ប្រជាជនភូមិដងសាមគ្គីកសាងជនបទថ្មី

              សមមិត្តង្វៀងវ៉ាំងឡឹក ប្រធានគណៈការងាររណសិរ្សភូមិសំណេះសំណាលដោយរីករាយថា៖ ខែ វិច្ឆិឆ្នាំ ២០២២ ប្រធាគណៈកម្មាធិការប្រជាជនស្រុកកាងឡុងបានចេញសេចក្ដីសម្រេចចិត្តទទួលស្គាល់ភូមិដងជាភូមិជនបទថ្មី ប្រជាជនក្នុងភូមិមានការត្រេកអរយ៉ាងក្រៃលែង។ បណ្ដាឆ្នាំកន្លង ប្រជាជនក្នុងភូមិតែងសាមគ្គី បង្កើនការផលិត ផ្លាស់ប្ដូរពូជដំណាំ ចិញ្ចឹមសត្វ ពង្រីកតម្លាភាពសេដ្ឋកិច្ចចម្ការដោយដាំបណ្ដាប្រភេទឈើហូបផ្លែដែលមានលទ្ធផលសេដ្ឋកិច្ចខ្ពស់ ពង្រីករបរចិញ្ចឹមសត្វដើម្បីបង្កើនប្រភពចំណូល។ បណ្តាអង្គការចាត់តាំងមហាជនតែងយកចិត្តទុកដាក់ កេណ្ឌប្រមូលបណ្តាប្រភពទុនឲ្យសមាជិកខ្ចីប្រវាស់ដៃគ្នា ឧបត្ថម្ភគ្រួសារក្រីក្រ គ្រួសារជិតក្រដោះស្រាយការលំបាក លំនឹងជីវភាព។

ផ្លូវគមនាគមន៍ជនបទ។ រូបថត៖ គីមឡង

            ដើម្បីរួមចំណែកក្នុងការកសាងជនបទថ្មី គណៈការងាររណសិរ្សភូមិដងបានចលនាប្រជាជនកសាងជីវភាពវប្បធម៌ អនុវត្តល្អបណ្តាលក្ខឋានគ្រួសារវប្បធម៌ និងកសាងគ្រួតាមខ្លឹមសារ ០៣ យ៉ាង និងលក្ខឋាន ០៨ យ៉ាងក្នុងការកសាងជនបទថ្មី។ ទូទាំងភូមិមាន ៣១២/៣៣៧ គ្រួសារបានទទួលស្គាល់ជាគ្រួសារវប្បធម៌ជនបទថ្មី (ស្រូបយកអត្រា ៩២,៥% ប្រើប្រៀបនឹងគ្រួសារទាំងអស់ក្នុងភូមិ) ក្នុងនោះ មាន ១៧៥/៣៣៧ គ្រួសារបានទទួលស្គាល់ជាគ្រួសារវប្បធម៌ជនបទថ្មី ០៣ ឆ្នាំបន្តបន្ទាប់ ។ ដើម្បីអនុវត្តល្អបណ្តាសេចក្តីកំណត់អំពីរបៀបរស់នៅអារ្យធម៌ ក្នុងការចាត់តាំងបណ្តាកម្មវិធីអាពាហ៍ពិពាហ៍ និងបុណ្យទានផ្សេងៗ ភូមិបានបំផុសចលនាប្រជាជនឲ្យអនុវត្តការប្រិតសំចៃ មិនចាត់តាំងកម្មវិធីខ្ជះខ្ជាយឥតប្រយោជន៍។ក្នុងការប្រជុំជីវភាពបណ្តាអង្គការចាត់តាំងមហាជន និងក្រុមស្វ័យ​ត្រាណ សា​ខាបក្ស និងគណៈកម្មការប្រជាជនភូមិតែងចង្អុលកា​រឲ្យផ្សព្វផ្សាយ ចលនាកូនចៅរបស់ប្រជាជនក្នុងភូមិមិនប្រព្រឹត្តអំពើអបាយមុខសង្គម​ រួមចំណែកធានាសន្តិសុខសណ្តាប់ធ្នាប់ សុវត្ថិភាពសង្គមនៅមូលដ្ឋាន។

