ប្រធានគណៈកម្មាធិការប្រជាជនខេត្តទទួលការគួរសមឯក អគ្គរដ្ឋទូតពេញសមត្ថភាពកាណាដាប្រចាំនៅវៀតណាម

សមមិត្តឡេវុាំងហាំង ទទួលការគួរសមលោក Shawn Steil ឯកអគ្គរដ្ឋទូតពេញសមត្ថភាពកាណាដា។​​   រូបថត៖  ទ្រឿងអង

នៅពេលទទួលការគួរសមសមមិត្តឡេវុាំងហាំង ប្រធានគណៈកម្មាធិការប្រជាជនខេត្ត បានជូនព័ត៌មានអំពីមនុស្ស លក្ខណៈធម្មជាតិ ស្ថានភាពពង្រីកសេដ្ឋកិច្ច-សង្គមរបស់ខេត្ត។ ត្រាវិញជាខេត្តមានខឿនសេដ្ឋកិច្ចឈរទី ៧  ក្នុងតំបន់វាលទំនាបទន្លេគឺវឡុង ដោយពង្រីកយ៉ាងពហុសណ្ឋានលើបណ្តាវិស័យជាច្រើន ដូចជាកសិកម្ម សេដ្ឋកិច្ចសមុទ្រទេសចរណ៍ ។ល។ ខេត្តកំពុងប្រមូលផ្តុំកម្លាំងទាញយក បណ្តាសក្តានុពលភាពមានព្រៀបដែលមានស្រាប់របស់ខេត្ត  ក្នុងនោះមូលដ្ឋានគ្រឹះស្ថាន គឺជាសេដ្ឋកិច្ចកសិកម្ម ឈានដល់ខឿនសេដ្ឋកិច្ចកសិកម្មច្បាមខ្ជាប់វិទ្យាសាស្ត្រ-បច្ចេកវិទ្យា វិនិយោគហេដ្ឋារចនាសម្ព័ន្ធកម្រិតខ្ពស់។
តំណាងឱ្យគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជនខេត្ត សមមិត្តឡេវុាំងហាំង ផ្ញើបិយវាចាអំណរគុណ ដល់រដ្ឋាភិបាលកាណាដា ឯកអគ្គរដ្ឋ ទូតពេញសមត្ថភាពកាណាដាដែលបានរួមចំ ណែក និងឧបត្ថម្ភជាក់ស្តែងលើបណ្តាគម្រោងការដែលកាណាដាផ្តល់ឲ្យខេត្តត្រាវិញនាពេលកន្លង។ បណ្តាកម្មវិធីឧបត្ថម្ភរបស់រដ្ឋាភិបាល កាណាដាបានរួមចំណែកយ៉ាងសំខាន់ និងមានប្រសិទ្ធភាពសេដ្ឋកិច្ចលើវិស័យសេដ្ឋកិច្ច-សង្គមចំពោះប្រជាជនស្ថិតនៅក្នុងតំបន់គម្រោងការនិយាយដោយឡែក និងខេត្តត្រាវិញនិយាយរួម។
សមមិត្តប្រធានគណៈកម្មាធិការប្រជាជនខេត្ត ឡេវុាំងហាំង សង្ឃឹមថារដ្ឋាភិបាលកា ណាដា និងលោក Shawn Steil ឯកអគ្គរដ្ឋទូត ពេញសមត្ថភាពកាណាដាគប្បីបន្តយកចិត្តទុកដាក់តភ្ជាប់ ឧបត្ថម្ភខេត្តដោយឆ្លងតាមបណ្តាគម្រោងការលើគ្រប់វិស័យ។ ទន្ទឹមនឹងនោះ សមមិត្តប្រធានគណៈកម្មាធិការប្រជាជនខេត្ត បានបញ្ជាក់ថាខេត្តត្រាវិញជានិច្ចកាលរង់ចាំ ទទួលស្វាគមន៍ និងបង្កគ្រប់លក្ខណៈងាយស្រួល បំផុតសម្រាប់បណ្តាម្ចាស់វិនិយោគ ដៃគូអន្តរ ជាតិចូលមកទស្សនា ស្វែងយល់ ពង្រីកភាព ទំនាក់ទំនងសហប្រតិបត្តិការជាមួយខេត្ត។
លោក Shawn Steil ឯកអគ្គរដ្ឋទូតពេញសមត្ថភាពកាណាដាប្រចាំនៅវៀតណាមបាន សំដែងនូវការគោរព អំណរគុណពេលដែល ក្រុមប្រតិភូបានថ្នាក់ដឹកនាំខេត្ត មន្ទីរ ស្ថាប័ន ផ្នែកខេត្តទទួលបដិសណ្ឋារកិច្ចយ៉ាងឧឡារិក ហ្មត់ចត់។ លោក Shawn Steil ឯកអគ្គរដ្ឋទូតពេញសមត្ថភាពកាណាដាបានឲ្យដឹងថា៖ ភាពទំនាក់ទំនងរវាងខេត្តត្រាវិញ និងរដ្ឋាភិបាល កាណាដាជាដៃគូរឹងមាំ នឹងមានក្តីជំនឿទុកចិត្ត សម្រាប់គ្នាទៅវិញទៅមក។ លោកសង្ឃឹមថា នៅពេលខាងមុខនឹងមានគម្រោងការជាច្រើន ទៀតនឹងបានវិនិយោគនៅខេត្តត្រាវិញ  ដោយ មានវត្តមានរបស់រដ្ឋាភិបាលប្រទេសកាណា ដា៕                ប្រែសម្រួល៖ រតនា