ធ្វើតាមគំរូអ៊ំ អស់ពីចិត្តដើម្បីសមាជិក និងប្រជាជន

     ក្រោយពីវិលមកពីការបំពេញកាតព្វកិច្ចយោធាមករស់នៅមូលដ្ឋានវិញ (១៩៧៩)  ។ ចាប់តាំងពីនោះ អតីតយុទ្ធជនថាច់អឿងមានបំណងរួមចំណែកក្នុងការកសាងមាតុភូមិឲ្យបានរីកចម្រើន និងសម្បូររុងរឿង ។ ដោយមានបំណងដូច្នោះ អតីតយុទ្ធជនថាច់អឿងតែងខិតខំបង្កបង្កើនផល កសាងជីវភាពគ្រួសារ រីកចម្រើនជាមុនសិន។ ឆ្នាំ ២០០៨ លោកមាបានបុលទុនដើម្បីចិញ្ចឹមមាន់លែងក្នុងចម្ការ រួចក៏សន្សំដើមទុនសន្សឹមៗទិញ គោមកចិញ្ចឹម ។ បន្ទាប់មក លោកមាសន្សំដើម​ទុន​ផ្ទេរកម្មសិទ្ធិដីស្រែ ដីចម្ការបាន​​ជាង ០,១ ហិកតាសម្រាប់ពង្រីកការផលិតកសិកម្ម ។ បច្ចុប្បន្ន ក្រោយពីទូទាត់ខ្ទង់ចំណាយរួច គ្រួសារលោកមាទទួលបានប្រាក់ចំណូលក្នុងមួយឆ្នាំជាង ១00 លានដុង ។

លោក ថាច់អឿង (ឆ្វេង) លើកទឹកចិត្ត និងចែករំលែកបទពិសោធន៍អំពីការផលិតជាមួយលោក ថាច់ង៉ុកឡាម (កណ្តាល)។

     លោកមាថាច់អឿងមានប្រសាសន៍ថា៖ ក្នុងនាមជាអតីតយុទ្ធជនដែលរៀនសូត្រ និងធ្វើតាមគំរូអ៊ំ ដំបូងខ្ញុំត្រូវមានមធ្យោបាយល្អបំផុតដើម្បីពង្រីកសេដ្ឋកិច្ចគ្រួសារឲ្យរួចផុតពីភាពក្រីក្រ ទើបចលនាសមាជិក និងប្រជាជនធ្វើតាម។ ខ្ញុំតែងព្យាយាមធ្វើការ បង្កបង្កើនផលមិនឈប់ឈរ ដើម្បីរកប្រាក់ចំណូលខ្ពស់ បានក្លាយជាអ្នកមាន។

     ទន្ទឹមនឹងពង្រីក​សេដ្ឋកិច្ចគ្រួសារ លោកមាថាច់អឿងនៅទាំង​ចូល​រួមបណ្តា ចលនា​ដែល ​មូលដ្ឋាន និង​អង្គការ​មហាជនបំផុសចលនា។ ជាពិសេសអនុវត្ត ល្អ តួនាទីជាប្រធានសាខាសមាគមអតីតយុទ្ធជនភូមិចុងផ្នោលេខ ១ ។ បច្ចុប្បន្ន សាខាសមាគមអតីតយុទ្ធជនភូមិចុងផ្នោលេខ ១ មានសមាជិក ៣៥ នាក់ (សមាជិកខ្មែរ ៣០ នាក់) ជាច្រើនឆ្នាំកន្លង អតីតយុទ្ធជនថាច់អឿងតែងណែនាំសមាជិក និងកសិករអំពីការបង្វែររចនាសម្ព័​ន្ធផលិត ប្តូរពូជសត្វចិញ្ចឹម បង្កលក្ខណៈជូនសមាជិក និងប្រជាជនឲ្យបុលទុនអាទិភាពសម្រាប់ពង្រីកការផលិត ដើម្បីរួចផុតពីភាពក្រីក្រ ក្នុងនោះមាន៖ សមាជិកថាច់រិន្ទ(បង្វែរពីចម្ការចម្រុះមកដាំស្វាយ) សមាជិក ឡឹមគាង(បុលទុនចិញ្ចឹមគោ) កសិករថាច់ង៉ុកថាញ់(បុលទុនសម្រាប់ធ្វើស្រែចម្ការ) ។ល។ ដើម្បីបង្កលក្ខណៈឲ្យសមាជិក និងប្រជាជនមានដើមទុនសម្រាប់ពង្រីកការផលិត តាំងពីដើមឆ្នាំ ២០២៣ មកទល់បច្ចុប្បន្ន អតីតយុទ្ធជនថាច់អឿង បង្កលក្ខណៈជូនសមាជិក ០៤ នាក់ និងប្រជាជន ០៣ នាក់បានបុលទុនអាទិភាពពីធនាគារគោលនយោបាយសង្គមបាន ជិត ២៥០ លានដុង។