            គណៈកម្មការប្រជាជន គណៈកា​រ​ងា​ររណសិរ្សភូមិ តែងចលនាប្រជាជនឲ្យបង្កើនស្មារតីយល់ដឹងក្នុងការវិនិច្ឆ័យ​សំរាមក្នុងការរស់នៅប្រចាំថ្ងៃ សា​ខាសមាគមនារីចាត់តាំងប្រជុំប្រចាំខែដើម្បីបំផុសចលនាសមាជិកាឲ្យចុះឈ្មោះកសាងគ្រួសារ “គ្មាន ០៥ យ៉ាង ស្អាត ០៣ យ៉ាង” ក្រៅពីនោះនៅទាំងចលនាប្រជាជនអនាម័យបរិស្ថាន ដាំដើមឈើតាមសងខាងផ្លូវជនបទ ញ៉ាំងឲ្យទិដ្ឋភាពជនបទបានភ្លឺ‑ខៀវ‑ជ្រះ‑ស្អាត។ បច្ចុប្បន្នភូមិដងមានគ្រួសារប្រជាជន ៦៣,៥% មានលំនៅឋានសម្រេចតាមសម្បទារបស់ក្រសួងស្ថាបនា មានគ្រួសារ ៣៤,៤% គ្រួមានលំនៅឋានពាក់កណ្តាលរឹងមាំ ប្រភពចំណូលរបស់ប្រជាជនម្នាក់ៗសម្រេច ៥៤,៥ លានដុងក្នុងមួយឆ្នាំ ។

            សមមិត្តង្វៀងថាញ់តុង លេខាគណៈកម្មាធិការបក្សឃុំញ៉ីឡុងបានឲ្យដឹង៖ រយៈពេលកន្លង សាខាបក្ស គណៈកម្មការប្រជាជន គណៈការងាររណសិរ្សមាតុភូមិ និងបណ្តាអង្គការចាត់តាំងមហាជនភូមិ និងសហគមន៍តែងមានស្មារតីទទួលបន្ទុកក្នុងការបំពេញទាំងកម្លាំងកាយ និងស្មារតី ពង្រឹង និងកសាងធ្លុងមហាសាមគ្គីទូទាំងប្រជាជាតិ ផ្តុំកម្លាំងដឹកនាំ ចង្អុលការពង្រីកសេដ្ឋកិច្ច‑សង្គម គិតគូរដល់ជីវភាពប្រជាជនឲ្យបានរីកចម្រើនទាំងសម្ភារ និងស្មារតីដើម្បីកសាងសម្រេចជោគជ័យភូមិជនបទថ្មី រួមចំណែកញ៉ាំងឲ្យទិដ្ឋភាពជនបទក្នុងភូមិដងនិយាយដោយឡែក ឃុំញ៉ីឡុងនិយាយរួមបានស្រស់បំព្រង។

            សមមិត្តដ្វងវ៉ាំងញើង លេខាសាខាបក្សភូមិដងបានឲ្យដឹង៖ ក្នុងពេលខាងមុខ ភូមិ បន្តការចលនាប្រជាជនឲ្យអនុវត្តល្អបណ្តាគោលការណ៍ គោលមាគ៌ា គោលនយោបាយ ច្បាប់របស់បក្ស និងរដ្ឋ បណ្តាកម្មវិធីសកម្មភាពរបស់រណសិរ្សមាតុភូមិវៀតណាម និងបណ្តាអង្គការចាត់តាំងជាសមាជិក។ ចលនាប្រជាជនឲ្យប្រឡងប្រណាំងពលកម្មច្នៃប្រតិដ្ឋ អនុវត្តសម្រេចជោគជ័យគោលដៅពង្រីកសេដ្ឋកិច្ច វប្បធម៌ សង្គម រក្សាខ្ជាប់សន្តិសុខមាតុភូមិ។​ ចលនាប្រជាជនឲ្យពង្រីការផលិត ធ្វើអាជីវកម្ម ឈានឡើងធ្វើមានស្របច្បាប់ ខិតខំរាល់ឆ្នាំកសាងទម្រង់សេដ្ឋកិច្ចមានប្រសិទ្ធភាព ស្ថិរភាពពី ០១ ‑  ០២ ទម្រង់ បង្កើនគុណភាពនៃការចលនា “ទូទាំងប្រជាជនសាមគ្គីកសាងជនបទថ្មី ទីក្រុងអារ្យធម៌” បង្កើនគុណភាពគ្រួសារវប្បធម៌ តំបន់ប្រជាជនស្នាក់នៅវប្បធម៌ ផ្តុំកម្លាំងចលនាបណ្តាប្រភពកម្លាំងដើម្បីកសាងផ្ទះឧបការគុណ ផ្ទះមេត្តាធម៌ ផ្ទះមហាសាមគ្គី” ជូនគ្រួសារគោលនយោបាយ និងគ្រួសារក្រីក្រ។ល។ រួមចំណែកពង្រីកសេដ្ឋកិច្ច‑សង្គមរបស់ភូមិ។

