ម្ចាស់ការយកសំណាកពិនិត្យដើម្បីទប់ស្កាត់អាសន្នរោគលើសត្វស្លាប

កងកម្លាំងបសុពេទ្យពិនិត្យហ្វូងមាន់របស់គ្រួសារអ្នកចិញ្ចឹមនៅភូមិប្រាសាទ។
     លោកស្រី ង៉ូមិញធ្វឹង ប្រធានដំណាក់រោគព្យាករណ៍ពិនិត្យ និងព្យាបាលជំងឺពាហនសត្វនៃសាខានាយកដ្ឋានពេទ្យសត្វខេត្តត្រាវិញបានឱ្យដឹងថា៖ បច្ចុប្បន្នតម្រូវការចិញ្ចឹមសត្វកាន់តែច្រើន ម៉្លោះហើយសាខានាយកដ្ឋានពេទ្យសត្វមានបំណងចែករំលែកដើម្បីកាត់បន្ថយហានិភ័យដល់បណ្តាគ្រួសារចិញ្ចឹមសត្វ។ អាស្រ័យហេតុនោះ យើងខ្ញុំតែងសហការជាមួយដំណាក់ចិញ្ចឹមសត្វ និងបសុពេទ្យស្រុកចូវថាញ់ រដ្ឋអំណាចមូលដ្ឋានចុះទៅយកសំណាកមកពិនិត្យ ដើម្បីឆាប់រកឃើញអាសន្នរោគ ជួយដល់អ្នកចិញ្ចឹមមានវិធានការចាត់ការបានល្អការជ្រាបចូលនៃជំងឺទៅដល់បណ្តាកន្លែងចិញ្ចឹមរបស់មាមីង។
     ឆ្នាំ ២០២១ មូលដ្ឋានសហការជាមួយផ្នែកជំនាញ ចាត់តាំងការយកសំណាកដោយឥតគិតថ្លៃបានចំនួន ៤ លើក ចំពោះសត្វមាន់ ១២០ ក្បាល របស់ ៨ គ្រួសារដែលមានបាតុភាពខ្ពស់អំពីការកើតជំងឺគ្រុនផ្តាសាយបក្សី។បច្ចុប្បន្ន របរចិញ្ចឹមមាន់របស់ប្រជាជននៅឃុំង្វៀកហ្វា កំពុងមានទិសដៅរីកចម្រើនទាំងពីចំនួនគ្រួសារ និងចំនួនមាន់ចិញ្ចឹម។ ជាក់ស្តែងនៅភូមិប្រាសាទ មានគ្រួសារជាង ២០ គ្រួចិញ្ចឹមគិតជាមធ្យមក្នុងគ្រួសារនីមួយៗ ចិញ្ចឹមពី ៣.០០០ -៤.០០០ ក្បាល។ បណ្តាគ្រួសារ ចិញ្ចឹមបានអនុវត្តតាមលក្ខណៈចិញ្ចឹមក្នុងទ្រុង ឬលែងក្នុងចម្ការ។
     លោកហ្វិញវុាំងសា ប្រធានក្រុមសហការចិញ្ចឹមមាន់ភូមិប្រាសាទ បានឱ្យដឹងថា៖ ក្រុមយើងខ្ញុំមានសមាជិក ២១ នាក់។ ចាប់ពីពេលបង្កើតទម្រង់ចិញ្ចឹមមាន់នៅឆ្នាំ ២០១៧ បានមូលដ្ឋានដាក់បញ្ចូលទៅក្នុងមុខរបរ គប្បីទទួលបានការឧបត្ថម្ភដល់បណ្តាគ្រួសារចិញ្ចឹម។ ហេតុនោះ យើងខ្ញុំតែងបានអញ្ជើញចូលរួមបណ្តាថ្នាក់ហ្វឹកហាត់ចំណេះ ដឹងអំពីការចិញ្ចឹមមាន់ក៏ដូចជាចំណេះដឹងដទៃដែលជាប់ទាក់ទងដើម្បីបង្ការជំងឺ ជួយឱ្យការចិញ្ចឹមសម្រេចបានលទ្ធផលខ្ពស់ជាង។ ផ្នែកបសុពេទ្យ របស់ស្រុក ខេត្តក៏តែងអញ្ជើញមកយកសំណាក ដើម្បីពិនិត្យឱ្យហ្វូងមាន់ប្រយោជន៍ជួយដល់បណ្តា គ្រួសារជៀសវាងកុំឲ្យមានហានិភ័យ។ គ្រួសារចិញ្ចឹមភាគច្រើនសុទ្ធសឹងតែប្រើប្រាស់កម្រាលជីវសាស្រ្ត កាត់បន្ថយដល់កម្រិតទាបបំផុតពីការ ធុំក្លិនលាមកមាន់។ ដោយអាស្រ័យធ្វើល្អបណ្តាជំហានក្នុងការចិញ្ចឹមតាមការព្រមានរបស់ផ្នែកបសុពេទ្យ ម៉្លោះហើយតាំងពីបង្កើតទម្រង់ចិញ្ចឹម មាន់រហូតមកទល់ពេលនេះ យើងខ្ញុំគ្មានដែលជួបប្រទះហានិភ័យ ឥទ្ធិពលដល់ការចិញ្ចឹមមាន់ឡើយ មាន់ធំធាត់ធម្មតារហូតដល់ពេលប្រមូលផល។
     តាមការកំណត់របស់ផ្នែកបសុពេទ្យ ការយកសំណាកពិនិត្យ ជាដំណាក់កាលដែលមាន់មានអាយុកាលពី ២៥ -៣៥ ថ្ងៃ ពីព្រោះដំណាក់កាលនេះ ជាដំណាក់កាលមាន់អាចកើតជំងឺច្រើន។ អាស្រ័យហេតុនោះ ការយកសំណាកពិនិត្យនៅក្នុងដំណាក់កាលនេះជាពេលវេលាល្អបំផុត។ បើសិនរកឃើញមាន់កើតមានជំងឺ អ្នកចិញ្ចឹមអាចបង្កើនជាតិជម្នះជំងឺសម្រាប់មាន់ដើម្បីឱ្យមាន់ឆ្លង ផុតដំណាក់កាលដែលមានបាតុភាពខ្ពស់អំពីអាសន្នរោគ ជាក់ស្តែងគឺជំងឺគ្រុនផ្តាសាយបក្សី។ ជាមួយពេលវេលាចិញ្ចឹមប្រមាណ ៣,៥ ខែ បណ្តាគ្រួសារចិញ្ចឹមបានឧបត្ថម្ភថ្នាំបាញ់កម្ចាត់មេរោគ តែងបានយកសំណាកពិនិត្យជាប្រការជួយឱ្យអ្នកចិញ្ចឹមស្ងប់ចិត្តក្នុងការចិញ្ចឹម។ បច្ចុប្បន្នការចិញ្ចឹមសត្វ ក្នុងស្ថានភាពត្រូវរងឥទ្ធិពលដោយការប្រែប្រួលអាកាសធាតុ ហេតុនោះ បណ្តគ្រួសារពិបាកប៉ាន់ស្មានបានថាអាសន្នរោគកើតមានឡើងនៅពេលណា។ អាស្រ័យហេតុនោះ ដើម្បីម្ចាស់ការក្នុងការងារបង្ការ ទប់ស្កាត់ជំងឺ ផ្នែកបសុពេទ្យតែងសហការជាមួយបណ្តាគ្រួសារចិញ្ចឹមចាត់តាំងយកសំណាក សំដៅរកឃើញជំងឺបានឆាប់រហ័ស និងមានវិធានការព្យាបាលទាន់ពេល។ ឆ្លងតាមរយៈនោះ ជួយឲ្យអ្នកចិញ្ចឹមមាន់នឹងនចិត្តក្នុងការពង្រីកទម្រង់៕                អត្ថបទ-រូបថត៖ ថាច់សម្បត្តិ