លោកយ៉ឿងហ្វាងស៊ុម។
អ្នកយកសារព័ត៌មាន៖
សប្តាហ៍វប្បធម៌-ទេសចរណ៍ - សមោសរ គ្រឿងបរិភោគណាមបូ ភ្ជាប់ជាមួយនឹងពិធីបុណ្យអកអំបុកខេត្តត្រាវិញឆ្នាំ ២០២២ មានទ្រង់ទ្រាយ និងរយៈពេលចាត់តាំងយ៉ាងណាដែរ ជំរាបប្រសាសន៍លោក?
លោកយ៉ឿងហ្វាងស៊ុម៖
អនុវត្តតាមកិច្ចចង្អុលការរបស់គណៈចាត់តាំងសប្តាហ៍វប្បធម៌ទេសចរណ៍ - សមោសរគ្រឿង បរិភោគណាមបូ ភ្ជាប់ជាមួយនឹងពិធីបុណ្យអកអំបុកខេត្តត្រាវិញឆ្នាំ ២០២២ មន្ទីរវប្បធម៌ កីឡា និងទេសចរណ៍បានបន្តការអនុវត្តន៍ផែនការសហការជាមួយបណ្តាមន្ទីរ ស្ថាប័ន ផ្នែកខេត្តដែលពាក់ព័ន្ធដើម្បីចាត់តាំងពិធីនេះឲ្យសម្រេចជោគជ័យជាស្ថាពរ។ សប្តាហ៍វប្បធម៌ ទេសចរណ៍ - សមោសរគ្រឿងបរិភោគណាមបូភ្ជាប់ជាមួយនឹងពិធីបុណ្យអកអំបុកខេត្តត្រាវិញឆ្នាំ ២០២២ មានទ្រង់ទ្រាយថ្នាក់ខេត្ត និងអញ្ជើញបណ្តាខេត្ត ទីក្រុង ក្នុងតំបន់វាលរាបទន្លេគឺវឡុងចូលរួមផងដែរ ដោយ មានសកម្មភាពសំខាន់ ១៥ យ៉ាង។ ប្រព្រឹត្តឡើង ក្នុងរយៈកាល ០៧ ថ្ងៃ ចាប់តាំងពីថ្ងៃទី ០២ -០៨ ខែវិច្ឆិកា ឆ្នាំ ២០២២។
ព្រឹត្តិការណ៍សប្តាហ៍វប្បធម៌ ទេសចរណ៍- សមោ សរគ្រឿងបរិភោគណាមបូ ចាត់តាំងបើកពិធីនៅ វេលាម៉ោង ២០ រាត្រីថ្ងៃទី ២ ខែវិច្ឆិកា ឆ្នាំ ២០២២ នៅនឹងទីលាននៃមជ្ឈមណ្ឌលសន្និបាតខេត្ត មានកម្មវិធីផ្សាយបន្តផ្ទាល់តាមរយៈស្ថានីយវិទ្យុទូរទស្សន៍ ត្រាវិញ។ នេះជាព្រឹត្តិការណ៍សំខាន់រួមចំណែកញុាំងឲ្យពិធីបុណ្យអកអំបុកឆ្នាំ ២០២២ កាន់តែមានអត្ថន័យ ស្តែងឡើងភាពសាមគ្គីទូទាំងប្រជាជាតិ ពង្រីកអត្តសញ្ញាណវប្បធម៌របស់ខេត្ត និងជំរុញមាំការចលនាប្រឡងប្រណាំងស្នេហាជាតិ ក្នុងសហគមន៍បណ្តាជនជាតិក្នុងខេត្ត ព្រមទាំងចងសម្ព័ន្ធភាពជាមួយបណ្តាខេត្ត ទីក្រុងក្នុងការអភិវឌ្ឍន៍វិស័យទេសចរណ៍របស់ខេត្តកាន់តែរីកចម្រើន។
