ប្រធានគណៈកម្មាធិការប្រជាជនខេត្ត ឡេវ៉ាំងហាំង៖ សមិទ្ធផលសេដ្ឋកិច្ច-សង្គមឆ្នាំ ២០២៤ គឺជាគ្រឹះស្ថានយ៉ាងសំខាន់ដើម្បីអនុវត្តសម្រេចសេចក្តីសម្រេចចិត្ត ០៥ ឆ្នាំ ២០២០-២០២៥

    ដើមឆ្នាំ ២០២៤ គណៈកម្មាធិការប្រជាជនខេត្តធ្វើលម្អិតសេចក្តីសម្រេចចិត្តលេខ ០១/NQ-CP ចុះថ្ងៃទី ០៥ ខែមករា ឆ្នាំ ២០២៤ របស់រដ្ឋាភិបាលទៅជាភារកិច្ច ៧៩ យ៉ាង ភាគកម្រិតសំខាន់ៗ ២៣ យ៉ាង ភាគកម្រិតលម្អិត ៤៣ យ៉ាង និងចេញផ្សាយផែនការ ប្រគល់ភារកិច្ចឱ្យមន្ទីរ ផ្នែក មូលដ្ឋាន នីមួយៗដើម្បីផ្សព្វផ្សាយ អនុវត្តតាមកិច្ចការ គោលលំនាំ គោចរ។ល។ ហេតុនោះសម្រេចបានលទ្ធផលសំខាន់ៗជាច្រើន។

សមមិត្ត ឡេវុាំងហាំង ប្រធានគណៈកម្មាធិការប្រជាជនខេត្ត អញ្ជើញទៅសួរសុខទុក្ខព្រះសង្ឃវត្តផ្នោរសង្កែថ្មី។ រូបថត៖ ទ្រឿងអង

   ​​- អ្នកយកសារព័ត៌មាន៖ សូមជម្រាបសមមិត្តប្រធានគណៈកម្មាធិការប្រជាជនខេត្ត ឆ្នាំ ២០២៤ ជាមួយនឹងបណ្តាភាពងាយស្រួល ទុក្ខលំបាកចម្រុះគ្នា ដើម្បីអនុវត្ត សម្រេចបានលទ្ធផលបណ្តាភាគកម្រិត តើគណៈកម្មាធិការប្រជាជនខេត្តមានបណ្តាវិធានការអ្វីខ្លះ?

  -សមមិត្តប្រធានគណៈកម្មាធិការប្រជាជនខេត្ត ឡេវុាំងហាំង៖ ជ្រួតជ្រាបគោលលំនាំចង្អុលការ បញ្ជាការរបស់រដ្ឋាភិបាលឆ្នាំ ២០២៤ “ក្រឹត្យវិន័យ ទទួល បន្ទុកភារកិច្ច ម្ចាស់ការ រួសរាន់ សម្ទុះកំណើន ច្នៃប្រតិដ្ឋ” និងគោលលំនាំរបស់គណៈកម្មាធិការបក្សខេត្ត “សាមគ្គី ក្រឹត្យវិន័យ ធ្វើសកម្មភាព ច្នៃប្រតិដ្ឋ ទម្លុះទម្លាយ អភិវឌ្ឍន៍” គណៈកម្មាធិការប្រជាជនខេត្តបន្តផ្លាស់ប្តូរថ្មី និង ផ្តាច់ប្តូរក្នុងការចង្អុលការ បញ្ជាការ បង្កើនក្រឹត្យវិន័យ រដ្ឋបាល ទទួលបន្ទុក ជិតដិតមូលដ្ឋាន ប្រមូលផ្តុំកម្លាំងចង្អុលការដោះស្រាយបណ្តាបញ្ហាសំខាន់ៗ តាមដានជិតដិតស្ថាន ភាពប្រែប្រួល រវៀសរវៃដោះស្រាយវិនិច្ឆ័យទាន់ពេលបណ្តាបញ្ហាថ្មីដែលមានកើតឡើងចៃដន្យ ដោះស្រាយបណ្តាការទុក្ខលំបាក ជំពាក់វាក់វិនជំរុញការពង្រីកសេដ្ឋកិច្ច-សង្គម។ ទន្ទឹមនឹងនោះ ដោយបានការយកចិត្តទុកដាក់ដឹកនាំ ចង្អុលការហ្មត់ចត់របស់គណៈកម្មាធិការបក្សខេត្ត ការរួមដំណើរ សហការហ្មត់ចត់របស់ក្រុមប្រឹក្សាប្រជាជនខេត្ត និងបណ្តាស្ថាប័នក្នុងប្រព័ន្ធនយោបាយ ការចូលរួមយ៉ាងសកម្មរបស់សហគមន៍អាជីវកម្ម ជាពិសេសគឺការឃ្លាំមើល ឧបត្ថម្ភរបស់មាមីងម្ចាស់ឆ្នោត និងប្រជាជន បានញ៉ាំងឱ្យខឿនសេដ្ឋកិច្ច-សង្គមរបស់ខេត្តរីកចម្រើនយ៉ាងសកម្ម និងសម្រេចបានបណ្តាលទ្ធផលសំខាន់ៗលើគ្រប់វិស័យ។ 

   -អ្នកយកសារព័ត៌មាន៖ ជាមួយនឹងបណ្តាការប្តេជ្ញាចិត្តនយោបាយខ្ពស់បំផុត សូមសមមិត្តប្រធានគណៈកម្មាធិការប្រជាជនខេត្តវាយតម្លៃលទ្ធផលដែលសម្រេចបានលើវិស័យសេដ្ឋកិច្ច?

