ប្រសិទ្ធភាពពីទម្រង់ "៧ + ១"

សមាជិកទម្រង់ “៧ + ១” នៃសាខាសមាគមអតីតយុទ្ធជនភូមិ​អូរត្រាវកំពុងប្រជុំពិគ្រោះការងារផ្សព្វផ្សាយ។

     ទម្រង់ “៧ + ១” របស់សាខាសមាគមអតីតយុទ្ធជនភូមិអូរត្រាវ មានសមាជិក ០៩/១២ នាក់ចូលរួម ក្នុងនោះសមាជិកខ្មែរ ៩៥%។ សមាជិកទម្រង់ “៧ + ១” មានតួនាតីគ្រប់គ្រង ផ្សព្វផ្សាយ  អប់រំគ្រួសារប្រជាជនជិត ១០០ គ្រួក្នុងភូមិអនុវត្តល្អតាមបណ្ដាសេចក្ដីកំណត់នៅមូលដ្ឋាន។
     គិតតាំងពីដើមឆ្នាំមកទល់ពេលនេះ សមាជិក ទម្រង់ “៧+១” របស់សាខាសមាគមអតីតយុទ្ធជនភូមិអូរត្រាវ ផ្សព្វផ្សាយច្បាប់បង្ការ បង្រ្កាបគ្រឿងញៀន និងឧក្រិដ្ឋជនបានជាង ២០ លើក ជូនប្រជាជនក្នុងភូមិជាង ៥៥៦ គ្រួសារ។ ការផ្សព្វផ្សាយមិនត្រឹមតែជំនួយឲ្យប្រជាជនបង្កើនការយល់ដឹង អនុវត្តល្អតាមបណ្ដាសេចក្ដីកំណត់ប៉ុណ្ណោះទេ នៅទាំងជួយឲ្យប្រជាជនពង្រីកស្មារតីទទួលខុសត្រូវ ក្នុងកិច្ចសហការជាមួយកងកម្លាំងនគរបាល អនុវត្តល្អចលនារក្សាសន្តិសុខ សណ្តាប់ធ្នាប់នៅមូលដ្ឋាន។ ផ្តើមពីទម្រង់ “៧+១” តាំងពីដើមឆ្នាំ ២០២២ មកទល់ពេលនេះ ប្រជាជនក្នុងភូមិបានផ្តល់ព័ត៌មានមានតម្លៃ ០២ ករណី ជូន ដល់កងកម្លាំងនគរបាលនៅមូលដ្ឋានធ្វើការឃាត់ខ្លួនមុខសញ្ញា ០២ នាក់ មកពីតំបន់ដទៃមកជួបជុំគ្នាក្នុងភូមិនៅពេលអធ្រាត្រ មាននិន្នាការប្រព្រឹត្តអំពើបំពានច្បាប់គ្រោះអបាយមុខសង្គម។ ទន្ទឹមនឹងនោះ បណ្តាសមាជិកនៅទាំងអនុវត្តល្អតួនា ទីជាអ្នកសម្រុះសម្រួលបញ្ហាវិវាទក្នុងគ្រួសារប្រជាជន រួមចំណែកយ៉ាងសកម្មក្នុងចលនារក្សាខ្ជាប់របៀបរស់នៅវប្បធម៌ក្នុងតំបន់ប្រជាជនស្នាក់នៅ។
     លោកថាច់ប៊ូ នៅភូមិអូរត្រាវបានឲ្យដឹងថា៖  ខ្ញុំផ្សារភ្ជាប់នឹងទម្រង់ “៧+១” តាំងពីទើបបង្កើតឡើងរហូតមកទល់ពេលនេះ។ ទន្ទឹមនឹងការអនុវត្តន៍ការងារផ្សព្វផ្សាយច្បាប់ជូនប្រជជន ០៧ គ្រួ សារដែលខ្ញុំទទួលបន្ទុកគ្រប់គ្រង ខ្ញុំនៅទាំងសម្រុះសម្រួលបញ្ហាវ័ណ្ឌទំនាស់តូចតាចក្នុងគ្រួសារទាំងនោះទៀតផង។ ជាក់ស្តែងដូចក្នុងឆ្នាំ ២០២២  មានករណីវ័ណ្ឌទំនាស់រវាងប្តីប្រពន្ធក្មួយថាច់ ម. និងស៊ើងធី ត. បណ្តាលមកពីការប្រច័ណ្ឌនាំឲ្យ ឈ្លោះប្រកែកគ្នា រហូតដល់ប្រព្រឹត្តអំពើហិង្សាក្នុងគ្រួសារ។ ក្មួយ ត. បានមករៀបរាប់ប្រាប់ខ្ញុំ អំពីរឿងរ៉ាវរបស់ប្តីគាត់។ ខ្ញុំក៏បានស្វែងយល់ហេតុផលច្បាស់លាស់រួចចុះទៅជួបសំណេះសំណាល ជំរុញទឹកចិត្តដោយភ្ជាប់ជាមួយនឹងការផ្សព្វផ្សាយ ច្បាប់អាពាហ៍ពិពាហ៍ និងគ្រួសារដើម្បីឲ្យក្មួយ ម. យល់ដឹងអំពីច្បាប់ និងចេះអធ្យាស្រ័យគ្នាទៅ វិញទៅមករវាងប្តីប្រពន្ធ។ តាំងពីពេលនោះមក ក្មួយ ម.បានកែប្រែចំណុចខ្សោយរបស់ខ្លួន មិន ប្រច័ណ្ឌដូចមុនទៀត រួចសាមគ្គី ប្តីប្រពន្ធកសាង ជីវភាពគ្រួសារសុភមង្គលរហូតមក។
     លោកថាច់ទឺ ប្រធានសាខាសមាគមអតីតយុទ្ធជនភូមិអូរត្រាវមានប្រសាសន៍ថា៖ ក្នុងការស់នៅពេលខ្លះកើតមានករណីវ័ណ្ឌទំនាស់គ្នាបន្តិចបន្តួច ប៉ុណ្ណោះតែបើមិនដោះស្រាយបានល្អទេនោះ ពិតជាកើតទៅជារឿងរ៉ាវធ្ងន់ធ្ងរ បណ្តាលឲ្យបាត់សណ្តាប់ ធ្នាប់ និងសុវត្ថិភាពសង្គមនៅមូលដ្ឋាន។ បណ្តា សមាជិកទម្រង់ “៧+១” បានពង្រីកស្មារតីទទួល ខុសត្រូវអនុវត្តល្អ ការផ្សព្វផ្សាយ អប់រំច្បាប់ ជូនប្រជាជននៅមូលដ្ឋាន ជាពិសេស សមាជិកទម្រង់នេះ​ បានអនុវត្តល្អការងារសម្រុះសម្រួលបញ្ហាវ័ណ្ឌ ទំនាស់ក្នុងគ្រួសារដែលខ្លួនគ្រប់គ្រងរួមចំណែកក្នុងការរក្សាខ្ជាប់សន្តិសុខ សណ្តាប់ធ្នាប់សង្គមនៅមូលដ្ឋាន។
​​     លោក ថាច់កេវវុាំង ប្រធានសមាគមអតីតយុទ្ធជនឃុំហ៊ីវទឺមានប្រសាសន៍ថា៖ ជាច្រើនឆ្នាំកន្លង សន្តិសុខ សណ្តាប់ធ្នាប់ និងសុវត្ថិភាពសង្គមនៅភូមិអូរត្រាវតែងបានរក្សាខ្ជាប់។ សម្រេចលទ្ធផលនោះ មានការរួមចំណែកយ៉ាងសកម្មរបស់ទម្រង់ “៧ + ១” របស់សាខាសមាគមអតីតយុទ្ធជនភូមិ ។ បណ្តាសមាជិកទម្រង់នេះ ជាសមាជិកសាខាសមាគមអតីតយុទ្ធជនខ្មែរគាត់ទាំងអស់គ្នាតែងយល់ដឹងអំពីច្បាប់ អំពីទំនៀមទម្លាប់របស់មាមីងក្នុងភូមិ ដូច្នោះហើយ គាត់មានវិធីសាស្រ្ត ផ្សព្វផ្សាយ ដោះស្រាយបញ្ហាវិវាទក្នុងសង្គមគ្រួសារប្រជាជនបានល្អជានិច្ច៕                      អត្ថបទ-រូបថត៖ សុជា