បណ្ណាល័យត្រាវិញ៖ បង្កលក្ខណៈឲ្យប្រជាជននៅជនបទបានរៀនសូត្រចំណេះដឹង

                                   បណ្ណាល័យខេត្តត្រាវិញ​ គឺជាមជ្ឈមណ្ឌល សិក្សាសហគមន៍។  ​រូបថត៖ បាធី

  ​   ឆ្នាំ ២០២០ អនុវត្តកម្រិតផែនការខិតខំធ្វើយ៉ាងណា ដើម្បីប្រជាជននៅតំបន់ជនបទពី ២៥,៣០% និងប្រជាជននៅលើភូមិ សាស្រ្តខេត្ត ដែលមានសេដ្ឋកិច្ចសង្គមលំបាក ពី ២០,២៥% បានប្រសព្វក្តាប់ព័ត៌មាន ដើម្បីរៀនសូត្រចំណេះដឹងនិងទទួលសេវាពាក់ព័ន្ធដល់បណ្តាបណ្ណាល័យសហគមន៍មជ្ឈមណ្ឌលសិក្សាសហគមន៍មណ្ឌលប្រៃសណីយ៍ វប្បធម៌ ឃុំ ស្ថាប័នបោះពុម្ពនិងផ្សព្វផ្សាយ។ល។ បណ្ណាល័យត្រាវិញបានខិតខំអនុវត្តល្អរួចនាំមកនូវប្រសិទ្ធភាពជាក់ស្តែង។ 
    បានដឹងថា ប្រព័ន្ធបណ្ណាល័យសហគមន៍ត្រាវិញ បច្ចុប្បន្នមានបណ្ណាល័យថ្នាក់ខេត្ត ០១ កន្លែង បណ្ណាល័យថ្នាក់ស្រុក ០៧ កន្លែង បណ្ណាល័យ និងបន្ទប់សម្រាប់អានសៀវភៅថ្នាក់ឃុំ ៦២ កន្លែង បន្ទប់អានសៀវភៅនៅបណ្តាមូលដ្ឋានសាសនា ៥៧ បន្ទប់បន្ទប់អានសៀវភៅប៉ុស្តិ៍ការពារព្រំដែន ០៥ បន្ទប់ បន្ទប់អានសៀវភៅនៅមណ្ឌលឃុំឃាំងបេនយ៉ា ០២ បន្ទប់ បន្ទប់អានសៀវភៅនៅបណ្តា អនុសង្កាត់ ០៣   បន្ទប់ បន្ទប់អានសៀវភៅនៅ បណ្តាប្រៃសណីយ៍វប្បធម៌ឃុំ ២៧ បន្ទប់។ ផ្តើម ពីនោះ បានបង្កលក្ខណៈឲ្យប្រជាជនតំបន់ជនបទបានអានសៀវភៅដើម្បីរៀនសូត្រចំណេះដឹងនិងក្តាប់ព័ត៌មានផ្សេងៗយ៉ាងមាន ប្រយោជន៍។ 
     អនុវត្តទិសដៅដូចពោលខាងលើឆ្នាំ ២០២០ បណ្ណាល័យត្រាវិញ បានចែកចាយសៀវភៅដល់មណ្ឌលអានសៀវភៅចំនួន ២៣៩ មណ្ឌលរបស់ ០៩ ស្រុក ទីផ្សាររួមខេត្ត ក្រុង បន្ទប់អានសៀវភៅនៅមូលដ្ឋាន ប៉ុស្តិ៍ការពារព្រំដែន និងប្រៃសណីយ៍វប្បធម៌ឃុំ សរុបសៀវភៅគ្រប់ប្រភេទចំនួន ៧១.៧០០ ក្បាល។ 
     ឆ្លងតាមរយៈការស្ថិតិចំនួនអ្នកអានកើនឡើងជារៀងរាល់ឆ្នាំ។ ដោយឡែកតួលេខស្ថិតិក្នុងដំណាក់កាល ២០១៨-២០២០ មានអ្នកអានជាង ១៤៧.៥០០ លើកនាក់ ចំនួនសៀវភៅដែលបានចែកចាយជាង ៤៩៤.៩០០ ក្បាល។ ក្នុងនោះ បណ្ណាល័យបណ្តាស្រុកបានដំណើរការចែកចាយសៀវភៅដល់មណ្ឌលអានសៀវភៅនៅបណ្តាឃុំ ភូមិ អនុសង្កាត់វប្បធម៌ក្នុងទូទាំងខេត្តចំនួន ៦៥ មណ្ឌល៕                 ប្រែសម្រួល៖  សុជា