងឺ ៣៣០ នាក់(មាន ០៦ ករណីត្រូវដកដង្ហើមដោយអុកស៊ី) ហើយព្យាបាលជាសះស្បើយអ្នកជំងឺកូវីដ-១៩ ចំនួន ១.១៤០​ នាក់។

ប្រធានគណៈកម្មាធិការប្រជាជនខេត្តមានយោបល់បូកសរុបក្នុងអង្គសន្និបាត។ រូបថត៖ បាធី

នយោបល់ចង្អុលការអង្គប្រជុំ សមមិត្តលេខាបក្សខេត្តង៉ូជីកឿងសំណូមពរបណ្តាឃុំ សង្កាត់ ទីប្រជុំជនគប្បីបន្តអនុវត្តម៉ឹងម៉ាត់បណ្តាឯកសារចង្អុលការរបស់គណៈកម្មាធិការបក្សខេត្ត គណៈកម្មាធិការប្រជាជនខេត្តស្តីអំពីបង្ការទប់ស្កាត់អាសន្នរោគជំងឺកូវីដ-១៩ អនុវត្តល្អបណ្តាសេចក្តីព្រមានរបស់ក្រសួងសុខាភិបាល។ ថ្នាក់ដឹកនាំមូលដ្ឋាន ពិសេសគឺថ្នាក់មូលដ្ឋានអំពាវនាវប្រជាជននៅលើភូមិសាស្ត្រអនុវត្តត្រឹមត្រូវតាមខ្លឹមសារ សេចក្តីកំណត់ក្នុងការបង្ការទប់ស្កាត់អាសន្នរោគជំងឺ ដាច់ខាតមិនគប្បីអត្តនោម័តិ ធ្វេសប្រហែសចំពោះស្ថានភាពអាសន្នរោគជំងឺដូចជានាពេលបច្ចុប្បន្ននេះ កម្មាភិបាល បក្ខជនគ្រប់លំដាប់ថ្នាក់ក្នុងខេត្តគប្បីត្រូវធ្វើជាគំរូពិតប្រាកដ ឈានមុខក្នុងការងារបង្ការទប់ស្កាត់អាសន្នរោគជំងឺ។ អំពីយុទ្ធសាស្ត្រតេស្តសម្រាំងជ្រើសរើសកូវីដ-១៩ ក្នុងសហគមន៍។ សមមិត្តលេខាបក្សខេត្តង៉ូជីកឿងចង្អុលការបណ្តាមូលដ្ឋានគប្បីបន្តជំរុញជាបន្ទាន់សន្ទុះកំណើន ក្នុងនោះគប្បីយកចិត្តទុកដាក់ដល់បណ្តាមូលដ្ឋានដែលមានប្រជាជនរស់នៅច្រើន បណ្តាតំបន់ផ្សារប្រមូលផ្តុំមនុស្សច្រើនដើម្បីរកឃើញទាន់ពេលបណ្តាករណីវិជ្ជមានថ្មីដើម្បីបំបែក F០ ចេញផុតពីសហគមន៍ ឆាប់ត្រួតពិនិត្យស្ថានភាពជំងឺ។ ដើម្បីអនុវត្តល្អការងារទាំងនេះ ផ្នែកសុខាភិបាលគប្បីច្បាមខ្ជាប់ផែនការលេខ ៨៣/KH-UBND ចុះថ្ងៃទី ១៦ កញ្ញាឆ្នាំ ២០២១ របស់គណៈកម្មាធិការប្រជាជនខេត្តស្តីពី”អនុវត្តការងារបង្ការទប់ស្កាត់អាសន្នរោគជំងឺកូវីដ-១៩ ក្នុងស្ថានភាពថ្មី”។ ទន្ទឹមនឹងនោះ សមមិត្តលេខាបក្សខេត្តចង្អុលការផ្នែកសុខាភិបាលជំរុញសន្ទុះចាក់វ៉ាក់សាំងទាំងថ្ងៃសម្រាក់ និងបង្កើនការ ចាក់នៅពេលយប់ផង។

