បំផុសចលនាកម្មវិធី “រលកអាកាស និងម៉ាស៊ីនកំព្យូទ័រសម្រាប់ប្អូនៗ”

កម្មវិធី “រលកអាកាស និងម៉ាស៊ីនកំព្យូទ័រ ឱ្យប្អូនៗ” អាស្រ័យដោយក្រសួងព័ត៌មាន និងឃោនាការ និងធ្វើជាអធិបតីសហការជាមួយនឹងក្រសួងអប់រំ-បណ្តុះបណ្តាលអនុវត្ត។ នៅមណ្ឌលផ្សាយបន្តផ្ទាល់ខេត្តត្រាវិញមានសមមិត្តង៉ូជីកឿង សមាជិកគណៈប្រតិបត្តិការមជ្ឈិមបក្ស លេខាបក្សខេត្ត សមមិត្តឡេវ៉ាំងហាំង អនុលេខាបក្សខេត្ត ប្រធានគណៈកម្មាធិការប្រ ជាជនខេត្ត សមមិត្តឡេថាញ់បិញ សមាជិកអចិន្ត្រៃយ៍នៃគណៈកម្មាធិការបក្សខេត្ត អនុប្រធានគណៈកម្មាធិការប្រជាជនខេត្ត ថា្នក់ដឹកនាំគណៈកម្មាធិការរណសិរ្សមាតុភូមិវៀតណាមខេត្ត ​ថ្នាក់ដឹកនាំមន្ទីរអប់រំ-បណ្តុះបណ្តាល មន្ទីរព័ត៌មាន និងឃោសនាការ បណ្តាអាជីវកម្ម ទូរគមនាគមន៍ ធនាគាររដ្ឋវៀតណាមសាលាត្រាវិញបានអញ្ជើញចូលរួម។

លោកនាយករដ្ឋមន្រ្តីនៃរដ្ឋាភិបាល ផាមមិញជីញ មានប្រសាសន៍ចង្អុលការក្នុងពិធីបំផុសចលនា។ រូបថត៖ ឯកសារ

ស្ថិតក្នុងស្ថានភាពប្រែប្រួលស្មុគស្មាញរបស់អាសន្នរោគជំងឺកូវីដ-១៩ សកម្មភាពចាត់តាំង បង្រៀននិងរៀនក្នុងបណ្តាថ្ងៃដំបូងរបស់ឆ្នាំសិក្សា ២០២១-២០២២ តែងជួបការទុក្ខលំបាកច្រើន ពិសេសគឺចំពោះបណ្តាមូលដ្ឋានដែលកំពុងអនុវត្តគម្លាតសង្គម។ ទីក្រុង ខេត្តជាច្រើនត្រូវចាត់តាំងបង្រៀន និងរៀនផ្សាយ បន្ត ថ្វីត្បិត ប្រព័ន្ធរលកអាកាសបណ្តាញអីនធើណែតមានភាពអន់ខ្សោយ ផ្នែកទន់ខាងបង្រៀនធ្វើសកម្មភាពមិនបានលំនឹង សិស្សភាគច្រើនខ្វះការផ្គត់ផ្គង់ឧបករណ៍រៀនសូត្រ ការឧបត្ថម្ភរបស់គ្រួសារនៅជួបការទុក្ខលំបាកច្រើនបានជាការបង្រៀន និងរៀននៅកន្លែងជាច្រើនមិនទាន់មានប្រសិទ្ធភាព។

កម្មវិធី “រលកអាកាស និងម៉ាស៊ីនកំព្យូទ័រឱ្យប្អូនៗ” ដោយបានកសាង និងផ្សព្វផ្សាយជាមួយនឹងគោលដៅឧបត្ថម្ភសិស្ស ពិសេសគឺចំពោះបណ្តាប្អូនៗដែលកំពុងនៅតំបន់ជំងឺកូវីដ-១៩ ឱ្យមានលក្ខណៈរៀនសូត្រផ្សាយបន្តប្រសិទ្ធភាព។ កម្មវិធីអាទិភាពឧបត្ថម្ភម៉ាស៊ីនកំព្យូទ័រ សេវាទូរគមនាគមន៍ឱ្យប្អូនៗសិស្សានុសិស្ស និសិ្សតមានស្ថានភាពទុក្ខលំបាក។

មានយោបល់ក្នុងពិធីបំផុសចលនានេះ នាយករដ្ឋមន្ត្រីនៃរដ្ឋាភិបាលផាមមិញជីញបានសង្កត់ធ្ងន់ថា៖ គោលដៅមួយក្នុងចំណោមគោលដៅរបស់ការងារបង្ការទប់ស្កាត់អាសន្នរោគជំងឺកូវីដ-១៩ នោះគឺឆ្ពោះទៅដល់ការបើកច្រកសុវត្ថិភាពសាលារៀន បង្កជាចិត្តសាស្រ្តសុវត្ថិភាពឱ្យសិស្សពេលចូលរៀនក្នុងសាលា។ អាស្រ័យដោយហេតុរោគជំងឺ និងមានសិស្សជាច្រើនរូបមិនទាន់បានចូលសាលារៀន។ ហេតុនោះហើយ យើងគប្បីអនុវត្តទន្ទឹមជាមួយនឹងបណ្តាវិធានការបង្ការរោគជំងឺផង និងឧបត្ថម្ភសិស្សរៀនសូត្រផង ពិសេសគឺការគ្របដណ្តប់បណ្តាញរលកអាកាសតាមតំបន់ឆ្ងាយអន់រលក លើកកម្ពស់គុណភាពរលកអាកាសបណ្តាញនៅបណ្តាកន្លែងនៅខ្សោយ បន្តចលនាឱ្យជះឥទ្ធិពលដល់បណ្តាអង្គការចាត់តាំង​ បុគ្គលចូលរួមកម្មវិធីឧបត្ថម្ភទាន់ពេលដល់បណ្តាសិស្សទុក្ខលំបាក តំបន់ឆ្ងាយ តំបន់ជ្រៅឱ្យបានច្បាមខ្ជាប់នឹងប្រព័ន្ធអិនធើណែតឱ្យគ្រប់លក្ខណៈរៀនលើប្រព័ន្ធផ្សាយបន្ត ជំរុញការពង្រីកសេដ្ឋកិច្ច-សង្គមលេខធានាគុណភាពជាក់ស្តែង ប្រសិទ្ធិភាព និងធានាតម្លាភាពក្នុងអប់រំ មិនទុកឱ្យសិស្សម្នាក់ណា “ត្រូវបោះបង់នៅមកពីក្រោយឡើយ” មិនសម្រេចកម្មវិធីរៀនសូត្រអាស្រ័យដោយជះឥទ្ធិពលរបស់មហាអាសន្នរោគជំងឺកូវីដ-១៩។

ស្ថិតក្នុងវិធីបំផុសចលនានេះ រដ្ឋមន្ត្រីក្រសួងអប់រំ-បណ្តុះបណ្តាល ង្វៀងគីមស៊ើងតំណាងទទួលគ្រឿងម៉ាស៊ីនឧបត្ថម្ភពីបណ្តាអង្គការចាត់តាំង បុគ្គល អាជីវកម្ម។ ដោយបានដឹងថា៖ ចំនួនគ្រឿងម៉ាស៊ីនកំព្យូទ័រដែលបានកម្មវិធីទទួលយកមកដល់ពេលនេះបានជាង ១.០៣៤.០០០  គ្រឿង៕              

ប្រែសម្រួល៖ រតនា