បង្កើនធ្លុងសាមគ្គីក្នុងសហគមន៍អាសយជន

អាចអះអាងបានថា ការសម្រុះសម្រួលនៅមូលដ្ឋានមានសារៈសំខាន់ក្នុងជីវភាពសង្គម ជារបៀបដោះស្រាយបណ្តាវ័ណ្ឌទំនាស់មានប្រសិទ្ធភាព។ ការសម្រុះសម្រួលសម្រេចជោគជ័យរឿងក្តីនីមួយៗ ជួយស្តារឡើងវិញនូវមនោសញ្ចេតនាភូមិផងរបងជាមួយគ្នា ពង្រីកស្មារតីសាមគ្គីក្នុងសហគមន៍ក្នុងប្រជាជន។ ការសម្រុះសម្រួលនៅមូលដ្ឋានជាលក្ខណៈចាំបាច់សម្រាប់ការចាត់តាំងសង្គមមួយសាមគ្គី ស្រុះស្រួលគ្នា ដើម្បីប្រជាជនមានក្តីជំនឿនូវការដឹកនាំរបស់បក្ស ការគ្រប់គ្រងរបស់រដ្ឋ បង្កលក្ខណៈដើម្បីស្ថិរភាពនយោបាយ ជំរុញសេដ្ឋកិច្ច‑សង្គមរីកចម្រើន។

ដើម្បីបន្តបង្កើនការទំនាក់ទំនងភាពសាមគ្គី ក្នុងសហគមន៍ ពង្រឹងក្ដីជំនឿរបស់ប្រជាជនចំពោះការដឹកនាំរបស់បក្ស និងកម្លាំងធ្លុងសាមគ្គីក្នុងទូទាំងប្រជាជន ក្នុងសារាចរលេខ ១២ គណៈអចិន្ត្រៃយ៍នៃគណៈកម្មាធិការបក្សខេត្ត បានសំណូមពរគណៈកម្មាធិការបក្សបណ្ដាស្រុក ទីផ្សាររួមខេត្ត ទីក្រុង ចូលរួមធ្វើជាអធិបតីសហការជាមួយគណៈកម្មាធិការរណសិរ្សមាតុភូមិរួមថ្នាក់ ណែនាំចាត់តាំងអនុវត្តបណ្តាឯកសារច្បាប់ស្ដីពីការសម្រុះសម្រួលនៅមូលដ្ឋាន ក្នុងក្របខ័ណ្ឌមូលដ្ឋាន ចង្អុលការគួបផ្សំ អនុវត្តច្បាប់ស្ដីពីការសម្រុះសម្រួលនៅមូលដ្ឋានទៅក្នុងការកសាង និងអនុវត្តបែបបទរបស់ភូមិ អនុសង្កាត់ តំបន់អាសយជន។ ខិតខំអនុវត្តសម្រេចអត្រាសម្រុះសម្រួលសម្រេចជោគជ័យបណ្តាបញ្ហាទំនាស់វិវាទក្នុងប្រជាជនពី ៧០% ឡើងទៅ។

