បក្ខភាគនិងប្រជាជនខេត្តត្រាវិញ

*ឧបត្ថម្ភអង្ករ  ៣០ តោន និងប្រាក់ ៦០០ លានដុងដល់ទីក្រុងហូជីមិញ

គណៈកម្មាធិការបក្សខេត្ត គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តត្រាវិញទើបមានលិខិតផ្ញើទៅសួរសុខទុក្ខដល់គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងហូជីមិញអាស្រ័យដោយស្ថានភាពអាសន្នរោគជំងឺកូវីដ-១៩។

លិខិតបានចែងច្បាស់ បក្ខភាគ រដ្ឋអំណាចនិងប្រជាជនខេត្តត្រាវិញតែងយកចិត្តទុកដាក់ តាមដានម៉ត់ចត់ស្ថានភាពអាសន្នរោគនិងរួមគ្នាជម្នះការលំបាកដែលទីក្រុងហូជីមិញកំពុងប្រឈមមុខ បំផុតក្នុងពេលអនុវត្តការគម្លាតសង្គមតាមសារាចរលេខ ១៦/CT-TTg របស់នាយករដ្ឋមន្រ្ដីនៃរដ្ឋាភិបាល។ ទន្ទឹមនឹងនោះវាយតម្លៃខ្ពស់ចំពោះបណ្ដាវិធានការដែលបក្ខភាគ និងប្រជាជនទីក្រុងហូជីមិញបានអនុវត្តក្នុងការបង្ការទប់ស្កាត់អាសន្នរោគជំងឺកូវីដ-១៩ ក្នុងពេលកន្លងហើយជឿជាក់ថា ក្រោមកិច្ចចង្អុលការរបស់បក្ខភាគ ការបញ្ជាការប្ដូរផ្ដាច់របស់រដ្ឋអំណាច រួមជាមួយការឧបត្ថម្ភ សាមគ្គីទូទាំងប្រជាជន ទីក្រុងហូជីមិញនឹងឆាប់ត្រួតពិនិត្យ ទប់ស្កាត់ ឆ្លងផុតពីមហាអាសន្នរោគជំងឺកូវីដ-១៩។

បក្ខភាគនិងប្រជាជនខេត្តត្រាវិញក៏ផ្ញើជូនអង្ករ ៣០ តោន និងប្រាក់ ៦០០ លានដុង(សរុបតម្លៃប្រមាណ ០១ ពាន់លានដុង)ដល់បក្ខភាគនិងប្រជាជនទីក្រុងហូជីមិញ ដើម្បីចែករំលែកទុក្ខលំបាកជាមួយទីក្រុងហូជីមិញក្នុងការងារបង្ការ ទប់ស្កាត់ជំងឺកូវីដ-១៩៕ 

*ជូនអំណោយដល់ប្រជាជននៅតំបន់ជម្លៀស ហ៊ុមព័ទ្ធ

កាលពីថ្ងៃទី ១៣ កក្កដា សមាគមសហព័ន្ធនារីខេត្តសហការជាមួយសមាគមកាកបាទក្រហមខេត្តចាត់តាំងទៅសួរសុខទុក្ខ ជូនអំណោយ ១០០ ចំណែក(ក្នុងមួយចំណែកៗតម្លៃ ៣០០.០០០ ដុង)នៅកន្លែងត្រូវបិទខ្ទប់ ០៣ កន្លែងអាស្រ័យដោយជះឥទ្ធិពលរបស់អាសន្នរោគជំងឺកូវីដ-១៩ នៅឃុំហ៊ុងហ្វា(ស្រុកទីវកឹង) និងឃុំលឿងហ្វា (ស្រុកចូវថាញ់)។ ក្នុងនោះ ជូនអំណោយ ៦៧ ចំណែកដល់គ្រួសារប្រជាជននៅក្នុងតំបន់ដែលត្រូវបិទខ្ទប់រួមមាន៖ អង្ករនិងបណ្ដាសម្ភារប្រើប្រាស់ អំណោយនៅសល់ពីនោះជូនឲ្យកងកម្លាំងចូលរួមប្រចាំការនៅបណ្ដាកន្លែងបិទខ្ទប់។

បានដឹងថា នៅពេលខាងមុខ សមាគមនឹងបន្ដចលនាបណ្ដាប្រភពឧបត្ថម្ភដល់បណ្ដាតំបន់បិទខ្ទប់ផ្សេងៗទៀតលើភូមិសាស្រ្ដខេត្តឆ្លងតាមគណៈប្រជាចលនានៃគណៈកម្មាធិការបក្សខេត្ត។ ទន្ទឹមនឹងនោះ ឧបត្ថម្ភសមាជិកានារីលំបាកអាស្រ័យដោយជះឥទ្ធិពលជំងឺកូវីដ-១៩។

អនុវត្តកិច្ចចង្អុលការរបស់គណៈប្រចាំការនៃគណៈកម្មាធិការបក្សខេត្ត កាលពីថ្ងៃទី ១៥ កក្កដា  គណៈប្រជាចលនានៃគណៈកម្មាធិការបក្សខេត្តធ្វើជាអធិបតី សហការជាមួយគណៈកម្មាធិការរណសិរ្សមាតុភូមិវៀតណាមខេត្ត បណ្ដាសមាគម អង្គការមហាជនចាត់តាំងទៅសួរសុខទុក្ខ ជូនអំណោយដល់បណ្ដាតំបន់ជម្លៀសសុខាភិបាលលើភូមិសាស្រ្ដបណ្ដាស្រុក៖ កូវង៉ាង (០៦ កន្លែង) ចូវថាញ់ (០៣ កន្លែង) ទីវកឹង (០២ កន្លែង) កូវកែ (០១ កន្លែង)និងទីក្រុងត្រាវិញ (០១ កន្លែង)។ ក្រុមនៅទាំងជូនអំណោយ ២០៧ ចំណែកទៀត (ក្នុងមួយចំណែកតម្លៃ ៣០០.០០០ ដុង)ដល់គ្រួសារប្រជាជននៅក្នុងតំបន់បិទខ្ទប់​ ជម្លៀសសុខាភិបាល។ អំណោយមួយចំណែកៗរួមមាន៖ អង្ករ ម៉ី របាំងមុខ និងគ្រឿងឧបភោគ។ ក្រៅពីនោះ នៅតាមប៉ុសិ៍្ដត្រួតពិនិត្យនីមួយៗ ក្រុមបានជូនអង្ករ ១០០ គីឡូក្រាមនិងអំណោយ ០១ ចំណែក ឧបត្ថម្ភ​លើកទឹកចិត្តដល់កងកម្លាំងចូលរួមប្រចាំការនៅទីនេះ៕ 

ប្រែសម្រួល៖លឺវវូ