មានយោបល់សន្និដ្ឋានអង្គប្រជុំ សមមិត្ត ឡេវ៉ាំងហាំង ប្រធានគណៈកម្មាធិការប្រជាជនខេត្តបានរំលឹកថ្នាក់ដឹកនាំបណ្តាមូលដ្ឋានសារឡើងវិញ ពិសេសគឺ ថ្នាក់មូលដ្ឋានមិនគប្បីអត្តនោម័តិ ធ្វេសប្រហែស។ ស្ថានភាពអាសន្នរោគ ជំងឺដូចនាពេលបច្ចុប្បន្ននេះ នៅមានមូលដ្ឋានមួយចំនួនមានការអត្តនោម័តិ។ ថ្វីត្បិត បណ្តាមូលដ្ឋានគប្បីត្រូវរក្សាខ្ជាប់ និងបន្តបើកទូលាយ “តំបន់បៃតង” បង្រួមសន្សឹម “តំបន់លឿងទំ “តំបន់លឿង” ឈានដល់ការត្រួតពិនិត្យល្អស្ថានភាពជំងឺ ជាមួយនឹងគោលដៅលើកស្ទួយ ទូទាំងខេត្តសម្រេចកម្រិតធម្មតាថ្មីបានមុនថ្ងៃទី ៣០ កញ្ញា ឆ្នាំ ២០២១។​ យោងតាមនោះ សមមិត្តប្រធានគណៈកម្មាធិការប្រជាជនខេត្ត ឡេវ៉ាំងហាំងសំណូមពរបណ្តាមូលដ្ឋានអនុវត្តយ៉ាងម៉ឹងម៉ាត់បណ្តាខ្លឹមសារសំខាន់ៗក្នុងផែនការលេខ ៨៣/KH-UBND ចុះថ្ងៃទី ១៦ កញ្ញា ឆ្នាំ ២០២១ របស់គណៈកម្មាធិការប្រជាជនខេត្តដើម្បីអនុវត្តល័ក្ខការណ៍បង្ការទប់ស្កាត់អាសន្នរោគជំងឺតាមគោលលំនាំ “បង្ការយ៉ាងសកម្ម  ឆាប់រកឃើញទាន់ពេល ចត្តាឡីស័កជាបន្ទាន់ ព្យាបាលមានប្រសិទ្ធភាព វិនិច្ឆ័យសម្រេច ប្រញាប់លំនឹងស្ថានភាព”។ ក្នុងការអនុវត្តន៍ បណ្តាមូលដ្ឋានគប្បីត្រូវសន្សឹមៗដិតដាមជាមួយនឹងស្ថានភាពជាក់ស្តែងនៅមូលដ្ឋានរបស់យើងឱ្យហ្មត់ចត់ ជាមួយនឹងសភាវៈជាក់ស្តែង។ ពិសេសគឺ គប្បីយកចិត្តទុកដាក់ដល់ការងារចាក់វ៉ាក់សាំងបានត្រឹមត្រូវតាមសន្ទុះកំណើន ចំមុខសញ្ញា ព្យាបាលអ្នកជំងឺកូវីដ-១៩ បានត្រឹមត្រូវដើម្បីលើកកម្ពស់អត្រាអ្នកជាសះស្បើយ បន្ថយអ្នកស្លាប់។ ប្រជាជនគ្រប់រូបត្រូវធ្វើជាយុទ្ធជនម្នាក់ដើម្បីបង្ការទប់ស្កាត់អាសន្នរោគជំងឺមានប្រសិទ្ធភាព បន្តបង្កើនការប្រើប្រាស់បច្ចេកវិទ្យាព័ត៌មានក្នុងការបង្ការទប់ស្កាត់អាសន្នរោគជំងឺ ក្នុងនោះពិនិត្យការធ្វើចលនាប្រព័ន្ធសន្និបាតទូរទស្សន៍ផ្សាយបន្តផ្ទាល់ពីថ្នាក់ខេត្តដល់ថ្នាក់ឃុំ គឺជាគ្រឹះធារដើម្បីបន្តពង្រីកប្រសិទ្ធភាពបច្ចេកវិទ្យាព័ត៌មាន។

ទន្ទឹមនឹងសមមិត្តប្រធានគណៈកម្មាធិការប្រជាជនខេត្តឡេវ៉ាំងហាំងសំណូមពរបន្តយកចិត្តទុកដាក់ដល់ការផ្គត់ផ្គង់គ្រប់សម្ភារ ជីវសាស្ត្រសម្រាប់ការងារបង្ការទប់ស្កាត់អាសន្នរោគជំងឺកូវីដ-១៩ សំណូមពរផ្នែកពលកម្ម-យុទ្ធជនពិការ និងសង្គមកិច្ចបន្តសហការជាមួយនឹងបណ្តាមូលដ្ឋានអនុវត្តល្អការងារសុខុមាលភាពសង្គម បំពេញបន្ថែមទាន់ពេលនិងពិនិត្យឡើងវិញបណ្តាមុខសញ្ញាបានទទួលផលពីគោលនយោបាយដើម្បីបិទប្រកាសចំហឱ្យប្រជាជនក្តាប់ខ្ជាប់ ត្រួតពិនិត្យស៊ើបអង្កេត អនុវត្តត្រឹមត្រូវតាមបណ្តាសេចក្តីកំណត់៕     

ប្រែសម្រួល៖ រតនា