ក្នុងរយៈកាល ០៥ ឆ្នាំដែលបានអនុវត្តសារាចរលេខ ១២ បញ្ជាក់ឲ្យឃើញថា ការគ្រប់គ្រងតាមដាន ពិនិត្យអង្កេតសកម្មភាព គុណភាព សម្រុះស្រួលនៅមូលដ្ឋានពីមួយថ្ងៃទៅមួយថ្ងៃកាន់តែទទួលបានប្រសិទ្ធភាព។ ឆ្លងតាមសកម្មភាពសម្រុះសម្រួល មានករណីទំនាស់ វិវាទកើតឡើងក្នុងប្រជាជនជាច្រើនលើកនៅបណ្តាមូលដ្ឋានក្នុងខេត្តបានដោះស្រាយទាន់ពេល រក្សាបានមនោសញ្ចេតនាភូមិផងរបងជាមួយ សាមគ្គី ស្និទ្ធស្នាល ពង្រីកអត្តសញ្ញាណវប្បធម៌ ប្រវេណីល្អប្រពៃរបស់ជនជាតិ បង្ការ និងកាត់បន្ថយការបំពានច្បាប់ រក្សាសន្តិសុខនយោបាយសង្គមនៅមូលដ្ឋាន។ ក្នុងរយៈកាល ០៥ ឆ្នាំ ទូទាំងខេត្តទទួលបាន ៩.២១៤ ករណីរឿងរ៉ាវសំណូមពរឲ្យសម្រុះសម្រួលលទ្ធផលសម្រុះសម្រួលសម្រេច ៦.៥៨៣ ករណី សម្រេចអត្រា ៧៣,៤១% (សម្រេចលើស ៣,៤១% បើប្រៀបជាមួយកម្រិតផែនការ​ តាមសារាចរលេខ ១២)។ ក្នុងដំណាក់កាលសម្រុះសម្រួលនៅមូលដ្ឋាន​ បង្កើតបានទម្រង់ “ប៉ិនប្រសប់ការងារប្រជាចលនា​” មានរបៀបធ្វើពូកែ ទទួលបានប្រសិទ្ធភាព បង្កបានការវិវឌ្ឍយ៉ាងសកម្មក្នុងកិច្ចការផ្សព្វផ្សាយ អប់រំច្បាប់ ការងារ សម្រុះសម្រួល។ល។ ដូចជាទម្រង់ “ ផ្លាស់ប្តូរការងារផ្សព្វផ្សាយច្បាប់ដល់ប្រជាជនតាមរយៈ ការងារកាត់ក្តី និងបណ្តាសវនាការជាសាធារណៈជំនុំជម្រះព្រហ្មទណ្ឌរដ្ឋប្បវេណី” របស់សមូហភាព សភាត្រួតពិនិត្យប្រជាជនស្រុកកូវកែ ទម្រង់ “ គ្មាន ៣ យ៉ាង មាន ៣ យ៉ាង​ ប្តេជ្ញាចិត្ត ៣ យ៉ាង” របស់ទីប្រជុំជនកូវកែ ស្រុកកូវកែ។ល។

បច្ចុប្បន្ននៅស្រុកកាងឡុងមានក្រុមសម្រុះសម្រួល ១២១ ក្រុម មានអ្នកសម្រុះសម្រួល ៩០៦​ នាក់។ ដោយយល់ច្បាស់ពីអត្ថន័យ សារៈសំខាន់របស់ការងារសម្រុះសម្រួលនៅមូលដ្ឋាន ការិយាល័យយុត្តិធម៌ស្រុក បានធ្វើសេនាធិការឲ្យគណៈកម្មាធិការប្រជាជនស្រុកចង្អុលការបង្កើនការអនុវត្តល្អកិច្ចការនេះ។ ​ឆ្នាំ​​ ២០២០ ទូទាំងស្រុកទទួល ៣៨៧ ករណីរួចចាត់តាំង សម្រុះសម្រួល ៣៨៣ ករណី ​សម្រេចអត្រា ៩៨,៩៦%។​ លទ្ធផលសម្រុះសម្រួលទទួលជោគជ័យ ៣០៧ ករណី សម្រេច ៨០,១៥%។

