បក្ខភាគឃុំចូវដៀង៖ មានទម្រង់ថ្មីជាច្រើនដើម្បីជំរុញការពង្រីកសេដ្ឋកិច្ច-សង្គម

ទម្រង់ដាំដំណាំនៅឃុំចូវដៀង។  រូបថត៖ ថាច់ហ្វាង

         លោកឃឺវជីកឿង លេខាបក្សឃុំបានឲ្យដឹង៖ បច្ចុប្បន្ននេះ បក្ខភាគឃុំមានសាខាបក្សស្ថិតក្រោមឱវាទ ១៤ សាខា ដោយមានបក្ខជន ២៩០ រូប។ កំណត់ការរៀនសូត្រនិងធ្វើតាមដំបូន្មានអ៊ំហូពីបណ្ដាទង្វើជាក់ស្ដែង ពិតប្រាកដ ភ្ជាប់ជាមួយស្ថានភាពជាក់ស្ដែងរបស់មូលដ្ឋាន ឆ្នាំ ២០២០ បក្ខភាគឃុំបានកសាងផែនការលម្អិតរួចកំណត់បណ្ដាភារកិច្ចសំខាន់ៗចូលក្នុងខ្លឹមសារទម្លុះទក្លាយទៅមុខភ្ជាប់ជាមួយការពង្រីកសេដ្ឋកិច្ច-សង្គម ធានាកិច្ច ការពារជាតិសន្តិសុខ។ អាស្រ័យហេតុនោះ យោងលើមូលដ្ឋាននៃបណ្ដាទម្រង់មានប្រសិទ្ធភាព គណៈកម្មាធិការបក្សឃុំទើបបានផ្សព្វផ្សាយពង្រីកទូលាយបណ្ដើរ កសាងបណ្ដាទម្រង់ថ្មីបណ្ដើរ ជំហានដំបូងនាំមកនូវលទ្ធផលជូនដល់ប្រជាជន បង្កជាកម្លាំងជំរុញឲ្យវិស័យសេដ្ឋកិច្ច-សង្គមរបស់មូលដ្ឋានរីកចម្រើនជាបន្ត។ លេចធ្លោដូចជាសមាគមកសិករបង្កើតបានទម្រង់សាខាសមាគមរបរចិញ្ចឹមគោមេនៅភូមិត្រាបូង ទម្រង់យុវជនផ្ដើមអាជីព ពង្រីកសេដ្ឋកិច្ចគ្រួសារ ទម្រង់ដាំល្ពៅរបស់បក្ខជនថាច់ឧស្សាហ៍។ល។

          បងផាមវូត្រឿង លេខាសម្ព័ន្ធយុវជនឃុំបានឲ្យដឹង៖ ឆ្នាំ ២០២០ អនុវត្តសារាចរលេខ ០៥ ភ្ជាប់ជាមួយបណ្ដាចលនាយុវជនផ្ដើម អាជីពរបស់សម្ព័ន្ធយុវជន សម្ព័ន្ធយុវជនឃុំបានចលនាសមាជិកលើភូមិសាស្រ្ដឃុំចូលរួមបង្កើតទម្រង់យុវជនផ្ដើមអាជីព។ បច្ចុប្បន្ន ទម្រង់មានសមាជិក ២៥ នាក់ចូលរួមបណ្ដាទម្រង់ពង្រីកសេដ្ឋកិច្ច ជាពិសេសគឺជ្រើសបណ្ដាទម្រង់ដែលមានលទ្ធផលខ្ពស់អាចពង្រីកទូលាយបានក្នុងសមាជិកយុវជន ប្រជាជនទូទាំងឃុំ សរុបប្រាក់ទុន ៤៦២,៦ លានដុង។ ក្នុងនោះ មានសមាជិកយុវជន ០៧ នាក់បានសម្ព័ន្ធយុវជនខេត្តឧបត្ថម្ភទុនម្នាក់ៗ ៥០ លានដុង។ ក្រោយរយៈពេល ០៣ ឆ្នាំអនុវត្តទម្រង់ សមាជិកទាំងនោះនឹងសងដើមទុនវិញដើម្បីសម្ព័ន្ធយុវជនខេត្តបន្តឧបត្ថម្ភដល់សមាជិកផ្សេង។ បច្ចុប្បន្ន ទម្រង់ទាំងនោះកំពុងពង្រីកប្រសិទ្ធភាព ដូចជាម៉ាស៊ីនមូរចំបើងរបស់សមាជិកយុវជនស៊ើងហ្វាងស៊ើងនៅភូមិចូវហ៊ឹង ម៉ាស៊ីនកិនស្រូវរបស់យុវជនលីត្វឹងអាញ់ នៅភូមិត្រាបូង ទម្រង់ចិញ្ចឹមគោមេរបស់យុវជនផាមហ្វាងត្រៀង នៅភូមិអូរទទឹង (អា) ទម្រង់ចិញ្ចឹមកង្កែបរបស់យុវជន ថាច់ឧស្សាហ៍នៅភូមិអូរទទឹង (បេ) ទម្រង់ចិញ្ចឹមមាន់ចែរបស់យុវជនផាមមិញកួនៅភូមិព្រើម។ល។