  -សមមិត្តប្រធានគណៈកម្មាធិការប្រជាជនខេត្ត ឡេវុាំងហាំង៖ សម្ទុះពង្រីកផលិតផលនៅលើភូមិសាស្ត្រខេត្តសរុបរួម (GRDP) សម្រេច ១០,០៤% (សេចក្តី សម្រេចចិត្ត ៨,៥%)។ ក្នុងនោះ តំបន់ទី ១ កើន ៤,១៥% តំបន់ទី ២ កើន ២០,២៣% តំបន់ទី ៣ កើន ៦,៤៦% ពន្ធផលិតផលលក់ ឧបត្ថម្ភផលិតផលកើន ៣,២៦%។ ប្រមូល ថវិកាប៉ាន់ស្មានសម្រេចបាន ១៨.៦៣២ ពាន់ លានដុង សម្រេច ១៣៦,៣៨% នៃគម្រោង ថវិកា ក្នុងនោះ ប្រមូលផ្ទៃក្នុងបាន ៦.៣០០ ពាន់លានដុង សម្រេច ១០១,២៩% នៃ គម្រោងថវិកា ប្រៀបធៀបនឹងឆ្នាំទៅកើន ៦,១៨% ប្រមូលសកម្មភាពនីហរ័ណអាហរ័ណសម្រេចបាន ១.៦០០ ពាន់លាន ដុង សម្រេច ១២៤,១៣% (ប្រៀបធៀបជាមួយ នឹងឆ្នាំទៅកើន ៤៦,៦១%)។

  តម្លៃផលិតកសិកម្ម រុក្ខកម្ម ជលផល ប៉ាន់ស្មានសរុបរួមសម្រេចបាន ៣២.៣៨៩ ពាន់លានដុង សម្រេចលើសផែនការ ០,៤៥% ប្រៀបធៀបនឹងឆ្នាំទៅកើន ៤,២៦%។ ទទួល ស្គាល់ និងទទួលស្គាល់ឡើងវិញផលិតផលសម្រេចសម្បទា OCOP ចំនួន ៤៧ ផលិតផល។ គិតមកដល់បច្ចុប្បន្ននេះ ក្នុងទូទាំងខេត្តមានផលិតផល OCOP ចំនួន ៣៣៨ ផលិតផល។ ក្នុងទូទាំងខេត្តមាន ៥៦ ឃុំសម្រេចលក្ខឋានជនបទថ្មីលើកកម្ពស់  មាន ១៧ ឃុំសម្រេចលក្ខឋានជនបទថ្មីខ្នាតគំរូ ០៩/០៩ ស្រុក ទីផ្សាររួមខេត្ត ទីក្រុងសម្រេចលក្ខឋាន និងសម្រេចភារកិច្ចកសាងជនបទថ្មី មាន ០២ ស្រុក(ទីវកឹង និងកូវកែ) សម្រេចលក្ខឋានជនបទថ្មីលើកកម្ពស់ ខេត្តបានស្នើមជ្ឈិមត្រួតពិនិត្យទទួលស្គាល់សម្រេចភារកិច្ចកសាងជនបទថ្មី។ តម្លៃផលិតឧស្សាហកម្មប៉ាន់ស្មានសរុបរួម ៤១.៨៨២ ពាន់លានដុង សម្រេច ១០៣,៨១% នៃផែនការ ប្រៀបធៀបនឹងឆ្នាំទៅកើន ២០,១៧% បណ្តាផលិតផលកែច្នៃសុទ្ធតែសម្រេចតាមផែនការ ផលិតផលមួយចំនួនកើនបង្គួរ។ តម្លៃលក់រាយទំនិញ និងប្រភពចំណូលសេវាកម្មប៉ាន់ស្មានសម្រេចបាន ៦១,៤៧៤ ពាន់លានដុង សម្រេច ១០៣,៥៨%នៃផែនការ ប្រៀបធៀបនឹងឆ្នាំទៅកើន ១០,១០%។ ទាក់ទាញបាន ១៥ គម្រោងការនៅក្នុង និងក្រៅប្រទេស (រួមមាន ១៤ គម្រោងការក្នុងប្រទេស) ជាមួយនឹងទុនវិនិយោគសរុបរួម ៥.៦៩៣ ពាន់លានដុង (ប្រៀបធៀបនឹងឆ្នាំទៅកើនបាន ០៥ គម្រោងការ ទុនវិនិយោគកើន ៤.៧៦៣ ពាន់លាន ដុង) មានគម្រោងការក្រៅប្រទេស ០១ ជាមួយនឹងទុនវិនិយោគសរុបរួម ០២ លានដុល្លារ។ ប្រភពទុនវិនិយោគលើភូមិសាស្ត្រប៉ាន់ស្មានសរុបរួមសម្រេចបាន ៣៤.០៧៣ ពាន់លានដុង (សម្រេច ១០០,២១% នៃសេចក្តីសម្រេចចិត្ត) ប្រៀបធៀបនឹងឆ្នាំទៅកើន ៦,៤៤%។ ផែនការវិនិយោគសាធារណៈ ឆ្នាំ ២០២៤ សរុបរួមគឺ ៥.០៦១,៤១ ពាន់ លានដុង។

