បក្ខភាគឃុំតឹងហ្វា៖ ពង្រីកទូលាយរបៀបធ្វើពូកែច្នៃប្រតិដ្ឋ

កសិករប្រមូលផលដំណាំ។ រូបថត៖ រតនា

បក្ខភាគឃុំតឹងហ្វា  មានសាខាបក្សស្ថិតក្រោមឱវាទ ១៥ សាខា រួមមាន ៨ សាខាបក្សភូមិ​ ០៣​ សាខាបក្សផ្នែក ០៤​ សាខាបក្សសាលារៀន។ ទូទាំងបក្ខភាគមានបក្ខជន ២៩៩ នាក់ ក្នុងនោះមានបក្ខជនខ្មែរ ៦៦ នាក់។ ដើម្បីអនុវត្តសារាចរលេខ ០៥ បក្ខភាគឃុំតឹងហ្វាបានចង្អុលការឲ្យគណៈឃោសនាអប់រំនៃគណៈកម្មាធិការបក្សតាមដានដាស់តឿន ត្រួតពិនិត្យការផ្សព្វផ្សាយ អនុវត្តបណ្តាផែនការជារៀងរាល់ឆ្នាំរបស់គណៈកម្មាធិការបក្សស្រុកទីវកឹង។ ទន្ទឹមនឹងនោះ ណែនាំកសាងផែនការធ្វើតាមរបស់សមូហភាព និងចុះកិច្ចសន្យារបស់បុគ្គល បក្ខជន ត្រូវតាមការណែនាំរបស់គណៈឃោសនាអប់រំ​នៃគណៈកម្មាធិការបក្សស្រុកទីវកឹង។ យោងតាមនោះ​ កម្មាភិបាល បក្ខជន បុគ្គលិក និយោជិតទាំងអស់ដែលកំពុងប្រជុំជីវភាព បំពេញការងារ តែងអនុវត្តកសាងកិច្ចសន្យាតាមកិច្ចចង្អុលការរបស់គណៈកម្មាធិការបក្សឃុំតឹងហ្វា។ គណៈឃោសនាអប់រំ​សហការជាមួយនឹងផែនឃោសនាអប់រំ ណែនាំបណ្តាអង្គការនយោបាយ​ សង្គមចាត់តាំងផ្សព្វផ្សាយ ណែនាំរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ​​​ដល់កម្មាភិបាល បក្ខជន សមាជិក យុវជន​ សមាជិកសមាគមនិងប្រជាជន។

គណៈអចិន្ត្រៃយ៍នៃគណៈកម្មាធិការបក្សឃុំតឹងហ្វា​កំណត់ការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ​ភ្ជាប់ជាមួយនឹងការដោះស្រាយបណ្តាបញ្ហាតក់ក្រហល់ ស្មុគស្មាញនៅលើភូមិសាស្រ្ដ ជម្នះស្ថានភាពសេដ្ឋកិច្ច សង្គមរីកចម្រើនយឺត​ និងមិនស្ថិរភាព។

អស់រយៈកាល ៤​ ឆ្នាំអនុវត្តសារាចរលេខ​ ០៥ ឃុំតឹងហ្វាលេចឡើងបណ្តាទម្រង់នាំមកលទ្ធផល​និងបានផ្សព្វផ្សាយពង្រីកទូលាយ។​ ជាក់ស្តែង ដូចជាសាខាបក្សភូមិតឹងថាញ់ដុង​មាន​​ ២ ទម្រង់៖ “បំផុសចលនាបណ្តាសប្បុរសជនឧបត្ថម្ភផ្ទះ គោ ដល់គ្រួសារក្រីក្រ គ្រួសារជិតក្រ” ។ ផ្តើមពីទម្រង់នោះ ជារៀងរាល់ឆ្នាំ លោកយ៉ីមតឹម បានឧបត្ថម្ភគោដល់បណ្តាគ្រួសារក្រីក្រប្រមាណ​ ៦០ លានដុង និងទម្រង់ “អ្នកតម្រូវការមកទទួលយក អ្នកមានមកជូន”  ក្រៅពីនោះបក្ខភាគឃុំតឹងហ្វានៅមានបណ្តាទម្រង់ដូចជាទម្រង់ “នារីសប្បុរិសធម៌” របស់សមាគមនារីឃុំតឹងហ្វា “ក្រុមហ៊ុនទុនឲ្យខ្ចីវិលជុំជួយគ្នាពង្រីកសេដ្ឋកិច្ចគ្រួសារ កសាងលំនៅឋានក្នុងសមាជិក”​ របស់សមាគមអតីតយុទ្ធជនឃុំតឹងហ្វាបំផុសចលនាប្រជាជនកសាងដងផ្លូវមានអំពូលភ្លើងបំភ្លឺ-ខៀវ-ជ្រះ-ស្អាត” របស់សាខាបក្សភូមិញើងហ្វា។