          រួមដំណើរជាមួយកម្មាភិបាលឃុំ យើងខ្ញុំទៅកាន់ភូមិព្រើមជួបជាមួយយុវជនផាមមិញកួទស្សនាទម្រង់​ “ចិញ្ចឹមមាន់សាច់ដោយទ្រាប់កម្រាលជីវសាស្រ្ដ” ផ្ដល់លទ្ធផលសេដ្ឋកិច្ចខ្ពស់។ បងកួជាយុវជនមួយរូបក្នុងចំណោមយុវជន ០៧ រូបបានឧបត្ថម្ភទុនសម្រាប់ពង្រីកទម្រង់។ បានដឹងថា ឆ្នាំ ២០១៧ បងផាមមិញកួចាប់ផ្ដើមចិញ្ចឹមមាន់ចែ។ តាមសំដីរបស់បង មុននោះ បងក៏ធ្លាប់ចិញ្ចឹមមាន់ចិន មាន់ឈ្មោលសម្រាប់លក់ឲ្យឈ្មួញនៅផ្សារត្រាវិញដែរ ប៉ុន្តែចិញ្ចឹមតាមទម្លាប់បុរាណ ម៉្លោះហើយរបៀបបង្ការជំងឺនៅអន់ថយ មានឆ្នាំខ្លះចិញ្ចឹមខាតដើមទុនអាស្រ័យដោយមានកើតជំងឺ។ ឆ្នាំ ២០១៧ ដោយឃើញមាន់ចែនៅតាមទីផ្សារមិនសូវមាន ប៉ុន្តែប្រជាជនចូលចិត្តច្រើន ហើយមាន់មានកម្លាំងធន់នឹងជំងឺបានផងទៀតនោះ បងក៏ប្ដូរមកចិញ្ចឹមមាន់ចែដោយប្រើកម្រាលជីវសាស្រ្ដ។

          បងផាមមិញកួបានឲ្យដឹង៖ ជាមួយរបៀបចិញ្ចឹមដោយប្រើកម្រាលជីវសាស្រ្ដ ទ្រុងមាន់ខ្ញុំក្រាលផ្ទាំងប្រាក់ ហើយរោយអង្កាមពីលើដោយមានច្របល់ជាមួយតំបែរជីវសាស្រ្ដដើម្បីជួយឲ្យអាចម៍មាន់ឆាប់រលាយ កាត់បន្ថយចំហាយពុលនិងក្លិន។ ចិញ្ចឹមដោយរបៀបនេះ លើកដំបូងខ្ញុំចិញ្ចឹម ១.២០០ ក្បាល ក្រោយពេលចិញ្ចឹមបាន ៣ ខែកន្លះមាន់មួយក្បាលៗមានទម្ងន់ពី ០,៨-១,១ គីឡូក្រាម ហើយចាប់ផ្ដើមលក់។ ខណៈនោះ តម្លៃមាន់លក់បាន ៧៥.០០០ ដុងក្នុងមួយគីឡូក្រាម ចំណេញជាង ៣០ លានដុង។

          ដោយឃើញលទ្ធផលសេដ្ឋកិច្ចផ្ដល់ឲ្យពីការចិញ្ចឹមមាន់ចែលំនឹងបង្គួរ ម៉្លោះហើយបងបន្តអនុវត្តទម្រង់នេះ។ ដល់ឆ្នាំ ២០១៩ បងបានឧបត្ថម្ភទុន ៥០ លានដុងសម្រាប់ចិញ្ចឹមមាន់ជាង ៣.០០០ ក្បាល។ តាមបងកួ ក្នុងមួយឆ្នាំអាចចិញ្ចឹមបាន ០៣ លើក។ ក្រោយពេលលក់មាន់អស់ អ្នកចិញ្ចឹមត្រូវកម្ចាត់មេរោគអនាម័យទ្រុងប្រមាណ ០១ ខែក្រោយមកទើបចិញ្ចឹមបន្តទៀត។ ចំពោះអាចម៍មាន់ និងអង្កាម បងប្រមូលទុកសម្រាប់ធ្វើជីដាក់ដំណាំ។