  -អ្នកយកសារព័ត៌មាន៖ទន្ទឹមជាមួយនឹងលទ្ធផលដែលសម្រេចបានលើវិស័យសេដ្ឋកិច្ច រីឯវិស័យវប្បធម៌ សង្គមក៏បានសម្រេច និងសម្រេចលើស។ សូមសមមិត្តប្រធានគណៈកម្មាធិការប្រជាជនខេត្តឱ្យដឹងពីបណ្តាលទ្ធផលសារវន្ត?

  -សមមិត្តប្រធានគណៈកម្មាធិការប្រជាជនខេត្ត ឡេវុាំងហាំង៖ ឆ្នាំ ២០២៤ បង្កការងារធ្វើថ្មី និងបញ្ជូនកម្លាំងពលកម្មទៅធ្វើការមានពេលកំណត់នៅបរទេសបន្តនឹងមានការវិវឌ្ឍន៍យ៉ាងសកម្ម ហើយក្លាយជាកិច្ចចលនាជម្រៅទូលាយទៅក្នុងប្រជាជនគ្រប់ជាន់ថ្នាក់ នេះគឺជាវិធានការសារវន្តដើម្បីកាត់បន្ថយភាពក្រីក្រស្ថិរភាព(បង្កការងារធ្វើថ្មីជូនពលកម្ម ២៤.៥០០ នាក់ សម្រេច ១០៦,៥២% ភាគកម្រិតសេចក្តីសម្រេចចិត្ត បញ្ជូនកម្លាំងពលកម្មទៅធ្វើការមានពេលកំណត់នៅក្រៅប្រទេសបានជាង ១.៥០០ នាក់ ប្រៀបធៀបនឹងសេចក្តីសម្រេចចិត្តកើន ១,៧ ដង)។ ចង្អុលការម៉ឺងម៉ាត់ សុវត្ថិភាព ដាច់អហង្ការសម័យប្រឡងយកវិញ្ញាបនបត្រវិទ្យាល័យឆ្នាំសិក្សា ២០២៤ ដោយមាន សិស្សប្រឡងជាប់វិញ្ញាបនបត្រវិទ្យាល័យសម្រេច ៩៩,៨៨% (ទូទាំងប្រទេស ៩៩,៤%)។ ទទួលស្គាល់ ២១ សាលាសម្រេចសម្បទាជាតិ។ អប់រំក្នុងជនរួមជាតិខ្មែរបន្តនឹងបានយកចិត្តទុកដាក់ រួមចំណែកលើកកម្ពស់ប្រជាបញ្ញា អភិរក្សវប្បធម៌ជនជាតិ អប់រំជំនាញបន្តបញ្ជាក់បានតួនាទីស្នូល និងកម្លាំងឥទ្ធិពលរបស់សាកលវិទ្យាល័យត្រាវិញ សាលាឧត្តមសិក្សាវិជ្ជាជីវៈឆ្លើយតបពីមួយថ្ងៃកាន់តែបង្កើនគុណភាពប្រភពធនធានរបស់ខេត្ត របស់ តំបន់ និងទូទាំងប្រទេស។ ការងារថែទាំសុខភាពជូនប្រជាជនតែងបានយកចិត្តទុកដាក់ និងបន្តវិនិយោគមូលដ្ឋានសម្ភារសុខាភិបាលឆ្លើយតបតម្រូវការពិនិត្យព្យាបាលជំងឺពីមួយកាន់តែត្រឹមត្រូវ និងមានគុណភាព សម្រេច ១០,៩១ វេជ្ជបណ្ឌិតលើមួយម៉ឺននាក់ (សម្រេច ១០៩,១% នៃសេចក្តីសម្រេចចិត្ត)។ មាន ៣០,១៨ គ្រែលើមួយម៉ឺននាក់ជំងឺ។ អត្រាគ្របដណ្តប់គាំពារសុខាភិបាលប្រៀបធៀបជាមួយនឹងចំនួនប្រជាជនសម្រេច ៩៥,០៤%(សម្រេច ៩៤,៩៥% នៃសេចក្តីសម្រេចចិត្ត)។ អត្រា ចូលរួមគាំពារសង្គមសម្រេច ២៨,៤% នៃកងកម្លាំងពលកម្មដែលស្ថិតក្នុងកំណត់អាយុ(សម្រេចលើសសេចក្តីសម្រេចចិត្ត)។

