ប្រជាជនឃុំលឺវង៉ីបអាញ់ទទួលបណ្ណទៅផ្សាររដូវអាសន្នរោគកូវីដ-១៩

កងកម្លាំងសមត្ថកិច្ចឃុំត្រួតពិនិត្យអ្នកធ្វើដំណើរចេញចូលភូមិសាស្រ្ត។

គណៈគ្រប់គ្រងផ្សារសំណូមពរឲ្យវិលទៅផ្ទះយកបណ្ណ។

សកម្មភាពជួញដូររបស់មាមីងខ្មែរនៅផ្សារកំពង់រាជ្យក្នុងរយៈពេលគម្លាតសង្គម។

    បើប្រៀបជាមួយមូលដ្ឋានដទៃលើភូមិសាស្រ្ត ស្រុកថ្កូវ ឃុំលឺវង៉ីបអាញ់ជាមូលដ្ឋានមួយក្នុង បណ្ដាមូលដ្ឋានឆាប់ អនុវត្តការចែកបណ្ណសម្រាប់ទៅផ្សារដល់ប្រជាជន។ លោក ផាងវុាំងត្រៀង អនុប្រធានគណៈកម្មាធិការប្រជាជន ឃុំលឺវង៉ីប អាញ់បានឲ្យដឹង៖ “បណ្ណសម្រាប់ទៅផ្សារដែលបានចែកឲ្យប្រជាជន សម្រាប់តែអនុវត្តនៅលើភូមិ សាស្រ្តឃុំក្នុងរយៈពេលអនុវត្តគម្លាតសង្គម។ ខ្លឹមសារលើបណ្ណមានសរសេរច្បាស់គោត្តនាម -នាមនៃអ្នកតំណាងឲ្យគ្រួសារ អាសយដ្ឋាន និងលេខទូរស័ព្ទ។ ក្នុងមួយសប្ដាហ៍ គ្រួសារនីមួយៗ អាចទៅផ្សារបាន ០២ ដងនៅបណ្ដាថ្ងៃគត់ ថ្ងៃរាយឬក៏ថ្ងៃអាទិត្យ។ គោលដៅគឺដើម្បីកាត់បន្ថយ ចំនួនមនុស្សទៅផ្សារ ជៀសវាងការប្រមូលផ្ដុំគ្នាច្រើន បង្ការទប់ស្កាត់ជំងឺកូវីដ-១៩”។  
     លោកត្រឹងវុាំងដឹម ប្រធានគណៈគ្រប់គ្រងផ្សារ កំពង់រាជ្យឲ្យដឹងថា នៅថ្ងៃដំបូងអនុវត្តការចែកបណ្ណសម្រាប់ទៅផ្សារក៏ជួបការលំបាកច្រើនដែរ អាស្រ័យដោយមាមីងមិនទាន់ធ្លាប់ មានមាមីងជាច្រើនបានទៅដល់ផ្សារក៏ភ្លេចយកបណ្ណទៅ​តាមខ្លួន ប៉ុន្តែថ្ងៃនេះ មាមីងអនុវត្តបានល្អ។
     បច្ចុប្បន្ន នៅលើភូមិសាស្រ្តឃុំលឺវង៉ីបអាញ់មានផ្សារពីរកន្លែងគឺផ្សារកំពង់រាជ្យ នៅក្បែរមជ្ឈ​មណ្ឌលឃុំ និងផ្សារស្វាយរលើង នៅភូមិស្វាយ​លើងចម្ងាយពីគ្នាប្រហែលពីរបីគីឡូម៉ែត្រ។ យើងខ្ញុំមានមុខនៅផ្សារកំពង់រាជ្យពេលព្រឹកព្រលឹម ថ្ងៃទី ២៩ ខែកក្កដា ឃើញប្រជាជនមុនពេលចូល កាន់មជ្ឈមណ្ឌលផ្សារសុទ្ធសឹងយកបណ្ណដែលបានចែកឲ្យពីមុននោះ ជម្រាបរួចប្រគល់ឲ្យគណៈគ្រប់គ្រងទីផ្សារ។ ករណីដែលភ្លេចយកបណ្ណទៅតាមខ្លួន គណៈគ្រប់គ្រងផ្សារសំណូពរមឲ្យវិល ទៅផ្ទះយកបណ្ណទើបចូលបាន។
     បងស្រី គាងធីង៉ា ឈ្មួញម្នាក់នៅភូមិស្វាយពក ឃុំលឺវង៉ីបអាញ់មានប្រសាសន៍ថា ការអនុវត្តទៅផ្សារត្រូវមានបណ្ណ តាមខ្លួនទើបចូលផ្សារបាននោះ ជាការប្រសើរណាស់ ជួយគម្លាតដល់អ្នកដែលទៅផ្សារដើម្បីបង្ការទប់ស្កាត់ជំងឺកូវីដ-១៩។ ថ្វីត្បិតដូច្នោះក្ដី ទង្វើនេះក៏មានការជះឥទ្ធិពលដល់ការងារលក់ដូរដែរ។
     “ក្រៅពីការចែកបណ្ណសម្រាប់ទៅផ្សារដល់ប្រជាជន ឃុំលឺវង៉ីបអាញ់នៅទាំងអនុវត្តម៉ឹងម៉ាត់ការ ត្រួតពិនិត្យអ្នកដំណើរចេញចូលទៅកាន់ភូមិសាស្រ្ត។ គិតមកដល់ពេលនេះ ឃុំបង្កើតប៉ុស្ដិ៍ត្រួតពិនិត្យបាន ០៤ កន្លែងនៅតាមបណ្ដាផ្លូវចូលឃុំ។ អ្នក ណាក៏ដោយពេលទៅដល់ប៉ុស្ដិ៍នឹងបានកងកម្លាំង សមត្ថកិច្ចត្រួតពិនិត្យសួរ ហេតុផលតើហេតុផល នោះ មានស្ថិតក្នុងករណីចាំបាច់ដែរឬទេ ប្រសិនបើចាំបាច់គឺឲ្យឆ្លង ប្រសិនបើមិនចាំបាច់ក៏សំណូមពរអ្នកនោះវិលត្រឡប់ទៅផ្ទះវិញ”- លោកផាងវុាំ​ង ត្រៀងបានឲ្យដឹងបន្ថែមដូច្នោះ៕​​​​​​​​​​                   អត្ថបទ-រូបថត៖ ថាច់ហ្វាង