          ហ្វូងមាន់របស់បងកំពុងប្រមូលផលលក់ជាមួយតម្លៃ  ៦០.០០០  ដុងក្នុងមួយគីឡូក្រាម។ ជាមួយនឹងតម្លៃនេះ មាន់ចែ ០១ ក្បាលមានតម្លៃពី ៦០-៧០ ពាន់ដុង អ្នកចិញ្ចឹមមិនសូវមានចំណេញប៉ុន្មាន ប៉ុន្តែអាចគ្រប់ចំណាយនិងរក្សាទម្រង់នេះ។ បានដឹងថា ក្រៅពីចិញ្ចឹមមាន់ជារៀងរាល់ថ្ងៃ បងនៅទាំងដាំដើមអង្គាសីលសម្រាប់លក់នៅរដូវបុណ្យតេតទៀតផង។ បច្ចុប្បន្ន ចម្ការអង្គាសីលរបស់បងមានជាង ២០ ដើម បងបានពត់ជារូបរាងនិងថែទាំដើម្បីឲ្យចេញផ្កាត្រង់រដូវបុណ្យតេត។ នេះក៏ជារបៀបធ្វើជាក់ស្ដែងមួយ រួមចំណែកបង្កើនប្រភពចំណូលលំនឹងសេដ្ឋកិច្ចសម្រាប់យុវជន។

          លោកឡេហ្វាងវិញ លេខាសាខាបក្សភូមិព្រើមបានឲ្យដឹង៖ បើប្រៀបនឹងបណ្ដាទម្រង់ចិញ្ចឹមសត្វដទៃ ទម្រង់ចិញ្ចឹមមាន់ចែរបស់យុវជនផាមមិញកួជាទម្រង់មួយក្នុងបណ្ដាទម្រង់នាំមកលទ្ធផលសេដ្ឋកិច្ចខ្ពស់បង្គួរនាពេលបច្ចុប្បន្ន។

           បងផាមវូត្រឿងបានឲ្យដឹងបន្ថែម៖ អស់រយៈពេល ០១ ឆ្នាំ អនុវត្តទម្រង់យុវជនផ្ដើមអាជីព (មានសមាជិក ២៥ នាក់) មិនត្រឹមតែជួយឲ្យសមាជិកយុវជនដែលជួបលំបាកអំពីប្រភពទុនសម្រាប់ផលិត បណ្ដាទម្រង់យុវជនជួយគ្នាពង្រីកសេដ្ឋកិច្ចនៅទាំងជាកន្លែងសម្រាប់សមាជិកចែករំលែកបទពិសោធន៍ពីគ្នា ស្វែងរកទិសដៅរកទទួលទាន មានប្រសិទ្ធភាព ជំរុញមាំចលនាពង្រីកសេដ្ឋកិច្ចនៅមូលដ្ឋានផង។ នៅពេលខាងមុខ សម្ព័ន្ធយុវជនឃុំនឹងពង្រីកទូលាយបណ្ដាទម្រង់ដែលមានប្រសិទ្ធភាពនិងបន្តចលនាសមាជិកយុវជនឲ្យសកម្មចូលរួមទម្រង់យុវជនផ្ដើមអាជីព។

          អាចនិយាយបានថា ការជោគជ័យរបស់ទម្រង់យុវជនផ្ដើមអាជីពមានការរាលដាល បង្កជាចលនាសម្រាប់យុវជនប្រឡងប្រណាំងធ្វើមាន ពង្រីកសេដ្ឋកិច្ចនៅមូលដ្ឋាន រួមចំណែកដោះស្រាយការងារធ្វើជូនពលករជនបទ កាត់បន្ថយបានស្ថានភាពយុវជនទៅស៊ីឈ្នួលឆ្ងាយនិងកាត់បន្ថយអត្រាគ្រួសារក្រីក្រទូទាំងឃុំនៅតែក្រោម ២,៧៩%  ប្រភពចំណូលជាមធ្យមរបស់មនុស្សម្នាក់ឆ្នាំ ២០២០ សម្រេច ៥៩,៣ លានដុង។ ឆ្លងតាមរយៈនោះ រួមចំណែកបង្កជាកម្លាំងជំរុញវិស័យសេដ្ឋកិច្ច-សង្គមរបស់មូលដ្ឋានឲ្យកាន់តែរីកចម្រើនជាង។ នេះជាមូលដ្ឋាន ជាបុព្វបទដើម្បីឃុំចូវដៀងកសាងឃុំជនបទថ្មីលើកកម្ពស់៕

ប្រែសម្រួល៖ ថាច់ហ្វាង