ទន្ទឹមនឹងនោះបណ្តាអង្គការមហាជនឃុំ​នៅទាំងបំផុសចលនាសមាជិកយុវជន សមាជិកសមាគម​ និងប្រជាជន​សកម្មចូលរួមអនុវត្តបណ្តាចលនា “ប៉ិនប្រសប់ការងារប្រជាចលនា” “កសិករផលិត ធ្វើអាជីវកម្មពូកែ”, “វ័យចាស់គំរូល្អ” ។ល។  ឆ្លងតាមបណ្តាទម្រង់ បណ្តាចលនា​បានរួមចំណែកអនុវត្តភារកិច្ចនយោបាយរបស់ស្ថាប័ន អង្គភាព បង្កើនគុណភាពធ្វើសកម្មភាព ទន្ទឹមនឹងនោះបង្កើនជីវភាព សម្ភារ​ ស្មារតីជូនប្រជាជន។ បច្ចុប្បន្ន បណ្តាទម្រង់ទាំងនេះ​កំពុងបានបក្ខភាគឃុំតឹងហ្វាចង្អុលការឲ្យបន្តរក្សាអនុវត្តពង្រឹង និងពង្រីក។

ក្នុងរយៈកាលខាងមុខនេះ  ឃុំតឹងហ្វាបន្តចង្អុលការអនុវត្តសារាចរណ៍លេខ ០៥ ​របស់ការិយាល័យនយោបាយតាមបណ្តាខ្លឹមសារ បណ្តាបធានបទប្រចាំឆ្នាំ។ បង្កើនសកម្មភាពក្តាប់ស្ថានការណ៍  អនុវត្តល្អការងារសតិអារម្មណ៍ នយោបាយ​ក្នុងកម្មាភិបាល បក្ខជន។ បង្កើនការទប់ស្កាត់រុញច្រានស្ថានភាពថមថយសតិអារម្មណ៍ សីលធម៌ របៀបរស់នៅ បណ្តាភាព “ប្រែប្រួលដោយខ្លួនឯង”  “ក្លែងភាពដោយខ្លួនឯង” ក្នុងកម្មាភិបាល បក្ខជន​តាមសេចក្តីសម្រេចចិត្តសន្និបាតមជ្ឈិមបក្សលើកទី ៤​ (និតីកាលទី ១២) រកឃើញ បំប៉ន់​និងពង្រីកទូលាយបណ្តាគំរូឆ្នើម របៀបធ្វើពូកែ មានការច្នៃប្រតិដ្ឋ​ក្នុងការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ​។

កំណត់បណ្តាខ្លឹមសារទម្លុះទម្លាយទៅមុខ ឃុំបង្កើនការដឹកនាំ ចង្អុលការផលិត ផ្លាស់ប្តូររចនាសម្ព័ន្ធផលិត សត្វចិញ្ចឹម​គិតគូរដល់ជីវភាពបណ្តាមុខសញ្ញានយោបាយ​សង្គម។ ផ្តើមពីនោះ បានរួមចំណែកធ្វើឲ្យសេដ្ឋកិច្ច សង្គមឃុំតឹងហ្វាមានការវិវឌ្ឍន៍ជាលំដាប់។ ជាក់ស្តែងសរុបតម្លៃផលិតរបស់ឃុំតឹងហ្វាសម្រេចជាង ៥៦៨,៣​ ពាន់លានដុង កើន ១១,៣%។ ក្នុងនោះកសិកម្ម ជលផលសម្រេច ២៦៣,៤ ពាន់លានដុង កើន ៤,៩%​ ឧស្សាហសិប្បកម្ម-សាងសង់សម្រេច ១៩៩,៤ ពាន់លានដុង​ កើន ១៥%, អាជីវកម្ម-សេវាកម្មសម្រេច ១០៥,៥ ពាន់លានដុង កើន ២៣% ប្រភពចំណូលជាមធ្យមរបស់មនុស្សម្នាក់ក្នុងឆ្នាំ​ ២០១៩​ សម្រេច ៥៥ លានដុង សម្រេច ១២០,៩%​ បើប្រៀបនឹងសេចក្តីសម្រេចចិត្ត។

ឃុំតឹងហ្វាមានគ្រួសារប្រជាជន ២.៩៤៨/៣.០៦៦ គ្រួបានទទួលស្គាល់កិត្តិនាមជាគ្រួសារវប្បធម៌ ជនបទថ្មី ស្រូបយកអត្រា ៩២,២% បើប្រៀបនឹងចំនួនគ្រួសាររួមរក្សា ៨/៨ ភូមិវប្បធម៌ និង ២១/២១ លក្ខឋានឃុំវប្បធម៌។

ឆ្លងតាមបណ្តាកម្មវិធីគម្រោងការ​​ បណ្តាគោលនយោបាយឧបត្ថម្ភរួមជាមួយការខិតខំឈានឡើងរបស់បណ្តាគ្រួសារក្រីក្រ គ្រួសារជិតក្រ ឆ្នាំ ២០១៩ ឃុំតឹងហ្វាកាត់បន្ថយគ្រួសារក្រីក្របាន​​ ២៩ គ្រួ នៅតែ ២៨ គ្រួ ស្រូបយកអត្រា ០,៩១% កាត់បន្ថយគ្រួសារជិតក្របាន​​ ១៩ គ្រួ នៅតែ ៨០ គ្រួ ស្រូបយកអត្រា ២,៦% ឧទេ្ទសនាមការងារធ្វើជូនពលករ ២៥៥ នាក់ ក្នុងនោះមានពលករ ៩​​ នាក់ទៅធ្វើការនៅក្រៅប្រទេស។              

ប្រែសម្រួល៖ សុខា