ឆ្នាំ ២០២៣ រួមជាមួយនឹងផែនការរួមរបស់ភូមិ សមមិត្តង្វៀងថាញ់តុង ស្នើឲ្យសាខាបក្ស គណៈកម្មការប្រជាជន គណៈការងាររណសិរ្សភូមិ និងបណ្តាអង្គការចាត់តាំងមហាជនភូមិដង ទន្ទឹមនឹងអនុវត្តន៍ល្អបណ្តាគោលការណ៍ គោលមាគ៌ា គោលនយោបាយ ច្បាប់របស់បក្ស និងរដ្ឋ គប្បីយកចិត្តទុកដាក់ផ្សព្វផ្សាយបណ្តាសេចក្តីកំណត់របស់មូលដ្ឋាន និងរបស់ភូមិ។ កម្មាភិបាល បក្ខជន សមាជិកបណ្តាអង្គការចាត់តាំងមហាជនភូមិម្នាក់ៗ គប្បីធ្វើជាគំរូក្នុងការផ្សព្វផ្សាយ ឈានមុខលើគ្រប់វិស័យ ជាពិសេសគឺចលនាឲ្យប្រជាជនអនុវត្តល្អចលនា “ទូទាំងប្រជាជនសាមគ្គីកសាងជីវភាពវប្បធម៌ក្នុងតំបន់ប្រជាជនស្នាក់នៅ” សាខាបក្សភូមិជ្រោងខ្ពស់តួនាទីដឹកនាំ គណៈការងាររណសិរ្ស និងបណ្តាអង្គការចាត់តាំងជាសមាជិកផ្លាស់ថ្មីខ្លឹមសារសកម្មភាពដើម្បីទាក់ទាញសមាជិកបណ្តាអង្គការចាត់តាំងមហាជនចូលរួម។ គណៈកម្មការប្រជាជនភូមិអនុវត្តល្អការងារចង្អុលការពង្រីកសេដ្ឋកិច្ច‑សង្គម បង្វែរហេដ្ឋារចនាសម្ព័ន្ធសេដ្ឋកិច្ចចម្ការដើម្បីបង្កើនប្រភពចំណូលលើផ្ទៃដីតែមួយ។ ចាត់តាំងអនុវត្តល្អបណ្តាសម្បទាគ្រួសារវប្បធម៌ ជនបទថ្មី ភូមិវប្បធម៌ជនបទថ្មី គ្មានគ្រោះអបាយមុខសង្គម ជារៀងរាល់ឆ្នាំមានផែនការជួសជុលផ្លូវក្នុងភូមិ កសាងបណ្តាសំណង់សាធារណប្រយោជន៍ក្នុងសហគមន៍ ពង្រីកស្មារតីជួយគ្នាទៅវិញទៅមក ឧបត្ថម្ភគ្នាក្នុងគ្រាមានអាសន្នអន្ធក្រ ឧបត្ថម្ភគ្នាពង្រីកសេដ្ឋកិច្ច៕

ប្រែសម្រួល៖ សុជា