ភូមិស្វាយសៀម ឃុំង៉ាយស្វៀងចាត់តាំងទិវាមហាសាមគ្គីទូទាំងជនជាតិ

លោកស្រីតាំងធីថឹម អនុប្រធានគណៈកម្មាធិការប្រជាជនស្រុកថ្កូវជូនលិខិតសរសើរដល់សមូហភាព និងបុគ្គល។ រូបថត៖ ហុងភុក

     បណ្តាតំណាងបានរំលឹកឡើងវិញដំណាក់កាលអភិវឌ្ឍន៍របស់រណសិរ្សមាតុភូមិវៀតណាម ស្តាប់គណៈការងាររណសិរ្សមាតុភូមិ វៀតណាមភូមិស្វាយសៀមរបាយការណ៍លទ្ធផលអនុវត្តកិច្ចការចលនា “ប្រជាជនទាំងមូល សាមគ្គីកសាងជនបទថ្មី អារ្យធម៌ទីក្រុង”។ ភូមិស្វាយសៀមមានផ្ទៃដីធម្មជាតិ ៥២៩ ហិកតា ដោយមានគ្រួសារប្រជាជន ៥៩០ គ្រួជាមួយ នឹងចំនួនមនុស្សរាយ ២.៦៥៩ នាក់។ ក្នុងនោះ ជនរួមជាតិខ្មែរជាង ៨៥% ។ ជីវភាពរបស់ប្រជាជនក្នុងភូមិសំខាន់គឺផលិតកសិកម្ម លក់ដូរតូច និងពាណិជ្ជកម្ម សេវាកម្ម។
     អនុវត្តកិច្ចចលនាសាមគ្គីចូលរួមពង្រីកការផលិត សកម្មជួយឧបត្ថម្ភគ្នាកាត់បន្ថយភាពក្រីក្រចីរភាព លើកស្ទួយជីវភាពជូនប្រជាជន។ ក្នុងឆ្នាំកន្លង ភូមិទទួលការឧបត្ថម្ភបាន ៣០០  លានដុងសម្រាប់កសាងលំនៅឋានជូនគ្រួសារក្រីក្រចំនួន ០៦ ខ្នង ចលនាបរិច្ចាគដី  កម្លាំងពលកម្ម រួមជាមួយនឹងសប្បុរសជនកសាងស្ពានជនបទបាន ០២ កន្លែង ជាមួយនឹងទឹកប្រាក់ ៨៨០ លានដុង ចលនាប្រជាជនអនុវត្ត ០៨ លក្ខឋានគ្រួសារជនបទថ្មីសម្រេចបាន ៨២,៥៣% នៃចំនួនគ្រួសាររួមរបស់ភូមិ កសាងកំណាត់ផ្លូវផ្កា ដងផ្លូវជ្រះស្អាត ភ្លឺ ភូមិបានទទួលស្គាល់ជាភូមិជនបទថ្មីឈានដល់ភូមិជនបទថ្មីគំរូខ្នាត។ 
     ប្រធានគណៈកម្មាធិការប្រជាជនស្រុកថ្កូវ ស្ងើចសរសើរដល់សមូហភាព ០១ កន្លែង និង បុគ្គល ០៣ រូបដែលមានស្នាដៃឆ្នើមក្នុងចលនាកសាងគ្រួសារជនបទថ្មី ភូមិជនបទថ្មី និងជូន អំណោយដល់គ្រួសារក្រីក្រ ៣៥០ គ្រួ អំណោយមួយចំណែកៗ គិតជាតម្លៃ ៥៥០.០០០ ដុង  សរុបថវិកាជាង ១៧៥ លានដុង៕        ហុងភុក-រតនា