សមមិត្ត ឡេវុាំងហាំង (ទី ១ ខាងស្តាំ) ទស្សនាវិសេសផលរបស់ខេត្តត្រាវិញ។ 

   អនុវត្តល្អបណ្តាសកម្មភាពសុខុមាលភាពសង្គម តបស្នងសងគុណ យកចិត្តទុកដាក់ ដល់អ្នកមានសគុណ អ្នកមានប្រជាប្រិយភាព។ ផ្សព្វផ្សាយអនុវត្តការឧបត្ថម្ភផ្ទះនៅតាមប្រភពសុខុមាលភាពសង្គមខេត្តអាស្រ័យដោយក្រសួងនគរបាលឧបត្ថម្ភដល់គ្រួសារក្រីក្រ គ្រួសារជិតក្រ គ្រួសាជួបលំបាក និង គ្រួសារគោលនយោបាយ អ្នកមានសគុណ ចំនួន ១.៣០០ ខ្នង។  គិតមកដល់ចុងឆ្នាំ ២០២៤ គ្រួសារក្រីក្រនៅមាន ០,៨៧% (បន្ថយ ០,៣២% ប្រៀបធៀបនឹងឆ្នាំ ២០២៣ សម្រេចលើស ០,០២% នៃភាគកម្រិតឆ្នាំ ២០២៤) គ្រួសារខ្មែរក្រីក្រនៅមាន ១,៤៥% ប្រៀបធៀបនឹងចំនួនគ្រួសារខ្មែររួម (បន្ថយ ០,៥៨% ប្រៀបនឹងឆ្នាំ ២០២៣ សម្រេច លើស ០,០៨% ប្រៀបធៀបនឹងភាគកម្រិត ឆ្នាំ ២០២៤) គ្រួសារជិតក្រនៅមាន ១,៨៤% (បន្ថយ ០,៥១% ប្រៀបនឹងឆ្នាំ ២០២៣)។     

   ឆ្នាំ ២០២៤ ចាត់តាំងសម្រេចជោគជ័យព្រឹត្តិការណ៍កន្សោម Festival ១០០ ឆ្នាំដូង ខ្ទិះត្រាវិញ និងសប្តាហ៍វូឡាងថាំងហោយស្រុកកូវកែឆ្នាំ ២០២៤ បណ្តាសកម្មភាព អនុស្សាវរីយ៍ឆ្នាំទី ១០០ ទិវាខួបកំណើតអតីតអ្នកនិពន្ធ-សិល្បករប្រជាជនវៀងចូវ (១៩២៤-២០២៤) ភ្ជាប់ជាមួយនឹងផ្តើមដំណើរការកសាងគម្រោងការសំណង់វប្បធម៌ ទេសចរណ៍តំបន់អនុស្សាវរីយ៍អតីតអ្នកនិពន្ធ-សិល្បករប្រជាជនវៀងចូវ។ បណ្តា សកម្មភាពសាយភាយ ជំរុញទេសចរណ៍បានអនុវត្តដោយពហុសណ្ឋាន ក្នុងឆ្នាំ ២០២៤ មានភ្ញៀវទេសចរចូលមកត្រាវិញ សរុបរួមជាង ២,៨ លានលើកនាក់ (ប្រៀបធៀបនឹង ឆ្នាំទៅកើន ៣២,២%)។

   -អ្នកយកសារព័ត៌មាន៖ ឆ្នាំ ២០២៥ ដោយមានអត្ថន័យសំខាន់ ដើម្បីសម្រេចឱ្យការអនុវត្តន៍សម្រេចបណ្តាភាគកម្រិតពង្រីកសេដ្ឋកិច្ច-សង្គមដំណាក់កាល ២០២០ - ២០២៥ បង្កគ្រឹះស្ថានសម្រេចផែនការ ០៥ ឆ្នាំ (២០២៦-២០៣០)។ សូមសមមិត្តប្រធានគណៈកម្មាធិការប្រជាជនខេត្តឱ្យដឹងពីបណ្តាភាគកម្រិតសំខាន់របស់ឆ្នាំ ២០២៥ យ៉ាងណាខ្លះ?

