បណ្ដាសមូហភាពអនុវត្តល្អសេចក្ដីសម្រេចចិត្តសន្និបាតលើកទី ៤ (នីតិកាលទី ១២) របស់បក្ស

បក្ខភាគឃុំឌឹកម៉ី មាន ១៦ សាខាបក្សស្ថិតក្រោមឱវាទ ក្នុងនោះមាន ០៩ សាខាបក្សភូមិ ០៤ សាខាបក្សសាលារៀន ០៣ សាខាបក្សផ្នែក មានបក្ខជនរួម ៣១២ រូប។ ដើម្បីផ្សព្វផ្សាយអនុវត្តសេចក្ដីសម្រេចចិត្តសន្និបាត​មជ្ឈិម​បក្សលើកទី ៤ (នីតិកាលទី ១២) អចិន្រ្តៃយ៍នៃគណៈកម្មាធិការបក្សឃុំឌឹកម៉ីចង្អុលការឲ្យគណៈឃោសនាអប់រំនៃ​គណៈកម្មា​ធិការបក្សឃុំសហការជាមួយបណ្ដាសាខាបក្សស្ថិតក្រោមឱវាទគណៈកម្មាធិការបក្សឃុំ និងផែនប្រជាចលនាធ្វើសេនាធិការផ្ទាល់ឲ្យគណៈអចិន្រ្តៃយ៍នៃគណៈម្មាធិការបក្សឃុំកសាងផែនការរួចផ្សព្វផ្សាយជាក់ស្ដែងដល់មុខសញ្ញានីមួយៗឲ្យរៀនសូត្រ។ គណៈអចិន្រ្តៃយ៍នៃគណៈកម្មាធិការបក្សឃុំចាត់ឲ្យសមាជិកគណៈប្រតិបត្តិការបក្ខភាគទទួលបន្ទុកផ្ទាល់ ក្នុងការចាត់តាំងចង្អុលការផ្សព្វផ្សាយអនុវត្ត​សេចក្ដីសម្រេចចិត្តសន្និបាតមជ្ឈិមបក្សលើកទី ៤ (នីតិកាលទី ១២) នៅបណ្ដាសាខាបក្សស្ថិតក្រោមឱវាទគណៈកម្មាធិការបក្សឃុំ និងបណ្ដាអង្គការមហាជន។

តំបន់ផលិតឥដ្ឋដុត។

លោកដ្វងវ៉ាំងចៀង លេខាបក្សឃុំឌឹកម៉ីឲ្យដឹង៖ ក្រោយពេលបានផ្សព្វផ្សាយជ្រួតជ្រាបសេចក្ដីសម្រេចចិត្តសន្និបាតមជ្ឈិមបក្សលើក ទី ៤ (នីតិកាលទី ១២) កម្មាភិបាល បក្ខជន សមាជិកសមាគមបណ្ដាអង្គការមហាជន និងប្រជាជនក្នុងឃុំតែងសកម្មជ្រោមជ្រែង បង្កបានជាភាពព្រមព្រៀងក្នុងសង្គម។ បក្ខជនម្នាក់ៗនៅក្នុងបក្ខភាគតែងជ្រោងខ្ពស់ស្មារតីទទួលបន្ទុកចាត់តាំងអនុវត្តល្អបណ្ដាសេចក្ដីកំណត់របស់បក្ស ធ្វើល្អការងារចាត់តាំង បក្ខជន និងប្រជាជនជានិច្ច។

