ប្រិតសំចៃអគ្គិសនីអាស្រ័យដោយសម្រួល ពេលវេលាស្រោចស្រពទឹកដំណាំសមស្រប

បងហ្វិញសារ៉ី ពិនិត្យប្រព័ន្ធស្រោចស្រពទឹកដំណាំដោយស្វ័យប្រវត្ត។

ការប្រិតសំចៃអគ្គិសនីនិងប្រើប្រាស់អគ្គិសនី មានប្រសិទ្ធភាពក្នុងការផលិតជាកត្តាមួយ ក្នុងបណ្ដាកត្តាដ៏សំខាន់ជួយឲ្យមាមីងកសិករកាត់បន្ថយបានប្រាក់ចំណាយ បង្កើនតម្លៃ ក្នុងការផលិត ខណៈដែលស្ថានភាពតម្លៃអគ្គិសនីកាន់តែកើន ឡើងខ្ពស់និងតម្រូវការប្រើប្រាស់អគ្គិសនីកាន់តែច្រើនសម្រាប់បម្រើក្នុងការផលិតនៅជនបទ។
ជាមួយផ្ទៃដីមួយកុងសម្រាប់ដាំត្រសក់ផ្អែមក្នុងផ្ទះសំណាញ់ កសិករហ្វិញសារ៉ី នៅភូមិសម្ដេច  ឃុំលឿងហ្វា ស្រុកចូវថាញ់ ប្រើប្រាស់អគ្គិសនីប្រមាណតែ ៥៥ គីឡូវ៉ាតដើម្បីស្រោចស្រពទឹក ដំណាំត្រសក់ផ្អែម។ បើប្រៀបនឹងការស្រោចស្រពធម្មតាដូចប្រភេទដំណាំផ្សេងដែលដាំក្រៅផ្ទះសំណាញ់ ចំនួនទឹកនិងអគ្គិសនីដែលត្រូវប្រើប្រាស់ បានកាត់បន្ថយយ៉ាងច្រើន។
តាមសំដីរបស់បងហ្វិញសារ៉ីអគ្គិសនីប្រើប្រាស់ ក្នុងការស្រោចទឹកត្រសក់ដាំក្នុងផ្ទះសំណាញ់ប្រិតសំចៃបានច្រើនណាស់ព្រោះប្រព័ន្ធស្រោចស្រព ដោយស្វ័យប្រវត្តបានតភ្ជាប់ជាមួយទូរស័ព្ទចល័ត ដើម្បីបញ្ជាពីចម្ងាយ។ពេលស្រោចស្រពជោកល្មម លើរងត្រសក់រួចកុងតាក់អគ្គិសនីនឹងបិទដោយ ខ្លួនឯង។ បងលៃលកដាក់អាងទឹក ០២ ក្នុងចម្ការ។ អាង ០១ មានចំណុះ ០២ ម៉ែត្រត្រីគុណសម្រាប់ដាក់ទឹក អាងមួយទៀតចំណុះ ០១ ម៉ែត្រត្រីគុណសម្រាប់លាយថ្នាំបាញ់ការពារជំងឺឲ្យត្រសក់។ ចំ ណែកចំពួយទឹកបានដាក់រាយតាមរងត្រសក់។ ក្បាលចំពួយទឹកនីមួយៗអាចសម្រួលឲ្យចេញទឹក តិចឬច្រើនតាមតម្រូវការនៃអាយុកាលរបស់ត្រសក់ (ត្រសក់នៅតូចស្រោចស្រពតិចជាងពេលត្រសក់ចេញផ្លែ) ដោយ ប្រើពេលវេលាប្រមាណតែ ១០ នាទីក្នុងការស្រោចស្របមួយលើក។ ក្នុងមួយថ្ងៃស្រោច ស្រព០៣លើកអស់ទឹកប្រមាណ តែ១,៥ម៉ែត្រត្រីគុណប៉ុណ្ណោះ។ជាមួយនឹងការ ផលិតបែបទំនើបនេះ ក្នុងមួយឆ្នាំៗ គ្រួសារបង ហ្វិញសារ៉ីដាំត្រសក់បាន ០៣ រដូវ ក្នុងមួយរដូវៗទទួលបានប្រាក់ចំណូលពី ៤០-៥០ លានដុង។