បន្ទាប់ពីចាត់តាំងបើកពិធី មន្ទីរវប្បធម៌ កីឡា និងទេសចរណ៍ក៏សហការអនុវត្តសកម្មភាពជាច្រើនដូចជា៖ ចាត់តាំងបរិយាកាសគ្រឿងបរិភោគណាមបូដោយមានប្រធានបទ “បរិយាកាសធ្វើនំប្រពៃណី និងគ្រឿងបរិភោគនៅខេត្តត្រាវិញ។ ចាត់តាំងគណៈប្រតិភូអញ្ជើញទៅអង្កេតពិនិត្យ ឧទ្ទេសនាមតំបន់ទេសចរណ៍ថ្មីរបស់ខេត្ត ដើម្បីកសាងវិស័យទេសចរណ៍ក្នុងខេត្តឲ្យរីកចម្រើនជាងទៀត។ សហការជាមួយមន្ទីរឧស្សាហពាណិជ្ជកម្ម មន្ទីរកសិកម្ម និងអភិវឌ្ឍន៍ជនបទចាត់តាំងផ្សារណាត់ពាណិជ្ជកម្មតាមរយៈប្រធានបទ “ផ្សារណាត់ជំរុញឧស្សាហពាណិជ្ជកម្មជនបទ ភ្ជាប់ជាមួយនឹងពិធីបុណ្យអកអំបុកខេត្តត្រាវិញ ឆ្នាំ ២០២២ និងឧទ្ទេសនាមស្ងើចសរសើរផលិត ផល OCOP ផលិតផលភូមិរបរខេត្តត្រាវិញ” ។ នេះជាសកម្មភាពប្រារព្ធឡើង ០៧ ថ្ងៃ មុននឹងចាត់តាំងពិធីបុណ្យអកអំបុក។
អ្នកយកសារព័ត៌មាន៖
ដើម្បីបន្តការបង្កើន “កត្តាសំខាន់” សម្រាប់ព្រឹត្តិការណ៍ឆ្នាំនេះ តើខេត្តមានចាត់តាំងកម្មវិធី អ្វីថ្មីដែរទេ បើប្រៀបនឹងឆ្នាំមុនៗ ជំរាបប្រសាសន៍លោក?
លោកយ៉ឿងហ្វាងស៊ុម៖
ឆ្នាំ ២០២១ ដោយសារជំងឺកូវីដ-១៩ រាតត្បាត ស្មុគស្មាញទើបបណ្តាពិធីបុណ្យផ្សេងៗ ក៏ដូចជាសកម្មភាពវប្បធម៌ កីឡាក្នុងខេត្តត្រូវផ្អាកទាំង អស់។ ដើម្បីស្តាឡើងវិញបណ្តាសកម្មភាពវប្បធម៌ កីឡា និងទេសចរណ៍ក្នុងខេត្តបានប្រព្រឹត្តឡើងដូចដើមវិញ ពិធីបុណ្យអកអំបុកឆ្នាំ ២០២២ មន្ទីរវប្បធម៌ កីឡា និងទេសចរណ៍ខេត្តបានចាត់តាំងបណ្តាសកម្មភាពមានទ្រង់ទ្រាយធំជាងមុនៗ ដោយមានការចូលរួមពីបណ្តាខេត្ត ទីក្រុងក្នុងតំបន់វាលរាបទន្លេគឺវឡុង ។ ជាពិសេស មានចាត់តាំងឧទ្ទេសនាម ស្ងើចសរសើរផលិតផល OCOP ផលិតផលតំបន់របររបស់ខេត្តត្រាវិញ ដែលមានល្វែងមុខទំនិញជាង ៣០០ ល្វែង។ អំពីកម្ម វិធីសិល្បៈ មានចាត់តាំងកម្មវិធីថ្មីគឺពិធីសមោសរ រាំកម្សាន្តរបស់សិល្បករ-ការិនីមិនជំនាញខេត្តត្រាវិញ ចាត់តាំងនៅវេទិកាធំនារមណីយដ្ឋានគូស្រះស្រី។
អ្នកយកសារព័ត៌មាន៖
សូមលោករៀបរាប់សង្ខេបអំពីកម្មវិធីសំខាន់ៗ នៃរាត្រីចាត់តាំងពិធីបុណ្យអកអំបុក (រាត្រីពេញបូណ៌មីខែកត្តិក) នៅរមណីយដ្ឋានគូស្រះស្រី ដើម្បីរួមចំណែកក្នុងការផ្សព្វផ្សាយ អប់រំយុវជនបន្តការពង្រឹក អភិរក្ស និងអភិវឌ្ឍន៍ពិធីបុណ្យអកអំបុក ជំរាបប្រសាសន៍លោក?