ទន្ទឹមនឹងនោះ ចំពោះបក្ខជន តែងបំពាក់បំប៉ន លត់ដំសតិអារម្មណ៍នយោបាយ មារយាទសីលធម៌ របៀបរស់នៅ សាមគ្គីផ្ទៃក្នុង និងឯកភាពទស្សនៈចង្អុលការរបស់បក្ស មិនទុកឲ្យថមថយសតិអារម្មណ៍នយោបាយ សីលធម៌រស់នៅ មិនទុកឲ្យមានអាការៈ “ប្រែប្រួលដោយខ្លួនឯង” “ក្លែងភាពដោយខ្លួនឯង” ក្នុងផ្ទៃក្នុងឡើយ។ ឆ្លងតាមរយៈការត្រួតពិនិត្យគុណសម្បត្តិ និងគុណវិបត្តិតាមសេចក្ដីសម្រេចចិត្តសន្និបាតមជ្ឈិមបក្សលើកទី ៤ (នីតិកាលទី ១២) ភ្ជាប់ជាមួយការពិនិត្យគុណសម្បត្តិ គុណវិបត្តិចុង ឆ្នាំ ២០២០ និង ០៦ ខែដើមឆ្នាំ ២០២១ គណៈ អចិន្រ្តៃយ៍បក្សឃុំឌឹកម៉ីបានផ្ដុំកម្លាំងចង្អុលការបណ្ដាសាខាបក្សចាត់តាំងទិតៀន និងស្វ័យទិតៀន ហ៊ានលាតត្រដាងបណ្ដាអាការៈថមថយសតិអារម្មណ៍នយោបាយ សីលធម៌រស់នៅ “ប្រែប្រួលដោយខ្លួនឯង” “ក្លែងភាពដោយខ្លួនឯង” ក្នុងផ្ទៃក្នុង។ យោងលើមូលដ្ឋាននោះ ដាក់ចេញបណ្ដាវិធានការជម្នះ កែកុនជាក់ស្ដែងនូវអាការៈនីមួយៗនៅរាល់សាខាបក្ស និងបក្ខជនម្នាក់ៗ។ ផ្ដើមពីនោះ បង្កបានភាពវិវឌ្ឍយ៉ាងសកម្មក្នុងការយល់ដឹងក៏ដូចជាទង្វើរបស់កងជួរកម្មាភិបាលដឹកនាំ គ្រប់គ្រង បក្ខជន បុគ្គលិក និយោជិត។ល។ បង្ហាញឲ្យឃើញនូវការប្ដេជ្ញាខ្ពស់ក្នុងការជម្នះ កែកុនចំណុចខ្សោយ កង្វះខាតរបស់សមូហភាព និងបុគ្គលក្នុងសាខាបក្ស។ លទ្ធផលចុងឆ្នាំ ២០២០ ចំពោះសមូហភាពគ្មានការថមថយ។ ចំពោះបុគ្គល មានបក្ខជន ០២ រូបមានអាការៈថមថយលេខ ១៥ និងលេខ ៤១។ ក្នុងរយៈពេល ០៦ ខែដើមឆ្នាំ ២០២១ ទាំងសមូហភាព និងបុគ្គលគ្មានអាការៈថមថយ។

លោកដ្វងវ៉ាំងចៀងឲ្យដឹងបន្ថែមទៀតថា នៅពេលខាងមុខ គណៈអចិន្រ្តៃយ៍បក្សឃុំឌឹកម៉ីបន្តជំរុញមាំការអនុវត្តសេចក្ដីសម្រេចចិត្តសន្និបាតមជ្ឈិមបក្សលើកទី ៤ (នីតិកាលទី ១២) ភ្ជាប់ជាមួយសារាចរលេខ ០៥-CT/TW ចុះថ្ងៃទី ១៥ ខែឧសភា ឆ្នាំ ២០១៦ របស់ការិយាល័យនយោបាយ “ស្ដីពីជំរុញមាំការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ” និងបណ្ដាទង្វើដែលបក្ខជនមិនគប្បីធ្វើ។ បន្តអនុវត្តល្អជាងទៀតការងារអប់រំនយោបាយ សតិអារម្មណ៍ រក្សាការពិន័យក្នុងការនិយាយស្ដី បង្កឯកភាពខ្ពស់ក្នុងបក្ស។ សមាជិកគណៈប្រតិបត្តិការបក្ស បក្ខជនកសាងផែនការ វិធានការជម្នះ កែកុនចំណុចខ្សោយ គុណវិបត្តិដែលបានសន្និដ្ឋានក្នុងពេលទិតៀន និងស្វ័យទិតៀន។ ទន្ទឹមនឹងនោះ គណៈកម្មាធិការបក្សឃុំកសាងផែនការត្រួតពិនិត្យស្ថានភាពជម្នះ កែកុនក្រោយពេលបានធ្វើការពិនិត្យគុណសម្បត្តិ គុណវិបត្តិតាមសេចក្ដីសម្រេចចិត្តសន្និបាតមជ្ឈិមបក្សលើកទី ៤ (នីតិកាលទី ១២) ចំពោះបណ្ដាសាខាបក្សស្ថិតក្រោមឱវាទ និងបក្ខជន។