ចំណែកបងថាច់រីនៅភូមិសំពោងសក់ធំ ឃុំង៉ូវឡាក ស្រុកយ្វៀងហាយវិញក៏មានបទ ពិសោធន៍ច្រើនក្នុងការប្រិតសំចៃអគ្គិសនីនិងទឹកស្រោចស្រពដំណាំដែរ។ បងប្រកបរបរបណ្ដុះកូនពូជដំណាំ ជិត ០៨ ឆ្នាំកន្លង។ ឆ្នាំ ២០២១ បងបានវិនិយោគ ទុនជាង ១,៥ ពាន់លានដុងពង្រីកទូលាយមូលដ្ឋាន បណ្ដុះកូនពូជដំណាំគ្រប់ប្រភេទលើផ្ទៃដី ១,៣ ហិក តាសម្រាប់ផ្គត់ផ្គង់ឲ្យមាមីងកសិករនៅក្នុងនិងក្រៅស្រុក។ បច្ចុប្បន្នបងពង្រីកបន្ថែម ០,៣ ហិកតាទៀត។ ប្រព័ន្ធទឹកសម្រាប់ស្រោចស្រពឲ្យពូជដំ ណាំបានបងវិនិយោគផ្គុំដាក់ ប្រកបដោយសុវត្ថិភាព ប្រិតសំចៃ។ បងបានឲ្យដឹង ដើម្បីប្រិតសំចៃអគ្គិសនី ទឹកមានប្រសិទ្ធភាពក្នុងដំណាក់កាល បណ្ដុះកូនពូជដំណាំក្នុងផ្ទះសំណាញ់នោះ យើងត្រូវស្រោចស្រពទឹកឲ្យត្រូវតាមចំនួនដែលកូនពូជដំណាំត្រូវការ។  បងបានលៃលកដាក់ប្រភេទ កូនពូជដំណាំនីមួយៗដាច់ដោយឡែកពីគ្នាដើម្បីស្រោចទឹកឲ្យសមស្របតាមប្រភេទដំណាំនីមួយៗផង រហ័សផង ព្រោះប្រភេទពូជដំណាំនីមួយៗ មានតម្រូវការចំនួនទឹកផ្សេងគ្នា។ 
ដើម្បីបង្រួញពេលវេលាក្នុងការស្រោចស្រពប្រិតសំចៃអគ្គិសនី ប្រិតសំចៃទឹក បងរីផ្គុំដាក់ម៉ូទ័រ  ០៤ គ្រឿងត្រង់កន្លែងសមស្របឲ្យងាយស្រួលពេលប្រើប្រាស់ចំពួយទឹក។ ចំពោះរដូវភ្លៀងដូច សព្វថ្ងៃពូជដំណាំមិនសូវត្រូវការទឹកច្រើនឡើយ ម៉្លោះហើយប្រាក់អគ្គិសនី ដែលត្រូវចំណាយក្នុង មួយខែតែប្រមាណ ១,៥ លានដុងប៉ុណ្ណោះ។ ចំ ណែករដូវប្រាំងត្រូវ ចំណាយ ២,៥ លានដុងក្នុងមួយខែ។ ថ្វីត្បិតបងគ្មានបូកសរុបចំនួនប្រាក់ អគ្គិសនីរាល់ខែ ប៉ុន្តែជាមួយវិធីសាស្រ្តប្រិតសំចៃអគ្គិសនី ទឹកក្នុងការស្រោចស្រពកូនពូជដំណាំលើផ្ទៃ ដី ១,៦ ហិកតាគិតជាមធ្យម បងប្រិតសំចៃប្រាក់អគ្គិសនីបានពី ៤០០.០០០-៥០០.០០០ ដុង ក្នុងមួយខែ៕     អត្ថបទ-រូបថត៖ ថាច់ហ្វាង