   -សមមិត្តប្រធានគណៈកម្មាធិការប្រជាជនខេត្ត ឡេវុាំងហាំង៖ ឆ្នាំ ២០២៥ ជ្រោមជ្រែងបណ្តាកិច្ចចលនាបញ្ចេញកម្លាំងប្រឡងប្រណាំងស្នេហាជាតិ ដើម្បីបង្កើតស្នាដៃអំណរមហាសន្និបាតបក្ខភាគគ្រប់លំដាប់ថ្នាក់ឈានដល់មហាសន្និបាតតំណាងទូទាំងប្រទេសលើកទី ១៤ របស់បក្ស មហា សន្និបាតប្រឡងប្រណាំងទូទាំងប្រទេសលើកទី ១១ និងអំណរបណ្តាថ្ងៃបុណ្យជាតិធំៗ របស់ប្រទេសជាតិ ឆ្នាំ២០២៥ ដោយបញ្ជាក់ជាឆ្នាំចុងក្រោយរបស់ដំណាក់កាល ២០២០- ២០២៥។ ឆ្នាំ ២០២៥ ខេត្តដាក់ចេញភាគកម្រិតសំខាន់ៗចំនួន ២៣ យ៉ាង៖

   ក) ភាគកម្រិតអំពីសេដ្ឋកិច្ច៖

 (១) សម្ទុះកំណើនបង្កើន GRDP សម្រេច ពី ៧,០-៧,៥%។ ក្នុងនោះ កសិកម្មកើន ២,៤៣% ឧស្សាហកម្ម-ស្ថាបនាកើន ១០,៦១% សេវាកម្មកើន ៧,៤៤% ពន្ធផលិតផលដក ឧបត្ថម្ភផលិតផលកើន ៥,១%។

  (២) GRDP គិតជាមធ្យមក្នុងមនុស្សម្នាក់ក្នុងមួយឆ្នាំសម្រេច ១០១ លានដុងប្រហាក់ ប្រហែល ៤.៣០២ ដុល្លារអាមេរិក។

  (៣) សមាមាត្រកសិកម្មស្រូបយកអត្រា ២៦,០៩% ឧស្សាហកម្ម-ស្ថាបនាស្រូបយកអត្រា ៣៩,៨៤% សេវាកម្មស្រូបយកអត្រា ២៩,១១% និងពន្ធផលិតផលស្រូបយកអត្រា ៤,៩៦% នៃ GRDP។

  (៤) ទុនវិនិយោគទូទាំងសង្គមសរុបរួមពី ៣០.០០០- ៣២.០០០ ពាន់លានដុង។

  (៥) ពង្រីកអាជីវកម្មថ្មីចំនួន  ៥២០។

  (៦) អត្រាទីក្រុងឧបនីយកម្មសម្រេច ៣៣%។

  (៧) ប្រមូលពន្ធផ្ទៃក្នុង ៦.៦៨២ ពាន់លានដុង ប្រមូលពីសកម្មភាពនីហរ័ណអាហរ័ណ ១.៤៦២,៨ ពាន់លានដុង។ 

ខ) ភាគកម្រិតអំពីសង្គម៖

(៨) លើកកម្ពស់គុណភាពឃុំសម្រេចលក្ខឋានជនបទថ្មី ៩/៩ ស្រុក ទីផ្សាររួមខេត្ត ទីក្រុង សម្រេចនិងសម្រេចភារកិច្ចកសាងជនបទថ្មី មានបន្ថែម ០៥ ឃុំជនបទថ្មីលើកកម្ពស់ មាន ០៤ ឃុំសម្រេចជនបទថ្មីខ្នាតគំរូ។

(៩) សមាមាត្រពលករក្នុងកសិកម្មនៅ ២៨% ក្នុងឧស្សាហកម្ម-ស្ថាបនា និងសេវាកម្ម ស្រូបយកអត្រា ៧២% ក្នុងចំនួនពលករ សង្គមសរុបរួម។

(១០) អត្រាពលករបានឆ្លងកាត់ការបណ្តុះបណ្តាលសម្រេច ៧០,០២% ក្នុងនោះពល ករដែលមានបណ្ណ លិខិតបញ្ជាក់សម្រេច ៣៦,២០%។ បង្កការងារធ្វើថ្មីជូនពលករចំនួន ២៣.០០០ នាក់។

(១១) អត្រាដាច់អាជីពនៅតំបន់ទីក្រុង ២%។

(១២) រក្សាខ្ជាប់អត្រាសិស្សដែលស្ថិតក្នុងកំណត់អាយុបានចូលរៀនកម្រិតបឋមសិក្សាសម្រេច ១០០% អនុវិទ្យាល័យសម្រេច ៩៩%។

(១៣) មាន ៣០,៤៩ គ្រែលើមួយម៉ឺននាក់អ្នកជំងឺ មានវេជ្ជបណ្ឌិតចំនួន ១១,០៣ រូបលើមួយម៉ឺននាក់អ្នកជំងឺ។

(១៤) អត្រាគ្របដណ្តប់គាំពារសុខាភិបាលប្រៀបធៀបជាមួយនឹងចំនួនប្រជាជនសម្រេច ៩៥,១០%។

(១៥) បន្ថយអត្រាគ្រួសារក្រីក្រតាមសម្បទាពហុសណ្ឋាន ០,១៥% (ក្នុងជនរួមជាតិខ្មែរ បន្ថយ ០,៣%)។

