មជ្ឈមណ្ឌលសិក្សាសហគមន៍ឃុំឡុងហ៊ីបបម្រើល្អតម្រូវការរៀនសូត្ររបស់ប្រជាជន

     មជ្ឈមណ្ឌលសិក្សសហគមន៍ឃុំឡុងហ៊ីប (ស្រុកថ្កូវ) ជាមូលដ្ឋានអប់រំជាប្រចាំបានបង្កើត ឡើងអាស្រ័យដោយរដ្ឋអំណាចមូលដ្ឋានគ្រប់គ្រងផ្ទាល់ និងស្ថិតនៅក្រោមកិច្ចចង្អុលការ អំពីជំនាញរបស់ការិយាល័យអប់រំ-បណ្ដុះបណ្ដាលស្រុកថ្កូវ មានភារកិច្ចបង្កលក្ខណៈឲ្យ ប្រជាជនគ្រប់វ័យបានរៀនសូត្រជារឿយៗ និងរៀនសូត្រអស់មួយជីវិត។

ពិធីបិទវគ្គថ្នាក់បង្រៀនវិជ្ជាជីវៈ “ចិញ្ចឹមគោ” នៅភូមិផ្នោរព្រាល (បេ)។ រូបថត៖ គឹមសី

     មូលដ្ឋានសម្ភាររបស់មជ្ឈមណ្ឌលសិក្សាសហគមន៍ឃុំមានការិយាល័យដោយឡែកសម្រាប់ធ្វើការភ្ជាប់ជាមួយអាគារវប្បធម៌ឃុំ។ ក្រៅពីនោះ មជ្ឈមណ្ឌលនៅទាំងពង្រីកបាន កន្លែងសិក្សាសហគមន៍រាយ ០៧ កន្លែងនៅតាមភូមិ និងវត្តខ្មែរលើភូមិសាស្រ្តឃុំ បង្ក លក្ខណៈងាយស្រួលក្នុងការបើកថ្នាក់នៅតាមភូមិសម្រាប់ប្រជាជនចូលរួមរៀនសូត្រ។

     ជារៀងរាល់ឆ្នាំ មជ្ឈមណ្ឌលសិក្សាសហគមន៍បានចាត់តាំងសកម្មភាពជាច្រើនមានខ្លឹម សារសម្បូរបែបយ៉ាង ហើយពង្រីក និងទាញយកផលបានល្អក្នុងការសហការជាមួយ បណ្ដាគណៈ ផ្នែក អង្គការចាត់តាំងមហាជនរបស់មូលដ្ឋានកសាងបណ្ដាឯកទេសបទ សមស្របតាមតម្រូវការសិក្សារបស់ប្រជាជនអំពីការផ្ទេរជូនបច្ចេកវិទ្យា អប់រំច្បាប់ អប់រំ វប្បធម៌-សង្គម បណ្ដុះបណ្ដាលវិជ្ជាជីវៈ។ល។ គិតដោយឡែកតែក្នុងឆ្នាំ ២០២២ មជ្ឈ មណ្ឌលបានសហការផ្សព្វផ្សាយបណ្ដាគោលការណ៍ គោលមាគ៌ា សារាចរ សេចក្ដី សម្រេចចិត្តរបស់បក្ស គោលនយោបាយ ច្បាប់របស់រដ្ឋ ផ្សព្វផ្សាយអំពីការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ ផ្សព្វផ្សាយអំពីបណ្ដាព្រឹត្តិការណ៍ ពិធីបុណ្យធំៗក្នុងកម្មាភិបាល និងប្រជាជនបាន ៦៣ លើក ដោយមានមនុស្ស ២.៩២៥ លើកនាក់ចូលរួម។ សហការផ្សព្វផ្សាយសេចក្ដីសម្រេចចិត្តរបស់បក្សគ្រប់លំដាប់ថ្នាក់ បានចំនួន​ ០៨ លើក ដោយមានមនុស្ស ៦៤០ នាក់ចូលរួម។ ក្រៅពីនោះ មជ្ឈមណ្ឌល នៅទាំងចងសម្ព័ន្ធជាមួយសាលាឧត្តមសិក្សាវិជ្ជាជីវៈជនជាតិខេត្តត្រាវិញចាត់តាំងបើក ថ្នាក់បង្រៀនវិជ្ជាជីវៈជូនពលករជនបទតាមគម្រោងការលេខ ១៩៥៦ របស់នាយករដ្ឋ មន្រ្តីនៃរដ្ឋាភិបាលបានចំនួន ០៥ ថ្នាក់ជូនដល់សិក្ខាកាម ១១០ រូប រួមមាន (ថ្នាក់ជួសជុលគ្រឿងយន្ត ០២ ថ្នាក់ មានសិក្ខាកាម ៥១ រូប ថ្នាក់ចិញ្ចឹមគោ ០១ ថ្នាក់ មានសិក្ខាកាម ១៨​ រូប ថ្នាក់បច្ចេកទេសដាំម្ទេស ០១ ថ្នាក់ មានសិក្ខាកាម ១៨ រូប និង ថ្នាក់ជួសជុលផ្គុំដាក់ប្រព័ន្ធអគ្គិសនីសម្រាប់ប្រើប្រាស់ក្នុងគ្រួសារ ០១ ថ្នាក់ មានសិក្ខា កាម ២៣ រូប)។

     អំពីការងារឧត្តានកម្មអប់រំ មជ្ឈមណ្ឌលបានសហការជាមួយរដ្ឋអំណាចមូលដ្ឋាននៃ បណ្ដាភូមិពិនិត្យឡើងវិញ និងក្ដាប់តម្រូវការរៀនសូត្របង្កើនកម្រិតវិជ្ជាវប្បធម៌របស់ប្រ ជាជន។ តាមរយៈនោះក៏បានចាត់តាំងបើកថ្នាក់បំពេញវិជ្ជាសកលថ្នាក់ទី ៦ ដោយមាន សិក្ខាកាម ២២ រូបបានចុះឈ្មោះចូលរៀន។

     ជាមួយបណ្ដាលទ្ធផលដែលសម្រេចបានក្នុងឆ្នាំ ២០២២ មជ្ឈមណ្ឌលសិក្សាសហគមន៍ ឃុំឡុងហ៊ីបបានការិយាល័យអប់រំ-បណ្ដុះបណ្ដាលស្រុកថ្កូវទទួលស្គាល់ជាមជ្ឈមណ្ឌល សម្រេចប្រភេទល្អមានពិន្ទុខ្ពស់បំផុតប្រៀបនឹងបណ្ដាមជ្ឈមណ្ឌលសិក្សាសហគមន៍នៃឃុំដទៃលើភូមិសាស្រ្តស្រុកថ្កូវ៕

គឹមសី-ថាច់ហ្វាង