ដើម្បីបន្តអនុវត្តល្អការងារសម្រុះសម្រួលនៅមូលដ្ឋាន គណៈអចិន្ត្រៃយ៍នៃគណៈកម្មាធិការបក្សខេត្ត បានដាក់ចេញភារកិច្ចស្នូល ០៦ យ៉ាង។ ក្នុងនោះបន្តការផ្សព្វផ្សាយ ជ្រួតជ្រាបសារាចរលេខ ១២ ភ្ជាប់ជាមួយច្បាប់សម្រុះសម្រួលនៅមូលដ្ឋាន និងបណ្តាសារលិខិតណែនាំអនុវត្តបណ្តាសារលិខិតលម្អិតរបស់គណៈកម្មាធិការប្រជាជនខេត្ត៖ សេចក្តីសម្រេចចិត្តលេខ ៧៤៨/QĐ-UBND ចុះថ្ងៃ ១២ ឧសភា ឆ្នាំ ២០១៧ ស្តីពីការចេញផ្សាយបែបបទសហការក្នុងការងារគ្រប់គ្រងរដ្ឋ ស្តីពីការសម្រុះសម្រួលនៅមូលដ្ឋាន នៅលើភូមិសាស្ត្រខេត្ត សេចក្តីសម្រេចចិត្តលេខ ១៥០២/QĐ-UBND ចុះថ្ងៃទី ០៨ សីហា ឆ្នាំ ២០១៩ ស្ដីពីការផ្សាយផែនការអនុវត្តគម្រោងផែនការ “បង្កើនគុណភាពកងជួរសម្រុះសម្រួលនៅមូលដ្ឋាន ដំណាក់កាល ២០១៨‑២០២០” នៅលើភូមិសាស្ត្រខេត្ត។ល។ បន្តអនុវត្តសកម្មភាពសម្រុះសម្រួលនៅមូលដ្ឋាន និងភ្ជាប់ជាមួយការកសាងអនុវត្តសេចក្ដីកំណត់របស់តំបន់អាសយជន ភ្ជាប់ការអនុវត្តការងារសម្រុះសម្រួលជាមួយការងារបំផុសចលនា “ទូទាំងប្រជាជនសាមគ្គីកសាងជនបទថ្មី ទីក្នុងអារ្យធម៌” ចលនាប្រឡងប្រណាំង “ប៉ិនប្រសប់ការងារប្រជាចលនា” បំផុសចលនាអ្នកមានសត្ថភាព​ មានការយល់ដឹងអំពីច្បាប់ចូលរួមធ្វើជាអ្នកសម្រុះសម្រួល ដោះស្រាយបណ្តាបញ្ហាវ័ណ្ឌទំនាស់ វិវាទ បំពានច្បាប់ នៅតំបន់អាសយជន តាមវិធីសាស្ត្រសម្រុះសម្រួល។ កសាងកងជួរសម្រុះសម្រួលមានសមត្ថភាព មុខជំនាញសម្រុះសម្រួល ឆ្លើយតបតម្រូវការរបស់ការងារសម្រុះសម្រួលនៅមូលដ្ឋានក្នុងដំណាក់កាលថ្មី ពង្រីកតួនាទីអ្នកមានប្រជាប្រិយភាពក្នុងសហគមន៍ បណ្តាអ្នកមុខអ្នកការសាសនា ដើម្បីអនុវត្តល្អការងារសម្រុះសម្រួលនៅមូលដ្ឋាន។

លោកប្រធានហូជីមិញមានដំបូន្មានថា៖ “ចិត្តស្នេហាជាតិ និងការសាមគ្គីរបស់ប្រជាជន ជាកងកម្លាំងមួយធំអស្ចារ្យ គ្មាននរណាម្នាក់អាចយកឈ្នះបានឡើយ” ។ អ៊ំបានសង្កត់ធ្ងន់ជាច្រើនដងថា “សាមគ្គីជាកងកម្លាំងមួយដ៏អស្ចារ្យរបស់យើង ដើម្បីជម្នះការលំបាក និងទទួលបានជោគជ័យ” “ សាមគ្គីជាកម្លាំងដ៏ខ្លាំងក្លា ជាគន្លឹះនៃការជោគជ័យ”។ អនុវត្តល្អការងារសម្រុះសម្រួលនៅមូលដ្ឋាន បានរឹតចំណងសាមគ្គីក្នុងសហគមន៍ប្រជាជន ហើយពិតប្រាកដថានឹងបង្កើនជាកម្លាំងមួយមាំ ដើម្បីជម្នះការលំបាក ទទួលបានជោគជ័យដូចដំបូន្មានរបស់អ៊ំហូ៕                   

ប្រែសម្រួល៖​ សុខា