 (១៦) អត្រាចូលរួមគាំពារសង្គមសម្រេច ៣០,៨០% នៃកងកម្លាំងពលកម្មដែលស្ថិតក្នុងកំណត់អាយុ ក្នុងនោះគាំពារសង្គមស្ម័គ្រចិត្តសម្រេច ៥,០% នៃកងកម្លាំងពលកម្ម សង្គម។

(១៧) អត្រាគ្រួសារប្រជាជនបានប្រើប្រាស់អគ្គិសនីសម្រេច ៩៩,៨%។

គ) ភាគកម្រិតអំពីបរិស្ថាន៖

(១៨) អត្រាប្រើប្រាស់ទឹកស្អាត ទឹកស្របអនាម័យនៅតំបន់ប្រជាជនទីក្រុង ៩៩,៥% បានប្រើប្រាស់ទឹកស្អាត ប្រជាជនជនបទ ១០០% បានប្រើប្រាស់ទឹកស្អាត ទឹកស្រប អនាម័យ(ក្នុងនោះទឹកស្អាត ៨៥%)។

(១៩) អត្រាជាតិកាកសំណល់គ្រោះថ្នាក់បានវិនិច្ឆ័យ ៩៩,៥%។ ជាតិកាកសំណល់រឹង សុខាភិបាលបានវិនិច្ឆ័យសម្រេច ១០០%។ អត្រាប្រមូល និងវិនិច្ឆ័យជាតិកាកសំណល់រឹងនៅទីក្រុងសម្រេច ៩៨,៥% ជនបទពី ៧៨-៨០%។ អត្រាបណ្តាមូលដ្ឋានបង្កកខ្វក់បរិស្ថានបានវិនិច្ឆ័យម៉ឺងម៉ាត់ ១០០% តាម សេចក្តីសម្រេចចិត្តលេខ ៦៤/2003/QĐ-TTg និងសេចក្តីសម្រេចចិត្តលេខ ១៧៨៨/QĐ-TTg។

(២០) អត្រាព្រៃគ្របដណ្តប់សម្រេច ៤,២% នៃផ្ទៃដីធម្មជាតិ។

ឃ) ភាគកម្រិតអំពីការពារជាតិ សន្តិសុខ

(២១) រក្សាលំនឹងនយោបាយ សណ្តាប់ធ្នាប់សុវត្ថិភាពសង្គម។

(២២) ខិតខំមាន ៩០% ឃុំ សង្កាត់ ទីប្រជុំជន និង ៩៥% ស្ថាប័ន អង្គភាព សាលារៀនឡើងទៅសម្រេចសម្បទាសុវត្ថិភាពសន្តិសុខ សណ្តាប់ធ្នាប់។

(២៣) មានជាង ៩៨% ឃុំ សង្កាត់ ទីប្រជុំជនរឹងមាំអំពីការពារជាតិ សន្តិសុខ។

-អ្នកយកសារព័ត៌មាន៖ សូមជម្រាបសមមិត្តប្រធានគណៈកម្មាធិការប្រជាជនខេត្ត ដើម្បីសម្រេច និងសម្រេចលើសបណ្តា ភាគកម្រិតសេចក្តីសម្រេចចិត្តឆ្នាំ ២០២៥ តើខេត្តដាក់ចេញនូវបណ្តាភារកិច្ចសំខាន់ៗយ៉ាងណា?

-សមមិត្តប្រធានគណៈកម្មាធិការប្រជាជនខេត្ត ឡេវ៉ាំងហាំង៖ ដើម្បីអនុវត្តសម្រេចភាគកម្រិតភារកិច្ចឆ្នាំ ២០២៥ គណៈកម្មា ធិការប្រជាជនខេត្តសំណូមពរបណ្តាថ្នាក់ បណ្តាផ្នែក បណ្តាមូលដ្ឋាន និងប្រជាជនយកចិត្តទុកដាក់ដល់ភារកិច្ចសំខាន់ៗមួយចំនួនដូចខាងក្រោម៖

ទីមួយ៖ ប្រមូលផ្តុំកម្លាំងអនុវត្តយ៉ាងផ្តាច់ប្តូរ មានប្រសិទ្ធភាពដើម្បីអនុវត្តសម្រេច លទ្ធផលគោលដៅ ភារកិច្ចសេចក្តីសម្រេចចិត្តមហាសន្និបាតបក្ខភាគខេត្តលើកទី ១១ ផែនការពង្រីកសេដ្ឋកិច្ច - សង្គម ០៥ ឆ្នាំ ២០២១-២០២៥ របស់គណៈកម្មាធិការប្រជាជនខេត្តខ្ពស់បំផុត។ បន្តជំរុញមាំសម្ទុះកំណើនបង្កើនស្ថិរភាព លើកកម្ពស់ទិន្នផល បរិមាណផល លទ្ធផលខឿនសេដ្ឋកិច្ច ធានាភាពសមស្របរវាងការពង្រីកសេដ្ឋកិច្ចជាមួយវប្បធម៌ សង្គម ការពារបរិស្ថាន សម្របសម្រួលជាមួយអាកាសធាតុប្រែប្រួល និងធានាការពារជាតិ សន្តិសុខ។