លោកយ៉ឿងហ្វាងស៊ុម៖
ពិធីបុណ្យអកអំបុក សំពះព្រះខែ នឹងប្រារព្ធឡើងនៅវេលាម៉ោង ១៩ នៃរាត្រីថ្ងៃទី ០៨ ខែ វិច្ឆិកា ឆ្នាំ ២០២២ នៅតំបន់វប្បធម៌-ទេសចរណ៍រមណីយដ្ឋានគូស្រះស្រី។ មានចាត់តាំងកម្មវិធីសិល្បៈ ដោយមានបណ្តាអង្គភាពសិល្បៈជំនាញក្នុង និងក្រៅខេត្ត អញ្ជើញចូលរួមសំដែងសិល្បៈជូនទស្សនិកជន និងភ្ញៀវទេសចរទស្សនាកម្សាន្ត ដោយបានស្ថានីយ៍ទូរទស្សន៍ផ្សាយបន្តផ្ទាល់ ដើម្បីផ្សាយពត៌មានជូនទស្សនិកជនក្នុងទូទាំងប្រទេស ដើម្បីស្វែងយល់បណ្តាល្វែងតាំងពិព័ណ៍ផលិតផលរបស់ ០៩ ស្រុក ទីក្រុង ក្នុងនោះមានប្រគំឧបករណ៍ភ្លេងបុរាណ រាំឆៃយុាំបង្ហាញឈុត សម្លៀកបំពាក់ជាដើម ពោរពេញដោយអត្តស ញ្ញាណវប្បធម៌ជនជាតិខ្មែរ។ ទន្ទឹមនឹងនោះក៏មានចាត់តាំងក្បួនដង្ហែលយប្រទីប និងបណ្តែតប្រទីបជ្វាលា បង្កឲ្យបរិយាកាសបុណ្យអកអំបុកនៅ រមណីយដ្ឋានគូស្រះស្រីកាន់តែមានភាពឱឡារិកអធិកអធម ។ ក្នុងកម្មវិធីនេះដែរ ក៏មានចាត់តាំងជូនអំណោយដល់សិស្សក្រីក្រជាជនជាតិខ្មែរ ព្រមទាំងជូនរង្វាន់ដល់បណ្តាអង្គភាពដែលចូល រួមសមោសរសិល្បៈរបាំជាដើម៕
អ្នកយកសារព័ត៌មាន៖ សូមថ្លែងអំណរអរគុណលោកយ៉ាងជ្រាលជ្រៅ ដែលបានចំណាយពេលសំណេះសំណាលជាមួយយើងខ្ញុំ !
អនុវត្តដោយ៖ សុជា
សប្តាហ៍វប្បធម៌ ទេសចរណ៍ - សមោសរគ្រឿងបរិភោគណាមបូភ្ជាប់ជាមួយនឹងពិធីបុណ្យអកអំបុក តែងបានខេត្តត្រាវិញ ចាត់តាំងឡើងជារៀងរាល់ឆ្នាំ ដើម្បីបន្តការពង្រឹង អភិរក្ស និងអភិវឌ្ឍន៍តម្លៃវប្បធម៌ប្រពៃណីរបស់ជនរួមជាតិខ្មែរណាម បូនិយាយរួម ជនរួមជាតិខ្មែរខេត្តត្រាវិញនិយាយដោយឡែក។ អ្នកយកសារព័ត៌មានកាសែតត្រាវិញខេមរភាសាបានធ្វើ បទសម្ភាសន៍ជាមួយលោក យ៉ឿងហ្វាងស៊ុម នាយកមន្ទីរវប្បធម៌ កីឡា និងទេសចរណ៍ខេត្តអំពីផែនការចាត់តាំងសប្តាហ៍វប្បធម៌ -ទេសចរណ៍ - សមោសរគ្រឿងបរិភោគណាមបូភ្ជាប់ជាមួយពិធីបុណ្យអកអំបុកខេត្តត្រាវិញឆ្នាំ ២០២២ នា ពេលខាងមុខនេះ។
.gif)
 copy.jpg)