បក្ខភាគសាលាវិទ្យាល័យង្វៀងវ៉ាំងហាយ (ឃុំបិញភូ) មាន ០៤ សាខាបក្សស្ថិតក្រោមឱវាទ មានបក្ខជន ៤៤ រូប។ ក្នុងពេលកន្លង បក្ខភាគសាលាបានផ្សព្វផ្សាយអនុវត្តសេចក្ដីសម្រេចចិត្តសន្និបាតមជ្ឈិមបក្សលើកទី ៤(នីតិកាលទី ១២) ភ្ជាប់ជាមួយសារាចរលេខ ០៥ របស់ការិយាល័យនយោបាយ បណ្ដាសេចក្ដីកំណត់របស់បក្សស្ដីពីការធ្វើជាគំរូដ៏ត្រឹមត្រូវ មានប្រសិទ្ធភាព។

យោងលើមូលដ្ឋានសេចក្ដីសម្រេចចិត្តសន្និបាតមជ្ឈិមបក្សលើកទី ៤ (នីតិកាលទី ១២) បណ្ដាផែនការរបស់គណៈកម្មាធិការបក្សស្រុក កាងឡុង គណៈប្រតិបត្តិការបក្ខភាគសាលាវិទ្យាល័យង្វៀងវ៉ាំងហាយកសាងផែនការចាត់តាំងផ្សព្វផ្សាយជ្រួតជ្រាបក្នុងទូទាំងអង្គភាព ទន្ទឹមនឹងនោះចាត់តាំងឲ្យទូទាំងសមូហភាពកម្មាភិបាល បក្ខជន និងបុគ្គលិកលាតត្រដាង តាមកំណត់។​ បន្ទាប់ពីបានលាតត្រដាង គណៈកម្មាធិការបក្ស គណៈចាងហ្វាងសាលា បណ្ដាសាខាបក្សស្ថិតក្រោមឱវាទ និងទូទាំងកម្មាភិបាល បក្ខជន និយោជិតដាក់ចេញផែនការជម្នះបណ្ដាអាការៈ ដែលបានលាតត្រដាងចេញ។ ទន្ទឹមជាមួយនោះ ណែនាំបក្ខជនសរសេរបទចុះកិច្ចសន្យាស្ដីពីការរក្សាមារយាទ សីលធម៌ របៀបរស់នៅ គ្មានអាការៈថមថយ “ប្រែប្រួលដោយខ្លួនឯង” “ក្លែងភាពដោយខ្លួនឯង”។ រៀងរាល់ខែ ក្នុងបណ្ដាអង្គប្រជុំសាខាបក្ស លេខាសាខាបក្សតែងលាតត្រដាងអំពីស្ថានភាពប្រែប្រួលសតិអារម្មណ៍របស់បក្ខជន ក្នុងសាខាបក្សដើម្បីមានវិធានការក្រើនរំលឹកទាន់ពេល។ គិតមកដល់ពេលនេះ កម្មាភិបាល បក្ខជន និយោជិតទាំងអស់ក្នុងអង្គភាពបានជម្នះរួចរាល់បណ្ដាអាការៈថមថយ។

នៅពេលខាងមុខ គណៈប្រតិបត្តិការបក្ខភាគសាលាវិទ្យាល័យង្វៀងវ៉ាំងហាយបន្តបង្កើនការបំពាក់បំប៉ន លើកកម្ពស់ការយល់ដឹង និងការប្ដេជ្ញានយោបាយរបស់សមាជិកគណៈប្រតិបត្តិការបក្សគ្រប់ថ្នាក់អំពីការងារកសាង រៀបចំបក្ស។ បង្កើនការសាមគ្គី ឯកភាពក្នុងបក្ស ផ្ដុំកម្លាំងបង្កើនលទ្ធភាពដឹកនាំ កម្លាំងប្រយុទ្ធរបស់អង្គការចាត់តាំងមូលដ្ឋានបក្ស និងគុណភាពរបស់កម្មាភិបាល បក្ខជន រួមចំណែកពង្រឹងក្ដីជំនឿរបស់កម្មាភិបាល បក្ខជនចំពោះបក្ស៕

ប្រែសម្រួល៖ ថាច់ហ្វាង