     លោកថាច់ង៉ុកឡាម នៅភូមិចុងផ្នោលេខ ១ បានឲ្យដឹង៖ ខ្ញុំសូមអរគុណ លោកមាថាច់អឿងដែលបានស្នើគណៈកម្មាធិការបក្ស រដ្ឋអំណាចដោះស្រាយឲ្យខ្ញុំបានបុលទុនអាទិភាព ដើម្បីពង្រីកការផលិត និងចិញ្ចឹមសត្វ ទើបគ្រួសារខ្ញុំបានរួចផុតពីភាពក្រីក្រកាលពីឆ្នាំ ២០២២។ ឆ្នាំ ២០១៩ ពេលខ្ញុំមកពីធ្វើការស៊ីឈ្នួលយួរកំបោរក៏ជួបគ្រោះថ្នាក់ចរាចរណ៍។ ជីវភាពខ្ញុំមានការលំបាកស្រាប់​​ហើយ ពេលជួបគ្រោះថ្នាក់ដូច្នោះ កាន់តែដុនដាប់ជាងទៀត។ ប្រសិនបើគ្មានលោកមា​អឿង​ជួយបង្កលក្ខណៈឲ្យបុលទុន និង​ណែនាំ​ ខ្ញុំ​ពី​របៀប​ដាំ​ដំណាំ ​ចិញ្ចឹម​មាន់​លែងក្នុងចម្ការនោះទេ គ្រួសារខ្ញុំពិតជាមិនអាចរួចផុតពីភាពក្រីក្របានឡើយ​។

     លោក ត្រឹងវ៉ាំងហាយ ប្រធានសមាគមអតីតយុទ្ធជនឃុំហ្វាតឹងមានប្រសាសន៍ថា៖ សមមិត្តថាច់អឿងតែងអស់ពីចិត្តដើម្បីសមាជិក និងប្រជាជននៅមូលដ្ឋាន។ ថ្វីត្បិតតែមមាញឹកនឹងការងារពង្រីកសេដ្ឋកិច្ចគ្រួសារក៏ដោយ សមមិត្តនៅតែឆ្លៀតពេលរួមជាមួយ មូលដ្ឋាន និងសមាគមអតីតយុទ្ធជនឃុំអនុវត្តល្អការងារចលនាសមាជិក និងប្រជាជនក្នុងការពង្រីកសេដ្ឋកិច្ច។ ក្នុង​នាម​ជា​ប្រធាន​សាខាសមាគមអតីតយុទ្ធជន​ភូមិ ​សមមិត្តអឿងតែង​បំពេញសម្រេចភារកិច្ចដែល​បានប្រគល់ជូន។ សា​ខាសមាគមអតីតយុទ្ធជនភូមិចុងផ្នោរលេខ ១ បានសមាគមអតីតយុទ្ធជនស្រុកទទួលស្គាល់ជាសាខាសមាគមគំរូ។ ​សម្រេច​បាន​លទ្ធផល​នោះ មានការ​រួម​ចំណែក​យ៉ាង​សកម្ម​របស់​សមមិត្តថាច់អឿងក្នុង​នាមជាអ្នកដឹកនាំគ្រប់គ្រងការងារ។ សមមិត្តថាច់អឿង ស័ក្តិសមនឹងកិត្តិនាម “កងទ័ពអ៊ំហូ” នៅប្រជាជនស្រឡាញ់ ចេញទៅប្រជាជននឹក ។

     ទទួលស្គាល់ការរួមចំណែករបស់អតីតយុទ្ធជនថាច់អឿង គណៈកម្មាធិការប្រជាជនឃុំស្រុក និងខេត្ត ជូនលិខិត-ប័ណ្ណសរសើរសម្រេចភារកិច្ចឆ្នើមជារៀងរាល់ឆ្នាំ (ពីឆ្នាំ ២០០៩ ‑ ២០២២)។ នោះ​គឺជាថាមពលជំរុញឲ្យអតីតយុទ្ធជន ថាច់​អឿង បន្ត​ការពង្រីក​ប្រវេណី​ដ៏​ល្អ​របស់ “កងទ័ពអ៊ំហូ”​៕

អត្ថបទ‑រូបថត៖ សុជា