ទីពីរ៖ ផ្សព្វផ្សាយមានប្រសិទ្ធភាពបណ្តាគោលនយោបាយរបស់មជ្ឈិម របស់ខេត្ត ពិសេសគឺបណ្តាគោលនយោបាយស្តារឡើង ពង្រីកសេដ្ឋកិច្ច អាទិភាពឧបត្ថម្ភការវិនិយោគ ឧបត្ថម្ភអាជីវកម្ម។ បង្កបរិស្ថានវិនិយោគអាជីវកម្មងាយស្រួលដើម្បីទាក់ ទាញវិនិយោគិននៅក្នុង និងក្រៅប្រទេស យកចិត្តទុកដាក់ដល់បណ្តាគម្រោងការវិនិយោគផលិត កែច្នៃ ច្នៃប្រតិដ្ឋដែលមានតម្លៃសេដ្ឋកិច្ចខ្ពស់ នីហរ័ណ បណ្តាគម្រោងការខេត្តកំពុងទាក់ទាញអំពាវនាវវិនិយោគ។

ទីបី៖ ជំរុញសម្ទុះរំសាយទុនវិនិយោគសាធារណៈតាំងពីដើមឆ្នាំ បន្តស្នើមជ្ឈិមផ្សព្វផ្សាយវិនិយោគកសាងបណ្តាគម្រោងការសំ ខាន់ៗដូចជា៖ លើកកម្ពស់ ជួសជុលផ្លូវជាតិលេខ ៥៣ កំណាត់ឡុងហោ (វិញឡុង) -ពិសី (ត្រាវិញ) លើកកម្ពស់ជួសជុលផ្លូវជាតិលេខ ៥៤ (ទីក្រុងត្រាវិញ-តឹបស៊ើង) កសាងផ្លូវជាតិលេខ ៦០ ឆ្លងកាត់ភូមិសាស្ត្រខេត្តត្រាវិញ សុក្រឹតសំណុំលិខិតគម្រោងការកំណាត់ផ្លូវរបៀងប្របសមុទ្រ ស្ពានកោចៀងទី ២។

ទីបួន៖ សុក្រឹត្យគម្រោងការទីក្រុងដែលបានក្រុមប្រឹក្សាប្រជាជនខេត្តអនុម័តឆ្លង ភ្ជាប់ជាមួយផែនការវិនិយោគលើកកម្ពស់ បើកទូលាយ បង្កើនបណ្តាវិធានការគ្រប់គ្រង វិនិយោគកែលម្អបណ្តាទីក្រុងតាមទិសដៅអារ្យធម៌ បៃតង ជ្រះស្អាត ទំនើប។

ទីប្រាំ៖ ពង្រីកសេដ្ឋកិច្ចតាមទិសដៅលើក កម្ពស់តម្លៃកំណើន ស្ថិរភាព ប្រសិទ្ធភាព ទ្រង់ទ្រាយផលិតមុខទំនិញធំៗ ធានាបរិស្ថាន ជីវសាស្ត្រ សម្របសម្រួលជាមួយនឹងអាកាសធាតុប្រែប្រួល។ បន្តផ្សព្វផ្សាយមានប្រសិទ្ធភាពគម្រោងការ “ពង្រីកស្ថិរភាព ០១ លានហិកតាផ្ទៃដីជំនាញប្រពលវប្បកម្មស្រូវគុណភាពខ្ពស់ និងបំភាយឧស្ម័នទាបដោយភ្ជាប់ជាមួយនឹងបង្កើនកំ ណើនបៃតងតំបន់វាលទំនាបទន្លេគឺវឡុងដល់ឆ្នាំ ២០៣០” របស់នាយករដ្ឋមន្ត្រីនៃរដ្ឋាភិបាល។ ពង្រីកផលិតផលឧស្សាហកម្មជនបទឆ្នើមៗ លើកកម្ពស់គុណភាពបណ្តាផលិតផល OCOP។ បន្តផ្សព្វផ្សាយមានប្រសិទ្ធភាពកម្មវិធីគោលដៅជាតិកសាងជនបទថ្មីពីមួយថ្ងៃកាន់តែពិតប្រាកដ ស្ថិរភាព ឈានដល់ទទួលសេចក្តីសម្រេច ចិត្តទទួលស្គាល់ខេត្តជនបទថ្មីភ្ជាប់ជាមួយបណ្តាព្រឹត្តិការណ៍ ថ្ងៃបុណ្យជាតិឆ្នាំ ២០២៥។

ទីប្រាំមួយ៖ អនុវត្តព្រមៗគ្នាបណ្តារចនាបទ គោលនយោបាយ វិធានការពង្រីកប្រ ភពធនធាន ពង្រីកនិងផ្លាស់ប្តូរថ្មីអប់រំវិជ្ជាជីវៈបង្កភាពវិវឌ្ឍន៍យ៉ាងខ្លាំងក្លាអំពីបរិមាណ គុណភាព និងប្រសិទ្ធភាពរបស់ការអប់រំវិជ្ជាជីវៈ។ ពង្រីកវប្បធម៌ លើកកម្ពស់ជីវភាពរស់នៅ សម្ភារ ស្មារតី និងសុខភាពជូនប្រជាជន។ ប្រមូលផ្តុំកម្លាំងផ្សព្វផ្សាយជ្រោមជ្រែង និងអនុវត្តសម្រេចផែនការលុបបំបាត់ផ្ទះបណ្តោះអាសន្ន ផ្ទះទ្រុឌទ្រោមដែលនៅសេស សល់នៅលើភូមិសាស្ត្រខេត្តយ៉ាងឆាប់បំផុតក្នុងឆ្នាំ ២០២៥ តាមគោលការណ៍របស់រដ្ឋា ភិបាលដែលបានដាក់ចេញ។

ទីប្រាំពីរ៖ ជំរុញមាំការងារកែទម្រង់រដ្ឋបាល កែលម្អគុណភាពបរិស្ថានវិនិយោគ ធ្វើអាជីវកម្ម ផ្លាស់ប្តូរឌីជីថល ផ្សព្វផ្សាយមានប្រសិទ្ធភាពគម្រោងការលេខ ៦ ផ្តោត ទៅលើរដ្ឋអំណាចឌីជីថល សេដ្ឋកិច្ចឌីជីថល សង្គមឌីជីថល។ល។ បន្តកសាងយន្តការ រដ្ឋបន្សុទ្ធសម្រាំង ធ្វើសកម្មភាពសុពលភាព ប្រសិទ្ធភាព ផ្តោតលើការវាយតម្លៃ បូកសរុបលទ្ធផលស្ថានភាពអនុវត្តសេចក្តីសម្រេចចិត្តលេខ ១៨-NQ/TW របស់គណៈប្រតិបត្តិការ មជ្ឈិមបក្ស នីតិកាលទី ១២ “បញ្ហាមួយចំនួនស្តីពីបន្តផ្លាស់ប្តូរថ្មី រៀប ចំអង្គការចាត់តាំងយន្តការរបស់ប្រព័ន្ធនយោបាយបន្សុទ្ធសម្រាំង ធ្វើសកម្មភាពសុពលភាព ប្រសិទ្ធភាព” នៅលើភូមិសាស្ត្រខេត្តត្រឹមត្រូវតាមសំណូមពរនៃការចង្អុលការរបស់មជ្ឈិម។

ទីប្រាំបី៖ អនុវត្តល្អការងារកោះហៅជម្រើសពលរដ្ឋបំពេញកាតព្វកិច្ចយោធាឆ្នាំ ២០២៥។ លើកកម្ពស់លទ្ធផលការងារអប់រំការ ពារជាតិ សន្តិសុខ កសាងកងកម្លាំងប្រ ជាស្វ័យត្រាណ អនុវត្តបណ្តាលើកកំពូលវាយប្រហារបង្រ្កាបបណ្តាឧក្រឹដ្ឋជន។

ទីប្រាំបួន៖ បង្កើនការងារព័ត៌មាន ផ្សព្វផ្សាយអំពីបណ្តាគោលការណ៍ គោលមាគ៌ា របស់បក្ស គោលនយោបាយ ច្បាប់របស់រដ្ឋ និងបណ្តាព្រឹត្តិការណ៍ធំៗរបស់ប្រទេសជាតិ។ សកម្មជូនព័ត៌មានផ្សព្វផ្សាយគំរូមនុស្សល្អ ការងារល្អ កំណត់ទិសដៅមតិ ពង្រីកជាងទៀតតួនាទីរបស់រណសិរ្សមាតុភូមិវៀតណាម រួមចំណែកបង្កភាពព្រមព្រៀងក្នុងសង្គម ស្តារឡើងយ៉ាងខ្លាំងក្លាស្មារតីស្នេ ហាជាតិ កម្លាំងមហាសាមគ្គីទូទាំងជនជាតិ និងបំណងប្រាថ្នា អភិវឌ្ឍន៍ អនុវត្តសម្រេចជោគជ័យបណ្តាគោលដៅ ភារកិច្ចពង្រីកសេដ្ឋកិច្ច-សង្គមឆ្នាំ ២០២៥ និងដំណាក់កាល ២០២១-២០២៥។

-អ្នកយកសារព័ត៌មាន៖ សូមអរគុណសមមិត្តប្រធានគណៈកម្មាធិការប្រជាជនខេត្ត៕